ശ്രീമദ്ഭഗവദ്ഗീതാ മൂലമ് - സപ്തമോഽധ്യായഃ

ശ്രീമദ്ഭഗവദ്ഗീതാ മൂലമ് - സപ്തമോഽധ്യായഃ

ശ്ലോക 1

ഓം ശ്രീ പരമാത്മനേ നമഃ

അഥ സപ്തമോഽധ്യായഃ ।

ജ്ഞാനവിജ്ഞാനയോഗഃ

ശ്രീഭഗവാനുവാച

മയ്യാസക്തമനാഃ പാര്ഥ യോഗം യുഞ്ജന്മദാശ്രയഃ ।

അസംശയം സമഗ്രം മാം യഥാ ജ്ഞാസ്യസി തച്ഛൃണു

ശ്ലോക 2

ജ്ഞാനം തേഽഹം സവിജ്ഞാനമിദം വക്ഷ്യാമ്യശേഷതഃ ।

യജ്ജ്ഞാത്വാ നേഹ ഭൂയോഽന്യജ്ജ്ഞാതവ്യമവശിഷ്യതേ

॥ 1 ॥

ശ്ലോക 3

മനുഷ്യാണാം സഹസ്രേഷു കശ്ചിദ്യതതി സിദ്ധയേ ।

യതതാമപി സിദ്ധാനാം കശ്ചിന്മാം വേത്തി തത്ത്വതഃ

॥ 2 ॥

ശ്ലോക 4

ഭൂമിരാപോഽനലോ വായുഃ ഖം മനോ ബുദ്ധിരേവ ച ।

അഹങ്കാര ഇതീയം മേ ഭിന്നാ പ്രകൃതിരഷ്ടധാ

॥ 3 ॥

ശ്ലോക 5

അപരേയമിതസ്ത്വന്യാം പ്രകൃതിം വിദ്ധി മേ പരാമ് ।

ജീവഭൂതാം മഹാബാഹോ യയേദം ധാര്യതേ ജഗത്

॥ 4 ॥

ശ്ലോക 6

ഏതദ്യോനീനി ഭൂതാനി സര്വാണീത്യുപധാരയ ।

അഹം കൃത്സ്നസ്യ ജഗതഃ പ്രഭവഃ പ്രലയസ്തഥാ

॥ 5 ॥

ശ്ലോക 7

മത്തഃ പരതരം നാന്യത്കിഞ്ചിദസ്തി ധനഞ്ജയ ।

മയി സര്വമിദം പ്രോതം സൂത്രേ മണിഗണാ ഇവ

॥ 6 ॥

ശ്ലോക 8

രസോഽഹമപ്സു കൌന്തേയ പ്രഭാസ്മി ശശിസൂര്യയോഃ ।

പ്രണവഃ സര്വവേദേഷു ശബ്ദഃ ഖേ പൌരുഷം നൃഷു

॥ 7 ॥

ശ്ലോക 9

പുണ്യോ ഗന്ധഃ പൃഥിവ്യാം ച തേജശ്ചാസ്മി വിഭാവസൌ ।

ജീവനം സര്വഭൂതേഷു തപശ്ചാസ്മി തപസ്വിഷു

॥ 8 ॥

ശ്ലോക 10

ബീജം മാം സര്വഭൂതാനാം വിദ്ധി പാര്ഥ സനാതനമ് ।

ബുദ്ധിര്ബുദ്ധിമതാമസ്മി തേജസ്തേജസ്വിനാമഹമ്

॥ 9 ॥

ശ്ലോക 11

ബലം ബലവതാം ചാഹം കാമരാഗവിവര്ജിതമ് ।

ധര്മാവിരുദ്ധോ ഭൂതേഷു കാമോഽസ്മി ഭരതര്ഷഭ

॥ 10 ॥

ശ്ലോക 12

യേ ചൈവ സാത്ത്വികാ ഭാവാ രാജസാസ്താമസാശ്ച യേ ।

മത്ത ഏവേതി താന്വിദ്ധി ന ത്വഹം തേഷു തേ മയി

॥ 11 ॥

ശ്ലോക 13

ത്രിഭിര്ഗുണമയൈര്ഭാവൈരേഭിഃ സര്വമിദം ജഗത് ।

മോഹിതം നാഭിജാനാതി മാമേഭ്യഃ പരമവ്യയമ്

॥ 12 ॥

ശ്ലോക 14

ദൈവീ ഹ്യേഷാ ഗുണമയീ മമ മായാ ദുരത്യയാ ।

മാമേവ യേ പ്രപദ്യന്തേ മായാമേതാം തരന്തി തേ

॥ 13 ॥

ശ്ലോക 15

ന മാം ദുഷ്കൃതിനോ മൂഢാഃ പ്രപദ്യന്തേ നരാധമാഃ ।

മായയാപഹൃതജ്ഞാനാ ആസുരം ഭാവമാശ്രിതാഃ

॥ 14 ॥

ശ്ലോക 16

ചതുര്വിധാ ഭജന്തേ മാം ജനാഃ സുകൃതിനോഽര്ജുന ।

ആര്തോ ജിജ്ഞാസുരര്ഥാര്ഥീ ജ്ഞാനീ ച ഭരതര്ഷഭ

॥ 15 ॥

ശ്ലോക 17

തേഷാം ജ്ഞാനീ നിത്യയുക്ത ഏകഭക്തിര്വിശിഷ്യതേ ।

പ്രിയോ ഹി ജ്ഞാനിനോഽത്യര്ഥമഹം സ ച മമ പ്രിയഃ

॥ 16 ॥

ശ്ലോക 18

ഉദാരാഃ സര്വ ഏവൈതേ ജ്ഞാനീ ത്വാത്മൈവ മേ മതമ് ।

ആസ്ഥിതഃ സ ഹി യുക്താത്മാ മാമേവാനുത്തമാം ഗതിമ്

॥ 17 ॥

ശ്ലോക 19

ബഹൂനാം ജന്മനാമന്തേ ജ്ഞാനവാന്മാം പ്രപദ്യതേ ।

വാസുദേവഃ സര്വമിതി സ മഹാത്മാ സുദുര്ലഭഃ

॥ 18 ॥

ശ്ലോക 20

കാമൈസ്തൈസ്തൈര്ഹൃതജ്ഞാനാഃ പ്രപദ്യന്തേഽന്യദേവതാഃ ।

തം തം നിയമമാസ്ഥായ പ്രകൃത്യാ നിയതാഃ സ്വയാ

॥ 19 ॥

ശ്ലോക 21

യോ യോ യാം യാം തനും ഭക്തഃ ശ്രദ്ധയാര്ചിതുമിച്ഛതി ।

തസ്യ തസ്യാചലാം ശ്രദ്ധാം താമേവ വിദധാമ്യഹമ്

॥ 20 ॥

ശ്ലോക 22

സ തയാ ശ്രദ്ധയാ യുക്തസ്തസ്യാരാധനമീഹതേ ।

ലഭതേ ച തതഃ കാമാന്മയൈവ വിഹിതാന്ഹി താന്

॥ 21 ॥

ശ്ലോക 23

അന്തവത്തു ഫലം തേഷാം തദ്ഭവത്യല്പമേധസാമ് ।

ദേവാന്ദേവയജോ യാന്തി മദ്ഭക്താ യാന്തി മാമപി

॥ 22 ॥

ശ്ലോക 24

അവ്യക്തം വ്യക്തിമാപന്നം മന്യന്തേ മാമബുദ്ധയഃ ।

പരം ഭാവമജാനന്തോ മമാവ്യയമനുത്തമമ്

॥ 23 ॥

ശ്ലോക 25

നാഹം പ്രകാശഃ സര്വസ്യ യോഗമായാസമാവൃതഃ ।

മൂഢോഽയം നാഭിജാനാതി ലോകോ മാമജമവ്യയമ്

॥ 24 ॥

ശ്ലോക 26

വേദാഹം സമതീതാനി വര്തമാനാനി ചാര്ജുന ।

ഭവിഷ്യാണി ച ഭൂതാനി മാം തു വേദ ന കശ്ചന

॥ 25 ॥

ശ്ലോക 27

ഇച്ഛാദ്വേഷസമുത്ഥേന ദ്വന്ദ്വമോഹേന ഭാരത ।

സര്വഭൂതാനി സമ്മോഹം സര്ഗേ യാന്തി പരന്തപ

॥ 26 ॥

ശ്ലോക 28

യേഷാം ത്വന്തഗതം പാപം ജനാനാം പുണ്യകര്മണാമ് ।

തേ ദ്വന്ദ്വമോഹനിര്മുക്താ ഭജന്തേ മാം ദൃഢവ്രതാഃ

॥ 27 ॥

ശ്ലോക 29

ജരാമരണമോക്ഷായ മാമാശ്രിത്യ യതന്തി യേ ।

തേ ബ്രഹ്മ തദ്വിദുഃ കൃത്സ്നമധ്യാത്മം കര്മ ചാഖിലമ്

॥ 28 ॥

ശ്ലോക 30

സാധിഭൂതാധിദൈവം മാം സാധിയജ്ഞം ച യേ വിദുഃ ।

പ്രയാണകാലേഽപി ച മാം തേ വിദുര്യുക്തചേതസഃ

॥ 29 ॥

ശ്ലോക 31

ഓം തത്സദിതി ശ്രീമദ്ഭഗവദ്ഗീതാസൂപനിഷത്സു ബ്രഹ്മവിദ്യായാം യോഗശാസ്ത്രേ

ശ്രീകൃഷ്ണാര്ജുനസംവാദേജ്ഞാനവിജ്ഞാനയോഗോ നാമ സപ്തമോഽധ്യായഃ

॥ 30 ॥

ശ്ലോക 32