Subrahmanya Ashtottara Sata Nama Stotram

සුබ්රහ්මණ්යෂ්ටෝත්තරශත නාමස්තෝත්රම්

ශ්ලොක 1

ශක්තිහස්තං විරූපාක්ෂං ශිඛිවාහං ෂඩානනම් .

දාරුණං රිපුරෝගඝ්නං භාවයේ කුක්කුටධ්වජම් ..

ඉති ධ්යානම්

ස්කන්දෝ ගුහඃ ෂණ්මුඛශ්ච ඵාලනේත්රසුතඃ ප්රභුඃ .

පිඞ්ගලඃ කෘත්තිකාසූනුඃ ශිඛිවාහෝ ද්විෂඩ්භුජඃ .. 1 ..

ද්විෂණ්ණේත්ර-ශ්ශක්තිධරඃ පිශිතාශ ප්රභඤ්ජනඃ .

තාරකාසුරසංහාරී රක්ෂෝබලවිමර්දනඃ .. 2 ..

මත්තඃ ප්රමත්ත උන්මත්තඃ සුරසෛන්යසුරක්ෂකඃ .

දේවසේනාපතිඃ ප්රාජ්ඤඃ කෘපාලු ර්භක්තවත්සලඃ .. 3 ..

උමාසුත-ශ්ශක්තිධරඃ කුමාරඃ ක්රෞඤ්චධාරණඃ .

සේනානී-රග්නිජන්මා ච විශාඛඃ ශඞ්කරාත්මජඃ .. 4 ..

ශිවස්වාමී ගණස්වාමී සර්වස්වාමී සනාතනඃ .

අනන්තමූර්ති රක්ෂෝභ්යඃ පාර්වතීප්රියනන්දනඃ .. 5 ..

ගඞ්ගාසුත-ශ්ශරෝද්භූත ආහූතඃ පාවකාත්මජඃ .

ජෘම්භඃ ප්රජෘම්භ උජ්ජෘම්භඃ කමලාසනසංස්තුතඃ .. 6 ..

ඒකවර්ණෝ ද්විවර්ණශ්ච ත්රිවර්ණඃ සුමනෝහරඃ .

චතුර්වර්ණඃ පඤ්චවර්ණඃ ප්රජාපති-රහස්පතිඃ .. 7 ..

අග්නිගර්භ-ශ්ශමීගර්භෝ විශ්වරේතා-ස්සුරාරිහා .

හරිද්වර්ණ-ශ්ශුභකරෝ පටුශ්ච වටුවේෂභෘත් .. 8 ..

පූෂා ගභස්ති-ර්ගහන ශ්චන්ද්රවර්ණඃ කලාධරඃ .

මායාධරෝ මහාමායී කෛවල්ය-ශ්ශඞ්කරාත්මජඃ .. 9 ..

විශ්වයෝනි-රමේයාත්මා තේජෝනිධි-රනාමයඃ .

පරමේෂ්ඨී පරම්බ්රහ්ම වේදගර්භෝ විරාට්සුතඃ .. 10 ..

පුලින්දකන්යාභර්තා ච මහාසාරස්වතාවෘතඃ .

අශ්රිතෝඛිලදාතා ච චෝරඝ්නෝ රෝගනාශනඃ .. 11 ..

අනන්තමූර්ති-රානන්ද-ශ්ශිඛණ්ඩීකෘතකේතනඃ .

ඩම්භඃ පරමඩම්භශ්ච මහාඩම්භෝ වෘෂාකපිඃ .. 12 ..

කාරණෝපාත්තදේහශ්ච කාරණාතීතවිග්රහඃ .

අනීශ්වරෝ(අ)මෘතඃ ප්රාණඃ ප්රාණායාමපරායණඃ .. 13 ..

විරුද්ධහන්තා වීරඝ්නෝ රක්තශ්යාමගලෝ(අ)පි ච .

සුබ්රහ්මණ්යෝ ගුහඃ ප්රීතෝ බ්රහ්මණ්යෝ බ්රාහ්මණප්රියඃ .. 14 ..

වංශවෘද්ධිකරෝ වේදෝ වේද්යෝ(අ)ක්ෂයඵලප්රදඃ .. 15 ..

ඉති ශ්රී සුබ්රහ්මණ්යාෂ්ටෝත්තර ශතනාමස්තෝත්රං සම්පූර්ණම් .