Subrahmanya Bhujanga Prayata Stotram

ସୁବ୍ରହ୍ମଣ୍ଯ ଭୁଜଙ୍ଗ ପ୍ରଯାତ ସ୍ତୋତ୍ରମ୍

ଶ୍ଲୋକ 1

ଭଜେଽହଂ କୁମାରଂ ଭଵାନୀକୁମାରଂ

ଗଲୋଲ୍ଲାସିହାରଂ ନମତ୍ସଦ୍ଵିହାରମ୍ ।

ରିପୁସ୍ତୋମପାରଂ ନୃସିଂହାଵତାରଂ

ସଦାନିର୍ଵିକାରଂ ଗୁହଂ ନିର୍ଵିଚାରମ୍

ଶ୍ଲୋକ 2

ନମାମୀଶପୁତ୍ରଂ ଜପାଶୋଣଗାତ୍ରଂ

ସୁରାରାତିଶତ୍ରୁଂ ରଵୀନ୍ଦ୍ଵଗ୍ନିନେତ୍ରମ୍ ।

ମହାବର୍ହିପତ୍ରଂ ଶିଵାସ୍ଯାବ୍ଜମିତ୍ରଂ

ପ୍ରଭାସ୍ଵତ୍କଲତ୍ରଂ ପୁରାଣଂ ପଵିତ୍ରମ୍

॥ 1 ॥

ଶ୍ଲୋକ 3

ଅନେକାର୍କକୋଟି-ପ୍ରଭାଵଜ୍ଜ୍ଵଲଂ ତଂ

ମନୋହାରି ମାଣିକ୍ଯ ଭୂଷୋଜ୍ଜ୍ଵଲଂ ତମ୍ ।

ଶ୍ରିତାନାମଭୀଷ୍ଟଂ ନିଶାନ୍ତଂ ନିତାନ୍ତଂ

ଭଜେ ଷଣ୍ମୁଖଂ ତଂ ଶରଚ୍ଚନ୍ଦ୍ରକାନ୍ତମ୍

॥ 2 ॥

ଶ୍ଲୋକ 4

କୃପାଵାରି କଲ୍ଲୋଲଭାସ୍ଵତ୍କଟାକ୍ଷଂ

ଵିରାଜନ୍ମନୋହାରି ଶୋଣାମ୍ବୁଜାକ୍ଷମ୍ ।

ପ୍ରଯୋଗପ୍ରଦାନପ୍ରଵାହୈକଦକ୍ଷଂ

ଭଜେ କାନ୍ତିକାନ୍ତଂ ପରସ୍ତୋମରକ୍ଷମ୍

॥ 3 ॥

ଶ୍ଲୋକ 5

ସୁକସ୍ତୂରିସିନ୍ଦୂରଭାସ୍ଵଲ୍ଲଲାଟଂ

ଦଯାପୂର୍ଣଚିତ୍ତଂ ମହାଦେଵପୁତ୍ରମ୍ ।

ରଵୀନ୍ଦୂଲ୍ଲସଦ୍ରତ୍ନରାଜତ୍କିରୀଟଂ

ଭଜେ କ୍ରୀଡିତାକାଶ ଗଙ୍ଗାଦ୍ରିକୂଟମ୍

॥ 4 ॥

ଶ୍ଲୋକ 6

ସୁକୁନ୍ଦପ୍ରସୂନାଵଲୀଶୋଭିତାଙ୍ଗଂ

ଶରତ୍ପୂର୍ଣଚନ୍ଦ୍ରପ୍ରଭାକାନ୍ତିକାନ୍ତମ୍ ।

ଶିରୀଷପ୍ରସୂନାଭିରାମଂ ଭଵନ୍ତଂ

ଭଜେ ଦେଵସେନାପତିଂ ଵଲ୍ଲଭଂ ତମ୍

॥ 5 ॥

ଶ୍ଲୋକ 7

ସୁଲାଵଣ୍ଯସତ୍ସୂର୍ଯକୋଟିପ୍ରତୀକଂ

ପ୍ରଭୁଂ ତାରକାରିଂ ଦ୍ଵିଷଡ୍ବାହୁମୀଶମ୍ ।

ନିଜାଙ୍କପ୍ରଭାଦିଵ୍ଯମାନାପଦୀଶଂ

ଭଜେ ପାର୍ଵତୀପ୍ରାଣପୁତ୍ରଂ ସୁକେଶମ୍

॥ 6 ॥

ଶ୍ଲୋକ 8

ଅଜଂ ସର୍ଵଲୋକପ୍ରିଯଂ ଲୋକନାଥଂ

ଗୁହଂ ଶୂରପଦ୍ମାଦିଦମ୍ଭୋଲିଧାରମ୍ ।

ସୁଚାରୁଂ ସୁନାସାପୁଟଂ ସଚ୍ଚରିତ୍ରଂ

ଭଜେ କାର୍ତିକେଯଂ ସଦା ବାହୁଲେଯମ୍

॥ 7 ॥

ଶ୍ଲୋକ 9

ଶରାରଣ୍ଯସମ୍ଭୂତମିନ୍ଦ୍ରାଦିଵନ୍ଦ୍ଯଂ

ଦ୍ଵିଷଡ୍ବାହୁସଙ୍ଖ୍ଯାଯୁଧଶ୍ରେଣିରମ୍ଯମ୍ ।

ମରୁତ୍ସାରଥିଂ କୁକ୍କୁଟେଶଂ ସୁକେତୁଂ

ଭଜେ ଯୋଗିହୃତ୍ପଦ୍ମମଧ୍ଯାଧିଵାସମ୍

॥ 8 ॥

ଶ୍ଲୋକ 10

ଵିରିଞ୍ଚୀନ୍ଦ୍ରଵଲ୍ଲୀଶ ଦେଵେଶମୁଖ୍ଯଂ

ପ୍ରଶସ୍ତାମରସ୍ତୋମସଂସ୍ତୂଯମାନମ୍ ।

ଦିଶ ତ୍ଵଂ ଦଯାଲୋ ଶ୍ରିଯଂ ନିଶ୍ଚଲାଂ ମେ

ଵିନା ତ୍ଵାଂ ଗତିଃ କା ପ୍ରଭୋ ମେ ପ୍ରସୀଦ

॥ 9 ॥

ଶ୍ଲୋକ 11

ପଦାମ୍ଭୋଜସେଵା ସମାଯାତବୃନ୍ଦା-

ରକଶ୍ରେଣିକୋଟୀରଭାସ୍ଵଲ୍ଲଲାଟମ୍ ।

କଲତ୍ରୋଲ୍ଲସତ୍ପାର୍ଶ୍ଵଯୁଗ୍ମଂ ଵରେଣ୍ଯଂ

ଭଜେ ଦେଵମାଦ୍ଯନ୍ତହୀନପ୍ରଭାଵମ୍

॥ 10 ॥

ଶ୍ଲୋକ 12

ଭଵାମ୍ଭୋଧିମଧ୍ଯେ ତରଙ୍ଗେ ପତନ୍ତଂ

ପ୍ରଭୋ ମାଂ ସଦା ପୂର୍ଣଦୃଷ୍ଟ୍ଯା ସମୀକ୍ଷ୍ଯ ।

ଭଵଦ୍ଭକ୍ତିନାଵୋଦ୍ଧର ତ୍ଵଂ ଦଯାଲୋ

ସୁଗତ୍ଯନ୍ତରଂ ନାସ୍ତି ଦେଵ ପ୍ରସୀଦ

॥ 11 ॥

ଶ୍ଲୋକ 13

ଗଲେ ରତ୍ନଭୂଷଂ ତନୌ ମଞ୍ଜୁଵେଷଂ

କରେ ଜ୍ଞାନଶକ୍ତିଂ ଦରସ୍ମେରମାସ୍ଯେ ।

କଟିନ୍ଯସ୍ତପାଣିଂ ଶିଖିସ୍ଥଂ କୁମାରଂ

ଭଜେଽହଂ ଗୁହାଦନ୍ଯଦେଵଂ ନ ମନ୍ଯେ

॥ 12 ॥

ଶ୍ଲୋକ 14

ଦଯାହୀନଚିତ୍ତଂ ପରଦ୍ରୋହପାତ୍ରଂ

ସଦା ପାପଶୀଲଂ ଗୁରୋର୍ଭକ୍ତିହୀନମ୍ ।

ଅନନ୍ଯାଵଲମ୍ବଂ ଭଵନ୍ନେତ୍ରପାତ୍ରଂ

କୃପାଶୀଲ ମାଂ ଭୋ ପଵିତ୍ରଂ କୁରୁ ତ୍ଵମ୍

॥ 13 ॥

ଶ୍ଲୋକ 15

ମହାସେନ ଗାଙ୍ଗେଯ ଵଲ୍ଲୀସହାଯ

ପ୍ରଭୋ ତାରକାରେ ଷଡାସ୍ଯାମରେଶ ।

ସଦା ପାଯସାନ୍ନପ୍ରଦାତର୍ଗୁହେତି

ସ୍ମରିଷ୍ଯାମି ଭକ୍ତ୍ଯା ସଦାହଂ ଵିଭୋ ତ୍ଵାମ୍

॥ 14 ॥

ଶ୍ଲୋକ 16

ପ୍ରତାପସ୍ଯ ବାହୋ ନମଦ୍ଵୀରବାହୋ

ପ୍ରଭୋ କାର୍ତିକେଯେଷ୍ଟକାମପ୍ରଦେତି ।

ଯଦା ଯେ ପଠନ୍ତେ ଭଵନ୍ତଂ ତଦେଵଂ

ପ୍ରସନ୍ନସ୍ତୁ ତେଷାଂ ବହୁଶ୍ରୀଂ ଦଦାସି

॥ 15 ॥

ଶ୍ଲୋକ 17

ଅପାରାତିଦାରିଦ୍ର୍ଯଵାରାଶିମଧ୍ଯେ

ଭ୍ରମନ୍ତଂ ଜନଗ୍ରାହପୂର୍ଣେ ନିତାନ୍ତମ୍ ।

ମହାସେନ ମାମୁଦ୍ଧର ତ୍ଵଂ କଟାକ୍ଷା-

ଵଲୋକେନ କିଞ୍ଚିତ୍ପ୍ରସୀଦ ପ୍ରସୀଦ

॥ 16 ॥

ଶ୍ଲୋକ 18

ସ୍ଥିରାଂ ଦେହି ଭକ୍ତିଂ ଭଵତ୍ପାଦପଦ୍ମେ

ଶ୍ରିଯଂ ନିଶ୍ଚଲାଂ ଦେହି ମହ୍ଯଂ କୁମାର ।

ଗୁହଂ ଚନ୍ଦ୍ରତାରଂ ସୁଵଂଶାଭିଵୃଦ୍ଧିଂ

କୁରୁ ତ୍ଵଂ ପ୍ରଭୋ ମେ ମନଃ କଲ୍ପସାଲଃ

॥ 17 ॥

ଶ୍ଲୋକ 19

ନମସ୍ତେ ନମସ୍ତେ ମହାଶକ୍ତିପାଣେ

ନମସ୍ତେ ନମସ୍ତେ ଲସଦ୍ଵଜ୍ରପାଣେ ।

ନମସ୍ତେ ନମସ୍ତେ କଟିନ୍ଯସ୍ତପାଣେ

ନମସ୍ତେ ନମସ୍ତେ ସଦାଭୀଷ୍ଟପାଣେ

॥ 18 ॥

ଶ୍ଲୋକ 20

ନମସ୍ତେ ନମସ୍ତେ ମହାଶକ୍ତିଧାରିନ୍

ନମସ୍ତେ ସୁରାଣାଂ ମହାସୌଖ୍ଯଦାଯିନ୍ ।

ନମସ୍ତେ ସଦା କୁକ୍କୁଟେଶାଖ୍ଯକ ତ୍ଵଂ

ସମସ୍ତାପରାଧଂ ଵିଭୋ ମେ କ୍ଷମସ୍ଵ

॥ 19 ॥

ଶ୍ଲୋକ 21

କୁମାରାତ୍ପରଂ କର୍ମଯୋଗଂ ନ ଜାନେ

କୁମାରାତ୍ପରଂ କର୍ମଶୀଲଂ ନ ଜାନେ ।

ଯ ଏକୋ ମୁନୀନାଂ ହୃଦବ୍ଜାଧିଵାସଃ

ଶିଵାଙ୍କଂ ସମାରୁହ୍ଯ ସତ୍ପୀଠକଲ୍ପମ୍

॥ 20 ॥

ଶ୍ଲୋକ 22

ଵିରିଞ୍ଚାଯ ମନ୍ତ୍ରୋପଦେଶଂ ଚକାର

ପ୍ରମୋଦେନ ସୋଽଯଂ ତନୋତୁ ଶ୍ରିଯଂ ମେ ।

ଯମାହୁଃ ପରଂ ଵେଦ ଶୂରେଷୁ ମୁଖ୍ଯଂ

ସଦା ଯସ୍ଯ ଶକ୍ତ୍ଯା ଜଗତ୍ଭୀତଭୀତା

॥ 21 ॥

ଶ୍ଲୋକ 23

ଯମାଶ୍ରିତ୍ଯ ଦେଵାଃ ସ୍ଥିରଂ ସ୍ଵର୍ଗପାଲାଃ

ସଦୋଙ୍କାରରୂପଂ ଚିଦାନନ୍ଦମୀଡେ ।

ଗୁହସ୍ତୋତ୍ରମେତତ୍ କୃତଂ ତାରକାରେ

ଭୁଜଙ୍ଗପ୍ରଯାତେନ ହୃଦ୍ଯେନ କାନ୍ତମ୍

॥ 22 ॥

ଶ୍ଲୋକ 24

ଜନା ଯେ ପଠନ୍ତେ ମହାଭକ୍ତିଯୁକ୍ତାଃ

ପ୍ରମୋଦେନ ସାଯଂ ପ୍ରଭାତେ ଵିଶେଷଃ ।

ନ ଜନ୍ମର୍କ୍ଷଯୋଗେ ଯଦା ତେ ରୁଦାନ୍ତା

ମନୋଵାଞ୍ଛିତାନ୍ ସର୍ଵକାମାନ୍ ଲଭନ୍ତେ

॥ 23 ॥

ଶ୍ଲୋକ 25

ଇତି ଶ୍ରୀ ସୁବ୍ରହ୍ମଣ୍ଯ ଭୁଜଙ୍ଗ ପ୍ରଯାତ ସ୍ତୋତ୍ରମ୍ ।