శ్రీమద్భగవద్గీతా మూలమ్ - సప్తమోఽధ్యాయః

శ్రీమద్భగవద్గీతా మూలమ్ - సప్తమోఽధ్యాయః

శ్లోక 1

ఓం శ్రీ పరమాత్మనే నమః

అథ సప్తమోఽధ్యాయః ।

జ్ఞానవిజ్ఞానయోగః

శ్రీభగవానువాచ

మయ్యాసక్తమనాః పార్థ యోగం యుఞ్జన్మదాశ్రయః ।

అసంశయం సమగ్రం మాం యథా జ్ఞాస్యసి తచ్ఛృణు

శ్లోక 2

జ్ఞానం తేఽహం సవిజ్ఞానమిదం వక్ష్యామ్యశేషతః ।

యజ్జ్ఞాత్వా నేహ భూయోఽన్యజ్జ్ఞాతవ్యమవశిష్యతే

॥ 1 ॥

శ్లోక 3

మనుష్యాణాం సహస్రేషు కశ్చిద్యతతి సిద్ధయే ।

యతతామపి సిద్ధానాం కశ్చిన్మాం వేత్తి తత్త్వతః

॥ 2 ॥

శ్లోక 4

భూమిరాపోఽనలో వాయుః ఖం మనో బుద్ధిరేవ చ ।

అహఙ్కార ఇతీయం మే భిన్నా ప్రకృతిరష్టధా

॥ 3 ॥

శ్లోక 5

అపరేయమితస్త్వన్యాం ప్రకృతిం విద్ధి మే పరామ్ ।

జీవభూతాం మహాబాహో యయేదం ధార్యతే జగత్

॥ 4 ॥

శ్లోక 6

ఏతద్యోనీని భూతాని సర్వాణీత్యుపధారయ ।

అహం కృత్స్నస్య జగతః ప్రభవః ప్రలయస్తథా

॥ 5 ॥

శ్లోక 7

మత్తః పరతరం నాన్యత్కిఞ్చిదస్తి ధనఞ్జయ ।

మయి సర్వమిదం ప్రోతం సూత్రే మణిగణా ఇవ

॥ 6 ॥

శ్లోక 8

రసోఽహమప్సు కౌన్తేయ ప్రభాస్మి శశిసూర్యయోః ।

ప్రణవః సర్వవేదేషు శబ్దః ఖే పౌరుషం నృషు

॥ 7 ॥

శ్లోక 9

పుణ్యో గన్ధః పృథివ్యాం చ తేజశ్చాస్మి విభావసౌ ।

జీవనం సర్వభూతేషు తపశ్చాస్మి తపస్విషు

॥ 8 ॥

శ్లోక 10

బీజం మాం సర్వభూతానాం విద్ధి పార్థ సనాతనమ్ ।

బుద్ధిర్బుద్ధిమతామస్మి తేజస్తేజస్వినామహమ్

॥ 9 ॥

శ్లోక 11

బలం బలవతాం చాహం కామరాగవివర్జితమ్ ।

ధర్మావిరుద్ధో భూతేషు కామోఽస్మి భరతర్షభ

॥ 10 ॥

శ్లోక 12

యే చైవ సాత్త్వికా భావా రాజసాస్తామసాశ్చ యే ।

మత్త ఏవేతి తాన్విద్ధి న త్వహం తేషు తే మయి

॥ 11 ॥

శ్లోక 13

త్రిభిర్గుణమయైర్భావైరేభిః సర్వమిదం జగత్ ।

మోహితం నాభిజానాతి మామేభ్యః పరమవ్యయమ్

॥ 12 ॥

శ్లోక 14

దైవీ హ్యేషా గుణమయీ మమ మాయా దురత్యయా ।

మామేవ యే ప్రపద్యన్తే మాయామేతాం తరన్తి తే

॥ 13 ॥

శ్లోక 15

న మాం దుష్కృతినో మూఢాః ప్రపద్యన్తే నరాధమాః ।

మాయయాపహృతజ్ఞానా ఆసురం భావమాశ్రితాః

॥ 14 ॥

శ్లోక 16

చతుర్విధా భజన్తే మాం జనాః సుకృతినోఽర్జున ।

ఆర్తో జిజ్ఞాసురర్థార్థీ జ్ఞానీ చ భరతర్షభ

॥ 15 ॥

శ్లోక 17

తేషాం జ్ఞానీ నిత్యయుక్త ఏకభక్తిర్విశిష్యతే ।

ప్రియో హి జ్ఞానినోఽత్యర్థమహం స చ మమ ప్రియః

॥ 16 ॥

శ్లోక 18

ఉదారాః సర్వ ఏవైతే జ్ఞానీ త్వాత్మైవ మే మతమ్ ।

ఆస్థితః స హి యుక్తాత్మా మామేవానుత్తమాం గతిమ్

॥ 17 ॥

శ్లోక 19

బహూనాం జన్మనామన్తే జ్ఞానవాన్మాం ప్రపద్యతే ।

వాసుదేవః సర్వమితి స మహాత్మా సుదుర్లభః

॥ 18 ॥

శ్లోక 20

కామైస్తైస్తైర్హృతజ్ఞానాః ప్రపద్యన్తేఽన్యదేవతాః ।

తం తం నియమమాస్థాయ ప్రకృత్యా నియతాః స్వయా

॥ 19 ॥

శ్లోక 21

యో యో యాం యాం తనుం భక్తః శ్రద్ధయార్చితుమిచ్ఛతి ।

తస్య తస్యాచలాం శ్రద్ధాం తామేవ విదధామ్యహమ్

॥ 20 ॥

శ్లోక 22

స తయా శ్రద్ధయా యుక్తస్తస్యారాధనమీహతే ।

లభతే చ తతః కామాన్మయైవ విహితాన్హి తాన్

॥ 21 ॥

శ్లోక 23

అన్తవత్తు ఫలం తేషాం తద్భవత్యల్పమేధసామ్ ।

దేవాన్దేవయజో యాన్తి మద్భక్తా యాన్తి మామపి

॥ 22 ॥

శ్లోక 24

అవ్యక్తం వ్యక్తిమాపన్నం మన్యన్తే మామబుద్ధయః ।

పరం భావమజానన్తో మమావ్యయమనుత్తమమ్

॥ 23 ॥

శ్లోక 25

నాహం ప్రకాశః సర్వస్య యోగమాయాసమావృతః ।

మూఢోఽయం నాభిజానాతి లోకో మామజమవ్యయమ్

॥ 24 ॥

శ్లోక 26

వేదాహం సమతీతాని వర్తమానాని చార్జున ।

భవిష్యాణి చ భూతాని మాం తు వేద న కశ్చన

॥ 25 ॥

శ్లోక 27

ఇచ్ఛాద్వేషసముత్థేన ద్వన్ద్వమోహేన భారత ।

సర్వభూతాని సమ్మోహం సర్గే యాన్తి పరన్తప

॥ 26 ॥

శ్లోక 28

యేషాం త్వన్తగతం పాపం జనానాం పుణ్యకర్మణామ్ ।

తే ద్వన్ద్వమోహనిర్ముక్తా భజన్తే మాం దృఢవ్రతాః

॥ 27 ॥

శ్లోక 29

జరామరణమోక్షాయ మామాశ్రిత్య యతన్తి యే ।

తే బ్రహ్మ తద్విదుః కృత్స్నమధ్యాత్మం కర్మ చాఖిలమ్

॥ 28 ॥

శ్లోక 30

సాధిభూతాధిదైవం మాం సాధియజ్ఞం చ యే విదుః ।

ప్రయాణకాలేఽపి చ మాం తే విదుర్యుక్తచేతసః

॥ 29 ॥

శ్లోక 31

ఓం తత్సదితి శ్రీమద్భగవద్గీతాసూపనిషత్సు బ్రహ్మవిద్యాయాం యోగశాస్త్రే

శ్రీకృష్ణార్జునసంవాదేజ్ఞానవిజ్ఞానయోగో నామ సప్తమోఽధ్యాయః

॥ 30 ॥

శ్లోక 32