శ్రీమద్భగవద్గీతా మూలమ్ - నవమోఽధ్యాయః

శ్రీమద్భగవద్గీతా మూలమ్ - నవమోఽధ్యాయః

శ్లోక 1

ఓం శ్రీపరమాత్మనే నమః

అథ నవమోఽధ్యాయః ।

రాజవిద్యారాజగుహ్యయోగః

శ్రీభగవానువాచ

ఇదం తు తే గుహ్యతమం ప్రవక్ష్యామ్యనసూయవే ।

జ్ఞానం విజ్ఞానసహితం యజ్జ్ఞాత్వా మోక్ష్యసేఽశుభాత్

శ్లోక 2

రాజవిద్యా రాజగుహ్యం పవిత్రమిదముత్తమమ్ ।

ప్రత్యక్షావగమం ధర్మ్యం సుసుఖం కర్తుమవ్యయమ్

॥ 1 ॥

శ్లోక 3

అశ్రద్దధానాః పురుషా ధర్మస్యాస్య పరన్తప ।

అప్రాప్య మాం నివర్తన్తే మృత్యుసంసారవర్త్మని

॥ 2 ॥

శ్లోక 4

మయా తతమిదం సర్వం జగదవ్యక్తమూర్తినా ।

మత్స్థాని సర్వభూతాని న చాహం తేష్వవస్థితః

॥ 3 ॥

శ్లోక 5

న చ మత్స్థాని భూతాని పశ్య మే యోగమైశ్వరమ్ ।

భూతభృన్న చ భూతస్థో మమాత్మా భూతభావనః

॥ 4 ॥

శ్లోక 6

యథాకాశస్థితో నిత్యం వాయుః సర్వత్రగో మహాన్ ।

తథా సర్వాణి భూతాని మత్స్థానీత్యుపధారయ

॥ 5 ॥

శ్లోక 7

సర్వభూతాని కౌన్తేయ ప్రకృతిం యాన్తి మామికామ్ ।

కల్పక్షయే పునస్తాని కల్పాదౌ విసృజామ్యహమ్

॥ 6 ॥

శ్లోక 8

ప్రకృతిం స్వామవష్టభ్య విసృజామి పునః పునః ।

భూతగ్రామమిమం కృత్స్నమవశం ప్రకృతేర్వశాత్

॥ 7 ॥

శ్లోక 9

న చ మాం తాని కర్మాణి నిబధ్నన్తి ధనఞ్జయ ।

ఉదాసీనవదాసీనమసక్తం తేషు కర్మసు

॥ 8 ॥

శ్లోక 10

మయాధ్యక్షేణ ప్రకృతిః సూయతే సచరాచరమ్ ।

హేతునానేన కౌన్తేయ జగద్విపరివర్తతే

॥ 9 ॥

శ్లోక 11

అవజానన్తి మాం మూఢా మానుషీం తనుమాశ్రితమ్ ।

పరం భావమజానన్తో మమ భూతమహేశ్వరమ్

॥ 10 ॥

శ్లోక 12

మోఘాశా మోఘకర్మాణో మోఘజ్ఞానా విచేతసః ।

రాక్షసీమాసురీం చైవ ప్రకృతిం మోహినీం శ్రితాః

॥ 11 ॥

శ్లోక 13

మహాత్మానస్తు మాం పార్థ దైవీం ప్రకృతిమాశ్రితాః ।

భజన్త్యనన్యమనసో జ్ఞాత్వా భూతాదిమవ్యయమ్

॥ 12 ॥

శ్లోక 14

సతతం కీర్తయన్తో మాం యతన్తశ్చ దృఢవ్రతాః ।

నమస్యన్తశ్చ మాం భక్త్యా నిత్యయుక్తా ఉపాసతే

॥ 13 ॥

శ్లోక 15

జ్ఞానయజ్ఞేన చాప్యన్యే యజన్తో మాముపాసతే ।

ఏకత్వేన పృథక్త్వేన బహుధా విశ్వతోముఖమ్

॥ 14 ॥

శ్లోక 16

అహం క్రతురహం యజ్ఞః స్వధాహమహమౌషధమ్ ।

మన్త్రోఽహమహమేవాజ్యమహమగ్నిరహం హుతమ్

॥ 15 ॥

శ్లోక 17

పితాహమస్య జగతో మాతా ధాతా పితామహః ।

వేద్యం పవిత్రమోఙ్కార ఋక్సామ యజురేవ చ

॥ 16 ॥

శ్లోక 18

గతిర్భర్తా ప్రభుః సాక్షీ నివాసః శరణం సుహృత్ ।

ప్రభవః ప్రలయః స్థానం నిధానం బీజమవ్యయమ్

॥ 17 ॥

శ్లోక 19

తపామ్యహమహం వర్షం నిగృహ్ణామ్యుత్సృజామి చ ।

అమృతం చైవ మృత్యుశ్చ సదసచ్చాహమర్జున

॥ 18 ॥

శ్లోక 20

త్రైవిద్యా మాం సోమపాః పూతపాపా యజ్ఞైరిష్ట్వా స్వర్గతిం ప్రార్థయన్తే।

తే పుణ్యమాసాద్య సురేన్ద్రలోకమశ్నన్తి దివ్యాన్దివి దేవభోగాన్

॥ 19 ॥

శ్లోక 21

తే తం భుక్త్వా స్వర్గలోకం విశాలం క్షీణే పుణ్యే మర్త్యలోకం విశన్తి।

ఏవం త్రయీధర్మమనుప్రపన్నా గతాగతం కామకామా లభన్తే

॥ 20 ॥

శ్లోక 22

అనన్యాశ్చిన్తయన్తో మాం యే జనాః పర్యుపాసతే ।

తేషాం నిత్యాభియుక్తానాం యోగక్షేమం వహామ్యహమ్

॥ 21 ॥

శ్లోక 23

యేఽప్యన్యదేవతా భక్తా యజన్తే శ్రద్ధయాన్వితాః ।

తేఽపి మామేవ కౌన్తేయ యజన్త్యవిధి పూర్వకమ్

॥ 22॥

శ్లోక 24

అహం హి సర్వయజ్ఞానాం భోక్తా చ ప్రభురేవ చ ।

న తు మామభిజానన్తి తత్త్వేనాతశ్చ్యవన్తి తే

॥ 23 ॥

శ్లోక 25

యాన్తి దేవవ్రతా దేవాన్పితౄన్యాన్తి పితృవ్రతాః ।

భూతాని యాన్తి భూతేజ్యా యాన్తి మద్యాజినోఽపి మామ్

॥ 24 ॥

శ్లోక 26

పత్రం పుష్పం ఫలం తోయం యో మే భక్త్యా ప్రయచ్ఛతి ।

తదహం భక్త్యుపహృతమశ్నామి ప్రయతాత్మనః

॥ 25 ॥

శ్లోక 27

యత్కరోషి యదశ్నాసి యజ్జుహోషి దదాసి యత్ ।

యత్తపస్యసి కౌన్తేయ తత్కురుష్వ మదర్పణమ్

॥ 26 ॥

శ్లోక 28

శుభాశుభఫలైరేవం మోక్ష్యసే కర్మబన్ధనైః ।

సన్న్యాసయోగయుక్తాత్మా విముక్తో మాముపైష్యసి

॥ 27 ॥

శ్లోక 29

సమోఽహం సర్వభూతేషు న మే ద్వేష్యోఽస్తి న ప్రియః ।

యే భజన్తి తు మాం భక్త్యా మయి తే తేషు చాప్యహమ్

॥ 28 ॥

శ్లోక 30

అపి చేత్సుదురాచారో భజతే మామనన్యభాక్ ।

సాధురేవ స మన్తవ్యః సమ్యగ్వ్యవసితో హి సః

॥ 29 ॥

శ్లోక 31

క్షిప్రం భవతి ధర్మాత్మా శశ్వచ్ఛాన్తిం నిగచ్ఛతి ।

కౌన్తేయ ప్రతిజానీహి న మే భక్తః ప్రణశ్యతి

॥ 30 ॥

శ్లోక 32

మాం హి పార్థ వ్యపాశ్రిత్య యేఽపి స్యుః పాపయోనయః ।

స్త్రియో వైశ్యాస్తథా శూద్రాస్తేఽపి యాన్తి పరాం గతిమ్

॥ 31 ॥

శ్లోక 33

కిం పునర్బ్రాహ్మణాః పుణ్యా భక్తా రాజర్షయస్తథా ।

అనిత్యమసుఖం లోకమిమం ప్రాప్య భజస్వ మామ్

॥ 32 ॥

శ్లోక 34

మన్మనా భవ మద్భక్తో మద్యాజీ మాం నమస్కురు ।

మామేవైష్యసి యుక్త్వైవమాత్మానం మత్పరాయణః

॥ 33 ॥

శ్లోక 35

ఓం తత్సదితి శ్రీమద్భగవద్గీతాసూపనిషత్సు బ్రహ్మవిద్యాయాం యోగశాస్త్రే

శ్రీకృష్ణార్జునసంవాదే రాజవిద్యారాజగుహ్యయోగో నామ నవమోఽధ్యాయః

॥ 34 ॥

శ్లోక 36