Subrahmanya Bhujanga Prayata Stotram

subrahmaNya bhujaGga prayAta stotram

zloka 1

bhaje'haM kumAraM bhavAnIkumAraM

galollAsihAraM namatsadvihAram |

ripustomapAraM nRsiMhAvatAraM

sadAnirvikAraM guhaM nirvicAram || 1 ||

namAmIzaputraM japAzoNagAtraM

surArAtizatruM ravIndvagninetram |

mahAbarhipatraM zivAsyAbjamitraM

prabhAsvatkalatraM purANaM pavitram || 2 ||

anekArkakoTi-prabhAvajjvalaM taM

manohAri mANikya bhUSojjvalaM tam |

zritAnAmabhISTaM nizAntaM nitAntaM

bhaje SaNmukhaM taM zaraccandrakAntam || 3 ||

kRpAvAri kallolabhAsvatkaTAkSaM

virAjanmanohAri zoNAmbujAkSam |

prayogapradAnapravAhaikadakSaM

bhaje kAntikAntaM parastomarakSam || 4 ||

sukastUrisindUrabhAsvallalATaM

dayApUrNacittaM mahAdevaputram |

ravIndUllasadratnarAjatkirITaM

bhaje krIDitAkAza gaGgAdrikUTam || 5 ||

sukundaprasUnAvalIzobhitAGgaM

zaratpUrNacandraprabhAkAntikAntam |

zirISaprasUnAbhirAmaM bhavantaM

bhaje devasenApatiM vallabhaM tam || 6 ||

sulAvaNyasatsUryakoTipratIkaM

prabhuM tArakAriM dviSaDbAhumIzam |

nijAGkaprabhAdivyamAnApadIzaM

bhaje pArvatIprANaputraM sukezam || 7 ||

ajaM sarvalokapriyaM lokanAthaM

guhaM zUrapadmAdidambholidhAram |

sucAruM sunAsApuTaM saccaritraM

bhaje kArtikeyaM sadA bAhuleyam || 8 ||

zarAraNyasambhUtamindrAdivandyaM

dviSaDbAhusaGkhyAyudhazreNiramyam |

marutsArathiM kukkuTezaM suketuM

bhaje yogihRtpadmamadhyAdhivAsam || 9 ||

viriJcIndravallIza devezamukhyaM

prazastAmarastomasaMstUyamAnam |

diza tvaM dayAlo zriyaM nizcalAM me

vinA tvAM gatiH kA prabho me prasIda || 10 ||

padAmbhojasevA samAyAtabRndA-

rakazreNikoTIrabhAsvallalATam |

kalatrollasatpArzvayugmaM vareNyaM

bhaje devamAdyantahInaprabhAvam || 11 ||

bhavAmbhodhimadhye taraGge patantaM

prabho mAM sadA pUrNadRSTyA samIkSya |

bhavadbhaktinAvoddhara tvaM dayAlo

sugatyantaraM nAsti deva prasIda || 12 ||

gale ratnabhUSaM tanau maJjuveSaM

kare jJAnazaktiM darasmeramAsye |

kaTinyastapANiM zikhisthaM kumAraM

bhaje'haM guhAdanyadevaM na manye || 13 ||

dayAhInacittaM paradrohapAtraM

sadA pApazIlaM gurorbhaktihInam |

ananyAvalambaM bhavannetrapAtraM

kRpAzIla mAM bho pavitraM kuru tvam || 14 ||

mahAsena gAGgeya vallIsahAya

prabho tArakAre SaDAsyAmareza |

sadA pAyasAnnapradAtarguheti

smariSyAmi bhaktyA sadAhaM vibho tvAm || 15 ||

pratApasya bAho namadvIrabAho

prabho kArtikeyeSTakAmapradeti |

yadA ye paThante bhavantaM tadevaM

prasannastu teSAM bahuzrIM dadAsi || 16 ||

apArAtidAridryavArAzimadhye

bhramantaM janagrAhapUrNe nitAntam |

mahAsena mAmuddhara tvaM kaTAkSA-

valokena kiJcitprasIda prasIda || 17 ||

sthirAM dehi bhaktiM bhavatpAdapadme

zriyaM nizcalAM dehi mahyaM kumAra |

guhaM candratAraM suvaMzAbhivRddhiM

kuru tvaM prabho me manaH kalpasAlaH || 18 ||

namaste namaste mahAzaktipANe

namaste namaste lasadvajrapANe |

namaste namaste kaTinyastapANe

namaste namaste sadAbhISTapANe || 19 ||

namaste namaste mahAzaktidhArin

namaste surANAM mahAsaukhyadAyin |

namaste sadA kukkuTezAkhyaka tvaM

samastAparAdhaM vibho me kSamasva || 20 ||

kumArAtparaM karmayogaM na jAne

kumArAtparaM karmazIlaM na jAne |

ya eko munInAM hRdabjAdhivAsaH

zivAGkaM samAruhya satpIThakalpam || 21 ||

viriJcAya mantropadezaM cakAra

pramodena so'yaM tanotu zriyaM me |

yamAhuH paraM veda zUreSu mukhyaM

sadA yasya zaktyA jagatbhItabhItA || 22 ||

yamAzritya devAH sthiraM svargapAlAH

sadoGkArarUpaM cidAnandamIDe |

guhastotrametat kRtaM tArakAre

bhujaGgaprayAtena hRdyena kAntam || 23 ||

janA ye paThante mahAbhaktiyuktAH

pramodena sAyaM prabhAte vizeSaH |

na janmarkSayoge yadA te rudAntA

manovAJchitAn sarvakAmAn labhante || 23 ||

iti zrI subrahmaNya bhujaGga prayAta stotram |