Srimad Bhagawad Gita Chapter 6

ශ්රීමද්භගවද්ගීතා මූලම් - ෂෂ්ඨෝ(අ)ධ්යායඃ

ශ්ලොක 1

ඕං ශ්රී පරමාත්මනේ නමඃ

අථ ෂෂ්ඨෝ(අ)ධ්යායඃ .

ආත්මසංයමයෝගඃ

ශ්රීභගවානුවාච

අනාශ්රිතඃ කර්මඵලං කාර්යං කර්ම කරෝති යඃ .

ස සන්න්යාසී ච යෝගී ච න නිරග්නිර්න චාක්රියඃ .. 1 ..

යං සන්න්යාසමිති ප්රාහුර්යෝගං තං විද්ධි පාණ්ඩව .

න හ්යසන්න්යස්තසඞ්කල්පෝ යෝගී භවති කශ්චන .. 2 ..

ආරුරුක්ෂෝර්මුනේර්යෝගං කර්ම කාරණමුච්යතේ .

යෝගාරූඪස්ය තස්යෛව ශමඃ කාරණමුච්යතේ .. 3 ..

යදා හි නේන්ද්රියාර්ථේෂු න කර්මස්වනුෂජ්ජතේ .

සර්වසඞ්කල්පසන්න්යාසී යෝගාරූඪස්තදෝච්යතේ .. 4 ..

උද්ධරේදාත්මනාත්මානං නාත්මානමවසාදයේත් .

ආත්මෛව හ්යාත්මනෝ බන්ධුරාත්මෛව රිපුරාත්මනඃ .. 5 ..

බන්ධුරාත්මාත්මනස්තස්ය යේනාත්මෛවාත්මනා ජිතඃ .

අනාත්මනස්තු ශත්රුත්වේ වර්තේතාත්මෛව ශත්රුවත් .. 6 ..

ජිතාත්මනඃ ප්රශාන්තස්ය පරමාත්මා සමාහිතඃ .

ශීතෝෂ්ණසුඛදුඃඛේෂු තථා මානාපමානයෝඃ .. 7 ..

ජ්ඤානවිජ්ඤානතෘප්තාත්මා කූටස්ථෝ විජිතේන්ද්රියඃ .

යුක්ත ඉත්යුච්යතේ යෝගී සමලෝෂ්ටාශ්මකාඤ්චනඃ .. 8 ..

සුහෘන්මිත්රාර්යුදාසීනමධ්යස්ථද්වේෂ්යබන්ධුෂු .

සාධුෂ්වපි ච පාපේෂු සමබුද්ධිර්විශිෂ්යතේ .. 9 ..

යෝගී යුඤ්ජීත සතතමාත්මානං රහසි ස්ථිතඃ .

ඒකාකී යතචිත්තාත්මා නිරාශීරපරිග්රහඃ .. 10 ..

ශුචෞ දේශේ ප්රතිෂ්ඨාප්ය ස්ථිරමාසනමාත්මනඃ .

නාත්යුච්ඡ්රිතං නාතිනීචං චෛලාජිනකුශෝත්තරම් .. 11 ..

තත්රෛකාග්රං මනඃ කෘත්වා යතචිත්තේන්ද්රියක්රියාඃ .

උපවිශ්යාසනේ යුඤ්ජ්යාද්යෝගමාත්මවිශුද්ධයේ .. 12 ..

සමං කායශිරෝග්රීවං ධාරයන්නචලං ස්ථිරඃ .

සම්ප්රේක්ෂ්ය නාසිකාග්රං ස්වං දිශශ්චානවලෝකයන් .. 13 ..

ප්රශාන්තාත්මා විගතභීර්බ්රහ්මචාරිව්රතේ ස්ථිතඃ .

මනඃ සංයම්ය මච්චිත්තෝ යුක්ත ආසීත මත්පරඃ .. 14 ..

යුඤ්ජන්නේවං සදාත්මානං යෝගී නියතමානසඃ .

ශාන්තිං නිර්වාණපරමාං මත්සංස්ථාමධිගච්ඡති .. 15 ..

නාත්යශ්නතස්තු යෝගෝ(අ)ස්ති න චෛකාන්තමනශ්නතඃ .

න චාතිස්වප්නශීලස්ය ජාග්රතෝ නෛව චාර්ජුන .. 16 ..

යුක්තාහාරවිහාරස්ය යුක්තචේෂ්ටස්ය කර්මසු .

යුක්තස්වප්නාවබෝධස්ය යෝගෝ භවති දුඃඛහා .. 17 ..

යදා විනියතං චිත්තමාත්මන්යේවාවතිෂ්ඨතේ .

නිඃස්පෘහඃ සර්වකාමේභ්යෝ යුක්ත ඉත්යුච්යතේ තදා .. 18 ..

යථා දීපෝ නිවාතස්ථෝ නේඞ්ගතේ සෝපමා ස්මෘතා .

යෝගිනෝ යතචිත්තස්ය යුඤ්ජතෝ යෝගමාත්මනඃ .. 19 ..

යත්රෝපරමතේ චිත්තං නිරුද්ධං යෝගසේවයා .

යත්ර චෛවාත්මනාත්මානං පශ්යන්නාත්මනි තුෂ්යති .. 20 ..

සුඛමාත්යන්තිකං යත්තද්බුද්ධිග්රාහ්යමතීන්ද්රියම් .

වේත්ති යත්ර න චෛවායං ස්ථිතශ්චලති තත්ත්වතඃ .. 21 ..

යං ලබ්ධ්වා චාපරං ලාභං මන්යතේ නාධිකං තතඃ .

යස්මින්ස්ථිතෝ න දුඃඛේන ගුරුණාපි විචාල්යතේ .. 22 ..

තං විද්යාද්දුඃඛසංයෝගවියෝගං යෝගසඤ්ජ්ඤිතම් .

ස නිශ්චයේන යෝක්තව්යෝ යෝගෝ(අ)නිර්විණ්ණචේතසා .. 23 ..

සඞ්කල්පප්රභවාන්කාමාංස්ත්යක්ත්වා සර්වානශේෂතඃ .

මනසෛවේන්ද්රියග්රාමං විනියම්ය සමන්තතඃ .. 24 ..

ශනෛඃ ශනෛරුපරමේද්බුද්ධ්යා ධෘතිගෘහීතයා .

ආත්මසංස්ථං මනඃ කෘත්වා න කිඤ්චිදපි චින්තයේත් .. 25 ..

යතෝ යතෝ නිශ්චරති මනශ්චඤ්චලමස්ථිරම් .

තතස්තතෝ නියම්යෛතදාත්මන්යේව වශං නයේත් .. 26 ..

ප්රශාන්තමනසං හ්යේනං යෝගිනං සුඛමුත්තමම් .

උපෛති ශාන්තරජසං බ්රහ්මභූතමකල්මෂම් .. 27 ..

යුඤ්ජන්නේවං සදාත්මානං යෝගී විගතකල්මෂඃ .

සුඛේන බ්රහ්මසංස්පර්ශමත්යන්තං සුඛමශ්නුතේ .. 28 ..

සර්වභූතස්ථමාත්මානං සර්වභූතානි චාත්මනි .

ඊක්ෂතේ යෝගයුක්තාත්මා සර්වත්ර සමදර්ශනඃ .. 29 ..

යෝ මාං පශ්යති සර්වත්ර සර්වං ච මයි පශ්යති .

තස්යාහං න ප්රණශ්යාමි ස ච මේ න ප්රණශ්යති .. 30 ..

සර්වභූතස්ථිතං යෝ මාං භජත්යේකත්වමාස්ථිතඃ .

සර්වථා වර්තමානෝ(අ)පි ස යෝගී මයි වර්තතේ .. 31 ..

ආත්මෞපම්යේන සර්වත්ර සමං පශ්යති යෝ(අ)ර්ජුන .

සුඛං වා යදි වා දුඃඛං ස යෝගී පරමෝ මතඃ .. 32 ..

අර්ජුන උවාච

යෝ(අ)යං යෝගස්ත්වයා ප්රෝක්තඃ සාම්යේන මධුසූදන .

ඒතස්යාහං න පශ්යාමි චඤ්චලත්වාත්ස්ථිතිං ස්ථිරාම් .. 33 ..

චඤ්චලං හි මනඃ කෘෂ්ණ ප්රමාථි බලවද්දෘඪම් .

තස්යාහං නිග්රහං මන්යේ වායෝරිව සුදුෂ්කරම් .. 34 ..

ශ්රීභගවානුවාච

අසංශයං මහාබාහෝ මනෝ දුර්නිග්රහං චලම් .

අභ්යාසේන තු කෞන්තේය වෛරාග්යේණ ච ගෘහ්යතේ .. 35 ..

අසංයතාත්මනා යෝගෝ දුෂ්ප්රාප ඉති මේ මතිඃ .

වශ්යාත්මනා තු යතතා ශක්යෝ(අ)වාප්තුමුපායතඃ .. 36 ..

අර්ජුන උවාච

අයතිඃ ශ්රද්ධයෝපේතෝ යෝගාච්චලිතමානසඃ .

අප්රාප්ය යෝගසංසිද්ධිං කාං ගතිං කෘෂ්ණ ගච්ඡති .. 37 ..

කච්චින්නෝභයවිභ්රෂ්ටශ්ඡින්නාභ්රමිව නශ්යති .

අප්රතිෂ්ඨෝ මහාබාහෝ විමූඪෝ බ්රහ්මණඃ පථි .. 38 ..

ඒතන්මේ සංශයං කෘෂ්ණ ඡේත්තුමර්හස්යශේෂතඃ .

ත්වදන්යඃ සංශයස්යාස්ය ඡේත්තා න හ්යුපපද්යතේ .. 39 ..

ශ්රීභගවානුවාච

පාර්ථ නෛවේහ නාමුත්ර විනාශස්තස්ය විද්යතේ .

න හි කල්යාණකෘත්කශ්චිද්දුර්ගතිං තාත ගච්ඡති .. 40 ..

ප්රාප්ය පුණ්යකෘතාං ලෝකානුෂිත්වා ශාශ්වතීඃ සමාඃ .

ශුචීනාං ශ්රීමතාං ගේහේ යෝගභ්රෂ්ටෝ(අ)භිජායතේ .. 41 ..

අථවා යෝගිනාමේව කුලේ භවති ධීමතාම් .

ඒතද්ධි දුර්ලභතරං ලෝකේ ජන්ම යදීදෘශම් .. 42 ..

තත්ර තං බුද්ධිසංයෝගං ලභතේ පෞර්වදේහිකම් .

යතතේ ච තතෝ භූයඃ සංසිද්ධෞ කුරුනන්දන .. 43 ..

පූර්වාභ්යාසේන තේනෛව හ්රියතේ හ්යවශෝ(අ)පි සඃ .

ජිජ්ඤාසුරපි යෝගස්ය ශබ්දබ්රහ්මාතිවර්තතේ .. 44 ..

ප්රයත්නාද්යතමානස්තු යෝගී සංශුද්ධකිල්බිෂඃ .

අනේකජන්මසංසිද්ධස්තතෝ යාති පරාං ගතිම් .. 45 ..

තපස්විභ්යෝ(අ)ධිකෝ යෝගී ජ්ඤානිභ්යෝ(අ)පි මතෝ(අ)ධිකඃ .

කර්මිභ්යශ්චාධිකෝ යෝගී තස්මාද්යෝගී භවාර්ජුන .. 46 ..

යෝගිනාමපි සර්වේෂාං මද්ගතේනාන්තරාත්මනා .

ශ්රද්ධාවාන්භජතේ යෝ මාං ස මේ යුක්තතමෝ මතඃ .. 47 ..

ඕං තත්සදිති ශ්රීමද්භගවද්ගීතාසූපනිෂත්සු බ්රහ්මවිද්යායාං යෝගශාස්ත්රේ

ශ්රීකෘෂ්ණාර්ජුනසංවාදේ ආත්මසංයමයෝගෝ නාම ෂෂ්ඨෝ(අ)ධ්යායඃ ..6 ..