ശ്രീമദ്ഭഗവദ്ഗീതാ മൂലമ് - പഞ്ചമോഽധ്യായഃ

ശ്രീമദ്ഭഗവദ്ഗീതാ മൂലമ് - പഞ്ചമോഽധ്യായഃ

ശ്ലോക 1

ഓം ശ്രീ പരമാത്മനേ നമഃ

അഥ പഞ്ചമോഽധ്യായഃ ।

കര്മസന്ന്യാസയോഗഃ

അര്ജുന ഉവാച

സന്ന്യാസം കര്മണാം കൃഷ്ണ പുനര്യോഗം ച ശംസസി ।

യച്ഛ്രേയ ഏതയോരേകം തന്മേ ബ്രൂഹി സുനിശ്ചിതമ്

ശ്ലോക 2

ശ്രീഭഗവാനുവാച

സന്ന്യാസഃ കര്മയോഗശ്ച നിഃശ്രേയസകരാവുഭൌ ।

തയോസ്തു കര്മസന്ന്യാസാത്കര്മയോഗോ വിശിഷ്യതേ

॥ 1 ॥

ശ്ലോക 3

ജ്ഞേയഃ സ നിത്യസന്ന്യാസീ യോ ന ദ്വേഷ്ടി ന കാങ്ക്ഷതി ।

നിര്ദ്വന്ദ്വോ ഹി മഹാബാഹോ സുഖം ബന്ധാത്പ്രമുച്യതേ

॥ 2 ॥

ശ്ലോക 4

സാങ്ഖ്യയോഗൌ പൃഥഗ്ബാലാഃ പ്രവദന്തി ന പണ്ഡിതാഃ ।

ഏകമപ്യാസ്ഥിതഃ സമ്യഗുഭയോര്വിന്ദതേ ഫലമ്

॥ 3 ॥

ശ്ലോക 5

യത്സാങ്ഖ്യൈഃ പ്രാപ്യതേ സ്ഥാനം തദ്യോഗൈരപി ഗമ്യതേ ।

ഏകം സാങ്ഖ്യം ച യോഗം ച യഃ പശ്യതി സ പശ്യതി

॥ 4 ॥

ശ്ലോക 6

സന്ന്യാസസ്തു മഹാബാഹോ ദുഃഖമാപ്തുമയോഗതഃ ।

യോഗയുക്തോ മുനിര്ബ്രഹ്മ നചിരേണാധിഗച്ഛതി

॥ 5 ॥

ശ്ലോക 7

യോഗയുക്തോ വിശുദ്ധാത്മാ വിജിതാത്മാ ജിതേന്ദ്രിയഃ ।

സര്വഭൂതാത്മഭൂതാത്മാ കുര്വന്നപി ന ലിപ്യതേ

॥ 6 ॥

ശ്ലോക 8

നൈവ കിഞ്ചിത്കരോമീതി യുക്തോ മന്യേത തത്ത്വവിത് ।

പശ്യഞ്ശൃണ്വന്സ്പൃശഞ്ജിഘ്രന്നശ്നന്ഗച്ഛന്സ്വപഞ്ശ്വസന്

॥ 7 ॥

ശ്ലോക 9

പ്രലപന്വിസൃജന്ഗൃഹ്ണന്നുന്മിഷന്നിമിഷന്നപി ।

ഇന്ദ്രിയാണീന്ദ്രിയാര്ഥേഷു വര്തന്ത ഇതി ധാരയന്

॥ 8 ॥

ശ്ലോക 10

ബ്രഹ്മണ്യാധായ കര്മാണി സങ്ഗം ത്യക്ത്വാ കരോതി യഃ ।

ലിപ്യതേ ന സ പാപേന പദ്മപത്രമിവാമ്ഭസാ

॥ 9 ॥

ശ്ലോക 11

കായേന മനസാ ബുദ്ധ്യാ കേവലൈരിന്ദ്രിയൈരപി ।

യോഗിനഃ കര്മ കുര്വന്തി സങ്ഗം ത്യക്ത്വാത്മശുദ്ധയേ

॥ 10 ॥

ശ്ലോക 12

യുക്തഃ കര്മഫലം ത്യക്ത്വാ ശാന്തിമാപ്നോതി നൈഷ്ഠികീമ് ।

അയുക്തഃ കാമകാരേണ ഫലേ സക്തോ നിബധ്യതേ

॥ 11 ॥

ശ്ലോക 13

സര്വകര്മാണി മനസാ സന്ന്യസ്യാസ്തേ സുഖം വശീ ।

നവദ്വാരേ പുരേ ദേഹീ നൈവ കുര്വന്ന കാരയന്

॥ 12 ॥

ശ്ലോക 14

ന കര്തൃത്വം ന കര്മാണി ലോകസ്യ സൃജതി പ്രഭുഃ ।

ന കര്മഫലസംയോഗം സ്വഭാവസ്തു പ്രവര്തതേ

॥ 13 ॥

ശ്ലോക 15

നാദത്തേ കസ്യചിത്പാപം ന ചൈവ സുകൃതം വിഭുഃ ।

അജ്ഞാനേനാവൃതം ജ്ഞാനം തേന മുഹ്യന്തി ജന്തവഃ

॥ 14 ॥

ശ്ലോക 16

ജ്ഞാനേന തു തദജ്ഞാനം യേഷാം നാശിതമാത്മനഃ ।

തേഷാമാദിത്യവജ്ജ്ഞാനം പ്രകാശയതി തത്പരമ്

॥ 15 ॥

ശ്ലോക 17

തദ്ബുദ്ധയസ്തദാത്മാനസ്തന്നിഷ്ഠാസ്തത്പരായണാഃ ।

ഗച്ഛന്ത്യപുനരാവൃത്തിം ജ്ഞാനനിര്ധൂതകല്മഷാഃ

॥ 16 ॥

ശ്ലോക 18

വിദ്യാവിനയസമ്പന്നേ ബ്രാഹ്മണേ ഗവി ഹസ്തിനി ।

ശുനി ചൈവ ശ്വപാകേ ച പണ്ഡിതാഃ സമദര്ശിനഃ

॥ 17 ॥

ശ്ലോക 19

ഇഹൈവ തൈര്ജിതഃ സര്ഗോ യേഷാം സാമ്യേ സ്ഥിതം മനഃ ।

നിര്ദോഷം ഹി സമം ബ്രഹ്മ തസ്മാദ്ബ്രഹ്മണി തേ സ്ഥിതാഃ

॥ 18 ॥

ശ്ലോക 20

ന പ്രഹൃഷ്യേത്പ്രിയം പ്രാപ്യ നോദ്വിജേത്പ്രാപ്യ ചാപ്രിയമ് ।

സ്ഥിരബുദ്ധിരസമ്മൂഢോ ബ്രഹ്മവിദ്ബ്രഹ്മണി സ്ഥിതഃ

॥ 19 ॥

ശ്ലോക 21

ബാഹ്യസ്പര്ശേഷ്വസക്താത്മാ വിന്ദത്യാത്മനി യത്സുഖമ് ।

സ ബ്രഹ്മയോഗയുക്താത്മാ സുഖമക്ഷയമശ്നുതേ

॥ 20 ॥

ശ്ലോക 22

യേ ഹി സംസ്പര്ശജാ ഭോഗാ ദുഃഖയോനയ ഏവ തേ ।

ആദ്യന്തവന്തഃ കൌന്തേയ ന തേഷു രമതേ ബുധഃ

॥ 21 ॥

ശ്ലോക 23

ശക്നോതീഹൈവ യഃ സോഢും പ്രാക്ശരീരവിമോക്ഷണാത് ।

കാമക്രോധോദ്ഭവം വേഗം സ യുക്തഃ സ സുഖീ നരഃ

॥ 22 ॥

ശ്ലോക 24

യോഽന്തഃസുഖോഽന്തരാരാമസ്തഥാന്തര്ജ്യോതിരേവ യഃ ।

സ യോഗീ ബ്രഹ്മനിര്വാണം ബ്രഹ്മഭൂതോഽധിഗച്ഛതി

॥ 23 ॥

ശ്ലോക 25

ലഭന്തേ ബ്രഹ്മനിര്വാണമൃഷയഃ ക്ഷീണകല്മഷാഃ ।

ഛിന്നദ്വൈധാ യതാത്മാനഃ സര്വഭൂതഹിതേ രതാഃ

॥ 24 ॥

ശ്ലോക 26

കാമക്രോധവിയുക്താനാം യതീനാം യതചേതസാമ് ।

അഭിതോ ബ്രഹ്മനിര്വാണം വര്തതേ വിദിതാത്മനാമ്

॥ 25 ॥

ശ്ലോക 27

സ്പര്ശാന്കൃത്വാ ബഹിര്ബാഹ്യാംശ്ചക്ഷുശ്ചൈവാന്തരേ ഭ്രുവോഃ ।

പ്രാണാപാനൌ സമൌ കൃത്വാ നാസാഭ്യന്തരചാരിണൌ

॥ 26 ॥

ശ്ലോക 28

യതേന്ദ്രിയമനോബുദ്ധിര്മുനിര്മോക്ഷപരായണഃ ।

വിഗതേച്ഛാഭയക്രോധോ യഃ സദാ മുക്ത ഏവ സഃ

॥ 27 ॥

ശ്ലോക 29

ഭോക്താരം യജ്ഞതപസാം സര്വലോകമഹേശ്വരമ് ।

സുഹൃദം സര്വഭൂതാനാം ജ്ഞാത്വാ മാം ശാന്തിമൃച്ഛതി

॥ 28 ॥

ശ്ലോക 30

ഓം തത്സദിതി ശ്രീമദ്ഭഗവദ്ഗീതാസൂപനിഷത്സു ബ്രഹ്മവിദ്യായാം യോഗശാസ്ത്രേ

ശ്രീകൃഷ്ണാര്ജുനസംവാദേ കര്മസന്ന്യാസയോഗോ നാമ പഞ്ചമോഽധ്യായഃ

॥ 29 ॥

ശ്ലോക 31