Sudarshana Ashtakam (Vedantacharya Krutam)
Sudarshana Ashtakam (Vedantacharya Krutam)
সুদর্শন অষ্টকম্ (বেদান্তাচার্য কৃতম্)
শ্লোক 1
প্রতিভটশ্রেণিভীষণ বরগুণস্তোমভূষণ
জনিভযস্থানতারণ জগদবস্থানকারণ ।
নিখিলদুষ্কর্মকর্শন নিগমসদ্ধর্মদর্শন
জয জয শ্রীসুদর্শন জয জয শ্রীসুদর্শন
শ্লোক 2
শুভজগদ্রূপমণ্ডন সুরজনত্রাসখণ্ডন
শতমখব্রহ্মবন্দিত শতপথব্রহ্মনন্দিত ।
প্রথিতবিদ্বত্সপক্ষিত ভজদহির্বুধ্ন্যলক্ষিত
জয জয শ্রীসুদর্শন জয জয শ্রীসুদর্শন
॥ 1 ॥
শ্লোক 3
নিজপদপ্রীতসদ্গণ নিরুপথিস্ফীতষড্গুণ
নিগমনির্ব্যূঢবৈভব নিজপরব্যূহবৈভব ।
হরিহযদ্বেষিদারণ হরপুরপ্লোষকারণ
জয জয শ্রীসুদর্শন জয জয শ্রীসুদর্শন
॥ 2 ॥
শ্লোক 4
স্ফুটতটিজ্জালপিঞ্জর পৃথুতরজ্বালপঞ্জর
পরিগতপ্রত্নবিগ্রহ পরিমিতপ্রজ্ঞদুর্গ্রহ ।
প্রহরণগ্রামমণ্ডিত পরিজনত্রাণপণ্ডিত
জয জয শ্রীসুদর্শন জয জয শ্রীসুদর্শন
॥ 3 ॥
শ্লোক 5
ভুবননেতস্ত্রযীময সবনতেজস্ত্রযীময
নিরবধিস্বাদুচিন্ময নিখিলশক্তেজগন্ময ।
অমিতবিশ্বক্রিযাময শমিতবিশ্বগ্ভযাময
জয জয শ্রীসুদর্শন জয জয শ্রীসুদর্শন
॥ 4 ॥
শ্লোক 6
মহিতসম্পত্সদক্ষর বিহিতসম্পত্ষডক্ষর
ষডরচক্রপ্রতিষ্ঠিত সকলতত্ত্বপ্রতিষ্ঠিত ।
বিবিধসঙ্কল্পকল্পক বিবুধসঙ্কল্পকল্পক
জয জয শ্রীসুদর্শন জয জয শ্রীসুদর্শন
॥ 5 ॥
শ্লোক 7
প্রতিমুখালীঢবন্ধুর পৃথুমহাহেতিদন্তুর
বিকটমালাপরিষ্কৃত বিবিধমাযাবহিষ্কৃত ।
স্থিরমহাযন্ত্রযন্ত্রিত দৃঢদযাতন্ত্রযন্ত্রিত
জয জয শ্রীসুদর্শন জয জয শ্রীসুদর্শন
॥ 6 ॥
শ্লোক 8
দনুজবিস্তারকর্তন দনুজবিদ্যাবিকর্তন
জনিতমিস্রাবিকর্তন ভজদবিদ্যানিকর্তন ।
অমরদৃষ্টস্ববিক্রম সমরজুষ্টভ্রমিক্রম
জয জয শ্রীসুদর্শন জয জয শ্রীসুদর্শন
॥ 7 ॥
শ্লোক 9
দ্বিচতুষ্কমিদং প্রভূতসারং
পঠতাং বেঙ্কটনাযকপ্রণীতম্ ।
বিষমেঽপি মনোরথঃ প্রধাবন্
ন বিহন্যেত রথাঙ্গধুর্যগুপ্তঃ
॥ 8 ॥
শ্লোক 10
ইতি শ্রী বেদান্তাচার্যস্য কৃতিষু সুদর্শনাষ্টকম্ ।