Sudarshana Ashtakam (Vedantacharya Krutam)

sudarzana aSTakam (vedAntAcArya kRtam)

zloka 1

pratibhaTazreNibhISaNa varaguNastomabhUSaNa

janibhayasthAnatAraNa jagadavasthAnakAraNa |

nikhiladuSkarmakarzana nigamasaddharmadarzana

jaya jaya zrIsudarzana jaya jaya zrIsudarzana || 1 ||

zubhajagadrUpamaNDana surajanatrAsakhaNDana

zatamakhabrahmavandita zatapathabrahmanandita |

prathitavidvatsapakSita bhajadahirbudhnyalakSita

jaya jaya zrIsudarzana jaya jaya zrIsudarzana || 2 ||

nijapadaprItasadgaNa nirupathisphItaSaDguNa

nigamanirvyUDhavaibhava nijaparavyUhavaibhava |

harihayadveSidAraNa harapuraploSakAraNa

jaya jaya zrIsudarzana jaya jaya zrIsudarzana || 3 ||

sphuTataTijjAlapiJjara pRthutarajvAlapaJjara

parigatapratnavigraha parimitaprajJadurgraha |

praharaNagrAmamaNDita parijanatrANapaNDita

jaya jaya zrIsudarzana jaya jaya zrIsudarzana || 4 ||

bhuvananetastrayImaya savanatejastrayImaya

niravadhisvAducinmaya nikhilazaktejaganmaya |

amitavizvakriyAmaya zamitavizvagbhayAmaya

jaya jaya zrIsudarzana jaya jaya zrIsudarzana || 5 ||

mahitasampatsadakSara vihitasampatSaDakSara

SaDaracakrapratiSThita sakalatattvapratiSThita |

vividhasaGkalpakalpaka vibudhasaGkalpakalpaka

jaya jaya zrIsudarzana jaya jaya zrIsudarzana || 6 ||

pratimukhAlIDhabandhura pRthumahAhetidantura

vikaTamAlApariSkRta vividhamAyAbahiSkRta |

sthiramahAyantrayantrita dRDhadayAtantrayantrita

jaya jaya zrIsudarzana jaya jaya zrIsudarzana || 7 ||

danujavistArakartana danujavidyAvikartana

janitamisrAvikartana bhajadavidyAnikartana |

amaradRSTasvavikrama samarajuSTabhramikrama

jaya jaya zrIsudarzana jaya jaya zrIsudarzana || 8 ||

dvicatuSkamidaM prabhUtasAraM

paThatAM veGkaTanAyakapraNItam |

viSame'pi manorathaH pradhAvan

na vihanyeta rathAGgadhuryaguptaH || 9 ||

iti zrI vedAntAcAryasya kRtiSu sudarzanASTakam |