శ్రీమద్భగవద్గీతా మూలమ్ - పఞ్చమోఽధ్యాయః

శ్రీమద్భగవద్గీతా మూలమ్ - పఞ్చమోఽధ్యాయః

శ్లోక 1

ఓం శ్రీ పరమాత్మనే నమః

అథ పఞ్చమోఽధ్యాయః ।

కర్మసన్న్యాసయోగః

అర్జున ఉవాచ

సన్న్యాసం కర్మణాం కృష్ణ పునర్యోగం చ శంససి ।

యచ్ఛ్రేయ ఏతయోరేకం తన్మే బ్రూహి సునిశ్చితమ్

శ్లోక 2

శ్రీభగవానువాచ

సన్న్యాసః కర్మయోగశ్చ నిఃశ్రేయసకరావుభౌ ।

తయోస్తు కర్మసన్న్యాసాత్కర్మయోగో విశిష్యతే

॥ 1 ॥

శ్లోక 3

జ్ఞేయః స నిత్యసన్న్యాసీ యో న ద్వేష్టి న కాఙ్క్షతి ।

నిర్ద్వన్ద్వో హి మహాబాహో సుఖం బన్ధాత్ప్రముచ్యతే

॥ 2 ॥

శ్లోక 4

సాఙ్ఖ్యయోగౌ పృథగ్బాలాః ప్రవదన్తి న పణ్డితాః ।

ఏకమప్యాస్థితః సమ్యగుభయోర్విన్దతే ఫలమ్

॥ 3 ॥

శ్లోక 5

యత్సాఙ్ఖ్యైః ప్రాప్యతే స్థానం తద్యోగైరపి గమ్యతే ।

ఏకం సాఙ్ఖ్యం చ యోగం చ యః పశ్యతి స పశ్యతి

॥ 4 ॥

శ్లోక 6

సన్న్యాసస్తు మహాబాహో దుఃఖమాప్తుమయోగతః ।

యోగయుక్తో మునిర్బ్రహ్మ నచిరేణాధిగచ్ఛతి

॥ 5 ॥

శ్లోక 7

యోగయుక్తో విశుద్ధాత్మా విజితాత్మా జితేన్ద్రియః ।

సర్వభూతాత్మభూతాత్మా కుర్వన్నపి న లిప్యతే

॥ 6 ॥

శ్లోక 8

నైవ కిఞ్చిత్కరోమీతి యుక్తో మన్యేత తత్త్వవిత్ ।

పశ్యఞ్శృణ్వన్స్పృశఞ్జిఘ్రన్నశ్నన్గచ్ఛన్స్వపఞ్శ్వసన్

॥ 7 ॥

శ్లోక 9

ప్రలపన్విసృజన్గృహ్ణన్నున్మిషన్నిమిషన్నపి ।

ఇన్ద్రియాణీన్ద్రియార్థేషు వర్తన్త ఇతి ధారయన్

॥ 8 ॥

శ్లోక 10

బ్రహ్మణ్యాధాయ కర్మాణి సఙ్గం త్యక్త్వా కరోతి యః ।

లిప్యతే న స పాపేన పద్మపత్రమివామ్భసా

॥ 9 ॥

శ్లోక 11

కాయేన మనసా బుద్ధ్యా కేవలైరిన్ద్రియైరపి ।

యోగినః కర్మ కుర్వన్తి సఙ్గం త్యక్త్వాత్మశుద్ధయే

॥ 10 ॥

శ్లోక 12

యుక్తః కర్మఫలం త్యక్త్వా శాన్తిమాప్నోతి నైష్ఠికీమ్ ।

అయుక్తః కామకారేణ ఫలే సక్తో నిబధ్యతే

॥ 11 ॥

శ్లోక 13

సర్వకర్మాణి మనసా సన్న్యస్యాస్తే సుఖం వశీ ।

నవద్వారే పురే దేహీ నైవ కుర్వన్న కారయన్

॥ 12 ॥

శ్లోక 14

న కర్తృత్వం న కర్మాణి లోకస్య సృజతి ప్రభుః ।

న కర్మఫలసంయోగం స్వభావస్తు ప్రవర్తతే

॥ 13 ॥

శ్లోక 15

నాదత్తే కస్యచిత్పాపం న చైవ సుకృతం విభుః ।

అజ్ఞానేనావృతం జ్ఞానం తేన ముహ్యన్తి జన్తవః

॥ 14 ॥

శ్లోక 16

జ్ఞానేన తు తదజ్ఞానం యేషాం నాశితమాత్మనః ।

తేషామాదిత్యవజ్జ్ఞానం ప్రకాశయతి తత్పరమ్

॥ 15 ॥

శ్లోక 17

తద్బుద్ధయస్తదాత్మానస్తన్నిష్ఠాస్తత్పరాయణాః ।

గచ్ఛన్త్యపునరావృత్తిం జ్ఞాననిర్ధూతకల్మషాః

॥ 16 ॥

శ్లోక 18

విద్యావినయసమ్పన్నే బ్రాహ్మణే గవి హస్తిని ।

శుని చైవ శ్వపాకే చ పణ్డితాః సమదర్శినః

॥ 17 ॥

శ్లోక 19

ఇహైవ తైర్జితః సర్గో యేషాం సామ్యే స్థితం మనః ।

నిర్దోషం హి సమం బ్రహ్మ తస్మాద్బ్రహ్మణి తే స్థితాః

॥ 18 ॥

శ్లోక 20

న ప్రహృష్యేత్ప్రియం ప్రాప్య నోద్విజేత్ప్రాప్య చాప్రియమ్ ।

స్థిరబుద్ధిరసమ్మూఢో బ్రహ్మవిద్బ్రహ్మణి స్థితః

॥ 19 ॥

శ్లోక 21

బాహ్యస్పర్శేష్వసక్తాత్మా విన్దత్యాత్మని యత్సుఖమ్ ।

స బ్రహ్మయోగయుక్తాత్మా సుఖమక్షయమశ్నుతే

॥ 20 ॥

శ్లోక 22

యే హి సంస్పర్శజా భోగా దుఃఖయోనయ ఏవ తే ।

ఆద్యన్తవన్తః కౌన్తేయ న తేషు రమతే బుధః

॥ 21 ॥

శ్లోక 23

శక్నోతీహైవ యః సోఢుం ప్రాక్శరీరవిమోక్షణాత్ ।

కామక్రోధోద్భవం వేగం స యుక్తః స సుఖీ నరః

॥ 22 ॥

శ్లోక 24

యోఽన్తఃసుఖోఽన్తరారామస్తథాన్తర్జ్యోతిరేవ యః ।

స యోగీ బ్రహ్మనిర్వాణం బ్రహ్మభూతోఽధిగచ్ఛతి

॥ 23 ॥

శ్లోక 25

లభన్తే బ్రహ్మనిర్వాణమృషయః క్షీణకల్మషాః ।

ఛిన్నద్వైధా యతాత్మానః సర్వభూతహితే రతాః

॥ 24 ॥

శ్లోక 26

కామక్రోధవియుక్తానాం యతీనాం యతచేతసామ్ ।

అభితో బ్రహ్మనిర్వాణం వర్తతే విదితాత్మనామ్

॥ 25 ॥

శ్లోక 27

స్పర్శాన్కృత్వా బహిర్బాహ్యాంశ్చక్షుశ్చైవాన్తరే భ్రువోః ।

ప్రాణాపానౌ సమౌ కృత్వా నాసాభ్యన్తరచారిణౌ

॥ 26 ॥

శ్లోక 28

యతేన్ద్రియమనోబుద్ధిర్మునిర్మోక్షపరాయణః ।

విగతేచ్ఛాభయక్రోధో యః సదా ముక్త ఏవ సః

॥ 27 ॥

శ్లోక 29

భోక్తారం యజ్ఞతపసాం సర్వలోకమహేశ్వరమ్ ।

సుహృదం సర్వభూతానాం జ్ఞాత్వా మాం శాన్తిమృచ్ఛతి

॥ 28 ॥

శ్లోక 30

ఓం తత్సదితి శ్రీమద్భగవద్గీతాసూపనిషత్సు బ్రహ్మవిద్యాయాం యోగశాస్త్రే

శ్రీకృష్ణార్జునసంవాదే కర్మసన్న్యాసయోగో నామ పఞ్చమోఽధ్యాయః

॥ 29 ॥

శ్లోక 31