Srimad Bhagawad Gita Chapter 9

ශ්රීමද්භගවද්ගීතා මූලම් - නවමෝ(අ)ධ්යායඃ

ශ්ලොක 1

ඕං ශ්රීපරමාත්මනේ නමඃ

අථ නවමෝ(අ)ධ්යායඃ .

රාජවිද්යාරාජගුහ්යයෝගඃ

ශ්රීභගවානුවාච

ඉදං තු තේ ගුහ්යතමං ප්රවක්ෂ්යාම්යනසූයවේ .

ජ්ඤානං විජ්ඤානසහිතං යජ්ජ්ඤාත්වා මෝක්ෂ්යසේ(අ)ශුභාත් .. 1 ..

රාජවිද්යා රාජගුහ්යං පවිත්රමිදමුත්තමම් .

ප්රත්යක්ෂාවගමං ධර්ම්යං සුසුඛං කර්තුමව්යයම් .. 2 ..

අශ්රද්දධානාඃ පුරුෂා ධර්මස්යාස්ය පරන්තප .

අප්රාප්ය මාං නිවර්තන්තේ මෘත්යුසංසාරවර්ත්මනි .. 3 ..

මයා තතමිදං සර්වං ජගදව්යක්තමූර්තිනා .

මත්ස්ථානි සර්වභූතානි න චාහං තේෂ්වවස්ථිතඃ .. 4 ..

න ච මත්ස්ථානි භූතානි පශ්ය මේ යෝගමෛශ්වරම් .

භූතභෘන්න ච භූතස්ථෝ මමාත්මා භූතභාවනඃ .. 5 ..

යථාකාශස්ථිතෝ නිත්යං වායුඃ සර්වත්රගෝ මහාන් .

තථා සර්වාණි භූතානි මත්ස්ථානීත්යුපධාරය .. 6 ..

සර්වභූතානි කෞන්තේය ප්රකෘතිං යාන්ති මාමිකාම් .

කල්පක්ෂයේ පුනස්තානි කල්පාදෞ විසෘජාම්යහම් .. 7 ..

ප්රකෘතිං ස්වාමවෂ්ටභ්ය විසෘජාමි පුනඃ පුනඃ .

භූතග්රාමමිමං කෘත්ස්නමවශං ප්රකෘතේර්වශාත් .. 8 ..

න ච මාං තානි කර්මාණි නිබධ්නන්ති ධනඤ්ජය .

උදාසීනවදාසීනමසක්තං තේෂු කර්මසු .. 9 ..

මයාධ්යක්ෂේණ ප්රකෘතිඃ සූයතේ සචරාචරම් .

හේතුනානේන කෞන්තේය ජගද්විපරිවර්තතේ .. 10 ..

අවජානන්ති මාං මූඪා මානුෂීං තනුමාශ්රිතම් .

පරං භාවමජානන්තෝ මම භූතමහේශ්වරම් .. 11 ..

මෝඝාශා මෝඝකර්මාණෝ මෝඝජ්ඤානා විචේතසඃ .

රාක්ෂසීමාසුරීං චෛව ප්රකෘතිං මෝහිනීං ශ්රිතාඃ .. 12 ..

මහාත්මානස්තු මාං පාර්ථ දෛවීං ප්රකෘතිමාශ්රිතාඃ .

භජන්ත්යනන්යමනසෝ ජ්ඤාත්වා භූතාදිමව්යයම් .. 13 ..

සතතං කීර්තයන්තෝ මාං යතන්තශ්ච දෘඪව්රතාඃ .

නමස්යන්තශ්ච මාං භක්ත්යා නිත්යයුක්තා උපාසතේ .. 14 ..

ජ්ඤානයජ්ඤේන චාප්යන්යේ යජන්තෝ මාමුපාසතේ .

ඒකත්වේන පෘථක්ත්වේන බහුධා විශ්වතෝමුඛම් .. 15 ..

අහං ක්රතුරහං යජ්ඤඃ ස්වධාහමහමෞෂධම් .

මන්ත්රෝ(අ)හමහමේවාජ්යමහමග්නිරහං හුතම් .. 16 ..

පිතාහමස්ය ජගතෝ මාතා ධාතා පිතාමහඃ .

වේද්යං පවිත්රමෝඞ්කාර ඍක්සාම යජුරේව ච .. 17 ..

ගතිර්භර්තා ප්රභුඃ සාක්ෂී නිවාසඃ ශරණං සුහෘත් .

ප්රභවඃ ප්රලයඃ ස්ථානං නිධානං බීජමව්යයම් .. 18 ..

තපාම්යහමහං වර්ෂං නිගෘහ්ණාම්යුත්සෘජාමි ච .

අමෘතං චෛව මෘත්යුශ්ච සදසච්චාහමර්ජුන .. 19 ..

ත්රෛවිද්යා මාං සෝමපාඃ පූතපාපා යජ්ඤෛරිෂ්ට්වා ස්වර්ගතිං ප්රාර්ථයන්තේ.

තේ පුණ්යමාසාද්ය සුරේන්ද්රලෝකමශ්නන්ති දිව්යාන්දිවි දේවභෝගාන් .. 20 ..

තේ තං භුක්ත්වා ස්වර්ගලෝකං විශාලං ක්ෂීණේ පුණ්යේ මර්ත්යලෝකං විශන්ති.

ඒවං ත්රයීධර්මමනුප්රපන්නා ගතාගතං කාමකාමා ලභන්තේ .. 21 ..

අනන්යාශ්චින්තයන්තෝ මාං යේ ජනාඃ පර්යුපාසතේ .

තේෂාං නිත්යාභියුක්තානාං යෝගක්ෂේමං වහාම්යහම් .. 22..

යේ(අ)ප්යන්යදේවතා භක්තා යජන්තේ ශ්රද්ධයාන්විතාඃ .

තේ(අ)පි මාමේව කෞන්තේය යජන්ත්යවිධි පූර්වකම් .. 23 ..

අහං හි සර්වයජ්ඤානාං භෝක්තා ච ප්රභුරේව ච .

න තු මාමභිජානන්ති තත්ත්වේනාතශ්ච්යවන්ති තේ .. 24 ..

යාන්ති දේවව්රතා දේවාන්පිතෲන්යාන්ති පිතෘව්රතාඃ .

භූතානි යාන්ති භූතේජ්යා යාන්ති මද්යාජිනෝ(අ)පි මාම් .. 25 ..

පත්රං පුෂ්පං ඵලං තෝයං යෝ මේ භක්ත්යා ප්රයච්ඡති .

තදහං භක්ත්යුපහෘතමශ්නාමි ප්රයතාත්මනඃ .. 26 ..

යත්කරෝෂි යදශ්නාසි යජ්ජුහෝෂි දදාසි යත් .

යත්තපස්යසි කෞන්තේය තත්කුරුෂ්ව මදර්පණම් .. 27 ..

ශුභාශුභඵලෛරේවං මෝක්ෂ්යසේ කර්මබන්ධනෛඃ .

සන්න්යාසයෝගයුක්තාත්මා විමුක්තෝ මාමුපෛෂ්යසි .. 28 ..

සමෝ(අ)හං සර්වභූතේෂු න මේ ද්වේෂ්යෝ(අ)ස්ති න ප්රියඃ .

යේ භජන්ති තු මාං භක්ත්යා මයි තේ තේෂු චාප්යහම් .. 29 ..

අපි චේත්සුදුරාචාරෝ භජතේ මාමනන්යභාක් .

සාධුරේව ස මන්තව්යඃ සම්යග්ව්යවසිතෝ හි සඃ .. 30 ..

ක්ෂිප්රං භවති ධර්මාත්මා ශශ්වච්ඡාන්තිං නිගච්ඡති .

කෞන්තේය ප්රතිජානීහි න මේ භක්තඃ ප්රණශ්යති .. 31 ..

මාං හි පාර්ථ ව්යපාශ්රිත්ය යේ(අ)පි ස්යුඃ පාපයෝනයඃ .

ස්ත්රියෝ වෛශ්යාස්තථා ශූද්රාස්තේ(අ)පි යාන්ති පරාං ගතිම් .. 32 ..

කිං පුනර්බ්රාහ්මණාඃ පුණ්යා භක්තා රාජර්ෂයස්තථා .

අනිත්යමසුඛං ලෝකමිමං ප්රාප්ය භජස්ව මාම් .. 33 ..

මන්මනා භව මද්භක්තෝ මද්යාජී මාං නමස්කුරු .

මාමේවෛෂ්යසි යුක්ත්වෛවමාත්මානං මත්පරායණඃ .. 34 ..

ඕං තත්සදිති ශ්රීමද්භගවද්ගීතාසූපනිෂත්සු බ්රහ්මවිද්යායාං යෝගශාස්ත්රේ

ශ්රීකෘෂ්ණාර්ජුනසංවාදේ රාජවිද්යාරාජගුහ්යයෝගෝ නාම නවමෝ(අ)ධ්යායඃ ..9 ..