Srimad Bhagawad Gita Chapter 2

শ্রীমদ্ভগবদ্গীতা মূলম্ - দ্বিতীযোঽধ্যাযঃ

শ্লোক 1

ওঁ শ্রী পরমাত্মনে নমঃ

অথ দ্বিতীযোঽধ্যাযঃ ।

সাঙ্খ্যযোগঃ

সঞ্জয উবাচ

তং তথা কৃপযাবিষ্টমশ্রুপূর্ণাকুলেক্ষণম্ ।

বিষীদন্তমিদং বাক্যমুবাচ মধুসূদনঃ

শ্লোক 2

শ্রীভগবানুবাচ

কুতস্ত্বা কশ্মলমিদং বিষমে সমুপস্থিতম্ ।

অনার্যজুষ্টমস্বর্গ্যমকীর্তিকরমর্জুন

॥ 1 ॥

শ্লোক 3

ক্লৈব্যং মা স্ম গমঃ পার্থ নৈতত্ত্বয্যুপপদ্যতে ।

ক্ষুদ্রং হৃদযদৌর্বল্যং ত্যক্ত্বোত্তিষ্ঠ পরন্তপ

॥ 2 ॥

শ্লোক 4

অর্জুন উবাচ

কথং ভীষ্মমহং সাঙ্খ্যে দ্রোণং চ মধুসূদন ।

ইষুভিঃ প্রতিযোত্স্যামি পূজার্হাবরিসূদন

॥ 3 ॥

শ্লোক 5

গুরূনহত্বা হি মহানুভাবান্শ্রেযো ভোক্তুং ভৈক্ষ্যমপীহ লোকে ।

হত্বার্থকামাংস্তু গুরুনিহৈব ভুঞ্জীয ভোগানঽরুধিরপ্রদিগ্ধান্

॥ 4 ॥

শ্লোক 6

ন চৈতদ্বিদ্মঃ কতরন্নো গরীযো যদ্বা জযেম যদি বা নো জযেযুঃ।

যানেব হত্বা ন জিজীবিষামস্তেঽবস্থিতাঃ প্রমুখে ধার্তরাষ্ট্রাঃ

॥ 5 ॥

শ্লোক 7

কার্পণ্যদোষোপহতস্বভাবঃ পৃচ্ছামি ত্বাং ধর্মসম্মূঢচেতাঃ।

যচ্ছ্রেযঃ স্যান্নিশ্চিতং ব্রূহি তন্মে শিষ্যস্তেঽহং শাধি মাং ত্বাং প্রপন্নম্

॥ 6 ॥

শ্লোক 8

ন হি প্রপশ্যামি মমাপনুদ্যাদ্যচ্ছোকমুচ্ছোষণমিন্দ্রিযাণাম্।

অবাপ্য ভূমাবসপত্নমৃদ্ধং রাজ্যং সুরাণামপি চাধিপত্যম্

॥ 7 ॥

শ্লোক 9

সঞ্জয উবাচ

এবমুক্ত্বা হৃষীকেশং গুডাকেশঃ পরন্তপ ।

ন যোত্স্য ইতি গোবিন্দমুক্ত্বা তূষ্ণীং বভূব হ

॥ 8 ॥

শ্লোক 10

তমুবাচ হৃষীকেশঃ প্রহসন্নিব ভারত ।

সেনযোরুভযোর্মধ্যে বিষীদন্তমিদং বচঃ

॥ 9 ॥

শ্লোক 11

শ্রীভগবানুবাচ ।

অশোচ্যানন্বশোচস্ত্বং প্রজ্ঞাবাদাংশ্চ ভাষসে ।

গতাসূনগতাসূংশ্চ নানুশোচন্তি পণ্ডিতাঃ

॥ 10 ॥

শ্লোক 12

ন ত্বেবাহং জাতু নাসং ন ত্বং নেমে জনাধিপাঃ ।

ন চৈব ন ভবিষ্যামঃ সর্বে বযমতঃ পরম্

॥ 11 ॥

শ্লোক 13

দেহিনোঽস্মিন্যথা দেহে কৌমারং যৌবনং জরা ।

তথা দেহান্তরপ্রাপ্তির্ধীরস্তত্র ন মুহ্যতি

॥ 12 ॥

শ্লোক 14

মাত্রাস্পর্শাস্তু কৌন্তেয শীতোষ্ণসুখদুঃখদাঃ ।

আগমাপাযিনোঽনিত্যাস্তাংস্তিতিক্ষস্ব ভারত

॥ 13 ॥

শ্লোক 15

যং হি ন ব্যথযন্ত্যেতে পুরুষং পুরুষর্ষভ ।

সমদুঃখসুখং ধীরং সোঽমৃতত্বায কল্পতে

॥ 14 ॥

শ্লোক 16

নাসতো বিদ্যতে ভাবো নাভাবো বিদ্যতে সতঃ ।

উভযোরপি দৃষ্টোঽন্তস্ত্বনযোস্তত্ত্বদর্শিভিঃ

॥ 15 ॥

শ্লোক 17

অবিনাশি তু তদ্বিদ্ধি যেন সর্বমিদং ততম্ ।

বিনাশমব্যযস্যাস্য ন কশ্চিত্কর্তুমর্হতি

॥ 16 ॥

শ্লোক 18

অন্তবন্ত ইমে দেহা নিত্যস্যোক্তাঃ শরীরিণঃ ।

অনাশিনোঽপ্রমেযস্য তস্মাদ্যুধ্যস্ব ভারত

॥ 17 ॥

শ্লোক 19

য এনং বেত্তি হন্তারং যশ্চৈনং মন্যতে হতম্ ।

উভৌ তৌ ন বিজানীতো নাযং হন্তি ন হন্যতে

॥ 18 ॥

শ্লোক 20

ন জাযতে ম্রিযতে বা কদাচিন্নাযং ভূত্বা ভবিতা বা ন ভূযঃ।

অজো নিত্যঃ শাশ্বতোঽযং পুরাণো ন হন্যতে হন্যমানে শরীরে

॥ 19 ॥

শ্লোক 21

বেদাবিনাশিনং নিত্যং য এনমজমব্যযম্ ।

অথং স পুরুষঃ পার্থ কং ঘাতযতি হন্তি কম্

॥ 20 ॥

শ্লোক 22

বাসাংসি জীর্ণানি যথা বিহায নবানি গৃহ্ণাতি নরোঽপরাণি।

তথা শরীরাণি বিহায জীর্ণান্যন্যানি সংযাতি নবানি দেহী

॥ 21॥

শ্লোক 23

নৈনং ছিন্দন্তি শস্ত্রাণি নৈনং দহতি পাবকঃ ।

ন চৈনং ক্লেদযন্ত্যাপো ন শোষযতি মারুতঃ

॥ 22 ॥

শ্লোক 24

অচ্ছেদ্যোঽযমদাহ্যোঽযমক্লেদ্যোঽশোষ্য এব চ ।

নিত্যঃ সর্বগতঃ স্থাণুরচলোঽযং সনাতনঃ

॥ 23 ॥

শ্লোক 25

অব্যক্তোঽযমচিন্ত্যোঽযমবিকার্যোঽযমুচ্যতে ।

তস্মাদেবং বিদিত্বৈনং নানুশোচিতুমর্হসি

॥ 24 ॥

শ্লোক 26

অথ চৈনং নিত্যজাতং নিত্যং বা মন্যসে মৃতম্ ।

তথাপি ত্বং মহাবাহো নৈবং শোচিতুমর্হসি

॥ 25 ॥

শ্লোক 27

জাতস্য হি ধ্রুবো মৃত্যুর্ধ্রুবং জন্ম মৃতস্য চ ।

তস্মাদপরিহার্যেঽর্থে ন ত্বং শোচিতুমর্হসি

॥ 26 ॥

শ্লোক 28

অব্যক্তাদীনি ভূতানি ব্যক্তমধ্যানি ভারত ।

অব্যক্তনিধনান্যেব তত্র কা পরিদেবনা

॥ 27 ॥

শ্লোক 29

আশ্চর্যবত্পশ্যতি কশ্চিদেনমাশ্চর্যবদ্বদতি তথৈব চান্যঃ।

আশ্চর্যবচ্চৈনমন্যঃ শৃণোতি শ্রুত্বাপ্যেনং বেদ ন চৈব কশ্চিত্

॥ 28 ॥

শ্লোক 30

দেহী নিত্যমবধ্যোঽযং দেহে সর্বস্য ভারত ।

তস্মাত্সর্বাণি ভূতানি ন ত্বং শোচিতুমর্হসি

॥ 29 ॥

শ্লোক 31

স্বধর্মমপি চাবেক্ষ্য ন বিকম্পিতুমর্হসি ।

ধর্ম্যাদ্ধি যুদ্ধাচ্ছ্রেযোঽন্যত্ক্ষত্রিযস্য ন বিদ্যতে

॥ 30 ॥

শ্লোক 32

যদৃচ্ছযা চোপপন্নং স্বর্গদ্বারমপাবৃতম্ ।

সুখিনঃ ক্ষত্রিযাঃ পার্থ লভন্তে যুদ্ধমীদৃশম্

॥ 31 ॥

শ্লোক 33

অথ চেত্ত্বমিমং ধর্ম্যং সঙ্গ্রামং ন করিষ্যসি ।

ততঃ স্বধর্মং কীর্তিং চ হিত্বা পাপমবাপ্স্যসি

॥ 32 ॥

শ্লোক 34

অকীর্তিং চাপি ভূতানি কথযিষ্যন্তি তেঽব্যযাম্ ।

সম্ভাবিতস্য চাকীর্তির্মরণাদতিরিচ্যতে

॥ 33 ॥

শ্লোক 35

ভযাদ্রণাদুপরতং মংস্যন্তে ত্বাং মহারথাঃ ।

যেষাং চ ত্বং বহুমতো ভূত্বা যাস্যসি লাঘবম্

॥ 34 ॥

শ্লোক 36

অবাচ্যবাদাংশ্চ বহূন্বদিষ্যন্তি তবাহিতাঃ ।

নিন্দন্তস্তব সামর্থ্যং ততো দুঃখতরং নু কিম্

॥ 35 ॥

শ্লোক 37

হতো বা প্রাপ্স্যসি স্বর্গং জিত্বা বা ভোক্ষ্যসে মহীম্ ।

তস্মাদুত্তিষ্ঠ কৌন্তেয যুদ্ধায কৃতনিশ্চযঃ

॥ 36 ॥

শ্লোক 38

সুখদুঃখে সমে কৃত্বা লাভালাভৌ জযাজযৌ ।

ততো যুদ্ধায যুজ্যস্ব নৈবং পাপমবাপ্স্যসি

॥ 37 ॥

শ্লোক 39

এষা তেঽভিহিতা সাঙ্খ্যে বুদ্ধির্যোগে ত্বিমাং শৃণু ।

বুদ্ধ্যা যুক্তো যযা পার্থ কর্মবন্ধং প্রহাস্যসি

॥ 38 ॥

শ্লোক 40

নেহাভিক্রমনাশোঽস্তি প্রত্যবাযো ন বিদ্যতে ।

স্বল্পমপ্যস্য ধর্মস্য ত্রাযতে মহতো ভযাত্

॥ 39 ॥

শ্লোক 41

ব্যবসাযাত্মিকা বুদ্ধিরেকেহ কুরুনন্দন ।

বহুশাখা হ্যনন্তাশ্চ বুদ্ধযোঽব্যবসাযিনাম্

॥ 40 ॥

শ্লোক 42

যামিমাং পুষ্পিতাং বাচং প্রবদন্ত্যবিপশ্চিতঃ ।

বেদবাদরতাঃ পার্থ নান্যদস্তীতি বাদিনঃ

॥ 41 ॥

শ্লোক 43

কামাত্মানঃ স্বর্গপরা জন্মকর্মফলপ্রদাম্ ।

ক্রিযাবিশেষবহুলাং ভোগৈশ্বর্যগতিং প্রতি

॥ 42 ॥

শ্লোক 44

ভোগৈশ্বর্যপ্রসক্তানাং তযাপহৃতচেতসাম্ ।

ব্যবসাযাত্মিকা বুদ্ধিঃ সমাধৌ ন বিধীযতে

॥ 43 ॥

শ্লোক 45

ত্রৈগুণ্যবিষযা বেদা নিস্ত্রৈগুণ্যো ভবার্জুন ।

নির্দ্বন্দ্বো নিত্যসত্ত্বস্থো নির্যোগক্ষেম আত্মবান্

॥ 44 ॥

শ্লোক 46

যাবানর্থ উদপানে সর্বতঃ সম্প্লুতোদকে ।

তাবান্সর্বেষু বেদেষু ব্রাহ্মণস্য বিজানতঃ

॥ 45 ॥

শ্লোক 47

কর্মণ্যেবাধিকারস্তে মা ফলেষু কদাচন ।

মা কর্মফলহেতুর্ভূর্মা তে সঙ্গোঽস্ত্বকর্মণি

॥ 46 ॥

শ্লোক 48

যোগস্থঃ কুরু কর্মাণি সঙ্গং ত্যক্ত্বা ধনঞ্জয ।

সিদ্ধ্যসিদ্ধ্যোঃ সমো ভূত্বা সমত্বং যোগ উচ্যতে

॥ 47 ॥

শ্লোক 49

দূরেণ হ্যবরং কর্ম বুদ্ধিযোগাদ্ধনঞ্জয ।

বুদ্ধৌ শরণমন্বিচ্ছ কৃপণাঃ ফলহেতবঃ

॥ 48 ॥

শ্লোক 50

বুদ্ধিযুক্তো জহাতীহ উভে সুকৃতদুষ্কৃতে ।

তস্মাদ্যোগায যুজ্যস্ব যোগঃ কর্মসু কৌশলম্

॥ 49 ॥

শ্লোক 51

কর্মজং বুদ্ধিযুক্তা হি ফলং ত্যক্ত্বা মনীষিণঃ ।

জন্মবন্ধবিনির্মুক্তাঃ পদং গচ্ছন্ত্যনামযম্

॥ 50 ॥

শ্লোক 52

যদা তে মোহকলিলং বুদ্ধির্ব্যতিতরিষ্যতি ।

তদা গন্তাসি নির্বেদং শ্রোতব্যস্য শ্রুতস্য চ

॥ 51 ॥

শ্লোক 53

শ্রুতিবিপ্রতিপন্না তে যদা স্থাস্যতি নিশ্চলা ।

সমাধাবচলা বুদ্ধিস্তদা যোগমবাপ্স্যসি

॥ 52 ॥

শ্লোক 54

অর্জুন উবাচ

স্থিতপ্রজ্ঞস্য কা ভাষা সমাধিস্থস্য কেশব ।

স্থিতধীঃ কিং প্রভাষেত কিমাসীত ব্রজেত কিম্

॥ 53 ॥

শ্লোক 55

শ্রীভগবানুবাচ

প্রজহাতি যদা কামান্সর্বান্পার্থ মনোগতান্ ।

আত্মন্যেবাত্মনা তুষ্টঃ স্থিতপ্রজ্ঞস্তদোচ্যতে

॥ 54 ॥

শ্লোক 56

দুঃখেষ্বনুদ্বিগ্নমনাঃ সুখেষু বিগতস্পৃহঃ ।

বীতরাগভযক্রোধঃ স্থিতধীর্মুনিরুচ্যতে

॥ 55 ॥

শ্লোক 57

যঃ সর্বত্রানভিস্নেহস্তত্তত্প্রাপ্য শুভাশুভম্ ।

নাভিনন্দতি ন দ্বেষ্টি তস্য প্রজ্ঞা প্রতিষ্ঠিতা

॥ 56 ॥

শ্লোক 58

যদা সংহরতে চাযং কূর্মোঽঙ্গানীব সর্বশঃ ।

ইন্দ্রিযাণীন্দ্রিযার্থেভ্যস্তস্য প্রজ্ঞা প্রতিষ্ঠিতা

॥ 57 ॥

শ্লোক 59

বিষযা বিনিবর্তন্তে নিরাহারস্য দেহিনঃ ।

রসবর্জং রসোঽপ্যস্য পরং দৃষ্ট্বা নিবর্ততে

॥ 58 ॥

শ্লোক 60

যততো হ্যপি কৌন্তেয পুরুষস্য বিপশ্চিতঃ ।

ইন্দ্রিযাণি প্রমাথীনি হরন্তি প্রসভং মনঃ

॥ 59 ॥

শ্লোক 61

তানি সর্বাণি সংযম্য যুক্ত আসীত মত্পরঃ ।

বশে হি যস্যেন্দ্রিযাণি তস্য প্রজ্ঞা প্রতিষ্ঠিতা

॥ 60 ॥

শ্লোক 62

ধ্যাযতো বিষযান্পুংসঃ সঙ্গস্তেষূপজাযতে ।

সঙ্গাত্সঞ্জাযতে কামঃ কামাত্ক্রোধোঽভিজাযতে

॥ 61 ॥

শ্লোক 63

ক্রোধাদ্ভবতি সম্মোহঃ সম্মোহাত্স্মৃতিবিভ্রমঃ ।

স্মৃতিভ্রংশাদ্বুদ্ধিনাশো বুদ্ধিনাশাত্প্রণশ্যতি

॥ 62 ॥

শ্লোক 64

রাগদ্বেষবিমুক্তৈস্তু বিষযানিন্দ্রিযৈশ্চরন্ ।

আত্মবশ্যৈর্বিধেযাত্মা প্রসাদমধিগচ্ছতি

॥ 63 ॥

শ্লোক 65

প্রসাদে সর্বদুঃখানাং হানিরস্যোপজাযতে ।

প্রসন্নচেতসো হ্যাশু বুদ্ধিঃ পর্যবতিষ্ঠতে

॥ 64 ॥

শ্লোক 66

নাস্তি বুদ্ধিরযুক্তস্য ন চাযুক্তস্য ভাবনা ।

ন চাভাবযতঃ শান্তিরশান্তস্য কুতঃ সুখম্

॥ 65 ॥

শ্লোক 67

ইন্দ্রিযাণাং হি চরতাং যন্মনোঽনুবিধীযতে ।

তদস্য হরতি প্রজ্ঞাং বাযুর্নাবমিবাম্ভসি

॥ 66 ॥

শ্লোক 68

তস্মাদ্যস্য মহাবাহো নিগৃহীতানি সর্বশঃ ।

ইন্দ্রিযাণীন্দ্রিযার্থেভ্যস্তস্য প্রজ্ঞা প্রতিষ্ঠিতা

॥ 67 ॥

শ্লোক 69

যা নিশা সর্বভূতানাং তস্যাং জাগর্তি সংযমী ।

যস্যাং জাগ্রতি ভূতানি সা নিশা পশ্যতো মুনেঃ

॥ 68 ॥

শ্লোক 70

আপূর্যমাণমচলপ্রতিষ্ঠং সমুদ্রমাপঃ প্রবিশন্তি যদ্বত্।

তদ্বত্কামা যং প্রবিশন্তি সর্বে স শান্তিমাপ্নোতি ন কামকামী

॥ 69 ॥

শ্লোক 71

বিহায কামান্যঃ সর্বান্পুমাংশ্চরতি নিঃস্পৃহঃ ।

নির্মমো নিরহঙ্কারঃ স শান্তিমধিগচ্ছতি

॥ 70 ॥

শ্লোক 72

এষা ব্রাহ্মী স্থিতিঃ পার্থ নৈনাং প্রাপ্য বিমুহ্যতি ।

স্থিত্বাস্যামন্তকালেঽপি ব্রহ্মনির্বাণমৃচ্ছতি

॥ 71 ॥

শ্লোক 73

ওঁ তত্সদিতি শ্রীমদ্ভগবদ্গীতাসূপনিষত্সু ব্রহ্মবিদ্যাযাং যোগশাস্ত্রে

শ্রীকৃষ্ণার্জুনসংবাদে সাঙ্খ্যযোগো নাম দ্বিতীযোঽধ্যাযঃ

॥ 72 ॥

শ্লোক 74