සුබ්රහ්මණ්ය භුජඞ්ග ප්රයාත ස්තෝත්රම්

භජේ(අ)හං කුමාරං භවානීකුමාරං

ගලෝල්ලාසිහාරං නමත්සද්විහාරම් .

රිපුස්තෝමපාරං නෘසිංහාවතාරං

සදානිර්විකාරං ගුහං නිර්විචාරම් .. 1 ..

නමාමීශපුත්රං ජපාශෝණගාත්රං

සුරාරාතිශත්රුං රවීන්ද්වග්නිනේත්රම් .

මහාබර්හිපත්රං ශිවාස්යාබ්ජමිත්රං

ප්රභාස්වත්කලත්රං පුරාණං පවිත්රම් .. 2 ..

අනේකාර්කකෝටි-ප්රභාවජ්ජ්වලං තං

මනෝහාරි මාණික්ය භූෂෝජ්ජ්වලං තම් .

ශ්රිතානාමභීෂ්ටං නිශාන්තං නිතාන්තං

භජේ ෂණ්මුඛං තං ශරච්චන්ද්රකාන්තම් .. 3 ..

කෘපාවාරි කල්ලෝලභාස්වත්කටාක්ෂං

විරාජන්මනෝහාරි ශෝණාම්බුජාක්ෂම් .

ප්රයෝගප්රදානප්රවාහෛකදක්ෂං

භජේ කාන්තිකාන්තං පරස්තෝමරක්ෂම් .. 4 ..

සුකස්තූරිසින්දූරභාස්වල්ලලාටං

දයාපූර්ණචිත්තං මහාදේවපුත්රම් .

රවීන්දූල්ලසද්රත්නරාජත්කිරීටං

භජේ ක්රීඩිතාකාශ ගඞ්ගාද්රිකූටම් .. 5 ..

සුකුන්දප්රසූනාවලීශෝභිතාඞ්ගං

ශරත්පූර්ණචන්ද්රප්රභාකාන්තිකාන්තම් .

ශිරීෂප්රසූනාභිරාමං භවන්තං

භජේ දේවසේනාපතිං වල්ලභං තම් .. 6 ..

සුලාවණ්යසත්සූර්යකෝටිප්රතීකං

ප්රභුං තාරකාරිං ද්විෂඩ්බාහුමීශම් .

නිජාඞ්කප්රභාදිව්යමානාපදීශං

භජේ පාර්වතීප්රාණපුත්රං සුකේශම් .. 7 ..

අජං සර්වලෝකප්රියං ලෝකනාථං

ගුහං ශූරපද්මාදිදම්භෝලිධාරම් .

සුචාරුං සුනාසාපුටං සච්චරිත්රං

භජේ කාර්තිකේයං සදා බාහුලේයම් .. 8 ..

ශරාරණ්යසම්භූතමින්ද්රාදිවන්ද්යං

ද්විෂඩ්බාහුසඞ්ඛ්යායුධශ්රේණිරම්යම් .

මරුත්සාරථිං කුක්කුටේශං සුකේතුං

භජේ යෝගිහෘත්පද්මමධ්යාධිවාසම් .. 9 ..

විරිඤ්චීන්ද්රවල්ලීශ දේවේශමුඛ්යං

ප්රශස්තාමරස්තෝමසංස්තූයමානම් .

දිශ ත්වං දයාලෝ ශ්රියං නිශ්චලාං මේ

විනා ත්වාං ගතිඃ කා ප්රභෝ මේ ප්රසීද .. 10 ..

පදාම්භෝජසේවා සමායාතබෘන්දා-

රකශ්රේණිකෝටීරභාස්වල්ලලාටම් .

කලත්රෝල්ලසත්පාර්ශ්වයුග්මං වරේණ්යං

භජේ දේවමාද්යන්තහීනප්රභාවම් .. 11 ..

භවාම්භෝධිමධ්යේ තරඞ්ගේ පතන්තං

ප්රභෝ මාං සදා පූර්ණදෘෂ්ට්යා සමීක්ෂ්ය .

භවද්භක්තිනාවෝද්ධර ත්වං දයාලෝ

සුගත්යන්තරං නාස්ති දේව ප්රසීද .. 12 ..

ගලේ රත්නභූෂං තනෞ මඤ්ජුවේෂං

කරේ ජ්ඤානශක්තිං දරස්මේරමාස්යේ .

කටින්යස්තපාණිං ශිඛිස්ථං කුමාරං

භජේ(අ)හං ගුහාදන්යදේවං න මන්යේ .. 13 ..

දයාහීනචිත්තං පරද්රෝහපාත්රං

සදා පාපශීලං ගුරෝර්භක්තිහීනම් .

අනන්යාවලම්බං භවන්නේත්රපාත්රං

කෘපාශීල මාං භෝ පවිත්රං කුරු ත්වම් .. 14 ..

මහාසේන ගාඞ්ගේය වල්ලීසහාය

ප්රභෝ තාරකාරේ ෂඩාස්යාමරේශ .

සදා පායසාන්නප්රදාතර්ගුහේති

ස්මරිෂ්යාමි භක්ත්යා සදාහං විභෝ ත්වාම් .. 15 ..

ප්රතාපස්ය බාහෝ නමද්වීරබාහෝ

ප්රභෝ කාර්තිකේයේෂ්ටකාමප්රදේති .

යදා යේ පඨන්තේ භවන්තං තදේවං

ප්රසන්නස්තු තේෂාං බහුශ්රීං දදාසි .. 16 ..

අපාරාතිදාරිද්ර්යවාරාශිමධ්යේ

භ්රමන්තං ජනග්රාහපූර්ණේ නිතාන්තම් .

මහාසේන මාමුද්ධර ත්වං කටාක්ෂා-

වලෝකේන කිඤ්චිත්ප්රසීද ප්රසීද .. 17 ..

ස්ථිරාං දේහි භක්තිං භවත්පාදපද්මේ

ශ්රියං නිශ්චලාං දේහි මහ්යං කුමාර .

ගුහං චන්ද්රතාරං සුවංශාභිවෘද්ධිං

කුරු ත්වං ප්රභෝ මේ මනඃ කල්පසාලඃ .. 18 ..

නමස්තේ නමස්තේ මහාශක්තිපාණේ

නමස්තේ නමස්තේ ලසද්වජ්රපාණේ .

නමස්තේ නමස්තේ කටින්යස්තපාණේ

නමස්තේ නමස්තේ සදාභීෂ්ටපාණේ .. 19 ..

නමස්තේ නමස්තේ මහාශක්තිධාරින්

නමස්තේ සුරාණාං මහාසෞඛ්යදායින් .

නමස්තේ සදා කුක්කුටේශාඛ්යක ත්වං

සමස්තාපරාධං විභෝ මේ ක්ෂමස්ව .. 20 ..

කුමාරාත්පරං කර්මයෝගං න ජානේ

කුමාරාත්පරං කර්මශීලං න ජානේ .

ය ඒකෝ මුනීනාං හෘදබ්ජාධිවාසඃ

ශිවාඞ්කං සමාරුහ්ය සත්පීඨකල්පම් .. 21 ..

විරිඤ්චාය මන්ත්රෝපදේශං චකාර

ප්රමෝදේන සෝ(අ)යං තනෝතු ශ්රියං මේ .

යමාහුඃ පරං වේද ශූරේෂු මුඛ්යං

සදා යස්ය ශක්ත්යා ජගත්භීතභීතා .. 22 ..

යමාශ්රිත්ය දේවාඃ ස්ථිරං ස්වර්ගපාලාඃ

සදෝඞ්කාරරූපං චිදානන්දමීඩේ .

ගුහස්තෝත්රමේතත් කෘතං තාරකාරේ

භුජඞ්ගප්රයාතේන හෘද්යේන කාන්තම් .. 23 ..

ජනා යේ පඨන්තේ මහාභක්තියුක්තාඃ

ප්රමෝදේන සායං ප්රභාතේ විශේෂඃ .

න ජන්මර්ක්ෂයෝගේ යදා තේ රුදාන්තා

මනෝවාඤ්ඡිතාන් සර්වකාමාන් ලභන්තේ .. 23 ..

ඉති ශ්රී සුබ්රහ්මණ්ය භුජඞ්ග ප්රයාත ස්තෝත්රම් .