Srimad Bhagawad Gita Chapter 7

ශ්රීමද්භගවද්ගීතා මූලම් - සප්තමෝ(අ)ධ්යායඃ

ශ්ලොක 1

ඕං ශ්රී පරමාත්මනේ නමඃ

අථ සප්තමෝ(අ)ධ්යායඃ .

ජ්ඤානවිජ්ඤානයෝගඃ

ශ්රීභගවානුවාච

මය්යාසක්තමනාඃ පාර්ථ යෝගං යුඤ්ජන්මදාශ්රයඃ .

අසංශයං සමග්රං මාං යථා ජ්ඤාස්යසි තච්ඡෘණු .. 1 ..

ජ්ඤානං තේ(අ)හං සවිජ්ඤානමිදං වක්ෂ්යාම්යශේෂතඃ .

යජ්ජ්ඤාත්වා නේහ භූයෝ(අ)න්යජ්ජ්ඤාතව්යමවශිෂ්යතේ .. 2 ..

මනුෂ්යාණාං සහස්රේෂු කශ්චිද්යතති සිද්ධයේ .

යතතාමපි සිද්ධානාං කශ්චින්මාං වේත්ති තත්ත්වතඃ .. 3 ..

භූමිරාපෝ(අ)නලෝ වායුඃ ඛං මනෝ බුද්ධිරේව ච .

අහඞ්කාර ඉතීයං මේ භින්නා ප්රකෘතිරෂ්ටධා .. 4 ..

අපරේයමිතස්ත්වන්යාං ප්රකෘතිං විද්ධි මේ පරාම් .

ජීවභූතාං මහාබාහෝ යයේදං ධාර්යතේ ජගත් .. 5 ..

ඒතද්යෝනීනි භූතානි සර්වාණීත්යුපධාරය .

අහං කෘත්ස්නස්ය ජගතඃ ප්රභවඃ ප්රලයස්තථා .. 6 ..

මත්තඃ පරතරං නාන්යත්කිඤ්චිදස්ති ධනඤ්ජය .

මයි සර්වමිදං ප්රෝතං සූත්රේ මණිගණා ඉව .. 7 ..

රසෝ(අ)හමප්සු කෞන්තේය ප්රභාස්මි ශශිසූර්යයෝඃ .

ප්රණවඃ සර්වවේදේෂු ශබ්දඃ ඛේ පෞරුෂං නෘෂු .. 8 ..

පුණ්යෝ ගන්ධඃ පෘථිව්යාං ච තේජශ්චාස්මි විභාවසෞ .

ජීවනං සර්වභූතේෂු තපශ්චාස්මි තපස්විෂු .. 9 ..

බීජං මාං සර්වභූතානාං විද්ධි පාර්ථ සනාතනම් .

බුද්ධිර්බුද්ධිමතාමස්මි තේජස්තේජස්විනාමහම් .. 10 ..

බලං බලවතාං චාහං කාමරාගවිවර්ජිතම් .

ධර්මාවිරුද්ධෝ භූතේෂු කාමෝ(අ)ස්මි භරතර්ෂභ .. 11 ..

යේ චෛව සාත්ත්විකා භාවා රාජසාස්තාමසාශ්ච යේ .

මත්ත ඒවේති තාන්විද්ධි න ත්වහං තේෂු තේ මයි .. 12 ..

ත්රිභිර්ගුණමයෛර්භාවෛරේභිඃ සර්වමිදං ජගත් .

මෝහිතං නාභිජානාති මාමේභ්යඃ පරමව්යයම් .. 13 ..

දෛවී හ්යේෂා ගුණමයී මම මායා දුරත්යයා .

මාමේව යේ ප්රපද්යන්තේ මායාමේතාං තරන්ති තේ .. 14 ..

න මාං දුෂ්කෘතිනෝ මූඪාඃ ප්රපද්යන්තේ නරාධමාඃ .

මායයාපහෘතජ්ඤානා ආසුරං භාවමාශ්රිතාඃ .. 15 ..

චතුර්විධා භජන්තේ මාං ජනාඃ සුකෘතිනෝ(අ)ර්ජුන .

ආර්තෝ ජිජ්ඤාසුරර්ථාර්ථී ජ්ඤානී ච භරතර්ෂභ .. 16 ..

තේෂාං ජ්ඤානී නිත්යයුක්ත ඒකභක්තිර්විශිෂ්යතේ .

ප්රියෝ හි ජ්ඤානිනෝ(අ)ත්යර්ථමහං ස ච මම ප්රියඃ .. 17 ..

උදාරාඃ සර්ව ඒවෛතේ ජ්ඤානී ත්වාත්මෛව මේ මතම් .

ආස්ථිතඃ ස හි යුක්තාත්මා මාමේවානුත්තමාං ගතිම් .. 18 ..

බහූනාං ජන්මනාමන්තේ ජ්ඤානවාන්මාං ප්රපද්යතේ .

වාසුදේවඃ සර්වමිති ස මහාත්මා සුදුර්ලභඃ .. 19 ..

කාමෛස්තෛස්තෛර්හෘතජ්ඤානාඃ ප්රපද්යන්තේ(අ)න්යදේවතාඃ .

තං තං නියමමාස්ථාය ප්රකෘත්යා නියතාඃ ස්වයා .. 20 ..

යෝ යෝ යාං යාං තනුං භක්තඃ ශ්රද්ධයාර්චිතුමිච්ඡති .

තස්ය තස්යාචලාං ශ්රද්ධාං තාමේව විදධාම්යහම් .. 21 ..

ස තයා ශ්රද්ධයා යුක්තස්තස්යාරාධනමීහතේ .

ලභතේ ච තතඃ කාමාන්මයෛව විහිතාන්හි තාන් .. 22 ..

අන්තවත්තු ඵලං තේෂාං තද්භවත්යල්පමේධසාම් .

දේවාන්දේවයජෝ යාන්ති මද්භක්තා යාන්ති මාමපි .. 23 ..

අව්යක්තං ව්යක්තිමාපන්නං මන්යන්තේ මාමබුද්ධයඃ .

පරං භාවමජානන්තෝ මමාව්යයමනුත්තමම් .. 24 ..

නාහං ප්රකාශඃ සර්වස්ය යෝගමායාසමාවෘතඃ .

මූඪෝ(අ)යං නාභිජානාති ලෝකෝ මාමජමව්යයම් .. 25 ..

වේදාහං සමතීතානි වර්තමානානි චාර්ජුන .

භවිෂ්යාණි ච භූතානි මාං තු වේද න කශ්චන .. 26 ..

ඉච්ඡාද්වේෂසමුත්ථේන ද්වන්ද්වමෝහේන භාරත .

සර්වභූතානි සම්මෝහං සර්ගේ යාන්ති පරන්තප .. 27 ..

යේෂාං ත්වන්තගතං පාපං ජනානාං පුණ්යකර්මණාම් .

තේ ද්වන්ද්වමෝහනිර්මුක්තා භජන්තේ මාං දෘඪව්රතාඃ .. 28 ..

ජරාමරණමෝක්ෂාය මාමාශ්රිත්ය යතන්ති යේ .

තේ බ්රහ්ම තද්විදුඃ කෘත්ස්නමධ්යාත්මං කර්ම චාඛිලම් .. 29 ..

සාධිභූතාධිදෛවං මාං සාධියජ්ඤං ච යේ විදුඃ .

ප්රයාණකාලේ(අ)පි ච මාං තේ විදුර්යුක්තචේතසඃ .. 30 ..

ඕං තත්සදිති ශ්රීමද්භගවද්ගීතාසූපනිෂත්සු බ්රහ්මවිද්යායාං යෝගශාස්ත්රේ

ශ්රීකෘෂ්ණාර්ජුනසංවාදේජ්ඤානවිජ්ඤානයෝගෝ නාම සප්තමෝ(අ)ධ්යායඃ ..7 ..