Sukra Ashtottara Sata Nama Stotram

zukra aSTottara zata nAma stotram

zloka 1

zukraH zuciH zubhaguNaH zubhadaH zubhalakSaNaH |

zobhanAkSaH zubhrarUpaH zuddhasphaTikabhAsvaraH || 1 ||

dInArtihArako daityaguruH devAbhivanditaH |

kAvyAsaktaH kAmapAlaH kaviH kalyANadAyakaH || 2 ||

bhadramUrtirbhadraguNo bhArgavo bhaktapAlanaH |

bhogado bhuvanAdhyakSo bhuktimuktiphalapradaH || 3 ||

cAruzIlazcArurUpazcArucandranibhAnanaH |

nidhirnikhilazAstrajJo nItividyAdhurandharaH || 4 ||

sarvalakSaNasampannaH sarvAvaguNavarjitaH |

samAnAdhikanirmuktaH sakalAgamapAragaH || 5 ||

bhRgurbhogakaro bhUmisurapAlanatatparaH |

manasvI mAnado mAnyo mAyAtIto mahAzayaH || 6 ||

baliprasanno'bhayado balI balaparAkramaH |

bhavapAzaparityAgo balibandhavimocakaH || 7 ||

ghanAzayo ghanAdhyakSo kambugrIvaH kalAdharaH |

kAruNyarasasampUrNaH kalyANaguNavardhanaH || 8 ||

zvetAmbaraH zvetavapuzcaturbhujasamanvitaH |

akSamAlAdharo'cintyo akSINaguNabhAsuraH || 9 ||

nakSatragaNasaJcAro nayado nItimArgadaH |

varSaprado hRSIkezaH klezanAzakaraH kaviH || 10 ||

cintitArthapradaH zAntamatiH cittasamAdhikRt |

AdhivyAdhiharo bhUrivikramaH puNyadAyakaH || 11 ||

purANapuruSaH pUjyaH puruhUtAdisannutaH |

ajeyo vijitArAtirvividhAbharaNojjvalaH || 12 ||

kundapuSpapratIkAzo mandahAso mahAmatiH |

muktAphalasamAnAbho muktido munisannutaH || 13 ||

ratnasiMhAsanArUDho rathastho rajataprabhaH |

sUryaprAgdezasaJcAraH surazatrusuhRt kaviH || 14 ||

tulAvRSabharAzIzo durdharo dharmapAlakaH |

bhAgyado bhavyacAritro bhavapAzavimocakaH || 15 ||

gauDadezezvaro goptA guNI guNavibhUSaNaH |

jyeSThAnakSatrasambhUto jyeSThaH zreSThaH zucismitaH || 16 ||

apavargaprado'nantaH santAnaphaladAyakaH |

sarvaizvaryapradaH sarvagIrvANagaNasannutaH || 17 ||

evaM zukragrahasyaiva kramAdaSTottaraM zatam |

sarvapApaprazamanaM sarvapuNyaphalapradam |

yaH paThecchRNuyAdvApi sarvAn kAmAnavApnuyAt || 18 ||

iti zrI zukra aSTottarazatanAma stotram |