Srimad Bhagawad Gita Chapter 5
Srimad Bhagawad Gita Chapter 5
শ্রীমদ্ভগবদ্গীতা মূলম্ - পঞ্চমোঽধ্যাযঃ
শ্লোক 1
ওঁ শ্রী পরমাত্মনে নমঃ
অথ পঞ্চমোঽধ্যাযঃ ।
কর্মসন্ন্যাসযোগঃ
অর্জুন উবাচ
সন্ন্যাসং কর্মণাং কৃষ্ণ পুনর্যোগং চ শংসসি ।
যচ্ছ্রেয এতযোরেকং তন্মে ব্রূহি সুনিশ্চিতম্
শ্লোক 2
শ্রীভগবানুবাচ
সন্ন্যাসঃ কর্মযোগশ্চ নিঃশ্রেযসকরাবুভৌ ।
তযোস্তু কর্মসন্ন্যাসাত্কর্মযোগো বিশিষ্যতে
॥ 1 ॥
শ্লোক 3
জ্ঞেযঃ স নিত্যসন্ন্যাসী যো ন দ্বেষ্টি ন কাঙ্ক্ষতি ।
নির্দ্বন্দ্বো হি মহাবাহো সুখং বন্ধাত্প্রমুচ্যতে
॥ 2 ॥
শ্লোক 4
সাঙ্খ্যযোগৌ পৃথগ্বালাঃ প্রবদন্তি ন পণ্ডিতাঃ ।
একমপ্যাস্থিতঃ সম্যগুভযোর্বিন্দতে ফলম্
॥ 3 ॥
শ্লোক 5
যত্সাঙ্খ্যৈঃ প্রাপ্যতে স্থানং তদ্যোগৈরপি গম্যতে ।
একং সাঙ্খ্যং চ যোগং চ যঃ পশ্যতি স পশ্যতি
॥ 4 ॥
শ্লোক 6
সন্ন্যাসস্তু মহাবাহো দুঃখমাপ্তুমযোগতঃ ।
যোগযুক্তো মুনির্ব্রহ্ম নচিরেণাধিগচ্ছতি
॥ 5 ॥
শ্লোক 7
যোগযুক্তো বিশুদ্ধাত্মা বিজিতাত্মা জিতেন্দ্রিযঃ ।
সর্বভূতাত্মভূতাত্মা কুর্বন্নপি ন লিপ্যতে
॥ 6 ॥
শ্লোক 8
নৈব কিঞ্চিত্করোমীতি যুক্তো মন্যেত তত্ত্ববিত্ ।
পশ্যঞ্শৃণ্বন্স্পৃশঞ্জিঘ্রন্নশ্নন্গচ্ছন্স্বপঞ্শ্বসন্
॥ 7 ॥
শ্লোক 9
প্রলপন্বিসৃজন্গৃহ্ণন্নুন্মিষন্নিমিষন্নপি ।
ইন্দ্রিযাণীন্দ্রিযার্থেষু বর্তন্ত ইতি ধারযন্
॥ 8 ॥
শ্লোক 10
ব্রহ্মণ্যাধায কর্মাণি সঙ্গং ত্যক্ত্বা করোতি যঃ ।
লিপ্যতে ন স পাপেন পদ্মপত্রমিবাম্ভসা
॥ 9 ॥
শ্লোক 11
কাযেন মনসা বুদ্ধ্যা কেবলৈরিন্দ্রিযৈরপি ।
যোগিনঃ কর্ম কুর্বন্তি সঙ্গং ত্যক্ত্বাত্মশুদ্ধযে
॥ 10 ॥
শ্লোক 12
যুক্তঃ কর্মফলং ত্যক্ত্বা শান্তিমাপ্নোতি নৈষ্ঠিকীম্ ।
অযুক্তঃ কামকারেণ ফলে সক্তো নিবধ্যতে
॥ 11 ॥
শ্লোক 13
সর্বকর্মাণি মনসা সন্ন্যস্যাস্তে সুখং বশী ।
নবদ্বারে পুরে দেহী নৈব কুর্বন্ন কারযন্
॥ 12 ॥
শ্লোক 14
ন কর্তৃত্বং ন কর্মাণি লোকস্য সৃজতি প্রভুঃ ।
ন কর্মফলসংযোগং স্বভাবস্তু প্রবর্ততে
॥ 13 ॥
শ্লোক 15
নাদত্তে কস্যচিত্পাপং ন চৈব সুকৃতং বিভুঃ ।
অজ্ঞানেনাবৃতং জ্ঞানং তেন মুহ্যন্তি জন্তবঃ
॥ 14 ॥
শ্লোক 16
জ্ঞানেন তু তদজ্ঞানং যেষাং নাশিতমাত্মনঃ ।
তেষামাদিত্যবজ্জ্ঞানং প্রকাশযতি তত্পরম্
॥ 15 ॥
শ্লোক 17
তদ্বুদ্ধযস্তদাত্মানস্তন্নিষ্ঠাস্তত্পরাযণাঃ ।
গচ্ছন্ত্যপুনরাবৃত্তিং জ্ঞাননির্ধূতকল্মষাঃ
॥ 16 ॥
শ্লোক 18
বিদ্যাবিনযসম্পন্নে ব্রাহ্মণে গবি হস্তিনি ।
শুনি চৈব শ্বপাকে চ পণ্ডিতাঃ সমদর্শিনঃ
॥ 17 ॥
শ্লোক 19
ইহৈব তৈর্জিতঃ সর্গো যেষাং সাম্যে স্থিতং মনঃ ।
নির্দোষং হি সমং ব্রহ্ম তস্মাদ্ব্রহ্মণি তে স্থিতাঃ
॥ 18 ॥
শ্লোক 20
ন প্রহৃষ্যেত্প্রিযং প্রাপ্য নোদ্বিজেত্প্রাপ্য চাপ্রিযম্ ।
স্থিরবুদ্ধিরসম্মূঢো ব্রহ্মবিদ্ব্রহ্মণি স্থিতঃ
॥ 19 ॥
শ্লোক 21
বাহ্যস্পর্শেষ্বসক্তাত্মা বিন্দত্যাত্মনি যত্সুখম্ ।
স ব্রহ্মযোগযুক্তাত্মা সুখমক্ষযমশ্নুতে
॥ 20 ॥
শ্লোক 22
যে হি সংস্পর্শজা ভোগা দুঃখযোনয এব তে ।
আদ্যন্তবন্তঃ কৌন্তেয ন তেষু রমতে বুধঃ
॥ 21 ॥
শ্লোক 23
শক্নোতীহৈব যঃ সোঢুং প্রাক্শরীরবিমোক্ষণাত্ ।
কামক্রোধোদ্ভবং বেগং স যুক্তঃ স সুখী নরঃ
॥ 22 ॥
শ্লোক 24
যোঽন্তঃসুখোঽন্তরারামস্তথান্তর্জ্যোতিরেব যঃ ।
স যোগী ব্রহ্মনির্বাণং ব্রহ্মভূতোঽধিগচ্ছতি
॥ 23 ॥
শ্লোক 25
লভন্তে ব্রহ্মনির্বাণমৃষযঃ ক্ষীণকল্মষাঃ ।
ছিন্নদ্বৈধা যতাত্মানঃ সর্বভূতহিতে রতাঃ
॥ 24 ॥
শ্লোক 26
কামক্রোধবিযুক্তানাং যতীনাং যতচেতসাম্ ।
অভিতো ব্রহ্মনির্বাণং বর্ততে বিদিতাত্মনাম্
॥ 25 ॥
শ্লোক 27
স্পর্শান্কৃত্বা বহির্বাহ্যাংশ্চক্ষুশ্চৈবান্তরে ভ্রুবোঃ ।
প্রাণাপানৌ সমৌ কৃত্বা নাসাভ্যন্তরচারিণৌ
॥ 26 ॥
শ্লোক 28
যতেন্দ্রিযমনোবুদ্ধির্মুনির্মোক্ষপরাযণঃ ।
বিগতেচ্ছাভযক্রোধো যঃ সদা মুক্ত এব সঃ
॥ 27 ॥
শ্লোক 29
ভোক্তারং যজ্ঞতপসাং সর্বলোকমহেশ্বরম্ ।
সুহৃদং সর্বভূতানাং জ্ঞাত্বা মাং শান্তিমৃচ্ছতি
॥ 28 ॥
শ্লোক 30
ওঁ তত্সদিতি শ্রীমদ্ভগবদ্গীতাসূপনিষত্সু ব্রহ্মবিদ্যাযাং যোগশাস্ত্রে
শ্রীকৃষ্ণার্জুনসংবাদে কর্মসন্ন্যাসযোগো নাম পঞ্চমোঽধ্যাযঃ
॥ 29 ॥