Sukra Ashtottara Sata Nama Stotram

shukra aShTottara shata nAma stotram

shloka 1

shukraH shuchiH shubhaguNaH shubhadaH shubhalakShaNaH |

shobhanAkShaH shubhrarUpaH shuddhasphaTikabhAsvaraH || 1 ||

dInArtihArako daityaguruH devAbhivanditaH |

kAvyAsaktaH kAmapAlaH kaviH kalyANadAyakaH || 2 ||

bhadramUrtirbhadraguNo bhArgavo bhaktapAlanaH |

bhogado bhuvanAdhyakSho bhuktimuktiphalapradaH || 3 ||

chArushIlashchArurUpashchAruchandranibhAnanaH |

nidhirnikhilashAstraj~no nItividyAdhurandharaH || 4 ||

sarvalakShaNasampannaH sarvAvaguNavarjitaH |

samAnAdhikanirmuktaH sakalAgamapAragaH || 5 ||

bhRRigurbhogakaro bhUmisurapAlanatatparaH |

manasvI mAnado mAnyo mAyAtIto mahAshayaH || 6 ||

baliprasanno.abhayado balI balaparAkramaH |

bhavapAshaparityAgo balibandhavimochakaH || 7 ||

ghanAshayo ghanAdhyakSho kambugrIvaH kalAdharaH |

kAruNyarasasampUrNaH kalyANaguNavardhanaH || 8 ||

shvetAmbaraH shvetavapushchaturbhujasamanvitaH |

akShamAlAdharo.achintyo akShINaguNabhAsuraH || 9 ||

nakShatragaNasa~nchAro nayado nItimArgadaH |

varShaprado hRRiShIkeshaH kleshanAshakaraH kaviH || 10 ||

chintitArthapradaH shAntamatiH chittasamAdhikRRit |

AdhivyAdhiharo bhUrivikramaH puNyadAyakaH || 11 ||

purANapuruShaH pUjyaH puruhUtAdisannutaH |

ajeyo vijitArAtirvividhAbharaNojjvalaH || 12 ||

kundapuShpapratIkAsho mandahAso mahAmatiH |

muktAphalasamAnAbho muktido munisannutaH || 13 ||

ratnasiMhAsanArUDho rathastho rajataprabhaH |

sUryaprAgdeshasa~nchAraH surashatrusuhRRit kaviH || 14 ||

tulAvRRiShabharAshIsho durdharo dharmapAlakaH |

bhAgyado bhavyachAritro bhavapAshavimochakaH || 15 ||

gauDadesheshvaro goptA guNI guNavibhUShaNaH |

jyeShThAnakShatrasambhUto jyeShThaH shreShThaH shuchismitaH || 16 ||

apavargaprado.anantaH santAnaphaladAyakaH |

sarvaishvaryapradaH sarvagIrvANagaNasannutaH || 17 ||

evaM shukragrahasyaiva kramAdaShTottaraM shatam |

sarvapApaprashamanaM sarvapuNyaphalapradam |

yaH paThechChRRiNuyAdvApi sarvAn kAmAnavApnuyAt || 18 ||

iti shrI shukra aShTottarashatanAma stotram |