শ্রীমদ্ভগবদ্গীতা মূলম্ - চতুর্থোঽধ্যাযঃ

শ্রীমদ্ভগবদ্গীতা মূলম্ - চতুর্থোঽধ্যাযঃ

শ্লোক 1

ওঁ শ্রী পরমাত্মনে নমঃ

অথ চতুর্থোঽধ্যাযঃ ।

জ্ঞানযোগঃ

শ্রীভগবানুবাচ

ইমং বিবস্বতে যোগং প্রোক্তবানহমব্যযম্ ।

বিবস্বান্মনবে প্রাহ মনুরিক্ষ্বাকবেঽব্রবীত্

শ্লোক 2

এবং পরম্পরাপ্রাপ্তমিমং রাজর্ষযো বিদুঃ ।

স কালেনেহ মহতা যোগো নষ্টঃ পরন্তপ

॥ 1 ॥

শ্লোক 3

স এবাযং মযা তেঽদ্য যোগঃ প্রোক্তঃ পুরাতনঃ ।

ভক্তোঽসি মে সখা চেতি রহস্যং হ্যেতদুত্তমম্

॥ 2 ॥

শ্লোক 4

অর্জুন উবাচ

অপরং ভবতো জন্ম পরং জন্ম বিবস্বতঃ ।

কথমেতদ্বিজানীযাং ত্বমাদৌ প্রোক্তবানিতি

॥ 3 ॥

শ্লোক 5

শ্রীভগবানুবাচ

বহূনি মে ব্যতীতানি জন্মানি তব চার্জুন ।

তান্যহং বেদ সর্বাণি ন ত্বং বেত্থ পরন্তপ

॥ 4 ॥

শ্লোক 6

অজোঽপি সন্নব্যযাত্মা ভূতানামীশ্বরোঽপি সন্ ।

প্রকৃতিং স্বামধিষ্ঠায সম্ভবাম্যাত্মমাযযা

॥ 5 ॥

শ্লোক 7

যদা যদা হি ধর্মস্য গ্লানির্ভবতি ভারত ।

অভ্যুত্থানমধর্মস্য তদাত্মানং সৃজাম্যহম্

॥ 6 ॥

শ্লোক 8

পরিত্রাণায সাধূনাং বিনাশায চ দুষ্কৃতাম্ ।

ধর্মসংস্থাপনার্থায সম্ভবামি যুগে যুগে

॥ 7 ॥

শ্লোক 9

জন্ম কর্ম চ মে দিব্যমেবং যো বেত্তি তত্ত্বতঃ ।

ত্যক্ত্বা দেহং পুনর্জন্ম নৈতি মামেতি সোঽর্জুন

॥ 8 ॥

শ্লোক 10

বীতরাগভযক্রোধা মন্মযা মামুপাশ্রিতাঃ ।

বহবো জ্ঞানতপসা পূতা মদ্ভাবমাগতাঃ

॥ 9 ॥

শ্লোক 11

যে যথা মাং প্রপদ্যন্তে তাংস্তথৈব ভজাম্যহম্ ।

মম বর্ত্মানুবর্তন্তে মনুষ্যাঃ পার্থ সর্বশঃ

॥ 10 ॥

শ্লোক 12

কাঙ্ক্ষন্তঃ কর্মণাং সিদ্ধিং যজন্ত ইহ দেবতাঃ ।

ক্ষিপ্রং হি মানুষে লোকে সিদ্ধির্ভবতি কর্মজা

॥ 11 ॥

শ্লোক 13

চাতুর্বর্ণ্যং মযা সৃষ্টং গুণকর্মবিভাগশঃ ।

তস্য কর্তারমপি মাং বিদ্ধ্যকর্তারমব্যযম্

॥ 12 ॥

শ্লোক 14

ন মাং কর্মাণি লিম্পন্তি ন মে কর্মফলে স্পৃহা ।

ইতি মাং যোঽভিজানাতি কর্মভির্ন স বধ্যতে

॥ 13 ॥

শ্লোক 15

এবং জ্ঞাত্বা কৃতং কর্ম পূর্বৈরপি মুমুক্ষুভিঃ ।

কুরু কর্মৈব তস্মাত্ত্বং পূর্বৈঃ পূর্বতরং কৃতম্

॥ 14 ॥

শ্লোক 16

কিং কর্ম কিমকর্মেতি কবযোঽপ্যত্র মোহিতাঃ ।

তত্তে কর্ম প্রবক্ষ্যামি যজ্জ্ঞাত্বা মোক্ষ্যসেঽশুভাত্

॥ 15 ॥

শ্লোক 17

কর্মণো হ্যপি বোদ্ধব্যং বোদ্ধব্যং চ বিকর্মণঃ ।

অকর্মণশ্চ বোদ্ধব্যং গহনা কর্মণো গতিঃ

॥ 16 ॥

শ্লোক 18

কর্মণ্যকর্ম যঃ পশ্যেদকর্মণি চ কর্ম যঃ ।

স বুদ্ধিমান্মনুষ্যেষু স যুক্তঃ কৃত্স্নকর্মকৃত্

॥ 17 ॥

শ্লোক 19

যস্য সর্বে সমারম্ভাঃ কামসঙ্কল্পবর্জিতাঃ ।

জ্ঞানাগ্নিদগ্ধকর্মাণং তমাহুঃ পণ্ডিতং বুধাঃ

॥ 18 ॥

শ্লোক 20

ত্যক্ত্বা কর্মফলাসঙ্গং নিত্যতৃপ্তো নিরাশ্রযঃ ।

কর্মণ্যভিপ্রবৃত্তোঽপি নৈব কিঞ্চিত্করোতি সঃ

॥ 19 ॥

শ্লোক 21

নিরাশীর্যতচিত্তাত্মা ত্যক্তসর্বপরিগ্রহঃ ।

শারীরং কেবলং কর্ম কুর্বন্নাপ্নোতি কিল্বিষম্

॥ 20 ॥

শ্লোক 22

যদৃচ্ছালাভসন্তুষ্টো দ্বন্দ্বাতীতো বিমত্সরঃ ।

সমঃ সিদ্ধাবসিদ্ধৌ চ কৃত্বাপি ন নিবধ্যতে

॥ 21 ॥

শ্লোক 23

গতসঙ্গস্য মুক্তস্য জ্ঞানাবস্থিতচেতসঃ ।

যজ্ঞাযাচরতঃ কর্ম সমগ্রং প্রবিলীযতে

॥ 22 ॥

শ্লোক 24

ব্রহ্মার্পণং ব্রহ্ম হবির্ব্রহ্মাগ্নৌ ব্রহ্মণা হুতম্ ।

ব্রহ্মৈব তেন গন্তব্যং ব্রহ্মকর্মসমাধিনা

॥ 23 ॥

শ্লোক 25

দৈবমেবাপরে যজ্ঞং যোগিনঃ পর্যুপাসতে ।

ব্রহ্মাগ্নাবপরে যজ্ঞং যজ্ঞেনৈবোপজুহ্বতি

॥ 24 ॥

শ্লোক 26

শ্রোত্রাদীনীন্দ্রিযাণ্যন্যে সংযমাগ্নিষু জুহ্বতি ।

শব্দাদীন্বিষযানন্য ইন্দ্রিযাগ্নিষু জুহ্বতি

॥ 25 ॥

শ্লোক 27

সর্বাণীন্দ্রিযকর্মাণি প্রাণকর্মাণি চাপরে ।

আত্মসংযমযোগাগ্নৌ জুহ্বতি জ্ঞানদীপিতে

॥ 26 ॥

শ্লোক 28

দ্রব্যযজ্ঞাস্তপোযজ্ঞা যোগযজ্ঞাস্তথাপরে ।

স্বাধ্যাযজ্ঞানযজ্ঞাশ্চ যতযঃ সংশিতব্রতাঃ

॥ 27 ॥

শ্লোক 29

অপানে জুহ্বতি প্রাণং প্রাণেঽপানং তথাপরে ।

প্রাণাপানগতী রুদ্ধ্বা প্রাণাযামপরাযণাঃ

॥ 28 ॥

শ্লোক 30

অপরে নিযতাহারাঃ প্রাণান্প্রাণেষু জুহ্বতি ।

সর্বেঽপ্যেতে যজ্ঞবিদো যজ্ঞক্ষপিতকল্মষাঃ

॥ 29 ॥

শ্লোক 31

যজ্ঞশিষ্টামৃতভুজো যান্তি ব্রহ্ম সনাতনম্ ।

নাযং লোকোঽস্ত্যযজ্ঞস্য কুতোঽন্যঃ কুরুসত্তম

॥ 30 ॥

শ্লোক 32

এবং বহুবিধা যজ্ঞা বিততা ব্রহ্মণো মুখে ।

কর্মজান্বিদ্ধি তান্সর্বানেবং জ্ঞাত্বা বিমোক্ষ্যসে

॥ 31 ॥

শ্লোক 33

শ্রেযান্দ্রব্যমযাদ্যজ্ঞাজ্জ্ঞানযজ্ঞঃ পরন্তপ ।

সর্বং কর্মাখিলং পার্থ জ্ঞানে পরিসমাপ্যতে

॥ 32 ॥

শ্লোক 34

তদ্বিদ্ধি প্রণিপাতেন পরিপ্রশ্নেন সেবযা ।

উপদেক্ষ্যন্তি তে জ্ঞানং জ্ঞানিনস্তত্ত্বদর্শিনঃ

॥ 33 ॥

শ্লোক 35

যজ্জ্ঞাত্বা ন পুনর্মোহমেবং যাস্যসি পাণ্ডব ।

যেন ভূতান্যশেষেণ দ্রক্ষ্যস্যাত্মন্যথো মযি

॥ 34 ॥

শ্লোক 36

অপি চেদসি পাপেভ্যঃ সর্বেভ্যঃ পাপকৃত্তমঃ ।

সর্বং জ্ঞানপ্লবেনৈব বৃজিনং সন্তরিষ্যসি

॥ 35 ॥

শ্লোক 37

যথৈধাংসি সমিদ্ধোঽগ্নির্ভস্মসাত্কুরুতেঽর্জুন ।

জ্ঞানাগ্নিঃ সর্বকর্মাণি ভস্মসাত্কুরুতে তথা

॥ 36 ॥

শ্লোক 38

ন হি জ্ঞানেন সদৃশং পবিত্রমিহ বিদ্যতে ।

তত্স্বযং যোগসংসিদ্ধঃ কালেনাত্মনি বিন্দতি

॥ 37 ॥

শ্লোক 39

শ্রদ্ধাবাঁল্লভতে জ্ঞানং তত্পরঃ সংযতেন্দ্রিযঃ ।

জ্ঞানং লব্ধ্বা পরাং শান্তিমচিরেণাধিগচ্ছতি

॥ 38 ॥

শ্লোক 40

অজ্ঞশ্চাশ্রদ্দধানশ্চ সংশযাত্মা বিনশ্যতি ।

নাযং লোকোঽস্তি ন পরো ন সুখং সংশযাত্মনঃ

॥ 39 ॥

শ্লোক 41

যোগসন্ন্যস্তকর্মাণং জ্ঞানসঞ্ছিন্নসংশযম্ ।

আত্মবন্তং ন কর্মাণি নিবধ্নন্তি ধনঞ্জয

॥ 40 ॥

শ্লোক 42

তস্মাদজ্ঞানসম্ভূতং হৃত্স্থং জ্ঞানাসিনাত্মনঃ ।

ছিত্ত্বৈনং সংশযং যোগমাতিষ্ঠোত্তিষ্ঠ ভারত

॥ 41 ॥

শ্লোক 43

ওঁ তত্সদিতি শ্রীমদ্ভগবদ্গীতাসূপনিষত্সু ব্রহ্মবিদ্যাযাং যোগশাস্ত্রে

শ্রীকৃষ্ণার্জুনসংবাদে জ্ঞানকর্মসন্ন্যাসযোগো নাম চতুর্থোঽধ্যাযঃ

॥ 42 ॥

শ্লোক 44