Subrahmanya Ashtottara Sata Nama Stotram

subrahmaṇyaṣṭottaraśata nāmastotram

Śloka 1

śaktihastaṃ virūpākṣaṃ śikhivāhaṃ ṣaḍānanam |

dāruṇaṃ ripurogaghnaṃ bhāvaye kukkuṭadhvajam ||

iti dhyānam

skando guhaḥ ṣaṇmukhaśca phālanetrasutaḥ prabhuḥ |

piṅgalaḥ kṛttikāsūnuḥ śikhivāho dviṣaḍbhujaḥ || 1 ||

dviṣaṇṇetra-śśaktidharaḥ piśitāśa prabhañjanaḥ |

tārakāsurasaṃhārī rakṣobalavimardanaḥ || 2 ||

mattaḥ pramatta unmattaḥ surasainyasurakṣakaḥ |

devasenāpatiḥ prājñaḥ kṛpālu rbhaktavatsalaḥ || 3 ||

umāsuta-śśaktidharaḥ kumāraḥ krauñcadhāraṇaḥ |

senānī-ragnijanmā ca viśākhaḥ śaṅkarātmajaḥ || 4 ||

śivasvāmī gaṇasvāmī sarvasvāmī sanātanaḥ |

anantamūrti rakṣobhyaḥ pārvatīpriyanandanaḥ || 5 ||

gaṅgāsuta-śśarodbhūta āhūtaḥ pāvakātmajaḥ |

jṛmbhaḥ prajṛmbha ujjṛmbhaḥ kamalāsanasaṃstutaḥ || 6 ||

ekavarṇo dvivarṇaśca trivarṇaḥ sumanoharaḥ |

caturvarṇaḥ pañcavarṇaḥ prajāpati-rahaspatiḥ || 7 ||

agnigarbha-śśamīgarbho viśvaretā-ssurārihā |

haridvarṇa-śśubhakaro paṭuśca vaṭuveṣabhṛt || 8 ||

pūṣā gabhasti-rgahana ścandravarṇaḥ kalādharaḥ |

māyādharo mahāmāyī kaivalya-śśaṅkarātmajaḥ || 9 ||

viśvayoni-rameyātmā tejonidhi-ranāmayaḥ |

parameṣṭhī parambrahma vedagarbho virāṭsutaḥ || 10 ||

pulindakanyābhartā ca mahāsārasvatāvṛtaḥ |

aśritokhiladātā ca coraghno roganāśanaḥ || 11 ||

anantamūrti-rānanda-śśikhaṇḍīkṛtaketanaḥ |

ḍambhaḥ paramaḍambhaśca mahāḍambho vṛṣākapiḥ || 12 ||

kāraṇopāttadehaśca kāraṇātītavigrahaḥ |

anīśvaro'mṛtaḥ prāṇaḥ prāṇāyāmaparāyaṇaḥ || 13 ||

viruddhahantā vīraghno raktaśyāmagalo'pi ca |

subrahmaṇyo guhaḥ prīto brahmaṇyo brāhmaṇapriyaḥ || 14 ||

vaṃśavṛddhikaro vedo vedyo'kṣayaphalapradaḥ || 15 ||

iti śrī subrahmaṇyāṣṭottara śatanāmastotraṃ sampūrṇam |