Subrahmanya Bhujanga Prayata Stotram
Subrahmanya Bhujanga Prayata Stotram
Subrahmanya Bhujanga Prayata Stotram
subrahmaNya bhuja~Nga prayAta stotram
shloka 1
bhaje.ahaM kumAraM bhavAnIkumAraM
galollAsihAraM namatsadvihAram |
ripustomapAraM nRRisiMhAvatAraM
sadAnirvikAraM guhaM nirvichAram || 1 ||
namAmIshaputraM japAshoNagAtraM
surArAtishatruM ravIndvagninetram |
mahAbarhipatraM shivAsyAbjamitraM
prabhAsvatkalatraM purANaM pavitram || 2 ||
anekArkakoTi-prabhAvajjvalaM taM
manohAri mANikya bhUShojjvalaM tam |
shritAnAmabhIShTaM nishAntaM nitAntaM
bhaje ShaNmukhaM taM sharachchandrakAntam || 3 ||
kRRipAvAri kallolabhAsvatkaTAkShaM
virAjanmanohAri shoNAmbujAkSham |
prayogapradAnapravAhaikadakShaM
bhaje kAntikAntaM parastomarakSham || 4 ||
sukastUrisindUrabhAsvallalATaM
dayApUrNachittaM mahAdevaputram |
ravIndUllasadratnarAjatkirITaM
bhaje krIDitAkAsha ga~NgAdrikUTam || 5 ||
sukundaprasUnAvalIshobhitA~NgaM
sharatpUrNachandraprabhAkAntikAntam |
shirIShaprasUnAbhirAmaM bhavantaM
bhaje devasenApatiM vallabhaM tam || 6 ||
sulAvaNyasatsUryakoTipratIkaM
prabhuM tArakAriM dviShaDbAhumIsham |
nijA~NkaprabhAdivyamAnApadIshaM
bhaje pArvatIprANaputraM sukesham || 7 ||
ajaM sarvalokapriyaM lokanAthaM
guhaM shUrapadmAdidambholidhAram |
suchAruM sunAsApuTaM sachcharitraM
bhaje kArtikeyaM sadA bAhuleyam || 8 ||
sharAraNyasambhUtamindrAdivandyaM
dviShaDbAhusa~NkhyAyudhashreNiramyam |
marutsArathiM kukkuTeshaM suketuM
bhaje yogihRRitpadmamadhyAdhivAsam || 9 ||
viri~nchIndravallIsha deveshamukhyaM
prashastAmarastomasaMstUyamAnam |
disha tvaM dayAlo shriyaM nishchalAM me
vinA tvAM gatiH kA prabho me prasIda || 10 ||
padAmbhojasevA samAyAtabRRindA-
rakashreNikoTIrabhAsvallalATam |
kalatrollasatpArshvayugmaM vareNyaM
bhaje devamAdyantahInaprabhAvam || 11 ||
bhavAmbhodhimadhye tara~Nge patantaM
prabho mAM sadA pUrNadRRiShTyA samIkShya |
bhavadbhaktinAvoddhara tvaM dayAlo
sugatyantaraM nAsti deva prasIda || 12 ||
gale ratnabhUShaM tanau ma~njuveShaM
kare j~nAnashaktiM darasmeramAsye |
kaTinyastapANiM shikhisthaM kumAraM
bhaje.ahaM guhAdanyadevaM na manye || 13 ||
dayAhInachittaM paradrohapAtraM
sadA pApashIlaM gurorbhaktihInam |
ananyAvalambaM bhavannetrapAtraM
kRRipAshIla mAM bho pavitraM kuru tvam || 14 ||
mahAsena gA~Ngeya vallIsahAya
prabho tArakAre ShaDAsyAmaresha |
sadA pAyasAnnapradAtarguheti
smariShyAmi bhaktyA sadAhaM vibho tvAm || 15 ||
pratApasya bAho namadvIrabAho
prabho kArtikeyeShTakAmapradeti |
yadA ye paThante bhavantaM tadevaM
prasannastu teShAM bahushrIM dadAsi || 16 ||
apArAtidAridryavArAshimadhye
bhramantaM janagrAhapUrNe nitAntam |
mahAsena mAmuddhara tvaM kaTAkShA-
valokena ki~nchitprasIda prasIda || 17 ||
sthirAM dehi bhaktiM bhavatpAdapadme
shriyaM nishchalAM dehi mahyaM kumAra |
guhaM chandratAraM suvaMshAbhivRRiddhiM
kuru tvaM prabho me manaH kalpasAlaH || 18 ||
namaste namaste mahAshaktipANe
namaste namaste lasadvajrapANe |
namaste namaste kaTinyastapANe
namaste namaste sadAbhIShTapANe || 19 ||
namaste namaste mahAshaktidhArin
namaste surANAM mahAsaukhyadAyin |
namaste sadA kukkuTeshAkhyaka tvaM
samastAparAdhaM vibho me kShamasva || 20 ||
kumArAtparaM karmayogaM na jAne
kumArAtparaM karmashIlaM na jAne |
ya eko munInAM hRRidabjAdhivAsaH
shivA~NkaM samAruhya satpIThakalpam || 21 ||
viri~nchAya mantropadeshaM chakAra
pramodena so.ayaM tanotu shriyaM me |
yamAhuH paraM veda shUreShu mukhyaM
sadA yasya shaktyA jagatbhItabhItA || 22 ||
yamAshritya devAH sthiraM svargapAlAH
sado~NkArarUpaM chidAnandamIDe |
guhastotrametat kRRitaM tArakAre
bhuja~NgaprayAtena hRRidyena kAntam || 23 ||
janA ye paThante mahAbhaktiyuktAH
pramodena sAyaM prabhAte visheShaH |
na janmarkShayoge yadA te rudAntA
manovA~nChitAn sarvakAmAn labhante || 23 ||
iti shrI subrahmaNya bhuja~Nga prayAta stotram |