Srimad Bhagawad Gita Chapter 6
Srimad Bhagawad Gita Chapter 6
শ্রীমদ্ভগবদ্গীতা মূলম্ - ষষ্ঠোঽধ্যাযঃ
শ্লোক 1
ওঁ শ্রী পরমাত্মনে নমঃ
অথ ষষ্ঠোঽধ্যাযঃ ।
আত্মসংযমযোগঃ
শ্রীভগবানুবাচ
অনাশ্রিতঃ কর্মফলং কার্যং কর্ম করোতি যঃ ।
স সন্ন্যাসী চ যোগী চ ন নিরগ্নির্ন চাক্রিযঃ
শ্লোক 2
যং সন্ন্যাসমিতি প্রাহুর্যোগং তং বিদ্ধি পাণ্ডব ।
ন হ্যসন্ন্যস্তসঙ্কল্পো যোগী ভবতি কশ্চন
॥ 1 ॥
শ্লোক 3
আরুরুক্ষোর্মুনের্যোগং কর্ম কারণমুচ্যতে ।
যোগারূঢস্য তস্যৈব শমঃ কারণমুচ্যতে
॥ 2 ॥
শ্লোক 4
যদা হি নেন্দ্রিযার্থেষু ন কর্মস্বনুষজ্জতে ।
সর্বসঙ্কল্পসন্ন্যাসী যোগারূঢস্তদোচ্যতে
॥ 3 ॥
শ্লোক 5
উদ্ধরেদাত্মনাত্মানং নাত্মানমবসাদযেত্ ।
আত্মৈব হ্যাত্মনো বন্ধুরাত্মৈব রিপুরাত্মনঃ
॥ 4 ॥
শ্লোক 6
বন্ধুরাত্মাত্মনস্তস্য যেনাত্মৈবাত্মনা জিতঃ ।
অনাত্মনস্তু শত্রুত্বে বর্তেতাত্মৈব শত্রুবত্
॥ 5 ॥
শ্লোক 7
জিতাত্মনঃ প্রশান্তস্য পরমাত্মা সমাহিতঃ ।
শীতোষ্ণসুখদুঃখেষু তথা মানাপমানযোঃ
॥ 6 ॥
শ্লোক 8
জ্ঞানবিজ্ঞানতৃপ্তাত্মা কূটস্থো বিজিতেন্দ্রিযঃ ।
যুক্ত ইত্যুচ্যতে যোগী সমলোষ্টাশ্মকাঞ্চনঃ
॥ 7 ॥
শ্লোক 9
সুহৃন্মিত্রার্যুদাসীনমধ্যস্থদ্বেষ্যবন্ধুষু ।
সাধুষ্বপি চ পাপেষু সমবুদ্ধির্বিশিষ্যতে
॥ 8 ॥
শ্লোক 10
যোগী যুঞ্জীত সততমাত্মানং রহসি স্থিতঃ ।
একাকী যতচিত্তাত্মা নিরাশীরপরিগ্রহঃ
॥ 9 ॥
শ্লোক 11
শুচৌ দেশে প্রতিষ্ঠাপ্য স্থিরমাসনমাত্মনঃ ।
নাত্যুচ্ছ্রিতং নাতিনীচং চৈলাজিনকুশোত্তরম্
॥ 10 ॥
শ্লোক 12
তত্রৈকাগ্রং মনঃ কৃত্বা যতচিত্তেন্দ্রিযক্রিযাঃ ।
উপবিশ্যাসনে যুঞ্জ্যাদ্যোগমাত্মবিশুদ্ধযে
॥ 11 ॥
শ্লোক 13
সমং কাযশিরোগ্রীবং ধারযন্নচলং স্থিরঃ ।
সম্প্রেক্ষ্য নাসিকাগ্রং স্বং দিশশ্চানবলোকযন্
॥ 12 ॥
শ্লোক 14
প্রশান্তাত্মা বিগতভীর্ব্রহ্মচারিব্রতে স্থিতঃ ।
মনঃ সংযম্য মচ্চিত্তো যুক্ত আসীত মত্পরঃ
॥ 13 ॥
শ্লোক 15
যুঞ্জন্নেবং সদাত্মানং যোগী নিযতমানসঃ ।
শান্তিং নির্বাণপরমাং মত্সংস্থামধিগচ্ছতি
॥ 14 ॥
শ্লোক 16
নাত্যশ্নতস্তু যোগোঽস্তি ন চৈকান্তমনশ্নতঃ ।
ন চাতিস্বপ্নশীলস্য জাগ্রতো নৈব চার্জুন
॥ 15 ॥
শ্লোক 17
যুক্তাহারবিহারস্য যুক্তচেষ্টস্য কর্মসু ।
যুক্তস্বপ্নাববোধস্য যোগো ভবতি দুঃখহা
॥ 16 ॥
শ্লোক 18
যদা বিনিযতং চিত্তমাত্মন্যেবাবতিষ্ঠতে ।
নিঃস্পৃহঃ সর্বকামেভ্যো যুক্ত ইত্যুচ্যতে তদা
॥ 17 ॥
শ্লোক 19
যথা দীপো নিবাতস্থো নেঙ্গতে সোপমা স্মৃতা ।
যোগিনো যতচিত্তস্য যুঞ্জতো যোগমাত্মনঃ
॥ 18 ॥
শ্লোক 20
যত্রোপরমতে চিত্তং নিরুদ্ধং যোগসেবযা ।
যত্র চৈবাত্মনাত্মানং পশ্যন্নাত্মনি তুষ্যতি
॥ 19 ॥
শ্লোক 21
সুখমাত্যন্তিকং যত্তদ্বুদ্ধিগ্রাহ্যমতীন্দ্রিযম্ ।
বেত্তি যত্র ন চৈবাযং স্থিতশ্চলতি তত্ত্বতঃ
॥ 20 ॥
শ্লোক 22
যং লব্ধ্বা চাপরং লাভং মন্যতে নাধিকং ততঃ ।
যস্মিন্স্থিতো ন দুঃখেন গুরুণাপি বিচাল্যতে
॥ 21 ॥
শ্লোক 23
তং বিদ্যাদ্দুঃখসংযোগবিযোগং যোগসঞ্জ্ঞিতম্ ।
স নিশ্চযেন যোক্তব্যো যোগোঽনির্বিণ্ণচেতসা
॥ 22 ॥
শ্লোক 24
সঙ্কল্পপ্রভবান্কামাংস্ত্যক্ত্বা সর্বানশেষতঃ ।
মনসৈবেন্দ্রিযগ্রামং বিনিযম্য সমন্ততঃ
॥ 23 ॥
শ্লোক 25
শনৈঃ শনৈরুপরমেদ্বুদ্ধ্যা ধৃতিগৃহীতযা ।
আত্মসংস্থং মনঃ কৃত্বা ন কিঞ্চিদপি চিন্তযেত্
॥ 24 ॥
শ্লোক 26
যতো যতো নিশ্চরতি মনশ্চঞ্চলমস্থিরম্ ।
ততস্ততো নিযম্যৈতদাত্মন্যেব বশং নযেত্
॥ 25 ॥
শ্লোক 27
প্রশান্তমনসং হ্যেনং যোগিনং সুখমুত্তমম্ ।
উপৈতি শান্তরজসং ব্রহ্মভূতমকল্মষম্
॥ 26 ॥
শ্লোক 28
যুঞ্জন্নেবং সদাত্মানং যোগী বিগতকল্মষঃ ।
সুখেন ব্রহ্মসংস্পর্শমত্যন্তং সুখমশ্নুতে
॥ 27 ॥
শ্লোক 29
সর্বভূতস্থমাত্মানং সর্বভূতানি চাত্মনি ।
ঈক্ষতে যোগযুক্তাত্মা সর্বত্র সমদর্শনঃ
॥ 28 ॥
শ্লোক 30
যো মাং পশ্যতি সর্বত্র সর্বং চ মযি পশ্যতি ।
তস্যাহং ন প্রণশ্যামি স চ মে ন প্রণশ্যতি
॥ 29 ॥
শ্লোক 31
সর্বভূতস্থিতং যো মাং ভজত্যেকত্বমাস্থিতঃ ।
সর্বথা বর্তমানোঽপি স যোগী মযি বর্ততে
॥ 30 ॥
শ্লোক 32
আত্মৌপম্যেন সর্বত্র সমং পশ্যতি যোঽর্জুন ।
সুখং বা যদি বা দুঃখং স যোগী পরমো মতঃ
॥ 31 ॥
শ্লোক 33
অর্জুন উবাচ
যোঽযং যোগস্ত্বযা প্রোক্তঃ সাম্যেন মধুসূদন ।
এতস্যাহং ন পশ্যামি চঞ্চলত্বাত্স্থিতিং স্থিরাম্
॥ 32 ॥
শ্লোক 34
চঞ্চলং হি মনঃ কৃষ্ণ প্রমাথি বলবদ্দৃঢম্ ।
তস্যাহং নিগ্রহং মন্যে বাযোরিব সুদুষ্করম্
॥ 33 ॥
শ্লোক 35
শ্রীভগবানুবাচ
অসংশযং মহাবাহো মনো দুর্নিগ্রহং চলম্ ।
অভ্যাসেন তু কৌন্তেয বৈরাগ্যেণ চ গৃহ্যতে
॥ 34 ॥
শ্লোক 36
অসংযতাত্মনা যোগো দুষ্প্রাপ ইতি মে মতিঃ ।
বশ্যাত্মনা তু যততা শক্যোঽবাপ্তুমুপাযতঃ
॥ 35 ॥
শ্লোক 37
অর্জুন উবাচ
অযতিঃ শ্রদ্ধযোপেতো যোগাচ্চলিতমানসঃ ।
অপ্রাপ্য যোগসংসিদ্ধিং কাং গতিং কৃষ্ণ গচ্ছতি
॥ 36 ॥
শ্লোক 38
কচ্চিন্নোভযবিভ্রষ্টশ্ছিন্নাভ্রমিব নশ্যতি ।
অপ্রতিষ্ঠো মহাবাহো বিমূঢো ব্রহ্মণঃ পথি
॥ 37 ॥
শ্লোক 39
এতন্মে সংশযং কৃষ্ণ ছেত্তুমর্হস্যশেষতঃ ।
ত্বদন্যঃ সংশযস্যাস্য ছেত্তা ন হ্যুপপদ্যতে
॥ 38 ॥
শ্লোক 40
শ্রীভগবানুবাচ
পার্থ নৈবেহ নামুত্র বিনাশস্তস্য বিদ্যতে ।
ন হি কল্যাণকৃত্কশ্চিদ্দুর্গতিং তাত গচ্ছতি
॥ 39 ॥
শ্লোক 41
প্রাপ্য পুণ্যকৃতাং লোকানুষিত্বা শাশ্বতীঃ সমাঃ ।
শুচীনাং শ্রীমতাং গেহে যোগভ্রষ্টোঽভিজাযতে
॥ 40 ॥
শ্লোক 42
অথবা যোগিনামেব কুলে ভবতি ধীমতাম্ ।
এতদ্ধি দুর্লভতরং লোকে জন্ম যদীদৃশম্
॥ 41 ॥
শ্লোক 43
তত্র তং বুদ্ধিসংযোগং লভতে পৌর্বদেহিকম্ ।
যততে চ ততো ভূযঃ সংসিদ্ধৌ কুরুনন্দন
॥ 42 ॥
শ্লোক 44
পূর্বাভ্যাসেন তেনৈব হ্রিযতে হ্যবশোঽপি সঃ ।
জিজ্ঞাসুরপি যোগস্য শব্দব্রহ্মাতিবর্ততে
॥ 43 ॥
শ্লোক 45
প্রযত্নাদ্যতমানস্তু যোগী সংশুদ্ধকিল্বিষঃ ।
অনেকজন্মসংসিদ্ধস্ততো যাতি পরাং গতিম্
॥ 44 ॥
শ্লোক 46
তপস্বিভ্যোঽধিকো যোগী জ্ঞানিভ্যোঽপি মতোঽধিকঃ ।
কর্মিভ্যশ্চাধিকো যোগী তস্মাদ্যোগী ভবার্জুন
॥ 45 ॥
শ্লোক 47
যোগিনামপি সর্বেষাং মদ্গতেনান্তরাত্মনা ।
শ্রদ্ধাবান্ভজতে যো মাং স মে যুক্ততমো মতঃ
॥ 46 ॥
শ্লোক 48
ওঁ তত্সদিতি শ্রীমদ্ভগবদ্গীতাসূপনিষত্সু ব্রহ্মবিদ্যাযাং যোগশাস্ত্রে
শ্রীকৃষ্ণার্জুনসংবাদে আত্মসংযমযোগো নাম ষষ্ঠোঽধ্যাযঃ
॥ 47 ॥