Srimad Bhagawad Gita Chapter 1
Srimad Bhagawad Gita Chapter 1
শ্রীমদ্ভগবদ্গীতা মূলম্ - প্রথমোঽধ্যাযঃ
শ্লোক 1
ওঁ শ্রী পরমাত্মনে নমঃ
অথ প্রথমোঽধ্যাযঃ ।
অর্জুনবিষাদযোগঃ
ধৃতরাষ্ট্র উবাচ
ধর্মক্ষেত্রে কুরুক্ষেত্রে সমবেতা যুযুত্সবঃ ।
মামকাঃ পাণ্ডবাশ্চৈব কিমকুর্বত সঞ্জয
শ্লোক 2
সঞ্জয উবাচ
দৃষ্ট্বা তু পাণ্ডবানীকং ব্যূঢং দুর্যোধনস্তদা ।
আচার্যমুপসঙ্গম্য রাজা বচনমব্রবীত্
॥ 1 ॥
শ্লোক 3
পশ্যৈতাং পাণ্ডুপুত্রাণামাচার্য মহতীং চমূম্ ।
ব্যূঢাং দ্রুপদপুত্রেণ তব শিষ্যেণ ধীমতা
॥ 2 ॥
শ্লোক 4
অত্র শূরা মহেষ্বাসা ভীমার্জুনসমা যুধি ।
যুযুধানো বিরাটশ্চ দ্রুপদশ্চ মহারথঃ
॥ 3 ॥
শ্লোক 5
ধৃষ্টকেতুশ্চেকিতানঃ কাশিরাজশ্চ বীর্যবান্ ।
পুরুজিত্কুন্তিভোজশ্চ শৈব্যশ্চ নরপুঙ্গবঃ
॥ 4 ॥
শ্লোক 6
যুধামন্যুশ্চ বিক্রান্ত উত্তমৌজাশ্চ বীর্যবান্ ।
সৌভদ্রো দ্রৌপদেযাশ্চ সর্ব এব মহারথাঃ
॥ 5 ॥
শ্লোক 7
অস্মাকং তু বিশিষ্টা যে তান্নিবোধ দ্বিজোত্তম ।
নাযকা মম সৈন্যস্য সঞ্জ্ঞার্থং তান্ব্রবীমি তে
॥ 6 ॥
শ্লোক 8
ভবান্ভীষ্মশ্চ কর্ণশ্চ কৃপশ্চ সমিতিঞ্জযঃ ।
অশ্বত্থামা বিকর্ণশ্চ সৌমদত্তিস্তথৈব চ
॥ 7 ॥
শ্লোক 9
অন্যে চ বহবঃ শূরা মদর্থে ত্যক্তজীবিতাঃ ।
নানাশস্ত্রপ্রহরণাঃ সর্বে যুদ্ধবিশারদাঃ
॥ 8 ॥
শ্লোক 10
অপর্যাপ্তং তদস্মাকং বলং ভীষ্মাভিরক্ষিতম্ ।
পর্যাপ্তং ত্বিদমেতেষাং বলং ভীমাভিরক্ষিতম্
॥ 9 ॥
শ্লোক 11
অযনেষু চ সর্বেষু যথাভাগমবস্থিতাঃ ।
ভীষ্মমেবাভিরক্ষন্তু ভবন্তঃ সর্ব এব হি
॥ 10 ॥
শ্লোক 12
তস্য সঞ্জনযন্হর্ষং কুরুবৃদ্ধঃ পিতামহঃ ।
সিংহনাদং বিনদ্যোচ্চৈঃ শঙ্খং দধ্মৌ প্রতাপবান্
॥ 11 ॥
শ্লোক 13
ততঃ শঙ্খাশ্চ ভের্যশ্চ পণবানকগোমুখাঃ ।
সহসৈবাভ্যহন্যন্ত স শব্দস্তুমুলোঽভবত্
॥ 12 ॥
শ্লোক 14
ততঃ শ্বেতৈর্হযৈর্যুক্তে মহতি স্যন্দনে স্থিতৌ ।
মাধবঃ পাণ্ডবশ্চৈব দিব্যৌ শঙ্খৌ প্রদঘ্মতুঃ
॥ 13 ॥
শ্লোক 15
পাঞ্চজন্যং হৃষীকেশো দেবদত্তং ধনঞ্জযঃ ।
পৌণ্ড্রং দধ্মৌ মহাশঙ্খং ভীমকর্মা বৃকোদরঃ
॥ 14 ॥
শ্লোক 16
অনন্তবিজযং রাজা কুন্তীপুত্রো যুধিষ্ঠিরঃ ।
নকুলঃ সহদেবশ্চ সুঘোষমণিপুষ্পকৌ
॥ 15 ॥
শ্লোক 17
কাশ্যশ্চ পরমেষ্বাসঃ শিখণ্ডী চ মহারথঃ ।
ধৃষ্টদ্যুম্নো বিরাটশ্চ সাত্যকিশ্চাপরাজিতঃ
॥ 16 ॥
শ্লোক 18
দ্রুপদো দ্রৌপদেযাশ্চ সর্বশঃ পৃথিবীপতে ।
সৌভদ্রশ্চ মহাবাহুঃ শঙ্খান্দধ্মুঃ পৃথক্পৃথক্
॥ 17 ॥
শ্লোক 19
স ঘোষো ধার্তরাষ্ট্রাণাং হৃদযানি ব্যদারযত্ ।
নভশ্চ পৃথিবীং চৈব তুমুলো ব্যনুনাদযন্
॥ 18 ॥
শ্লোক 20
অথ ব্যবস্থিতান্দৃষ্ট্বা ধার্তরাষ্ট্রান্কপিধ্বজঃ ।
প্রবৃত্তে শস্ত্রসম্পাতে ধনুরুদ্যম্য পাণ্ডবঃ
॥ 19 ॥
শ্লোক 21
হৃষীকেশং তদা বাক্যমিদমাহ মহীপতে।
অর্জুন উবাচ
সেনযোরুভযোর্মধ্যে রথং স্থাপয মেঽচ্যুত
॥ 20 ॥
শ্লোক 22
যাবদেতান্নিরীক্ষেঽহং যোদ্ধুকামানবস্থিতান্ ।
কৈর্মযা সহ যোদ্ধব্যমস্মিন্রণসমুদ্যমে
॥ 21 ॥
শ্লোক 23
যোত্স্যমানানবেক্ষেঽহং য এতেঽত্র সমাগতাঃ ।
ধার্তরাষ্ট্রস্য দুর্বুদ্ধের্যুদ্ধে প্রিযচিকীর্ষবঃ
॥ 22 ॥
শ্লোক 24
সঞ্জয উবাচ
এবমুক্তো হৃষীকেশো গুডাকেশেন ভারত ।
সেনযোরুভযোর্মধ্যে স্থাপযিত্বা রথোত্তমম্
॥ 23 ॥
শ্লোক 25
ভীষ্মদ্রোণপ্রমুখতঃ সর্বেষাং চ মহীক্ষিতাম্ ।
উবাচ পার্থ পশ্যৈতান্সমবেতান্কুরূনিতি
॥ 24 ॥
শ্লোক 26
তত্রাপশ্যত্স্থিতান্পার্থঃ পিতৄনথ পিতামহান্ ।
আচার্যান্মাতুলান্ভ্রাতৄন্পুত্রান্পৌত্রান্সখীংস্তথা
॥ 25 ॥
শ্লোক 27
শ্বশুরান্সুহৃদশ্চৈব সেনযোরুভযোরপি ।
তান্সমীক্ষ্য স কৌন্তেযঃ সর্বান্বন্ধূনবস্থিতান্
॥ 26 ॥
শ্লোক 28
কৃপযা পরযাবিষ্টো বিষীদন্নিদমব্রবীত্।
অর্জুন উবাচ
দৃষ্ট্বেমং স্বজনং কৃষ্ণ যুযুত্সুং সমুপস্থিতম্
॥ 27 ॥
শ্লোক 29
সীদন্তি মম গাত্রাণি মুখং চ পরিশুষ্যতি ।
বেপথুশ্চ শরীরে মে রোমহর্ষশ্চ জাযতে
॥ 28 ॥
শ্লোক 30
গাণ্ডীবং স্রংসতে হস্তাত্ত্বক্চৈব পরিদহ্যতে ।
ন চ শক্নোম্যবস্থাতুং ভ্রমতীব চ মে মনঃ
॥ 29 ॥
শ্লোক 31
নিমিত্তানি চ পশ্যামি বিপরীতানি কেশব ।
ন চ শ্রেযোঽনুপশ্যামি হত্বা স্বজনমাহবে
॥ 30 ॥
শ্লোক 32
ন কাঙ্ক্ষে বিজযং কৃষ্ণ ন চ রাজ্যং সুখানি চ ।
কিং নো রাজ্যেন গোবিন্দ কিং ভোগৈর্জীবিতেন বা
॥ 31 ॥
শ্লোক 33
যেষামর্থে কাঙ্ক্ষিতং নো রাজ্যং ভোগাঃ সুখানি চ ।
ত ইমেঽবস্থিতা যুদ্ধে প্রাণাংস্ত্যক্ত্বা ধনানি চ
॥ 32 ॥
শ্লোক 34
আচার্যাঃ পিতরঃ পুত্রাস্তথৈব চ পিতামহাঃ ।
মাতুলাঃ শ্বশুরাঃ পৌত্রাঃ শ্যালাঃ সম্বন্ধিনস্তথা
॥ 33 ॥
শ্লোক 35
এতান্ন হন্তুমিচ্ছামি ঘ্নতোঽপি মধুসূদন ।
অপি ত্রৈলোক্যরাজ্যস্য হেতোঃ কিং নু মহীকৃতে
॥ 34 ॥
শ্লোক 36
নিহত্য ধার্তরাষ্ট্রান্নঃ কা প্রীতিঃ স্যাজ্জনার্দন ।
পাপমেবাশ্রযেদস্মান্হত্বৈতানাততাযিনঃ
॥ 35 ॥
শ্লোক 37
তস্মান্নার্হা বযং হন্তুং ধার্তরাষ্ট্রান্স্ববান্ধবান্ ।
স্বজনং হি কথং হত্বা সুখিনঃ স্যাম মাধব
॥ 36 ॥
শ্লোক 38
যদ্যপ্যেতে ন পশ্যন্তি লোভোপহতচেতসঃ ।
কুলক্ষযকৃতং দোষং মিত্রদ্রোহে চ পাতকম্
॥ 37 ॥
শ্লোক 39
কথং ন জ্ঞেযমস্মাভিঃ পাপাদস্মান্নিবর্তিতুম্ ।
কুলক্ষযকৃতং দোষং প্রপশ্যদ্ভির্জনার্দন
॥ 38 ॥
শ্লোক 40
কুলক্ষযে প্রণশ্যন্তি কুলধর্মাঃ সনাতনাঃ ।
ধর্মে নষ্টে কুলং কৃত্স্নমধর্মোঽভিভবত্যুত
॥ 39 ॥
শ্লোক 41
অধর্মাভিভবাত্কৃষ্ণ প্রদুষ্যন্তি কুলস্ত্রিযঃ ।
স্ত্রীষু দুষ্টাসু বার্ষ্ণেয জাযতে বর্ণসঙ্করঃ
॥ 40 ॥
শ্লোক 42
সঙ্করো নরকাযৈব কুলঘ্নানাং কুলস্য চ ।
পতন্তি পিতরো হ্যেষাং লুপ্তপিণ্ডোদকক্রিযাঃ
॥ 41 ॥
শ্লোক 43
দোষৈরেতৈঃ কুলঘ্নানাং বর্ণসঙ্করকারকৈঃ ।
উত্সাদ্যন্তে জাতিধর্মাঃ কুলধর্মাশ্চ শাশ্বতাঃ
॥ 42 ॥
শ্লোক 44
উত্সন্নকুলধর্মাণাং মনুষ্যাণাং জনার্দন ।
নরকেঽনিযতং বাসো ভবতীত্যনুশুশ্রুম
॥ 43 ॥
শ্লোক 45
অহো বত মহত্পাপং কর্তুং ব্যবসিতা বযম্ ।
যদ্রাজ্যসুখলোভেন হন্তুং স্বজনমুদ্যতাঃ
॥ 44 ॥
শ্লোক 46
যদি মামপ্রতীকারমশস্ত্রং শস্ত্রপাণযঃ ।
ধার্তরাষ্ট্রা রণে হন্যুস্তন্মে ক্ষেমতরং ভবেত্
॥ 45 ॥
শ্লোক 47
সঞ্জয উবাচ ।
এবমুক্ত্বার্জুনঃ সঙ্খ্যে রথোপস্থ উপাবিশত্ ।
বিসৃজ্য সশরং চাপং শোকসংবিগ্নমানসঃ
॥ 46 ॥
শ্লোক 48
ওঁ তত্সদিতি শ্রীমদ্ভগবদ্গীতাসূপনিষত্সু ব্রহ্মবিদ্যাযাং যোগশাস্ত্রে
শ্রীকৃষ্ণার্জুনসংবাদে অর্জুনবিষাদযোগো নাম প্রথমোঽধ্যাযঃ
॥ 47 ॥