Srimad Bhagawad Gita Chapter 3

শ্রীমদ্ভগবদ্গীতা মূলম্ - তৃতীযোঽধ্যাযঃ

শ্লোক 1

ওঁ শ্রী পরমাত্মনে নমঃ

অথ তৃতীযোঽধ্যাযঃ ।

কর্মযোগঃ

অর্জুন উবাচ

জ্যাযসী চেত্কর্মণস্তে মতা বুদ্ধির্জনার্দন ।

তত্কিং কর্মণি ঘোরে মাং নিযোজযসি কেশব

শ্লোক 2

ব্যামিশ্রেণেব বাক্যেন বুদ্ধিং মোহযসীব মে ।

তদেকং বদ নিশ্চিত্য যেন শ্রেযোঽহমাপ্নুযাম্

॥ 1 ॥

শ্লোক 3

শ্রীভগবানুবাচ

লোকেঽস্মিন্দ্বিবিধা নিষ্ঠা পুরা প্রোক্তা মযানঘ ।

জ্ঞানযোগেন সাঙ্খ্যানাং কর্মযোগেন যোগিনাম্

॥ 2 ॥

শ্লোক 4

ন কর্মণামনারম্ভান্নৈষ্কর্ম্যং পুরুষোঽশ্নুতে ।

ন চ সন্ন্যসনাদেব সিদ্ধিং সমধিগচ্ছতি

॥ 3 ॥

শ্লোক 5

ন হি কশ্চিত্ক্ষণমপি জাতু তিষ্ঠত্যকর্মকৃত্ ।

কার্যতে হ্যবশঃ কর্ম সর্বঃ প্রকৃতিজৈর্গুণৈঃ

॥ 4 ॥

শ্লোক 6

কর্মেন্দ্রিযাণি সংযম্য য আস্তে মনসা স্মরন্ ।

ইন্দ্রিযার্থান্বিমূঢাত্মা মিথ্যাচারঃ স উচ্যতে

॥ 5 ॥

শ্লোক 7

যস্ত্বিন্দ্রিযাণি মনসা নিযম্যারভতেঽর্জুন ।

কর্মেন্দ্রিযৈঃ কর্মযোগমসক্তঃ স বিশিষ্যতে

॥ 6 ॥

শ্লোক 8

নিযতং কুরু কর্ম ত্বং কর্ম জ্যাযো হ্যকর্মণঃ ।

শরীরযাত্রাপি চ তে ন প্রসিদ্ধ্যেদকর্মণঃ

॥ 7 ॥

শ্লোক 9

যজ্ঞার্থাত্কর্মণোঽন্যত্র লোকোঽযং কর্মবন্ধনঃ ।

তদর্থং কর্ম কৌন্তেয মুক্তসঙ্গঃ সমাচর

॥ 8 ॥

শ্লোক 10

সহযজ্ঞাঃ প্রজাঃ সৃষ্ট্বা পুরোবাচ প্রজাপতিঃ ।

অনেন প্রসবিষ্যধ্বমেষ বোঽস্ত্বিষ্টকামধুক্

॥ 9 ॥

শ্লোক 11

দেবান্ভাবযতানেন তে দেবা ভাবযন্তু বঃ ।

পরস্পরং ভাবযন্তঃ শ্রেযঃ পরমবাপ্স্যথ

॥ 10 ॥

শ্লোক 12

ইষ্টান্ভোগান্হি বো দেবা দাস্যন্তে যজ্ঞভাবিতাঃ ।

তৈর্দত্তানপ্রদাযৈভ্যো যো ভুঙ্ক্তে স্তেন এব সঃ

॥ 11 ॥

শ্লোক 13

যজ্ঞশিষ্টাশিনঃ সন্তো মুচ্যন্তে সর্বকিল্বিষৈঃ ।

ভুঞ্জতে তে ত্বঘং পাপা যে পচন্ত্যাত্মকারণাত্

॥ 12 ॥

শ্লোক 14

অন্নাদ্ভবন্তি ভূতানি পর্জন্যাদন্নসম্ভবঃ ।

যজ্ঞাদ্ভবতি পর্জন্যো যজ্ঞঃ কর্মসমুদ্ভবঃ

॥ 13 ॥

শ্লোক 15

কর্ম ব্রহ্মোদ্ভবং বিদ্ধি ব্রহ্মাক্ষরসমুদ্ভবম্ ।

তস্মাত্সর্বগতং ব্রহ্ম নিত্যং যজ্ঞে প্রতিষ্ঠিতম্

॥ 14 ॥

শ্লোক 16

এবং প্রবর্তিতং চক্রং নানুবর্তযতীহ যঃ ।

অঘাযুরিন্দ্রিযারামো মোঘং পার্থ স জীবতি

॥ 15 ॥

শ্লোক 17

যস্ত্বাত্মরতিরেব স্যাদাত্মতৃপ্তশ্চ মানবঃ ।

আত্মন্যেব চ সন্তুষ্টস্তস্য কার্যং ন বিদ্যতে

॥ 16 ॥

শ্লোক 18

নৈব তস্য কৃতেনার্থো নাকৃতেনেহ কশ্চন ।

ন চাস্য সর্বভূতেষু কশ্চিদর্থব্যপাশ্রযঃ

॥ 17 ॥

শ্লোক 19

তস্মাদসক্তঃ সততং কার্যং কর্ম সমাচর ।

অসক্তো হ্যাচরন্কর্ম পরমাপ্নোতি পূরুষঃ

॥ 18 ॥

শ্লোক 20

কর্মণৈব হি সংসিদ্ধিমাস্থিতা জনকাদযঃ ।

লোকসঙ্গ্রহমেবাপি সম্পশ্যন্কর্তুমর্হসি

॥ 19 ॥

শ্লোক 21

যদ্যদাচরতি শ্রেষ্ঠস্তত্তদেবেতরো জনঃ ।

স যত্প্রমাণং কুরুতে লোকস্তদনুবর্ততে

॥ 20 ॥

শ্লোক 22

ন মে পার্থাস্তি কর্তব্যং ত্রিষু লোকেষু কিঞ্চন ।

নানবাপ্তমবাপ্তব্যং বর্ত এব চ কর্মণি

॥ 21 ॥

শ্লোক 23

যদি হ্যহং ন বর্তেযং জাতু কর্মণ্যতন্দ্রিতঃ ।

মম বর্ত্মানুবর্তন্তে মনুষ্যাঃ পার্থ সর্বশঃ

॥ 22 ॥

শ্লোক 24

উত্সীদেযুরিমে লোকা ন কুর্যাং কর্ম চেদহম্ ।

সঙ্করস্য চ কর্তা স্যামুপহন্যামিমাঃ প্রজাঃ

॥ 23 ॥

শ্লোক 25

সক্তাঃ কর্মণ্যবিদ্বাংসো যথা কুর্বন্তি ভারত ।

কুর্যাদ্বিদ্বাংস্তথাসক্তশ্চিকীর্ষুর্লোকসঙ্গ্রহম্

॥ 24 ॥

শ্লোক 26

ন বুদ্ধিভেদং জনযেদজ্ঞানাং কর্মসঙ্গিনাম্ ।

জোষযেত্সর্বকর্মাণি বিদ্বান্যুক্তঃ সমাচরন্

॥ 25 ॥

শ্লোক 27

প্রকৃতেঃ ক্রিযমাণানি গুণৈঃ কর্মাণি সর্বশঃ ।

অহঙ্কারবিমূঢাত্মা কর্তাহমিতি মন্যতে

॥ 26 ॥

শ্লোক 28

তত্ত্ববিত্তু মহাবাহো গুণকর্মবিভাগযোঃ ।

গুণা গুণেষু বর্তন্ত ইতি মত্বা ন সজ্জতে

॥ 27 ॥

শ্লোক 29

প্রকৃতের্গুণসম্মূঢাঃ সজ্জন্তে গুণকর্মসু ।

তানকৃত্স্নবিদো মন্দান্কৃত্স্নবিন্ন বিচালযেত্

॥ 28 ॥

শ্লোক 30

মযি সর্বাণি কর্মাণি সন্ন্যস্যাধ্যাত্মচেতসা ।

নিরাশীর্নির্মমো ভূত্বা যুধ্যস্ব বিগতজ্বরঃ

॥ 29 ॥

শ্লোক 31

যে মে মতমিদং নিত্যমনুতিষ্ঠন্তি মানবাঃ ।

শ্রদ্ধাবন্তোঽনসূযন্তো মুচ্যন্তে তেঽপি কর্মভিঃ

॥ 30 ॥

শ্লোক 32

যে ত্বেতদভ্যসূযন্তো নানুতিষ্ঠন্তি মে মতম্ ।

সর্বজ্ঞানবিমূঢাংস্তান্বিদ্ধি নষ্টানচেতসঃ

॥ 31 ॥

শ্লোক 33

সদৃশং চেষ্টতে স্বস্যাঃ প্রকৃতের্জ্ঞানবানপি ।

প্রকৃতিং যান্তি ভূতানি নিগ্রহঃ কিং করিষ্যতি

॥ 32 ॥

শ্লোক 34

ইন্দ্রিযস্যেন্দ্রিযস্যার্থে রাগদ্বেষৌ ব্যবস্থিতৌ ।

তযোর্ন বশমাগচ্ছেত্তৌ হ্যস্য পরিপন্থিনৌ

॥ 33 ॥

শ্লোক 35

শ্রেযান্স্বধর্মো বিগুণঃ পরধর্মাত্স্বনুষ্ঠিতাত্ ।

স্বধর্মে নিধনং শ্রেযঃ পরধর্মো ভযাবহঃ

॥ 34 ॥

শ্লোক 36

অর্জুন উবাচ

অথ কেন প্রযুক্তোঽযং পাপং চরতি পূরুষঃ ।

অনিচ্ছন্নপি বার্ষ্ণেয বলাদিব নিযোজিতঃ

॥ 35 ॥

শ্লোক 37

শ্রীভগবানুবাচ

কাম এষ ক্রোধ এষ রজোগুণসমুদ্ভবঃ ।

মহাশনো মহাপাপ্মা বিদ্ধ্যেনমিহ বৈরিণম্

॥ 36 ॥

শ্লোক 38

ধূমেনাব্রিযতে বহ্নির্যথাদর্শো মলেন চ ।

যথোল্বেনাবৃতো গর্ভস্তথা তেনেদমাবৃতম্

॥ 37 ॥

শ্লোক 39

আবৃতং জ্ঞানমেতেন জ্ঞানিনো নিত্যবৈরিণা ।

কামরূপেণ কৌন্তেয দুষ্পূরেণানলেন চ

॥ 38 ॥

শ্লোক 40

ইন্দ্রিযাণি মনো বুদ্ধিরস্যাধিষ্ঠানমুচ্যতে ।

এতৈর্বিমোহযত্যেষ জ্ঞানমাবৃত্য দেহিনম্

॥ 39 ॥

শ্লোক 41

তস্মাত্ত্বমিন্দ্রিযাণ্যাদৌ নিযম্য ভরতর্ষভ ।

পাপ্মানং প্রজহি হ্যেনং জ্ঞানবিজ্ঞাননাশনম্

॥ 40 ॥

শ্লোক 42

ইন্দ্রিযাণি পরাণ্যাহুরিন্দ্রিযেভ্যঃ পরং মনঃ ।

মনসস্তু পরা বুদ্ধির্যো বুদ্ধেঃ পরতস্তু সঃ

॥ 41 ॥

শ্লোক 43

এবং বুদ্ধেঃ পরং বুদ্ধ্বা সংস্তভ্যাত্মানমাত্মনা ।

জহি শত্রুং মহাবাহো কামরূপং দুরাসদম্

॥ 42 ॥

শ্লোক 44

ওঁ তত্সদিতি শ্রীমদ্ভগবদ্গীতাসূপনিষত্সু ব্রহ্মবিদ্যাযাং যোগশাস্ত্রে

শ্রীকৃষ্ণার্জুনসংবাদে কর্মযোগো নাম তৃতীযোঽধ্যাযঃ

॥ 43 ॥

শ্লোক 45