Sudarshana Ashtakam (Vedantacharya Krutam)

sudarshana aShTakam (vedAntAchArya kRRitam)

shloka 1

pratibhaTashreNibhIShaNa varaguNastomabhUShaNa

janibhayasthAnatAraNa jagadavasthAnakAraNa |

nikhiladuShkarmakarshana nigamasaddharmadarshana

jaya jaya shrIsudarshana jaya jaya shrIsudarshana || 1 ||

shubhajagadrUpamaNDana surajanatrAsakhaNDana

shatamakhabrahmavandita shatapathabrahmanandita |

prathitavidvatsapakShita bhajadahirbudhnyalakShita

jaya jaya shrIsudarshana jaya jaya shrIsudarshana || 2 ||

nijapadaprItasadgaNa nirupathisphItaShaDguNa

nigamanirvyUDhavaibhava nijaparavyUhavaibhava |

harihayadveShidAraNa harapuraploShakAraNa

jaya jaya shrIsudarshana jaya jaya shrIsudarshana || 3 ||

sphuTataTijjAlapinjara pRRithutarajvAlapanjara

parigatapratnavigraha parimitapraj~nadurgraha |

praharaNagrAmamaNDita parijanatrANapaNDita

jaya jaya shrIsudarshana jaya jaya shrIsudarshana || 4 ||

bhuvananetastrayImaya savanatejastrayImaya

niravadhisvAduchinmaya nikhilashaktejaganmaya |

amitavishvakriyAmaya shamitavishvagbhayAmaya

jaya jaya shrIsudarshana jaya jaya shrIsudarshana || 5 ||

mahitasampatsadakShara vihitasampatShaDakShara

ShaDarachakrapratiShThita sakalatattvapratiShThita |

vividhasaNkalpakalpaka vibudhasaNkalpakalpaka

jaya jaya shrIsudarshana jaya jaya shrIsudarshana || 6 ||

pratimukhAlIDhabandhura pRRithumahAhetidantura

vikaTamAlApariShkRRita vividhamAyAbahiShkRRita |

sthiramahAyantrayantrita dRRiDhadayAtantrayantrita

jaya jaya shrIsudarshana jaya jaya shrIsudarshana || 7 ||

danujavistArakartana danujavidyAvikartana

janitamisrAvikartana bhajadavidyAnikartana |

amaradRRiShTasvavikrama samarajuShTabhramikrama

jaya jaya shrIsudarshana jaya jaya shrIsudarshana || 8 ||

dvichatuShkamidaM prabhUtasAraM

paThatAM ve~NkaTanAyakapraNItam |

viShame.api manorathaH pradhAvan

na vihanyeta rathA~NgadhuryaguptaH || 9 ||

iti shrI vedAntAchAryasya kRRitiShu sudarshanAShTakam |