સુબ્રહ્મણ્ય ભુજઙ્ગ સ્તોત્રમ્

સુબ્રહ્મણ્ય ભુજઙ્ગ સ્તોત્રમ્

શ્લોક 1

સદા બાલરૂપાઽપિ વિઘ્નાદ્રિહન્ત્રી

મહાદન્તિવક્ત્રાઽપિ પઞ્ચાસ્યમાન્યા ।

વિધીન્દ્રાદિમૃગ્યા ગણેશાભિધા મે

વિધત્તાં શ્રિયં કાઽપિ કલ્યાણમૂર્તિઃ

શ્લોક 2

ન જાનામિ શબ્દં ન જાનામિ ચાર્થં

ન જાનામિ પદ્યં ન જાનામિ ગદ્યમ્ ।

ચિદેકા ષડાસ્યા હૃદિ દ્યોતતે મે

મુખાન્નિઃસરન્તે ગિરશ્ચાપિ ચિત્રમ્

॥ 1 ॥

શ્લોક 3

મયૂરાધિરૂઢં મહાવાક્યગૂઢં

મનોહારિદેહં મહચ્ચિત્તગેહમ્ ।

મહીદેવદેવં મહાવેદભાવં

મહાદેવબાલં ભજે લોકપાલમ્

॥ 2 ॥

શ્લોક 4

યદા સન્નિધાનં ગતા માનવા મે

ભવામ્ભોધિપારં ગતાસ્તે તદૈવ ।

ઇતિ વ્યઞ્જયન્સિન્ધુતીરે ય આસ્તે

તમીડે પવિત્રં પરાશક્તિપુત્રમ્

॥ 3 ॥

શ્લોક 5

યથાબ્ધેસ્તરઙ્ગા લયં યાન્તિ તુઙ્ગા-

સ્તથૈવાપદઃ સન્નિધૌ સેવતાં મે ।

ઇતીવોર્મિપઙ્ક્તીર્નૃણાં દર્શયન્તં

સદા ભાવયે હૃત્સરોજે ગુહં તમ્

॥ 4 ॥

શ્લોક 6

ગિરૌ મન્નિવાસે નરા યેઽધિરૂઢા-

સ્તદા પર્વતે રાજતે તેઽધિરૂઢાઃ ।

ઇતીવ બ્રુવન્ગન્ધશૈલાધિરૂઢઃ

સ દેવો મુદે મે સદા ષણ્મુખોઽસ્તુ

॥ 5 ॥

શ્લોક 7

મહામ્ભોધિતીરે મહાપાપચોરે

મુનીન્દ્રાનુકૂલે સુગન્ધાખ્યશૈલે ।

ગુહાયાં વસન્તં સ્વભાસા લસન્તં

જનાર્તિં હરન્તં શ્રયામો ગુહં તમ્

॥ 6 ॥

શ્લોક 8

લસત્સ્વર્ણગેહે નૃણાં કામદોહે

સુમસ્તોમસઞ્છન્નમાણિક્યમઞ્ચે ।

સમુદ્યત્સહસ્રાર્કતુલ્યપ્રકાશં

સદા ભાવયે કાર્તિકેયં સુરેશમ્

॥ 7 ॥

શ્લોક 9

રણદ્ધંસકે મઞ્જુલેઽત્યન્તશોણે

મનોહારિલાવણ્યપીયૂષપૂર્ણે ।

મનઃષટ્પદો મે ભવક્લેશતપ્તઃ

સદા મોદતાં સ્કન્દ તે પાદપદ્મે

॥ 8 ॥

શ્લોક 10

સુવર્ણાભદિવ્યામ્બરૈર્ભાસમાનાં

ક્વણત્કિઙ્કિણીમેખલાશોભમાનામ્ ।

લસદ્ધેમપટ્ટેન વિદ્યોતમાનાં

કટિં ભાવયે સ્કન્દ તે દીપ્યમાનામ્

॥ 9 ॥

શ્લોક 11

પુલિન્દેશકન્યાઘનાભોગતુઙ્ગ-

સ્તનાલિઙ્ગનાસક્તકાશ્મીરરાગમ્ ।

નમસ્યામ્યહં તારકારે તવોરઃ

સ્વભક્તાવને સર્વદા સાનુરાગમ્

॥ 10 ॥

શ્લોક 12

વિધૌ ક્લૃપ્તદણ્ડાન્સ્વલીલાધૃતાણ્ડા-

ન્નિરસ્તેભશુણ્ડાન્દ્વિષત્કાલદણ્ડાન્ ।

હતેન્દ્રારિષણ્ડાન્જગત્રાણશૌણ્ડા-

ન્સદા તે પ્રચણ્ડાન્શ્રયે બાહુદણ્ડાન્

॥ 11 ॥

શ્લોક 13

સદા શારદાઃ ષણ્મૃગાઙ્કા યદિ સ્યુઃ

સમુદ્યન્ત એવ સ્થિતાશ્ચેત્સમન્તાત્ ।

સદા પૂર્ણબિમ્બાઃ કલઙ્કૈશ્ચ હીના-

સ્તદા ત્વન્મુખાનાં બ્રુવે સ્કન્દ સામ્યમ્

॥ 12 ॥

શ્લોક 14

સ્ફુરન્મન્દહાસૈઃ સહંસાનિ ચઞ્ચ-

ત્કટાક્ષાવલીભૃઙ્ગસઙ્ઘોજ્જ્વલાનિ ।

સુધાસ્યન્દિબિમ્બાધરાણીશસૂનો

તવાલોકયે ષણ્મુખામ્ભોરુહાણિ

॥ 13 ॥

શ્લોક 15

વિશાલેષુ કર્ણાન્તદીર્ઘેષ્વજસ્રં

દયાસ્યન્દિષુ દ્વાદશસ્વીક્ષણેષુ ।

મયીષત્કટાક્ષઃ સકૃત્પાતિતશ્ચે-

દ્ભવેત્તે દયાશીલ કા નામ હાનિઃ

॥ 14 ॥

શ્લોક 16

સુતાઙ્ગોદ્ભવો મેઽસિ જીવેતિ ષડ્ધા

જપન્મન્ત્રમીશો મુદા જિઘ્રતે યાન્ ।

જગદ્ભારભૃદ્ભ્યો જગન્નાથ તેભ્યઃ

કિરીટોજ્જ્વલેભ્યો નમો મસ્તકેભ્યઃ

॥ 15 ॥

શ્લોક 17

સ્ફુરદ્રત્નકેયૂરહારાભિરામ-

શ્ચલત્કુણ્ડલશ્રીલસદ્ગણ્ડભાગઃ ।

કટૌ પીતવાસાઃ કરે ચારુશક્તિઃ

પુરસ્તાન્મમાસ્તાં પુરારેસ્તનૂજઃ

॥ 16 ॥

શ્લોક 18

ઇહાયાહિ વત્સેતિ હસ્તાન્પ્રસાર્યા-

હ્વયત્યાદરાચ્છઙ્કરે માતુરઙ્કાત્ ।

સમુત્પત્ય તાતં શ્રયન્તં કુમારં

હરાશ્લિષ્ટગાત્રં ભજે બાલમૂર્તિમ્

॥ 17 ॥

શ્લોક 19

કુમારેશસૂનો ગુહ સ્કન્દ સેના-

પતે શક્તિપાણે મયૂરાધિરૂઢ ।

પુલિન્દાત્મજાકાન્ત ભક્તાર્તિહારિન્

પ્રભો તારકારે સદા રક્ષ માં ત્વમ્

॥ 18 ॥

શ્લોક 20

પ્રશાન્તેન્દ્રિયે નષ્ટસઞ્જ્ઞે વિચેષ્ટે

કફોદ્ગારિવક્ત્રે ભયોત્કમ્પિગાત્રે ।

પ્રયાણોન્મુખે મય્યનાથે તદાનીં

દ્રુતં મે દયાલો ભવાગ્રે ગુહ ત્વમ્

॥ 19 ॥

શ્લોક 21

કૃતાન્તસ્ય દૂતેષુ ચણ્ડેષુ કોપા-

દ્દહચ્છિન્દ્ધિ ભિન્દ્ધીતિ માં તર્જયત્સુ ।

મયૂરં સમારુહ્ય મા ભૈરિતિ ત્વં

પુરઃ શક્તિપાણિર્મમાયાહિ શીઘ્રમ્

॥ 20 ॥

શ્લોક 22

પ્રણમ્યાસકૃત્પાદયોસ્તે પતિત્વા

પ્રસાદ્ય પ્રભો પ્રાર્થયેઽનેકવારમ્ ।

ન વક્તું ક્ષમોઽહં તદાનીં કૃપાબ્ધે

ન કાર્યાન્તકાલે મનાગપ્યુપેક્ષા

॥ 21 ॥

શ્લોક 23

સહસ્રાણ્ડભોક્તા ત્વયા શૂરનામા

હતસ્તારકઃ સિંહવક્ત્રશ્ચ દૈત્યઃ ।

મમાન્તર્હૃદિસ્થં મનઃક્લેશમેકં

ન હંસિ પ્રભો કિં કરોમિ ક્વ યામિ

॥ 22 ॥

શ્લોક 24

અહં સર્વદા દુઃખભારાવસન્નો

ભવાન્દીનબન્ધુસ્ત્વદન્યં ન યાચે ।

ભવદ્ભક્તિરોધં સદા ક્લૃપ્તબાધં

મમાધિં દ્રુતં નાશયોમાસુત ત્વમ્

॥ 23 ॥

શ્લોક 25

અપસ્મારકુષ્ટક્ષયાર્શઃ પ્રમેહ-

જ્વરોન્માદગુલ્માદિરોગા મહાન્તઃ ।

પિશાચાશ્ચ સર્વે ભવત્પત્રભૂતિં

વિલોક્ય ક્ષણાત્તારકારે દ્રવન્તે

॥ 24 ॥

શ્લોક 26

દૃશિ સ્કન્દમૂર્તિઃ શ્રુતૌ સ્કન્દકીર્તિ-

ર્મુખે મે પવિત્રં સદા તચ્ચરિત્રમ્ ।

કરે તસ્ય કૃત્યં વપુસ્તસ્ય ભૃત્યં

ગુહે સન્તુ લીના મમાશેષભાવાઃ

॥ 25 ॥

શ્લોક 27

મુનીનામુતાહો નૃણાં ભક્તિભાજા-

મભીષ્ટપ્રદાઃ સન્તિ સર્વત્ર દેવાઃ ।

નૃણામન્ત્યજાનામપિ સ્વાર્થદાને

ગુહાદ્દેવમન્યં ન જાને ન જાને

॥ 26 ॥

શ્લોક 28

કલત્રં સુતા બન્ધુવર્ગઃ પશુર્વા

નરો વાથ નારી ગૃહે યે મદીયાઃ ।

યજન્તો નમન્તઃ સ્તુવન્તો ભવન્તં

સ્મરન્તશ્ચ તે સન્તુ સર્વે કુમાર

॥ 27 ॥

શ્લોક 29

મૃગાઃ પક્ષિણો દંશકા યે ચ દુષ્ટા-

સ્તથા વ્યાધયો બાધકા યે મદઙ્ગે ।

ભવચ્છક્તિતીક્ષ્ણાગ્રભિન્નાઃ સુદૂરે

વિનશ્યન્તુ તે ચૂર્ણિતક્રૌઞ્ચશૈલ

॥ 28 ॥

શ્લોક 30

જનિત્રી પિતા ચ સ્વપુત્રાપરાધં

સહેતે ન કિં દેવસેનાધિનાથ ।

અહં ચાતિબાલો ભવાન્ લોકતાતઃ

ક્ષમસ્વાપરાધં સમસ્તં મહેશ

॥ 29 ॥

શ્લોક 31

નમઃ કેકિને શક્તયે ચાપિ તુભ્યં

નમશ્છાગ તુભ્યં નમઃ કુક્કુટાય ।

નમઃ સિન્ધવે સિન્ધુદેશાય તુભ્યં

પુનઃ સ્કન્દમૂર્તે નમસ્તે નમોઽસ્તુ

॥ 30 ॥

શ્લોક 32

જયાનન્દભૂમં જયાપારધામં

જયામોઘકીર્તે જયાનન્દમૂર્તે ।

જયાનન્દસિન્ધો જયાશેષબન્ધો

જય ત્વં સદા મુક્તિદાનેશસૂનો

॥ 31 ॥

શ્લોક 33

ભુજઙ્ગાખ્યવૃત્તેન ક્લૃપ્તં સ્તવં યઃ

પઠેદ્ભક્તિયુક્તો ગુહં સમ્પ્રણમ્ય ।

સ પુત્રાન્કલત્રં ધનં દીર્ઘમાયુ-

ર્લભેત્સ્કન્દસાયુજ્યમન્તે નરઃ સઃ

॥ 32 ॥

શ્લોક 34