Sudarshana Shatkam

sudarshana ShaTkam

shloka 1

sahasrAdityasa~NkAshaM sahasravadanaM param |

sahasradossahasrAraM prapadye.ahaM sudarshanam || 1 ||

hasantaM hArakeyUra makuTA~NgadabhUShaNaiH |

shobhanairbhUShitatanuM prapadye.ahaM sudarshanam || 2 ||

srAkArasahitaM mantraM vadanaM shatrunigraham |

sarvarogaprashamanaM prapadye.ahaM sudarshanam || 3 ||

raNatki~NkiNijAlena rAkShasaghnaM mahAdbhutam |

vyuptakeshaM virUpAkShaM prapadye.ahaM sudarshanam || 4 ||

hu~NkArabhairavaM bhImaM praNAtArtiharaM prabhum |

sarvapApaprashamanaM prapadye.ahaM sudarshanam || 5 ||

phaTkArAstamanirdeshya divyamantreNasaMyutam |

shivaM prasannavadanaM prapadye.ahaM sudarshanam || 6 ||

etaiShShaDbhiH stuto devaH prasannaH shrIsudarshanaH |

rakShAM karoti sarvAtmA sarvatra vijayI bhavet || 7 ||