Subrahmanya Ashtakam Karavalamba Stotram

subrahmaNya aSTakaM karAvalamba stotram

zloka 1

he svAminAtha karuNAkara dInabandho,

zrIpArvatIzamukhapaGkaja padmabandho |

zrIzAdidevagaNapUjitapAdapadma,

vallIsanAtha mama dehi karAvalambam || 1 ||

devAdidevanuta devagaNAdhinAtha,

devendravandya mRdupaGkajamaJjupAda |

devarSinAradamunIndrasugItakIrte,

vallIsanAtha mama dehi karAvalambam || 2 ||

nityAnnadAna niratAkhila rogahArin,

tasmAtpradAna paripUritabhaktakAma |

zRtyAgamapraNavavAcyanijasvarUpa,

vallIsanAtha mama dehi karAvalambam || 3 ||

krauJcAsurendra parikhaNDana zaktizUla,

pAzAdizastraparimaNDitadivyapANe |

zrIkuNDalIza dhRtatuNDa zikhIndravAha,

vallIsanAtha mama dehi karAvalambam || 4 ||

devAdideva rathamaNDala madhya vedya,

devendra pIThanagaraM dRDhacApahastam |

zUraM nihatya surakoTibhirIDyamAna,

vallIsanAtha mama dehi karAvalambam || 5 ||

hArAdiratnamaNiyuktakirITahAra,

keyUrakuNDalalasatkavacAbhirAma |

he vIra tAraka jayA'marabRndavandya,

vallIsanAtha mama dehi karAvalambam || 6 ||

paJcAkSarAdimanumantrita gAGgatoyaiH,

paJcAmRtaiH pramuditendramukhairmunIndraiH |

paTTAbhiSikta hariyukta parAsanAtha,

vallIsanAtha mama dehi karAvalambam || 7 ||

zrIkArtikeya karuNAmRtapUrNadRSTyA,

kAmAdirogakaluSIkRtaduSTacittam |

bhaktvA tu mAmavakalAdhara kAntikAntyA,

vallIsanAtha mama dehi karAvalambam || 8 ||

subrahmaNya karAvalambaM puNyaM ye paThanti dvijottamAH |

te sarve mukti mAyAnti subrahmaNya prasAdataH |

subrahmaNya karAvalambamidaM prAtarutthAya yaH paThet |

koTijanmakRtaM pApaM tat​kSaNAdeva nazyati ||