Subrahmanya Bhujanga Stotram

সুব্রহ্মণ্য ভুজঙ্গ স্তোত্রম্

শ্লোক 1

সদা বালরূপাঽপি বিঘ্নাদ্রিহন্ত্রী

মহাদন্তিবক্ত্রাঽপি পঞ্চাস্যমান্যা ।

বিধীন্দ্রাদিমৃগ্যা গণেশাভিধা মে

বিধত্তাং শ্রিযং কাঽপি কল্যাণমূর্তিঃ

শ্লোক 2

ন জানামি শব্দং ন জানামি চার্থং

ন জানামি পদ্যং ন জানামি গদ্যম্ ।

চিদেকা ষডাস্যা হৃদি দ্যোততে মে

মুখান্নিঃসরন্তে গিরশ্চাপি চিত্রম্

॥ 1 ॥

শ্লোক 3

মযূরাধিরূঢং মহাবাক্যগূঢং

মনোহারিদেহং মহচ্চিত্তগেহম্ ।

মহীদেবদেবং মহাবেদভাবং

মহাদেববালং ভজে লোকপালম্

॥ 2 ॥

শ্লোক 4

যদা সন্নিধানং গতা মানবা মে

ভবাম্ভোধিপারং গতাস্তে তদৈব ।

ইতি ব্যঞ্জযন্সিন্ধুতীরে য আস্তে

তমীডে পবিত্রং পরাশক্তিপুত্রম্

॥ 3 ॥

শ্লোক 5

যথাব্ধেস্তরঙ্গা লযং যান্তি তুঙ্গা-

স্তথৈবাপদঃ সন্নিধৌ সেবতাং মে ।

ইতীবোর্মিপঙ্ক্তীর্নৃণাং দর্শযন্তং

সদা ভাবযে হৃত্সরোজে গুহং তম্

॥ 4 ॥

শ্লোক 6

গিরৌ মন্নিবাসে নরা যেঽধিরূঢা-

স্তদা পর্বতে রাজতে তেঽধিরূঢাঃ ।

ইতীব ব্রুবন্গন্ধশৈলাধিরূঢঃ

স দেবো মুদে মে সদা ষণ্মুখোঽস্তু

॥ 5 ॥

শ্লোক 7

মহাম্ভোধিতীরে মহাপাপচোরে

মুনীন্দ্রানুকূলে সুগন্ধাখ্যশৈলে ।

গুহাযাং বসন্তং স্বভাসা লসন্তং

জনার্তিং হরন্তং শ্রযামো গুহং তম্

॥ 6 ॥

শ্লোক 8

লসত্স্বর্ণগেহে নৃণাং কামদোহে

সুমস্তোমসঞ্ছন্নমাণিক্যমঞ্চে ।

সমুদ্যত্সহস্রার্কতুল্যপ্রকাশং

সদা ভাবযে কার্তিকেযং সুরেশম্

॥ 7 ॥

শ্লোক 9

রণদ্ধংসকে মঞ্জুলেঽত্যন্তশোণে

মনোহারিলাবণ্যপীযূষপূর্ণে ।

মনঃষট্পদো মে ভবক্লেশতপ্তঃ

সদা মোদতাং স্কন্দ তে পাদপদ্মে

॥ 8 ॥

শ্লোক 10

সুবর্ণাভদিব্যাম্বরৈর্ভাসমানাং

ক্বণত্কিঙ্কিণীমেখলাশোভমানাম্ ।

লসদ্ধেমপট্টেন বিদ্যোতমানাং

কটিং ভাবযে স্কন্দ তে দীপ্যমানাম্

॥ 9 ॥

শ্লোক 11

পুলিন্দেশকন্যাঘনাভোগতুঙ্গ-

স্তনালিঙ্গনাসক্তকাশ্মীররাগম্ ।

নমস্যাম্যহং তারকারে তবোরঃ

স্বভক্তাবনে সর্বদা সানুরাগম্

॥ 10 ॥

শ্লোক 12

বিধৌ ক্লৃপ্তদণ্ডান্স্বলীলাধৃতাণ্ডা-

ন্নিরস্তেভশুণ্ডান্দ্বিষত্কালদণ্ডান্ ।

হতেন্দ্রারিষণ্ডান্জগত্রাণশৌণ্ডা-

ন্সদা তে প্রচণ্ডান্শ্রযে বাহুদণ্ডান্

॥ 11 ॥

শ্লোক 13

সদা শারদাঃ ষণ্মৃগাঙ্কা যদি স্যুঃ

সমুদ্যন্ত এব স্থিতাশ্চেত্সমন্তাত্ ।

সদা পূর্ণবিম্বাঃ কলঙ্কৈশ্চ হীনা-

স্তদা ত্বন্মুখানাং ব্রুবে স্কন্দ সাম্যম্

॥ 12 ॥

শ্লোক 14

স্ফুরন্মন্দহাসৈঃ সহংসানি চঞ্চ-

ত্কটাক্ষাবলীভৃঙ্গসঙ্ঘোজ্জ্বলানি ।

সুধাস্যন্দিবিম্বাধরাণীশসূনো

তবালোকযে ষণ্মুখাম্ভোরুহাণি

॥ 13 ॥

শ্লোক 15

বিশালেষু কর্ণান্তদীর্ঘেষ্বজস্রং

দযাস্যন্দিষু দ্বাদশস্বীক্ষণেষু ।

মযীষত্কটাক্ষঃ সকৃত্পাতিতশ্চে-

দ্ভবেত্তে দযাশীল কা নাম হানিঃ

॥ 14 ॥

শ্লোক 16

সুতাঙ্গোদ্ভবো মেঽসি জীবেতি ষড্ধা

জপন্মন্ত্রমীশো মুদা জিঘ্রতে যান্ ।

জগদ্ভারভৃদ্ভ্যো জগন্নাথ তেভ্যঃ

কিরীটোজ্জ্বলেভ্যো নমো মস্তকেভ্যঃ

॥ 15 ॥

শ্লোক 17

স্ফুরদ্রত্নকেযূরহারাভিরাম-

শ্চলত্কুণ্ডলশ্রীলসদ্গণ্ডভাগঃ ।

কটৌ পীতবাসাঃ করে চারুশক্তিঃ

পুরস্তান্মমাস্তাং পুরারেস্তনূজঃ

॥ 16 ॥

শ্লোক 18

ইহাযাহি বত্সেতি হস্তান্প্রসার্যা-

হ্বযত্যাদরাচ্ছঙ্করে মাতুরঙ্কাত্ ।

সমুত্পত্য তাতং শ্রযন্তং কুমারং

হরাশ্লিষ্টগাত্রং ভজে বালমূর্তিম্

॥ 17 ॥

শ্লোক 19

কুমারেশসূনো গুহ স্কন্দ সেনা-

পতে শক্তিপাণে মযূরাধিরূঢ ।

পুলিন্দাত্মজাকান্ত ভক্তার্তিহারিন্

প্রভো তারকারে সদা রক্ষ মাং ত্বম্

॥ 18 ॥

শ্লোক 20

প্রশান্তেন্দ্রিযে নষ্টসঞ্জ্ঞে বিচেষ্টে

কফোদ্গারিবক্ত্রে ভযোত্কম্পিগাত্রে ।

প্রযাণোন্মুখে ময্যনাথে তদানীং

দ্রুতং মে দযালো ভবাগ্রে গুহ ত্বম্

॥ 19 ॥

শ্লোক 21

কৃতান্তস্য দূতেষু চণ্ডেষু কোপা-

দ্দহচ্ছিন্দ্ধি ভিন্দ্ধীতি মাং তর্জযত্সু ।

মযূরং সমারুহ্য মা ভৈরিতি ত্বং

পুরঃ শক্তিপাণির্মমাযাহি শীঘ্রম্

॥ 20 ॥

শ্লোক 22

প্রণম্যাসকৃত্পাদযোস্তে পতিত্বা

প্রসাদ্য প্রভো প্রার্থযেঽনেকবারম্ ।

ন বক্তুং ক্ষমোঽহং তদানীং কৃপাব্ধে

ন কার্যান্তকালে মনাগপ্যুপেক্ষা

॥ 21 ॥

শ্লোক 23

সহস্রাণ্ডভোক্তা ত্বযা শূরনামা

হতস্তারকঃ সিংহবক্ত্রশ্চ দৈত্যঃ ।

মমান্তর্হৃদিস্থং মনঃক্লেশমেকং

ন হংসি প্রভো কিং করোমি ক্ব যামি

॥ 22 ॥

শ্লোক 24

অহং সর্বদা দুঃখভারাবসন্নো

ভবান্দীনবন্ধুস্ত্বদন্যং ন যাচে ।

ভবদ্ভক্তিরোধং সদা ক্লৃপ্তবাধং

মমাধিং দ্রুতং নাশযোমাসুত ত্বম্

॥ 23 ॥

শ্লোক 25

অপস্মারকুষ্টক্ষযার্শঃ প্রমেহ-

জ্বরোন্মাদগুল্মাদিরোগা মহান্তঃ ।

পিশাচাশ্চ সর্বে ভবত্পত্রভূতিং

বিলোক্য ক্ষণাত্তারকারে দ্রবন্তে

॥ 24 ॥

শ্লোক 26

দৃশি স্কন্দমূর্তিঃ শ্রুতৌ স্কন্দকীর্তি-

র্মুখে মে পবিত্রং সদা তচ্চরিত্রম্ ।

করে তস্য কৃত্যং বপুস্তস্য ভৃত্যং

গুহে সন্তু লীনা মমাশেষভাবাঃ

॥ 25 ॥

শ্লোক 27

মুনীনামুতাহো নৃণাং ভক্তিভাজা-

মভীষ্টপ্রদাঃ সন্তি সর্বত্র দেবাঃ ।

নৃণামন্ত্যজানামপি স্বার্থদানে

গুহাদ্দেবমন্যং ন জানে ন জানে

॥ 26 ॥

শ্লোক 28

কলত্রং সুতা বন্ধুবর্গঃ পশুর্বা

নরো বাথ নারী গৃহে যে মদীযাঃ ।

যজন্তো নমন্তঃ স্তুবন্তো ভবন্তং

স্মরন্তশ্চ তে সন্তু সর্বে কুমার

॥ 27 ॥

শ্লোক 29

মৃগাঃ পক্ষিণো দংশকা যে চ দুষ্টা-

স্তথা ব্যাধযো বাধকা যে মদঙ্গে ।

ভবচ্ছক্তিতীক্ষ্ণাগ্রভিন্নাঃ সুদূরে

বিনশ্যন্তু তে চূর্ণিতক্রৌঞ্চশৈল

॥ 28 ॥

শ্লোক 30

জনিত্রী পিতা চ স্বপুত্রাপরাধং

সহেতে ন কিং দেবসেনাধিনাথ ।

অহং চাতিবালো ভবান্ লোকতাতঃ

ক্ষমস্বাপরাধং সমস্তং মহেশ

॥ 29 ॥

শ্লোক 31

নমঃ কেকিনে শক্তযে চাপি তুভ্যং

নমশ্ছাগ তুভ্যং নমঃ কুক্কুটায ।

নমঃ সিন্ধবে সিন্ধুদেশায তুভ্যং

পুনঃ স্কন্দমূর্তে নমস্তে নমোঽস্তু

॥ 30 ॥

শ্লোক 32

জযানন্দভূমং জযাপারধামং

জযামোঘকীর্তে জযানন্দমূর্তে ।

জযানন্দসিন্ধো জযাশেষবন্ধো

জয ত্বং সদা মুক্তিদানেশসূনো

॥ 31 ॥

শ্লোক 33

ভুজঙ্গাখ্যবৃত্তেন ক্লৃপ্তং স্তবং যঃ

পঠেদ্ভক্তিযুক্তো গুহং সম্প্রণম্য ।

স পুত্রান্কলত্রং ধনং দীর্ঘমাযু-

র্লভেত্স্কন্দসাযুজ্যমন্তে নরঃ সঃ

॥ 32 ॥

শ্লোক 34