Srimad Bhagawad Gita Chapter 18

ශ්රීමද්භගවද්ගීතා මූලම් - අෂ්ටාදශෝ(අ)ධ්යායඃ

ශ්ලොක 1

ඕං ශ්රී පරමාත්මනේ නමඃ

අථ අෂ්ටාදශෝ(අ)ධ්යායඃ .

මෝක්ෂසන්න්යාසයෝගඃ

අර්ජුන උවාච

සන්න්යාසස්ය මහාබාහෝ තත්ත්වමිච්ඡාමි වේදිතුම් .

ත්යාගස්ය ච හෘෂීකේශ පෘථක්කේශිනිෂූදන .. 1 ..

ශ්රීභගවානුවාච

කාම්යානාං කර්මණාං න්යාසං සන්න්යාසං කවයෝ විදුඃ .

සර්වකර්මඵලත්යාගං ප්රාහුස්ත්යාගං විචක්ෂණාඃ .. 2 ..

ත්යාජ්යං දෝෂවදිත්යේකේ කර්ම ප්රාහුර්මනීෂිණඃ .

යජ්ඤදානතපඃකර්ම න ත්යාජ්යමිති චාපරේ .. 3 ..

නිශ්චයං ශෘණු මේ තත්ර ත්යාගේ භරතසත්තම .

ත්යාගෝ හි පුරුෂව්යාඝ්ර ත්රිවිධඃ සම්ප්රකීර්තිතඃ .. 4 ..

යජ්ඤදානතපඃකර්ම න ත්යාජ්යං කාර්යමේව තත් .

යජ්ඤෝ දානං තපශ්චෛව පාවනානි මනීෂිණාම් .. 5 ..

ඒතාන්යපි තු කර්මාණි සඞ්ගං ත්යක්ත්වා ඵලානි ච .

කර්තව්යානීති මේ පාර්ථ නිශ්චිතං මතමුත්තමම් .. 6 ..

නියතස්ය තු සන්න්යාසඃ කර්මණෝ නෝපපද්යතේ .

මෝහාත්තස්ය පරිත්යාගස්තාමසඃ පරිකීර්තිතඃ .. 7 ..

දුඃඛමිත්යේව යත්කර්ම කායක්ලේශභයාත්ත්යජේත් .

ස කෘත්වා රාජසං ත්යාගං නෛව ත්යාගඵලං ලභේත් .. 8 ..

කාර්යමිත්යේව යත්කර්ම නියතං ක්රියතේ(අ)ර්ජුන .

සඞ්ගං ත්යක්ත්වා ඵලං චෛව ස ත්යාගඃ සාත්ත්විකෝ මතඃ .. 9 ..

න ද්වේෂ්ට්යකුශලං කර්ම කුශලේ නානුෂජ්ජතේ .

ත්යාගී සත්ත්වසමාවිෂ්ටෝ මේධාවී ඡින්නසංශයඃ .. 10 ..

න හි දේහභෘතා ශක්යං ත්යක්තුං කර්මාණ්යශේෂතඃ .

යස්තු කර්මඵලත්යාගී ස ත්යාගීත්යභිධීයතේ .. 11 ..

අනිෂ්ටමිෂ්ටං මිශ්රං ච ත්රිවිධං කර්මණඃ ඵලම් .

භවත්යත්යාගිනාං ප්රේත්ය න තු සන්න්යාසිනාං ක්වචිත් .. 12 ..

පඤ්චෛතානි මහාබාහෝ කාරණානි නිබෝධ මේ .

සාඞ්ඛ්යේ කෘතාන්තේ ප්රෝක්තානි සිද්ධයේ සර්වකර්මණාම් .. 13 ..

අධිෂ්ඨානං තථා කර්තා කරණං ච පෘථග්විධම් .

විවිධාශ්ච පෘථක්චේෂ්ටා දෛවං චෛවාත්ර පඤ්චමම් .. 14 ..

ශරීරවාඞ්මනෝභිර්යත්කර්ම ප්රාරභතේ නරඃ .

න්යාය්යං වා විපරීතං වා පඤ්චෛතේ තස්ය හේතවඃ .. 15 ..

තත්රෛවං සති කර්තාරමාත්මානං කේවලං තු යඃ .

පශ්යත්යකෘතබුද්ධිත්වාන්න ස පශ්යති දුර්මතිඃ .. 16 ..

යස්ය නාහඞ්කෘතෝ භාවෝ බුද්ධිර්යස්ය න ලිප්යතේ .

හත්වා(අ)පි ස ඉමාँල්ලෝකාන්න හන්ති න නිබධ්යතේ .. 17 ..

ජ්ඤානං ජ්ඤේයං පරිජ්ඤාතා ත්රිවිධා කර්මචෝදනා .

කරණං කර්ම කර්තේති ත්රිවිධඃ කර්මසඞ්ග්රහඃ .. 18 ..

ජ්ඤානං කර්ම ච කර්තා ච ත්රිධෛව ගුණභේදතඃ .

ප්රෝච්යතේ ගුණසඞ්ඛ්යානේ යථාවච්ඡෘණු තාන්යපි .. 19 ..

සර්වභූතේෂු යේනෛකං භාවමව්යයමීක්ෂතේ .

අවිභක්තං විභක්තේෂු තජ්ජ්ඤානං විද්ධි සාත්ත්විකම් .. 20 ..

පෘථක්ත්වේන තු යජ්ජ්ඤානං නානාභාවාන්පෘථග්විධාන් .

වේත්ති සර්වේෂු භූතේෂු තජ්ජ්ඤානං විද්ධි රාජසම් .. 21 ..

යත්තු කෘත්ස්නවදේකස්මින්කාර්යේ සක්තමහෛතුකම් .

අතත්ත්වාර්ථවදල්පං ච තත්තාමසමුදාහෘතම් .. 22 ..

නියතං සඞ්ගරහිතමරාගද්වේෂතඃ කෘතම් .

අඵලප්රේප්සුනා කර්ම යත්තත්සාත්ත්විකමුච්යතේ .. 23 ..

යත්තු කාමේප්සුනා කර්ම සාහඞ්කාරේණ වා පුනඃ .

ක්රියතේ බහුලායාසං තද්රාජසමුදාහෘතම් .. 24 ..

අනුබන්ධං ක්ෂයං හිංසාමනපේක්ෂ්ය ච පෞරුෂම් .

මෝහාදාරභ්යතේ කර්ම යත්තත්තාමසමුච්යතේ .. 25 ..

මුක්තසඞ්ගෝ(අ)නහංවාදී ධෘත්යුත්සාහසමන්විතඃ .

සිද්ධ්යසිද්ධ්යෝර්නිර්විකාරඃ කර්තා සාත්ත්වික උච්යතේ .. 26 ..

රාගී කර්මඵලප්රේප්සුර්ලුබ්ධෝ හිංසාත්මකෝ(අ)ශුචිඃ .

හර්ෂශෝකාන්විතඃ කර්තා රාජසඃ පරිකීර්තිතඃ .. 27 ..

අයුක්තඃ ප්රාකෘතඃ ස්තබ්ධඃ ශඨෝ නෛෂ්කෘතිකෝ(අ)ලසඃ .

විෂාදී දීර්ඝසූත්රී ච කර්තා තාමස උච්යතේ .. 28 ..

බුද්ධේර්භේදං ධෘතේශ්චෛව ගුණතස්ත්රිවිධං ශෘණු .

ප්රෝච්යමානමශේෂේණ පෘථක්ත්වේන ධනඤ්ජය .. 29 ..

ප්රවෘත්තිං ච නිවෘත්තිං ච කාර්යාකාර්යේ භයාභයේ .

බන්ධං මෝක්ෂං ච යා වේත්ති බුද්ධිඃ සා පාර්ථ සාත්ත්විකී .. 30 ..

යයා ධර්මමධර්මං ච කාර්යං චාකාර්යමේව ච .

අයථාවත්ප්රජානාති බුද්ධිඃ සා පාර්ථ රාජසී .. 31 ..

අධර්මං ධර්මමිති යා මන්යතේ තමසාවෘතා .

සර්වාර්ථාන්විපරීතාංශ්ච බුද්ධිඃ සා පාර්ථ තාමසී .. 32 ..

ධෘත්යා යයා ධාරයතේ මනඃප්රාණේන්ද්රියක්රියාඃ .

යෝගේනාව්යභිචාරිණ්යා ධෘතිඃ සා පාර්ථ සාත්ත්විකී .. 33 ..

යයා තු ධර්මකාමාර්ථාන්ධෘත්යා ධාරයතේ(අ)ර්ජුන .

ප්රසඞ්ගේන ඵලාකාඞ්ක්ෂී ධෘතිඃ සා පාර්ථ රාජසී .. 34 ..

යයා ස්වප්නං භයං ශෝකං විෂාදං මදමේව ච .

න විමුඤ්චති දුර්මේධා ධෘතිඃ සා පාර්ථ තාමසී .. 35 ..

සුඛං ත්විදානීං ත්රිවිධං ශෘණු මේ භරතර්ෂභ .

අභ්යාසාද්රමතේ යත්ර දුඃඛාන්තං ච නිගච්ඡති .. 36 ..

යත්තදග්රේ විෂමිව පරිණාමේ(අ)මෘතෝපමම් .

තත්සුඛං සාත්ත්විකං ප්රෝක්තමාත්මබුද්ධිප්රසාදජම් .. 37 ..

විෂයේන්ද්රියසංයෝගාද්යත්තදග්රේ(අ)මෘතෝපමම් .

පරිණාමේ විෂමිව තත්සුඛං රාජසං ස්මෘතම් .. 38 ..

යදග්රේ චානුබන්ධේ ච සුඛං මෝහනමාත්මනඃ .

නිද්රාලස්යප්රමාදෝත්ථං තත්තාමසමුදාහෘතම් .. 39 ..

න තදස්ති පෘථිව්යාං වා දිවි දේවේෂු වා පුනඃ .

සත්ත්වං ප්රකෘතිජෛර්මුක්තං යදේභිඃ ස්යාත්ත්රිභිර්ගුණෛඃ .. 40 ..

බ්රාහ්මණක්ෂත්රියවිශාං ශූද්රාණාං ච පරන්තප .

කර්මාණි ප්රවිභක්තානි ස්වභාවප්රභවෛර්ගුණෛඃ .. 41 ..

ශමෝ දමස්තපඃ ශෞචං ක්ෂාන්තිරාර්ජවමේව ච .

ජ්ඤානං විජ්ඤානමාස්තික්යං බ්රහ්මකර්ම ස්වභාවජම් .. 42 ..

ශෞර්යං තේජෝ ධෘතිර්දාක්ෂ්යං යුද්ධේ චාප්යපලායනම් .

දානමීශ්වරභාවශ්ච ක්ෂාත්රං කර්ම ස්වභාවජම් .. 43 ..

කෘෂිගෞරක්ෂ්යවාණිජ්යං වෛශ්යකර්ම ස්වභාවජම් .

පරිචර්යාත්මකං කර්ම ශූද්රස්යාපි ස්වභාවජම් .. 44 ..

ස්වේ ස්වේ කර්මණ්යභිරතඃ සංසිද්ධිං ලභතේ නරඃ .

ස්වකර්මනිරතඃ සිද්ධිං යථා වින්දති තච්ඡෘණු .. 45 ..

යතඃ ප්රවෘත්තිර්භූතානාං යේන සර්වමිදං තතම් .

ස්වකර්මණා තමභ්යර්ච්ය සිද්ධිං වින්දති මානවඃ .. 46 ..

ශ්රේයාන්ස්වධර්මෝ විගුණඃ පරධර්මෝත්ස්වනුෂ්ඨිතාත් .

ස්වභාවනියතං කර්ම කුර්වන්නාප්නෝති කිල්බිෂම් .. 47 ..

සහජං කර්ම කෞන්තේය සදෝෂමපි න ත්යජේත් .

සර්වාරම්භා හි දෝෂේණ ධූමේනාග්නිරිවාවෘතාඃ .. 48 ..

අසක්තබුද්ධිඃ සර්වත්ර ජිතාත්මා විගතස්පෘහඃ .

නෛෂ්කර්ම්යසිද්ධිං පරමාං සන්න්යාසේනාධිගච්ඡති .. 49 ..

සිද්ධිං ප්රාප්තෝ යථා බ්රහ්ම තථාප්නෝති නිබෝධ මේ .

සමාසේනෛව කෞන්තේය නිෂ්ඨා ජ්ඤානස්ය යා පරා .. 50 ..

බුද්ධ්යා විශුද්ධයා යුක්තෝ ධෘත්යාත්මානං නියම්ය ච .

ශබ්දාදීන්විෂයාංස්ත්යක්ත්වා රාගද්වේෂෞ ව්යුදස්ය ච .. 51 ..

විවික්තසේවී ලඝ්වාශී යතවාක්කායමානසඃ .

ධ්යානයෝගපරෝ නිත්යං වෛරාග්යං සමුපාශ්රිතඃ .. 52 ..

අහඞ්කාරං බලං දර්පං කාමං ක්රෝධං පරිග්රහම් .

විමුච්ය නිර්මමඃ ශාන්තෝ බ්රහ්මභූයාය කල්පතේ .. 53 ..

බ්රහ්මභූතඃ ප්රසන්නාත්මා න ශෝචති න කාඞ්ක්ෂති .

සමඃ සර්වේෂු භූතේෂු මද්භක්තිං ලභතේ පරාම් .. 54 ..

භක්ත්යා මාමභිජානාති යාවාන්යශ්චාස්මි තත්ත්වතඃ .

තතෝ මාං තත්ත්වතෝ ජ්ඤාත්වා විශතේ තදනන්තරම් .. 55 ..

සර්වකර්මාණ්යපි සදා කුර්වාණෝ මද්ව්යපාශ්රයඃ .

මත්ප්රසාදාදවාප්නෝති ශාශ්වතං පදමව්යයම් .. 56 ..

චේතසා සර්වකර්මාණි මයි සන්න්යස්ය මත්පරඃ .

බුද්ධියෝගමුපාශ්රිත්ය මච්චිත්තඃ සතතං භව .. 57 ..

මච්චිත්තඃ සර්වදුර්ගාණි මත්ප්රසාදාත්තරිෂ්යසි .

අථ චේත්ත්වමහඞ්කාරාන්න ශ්රෝෂ්යසි විනඞ්ක්ෂ්යසි .. 58 ..

යදහඞ්කාරමාශ්රිත්ය න යෝත්ස්ය ඉති මන්යසේ .

මිථ්යෛෂ ව්යවසායස්තේ ප්රකෘතිස්ත්වාං නියෝක්ෂ්යති .. 59 ..

ස්වභාවජේන කෞන්තේය නිබද්ධඃ ස්වේන කර්මණා .

කර්තුං නේච්ඡසි යන්මෝහාත්කරිෂ්යස්යවශෝ(අ)පි තත් .. 60 ..

ඊශ්වරඃ සර්වභූතානාං හෘද්දේශේ(අ)ර්ජුන තිෂ්ඨති .

භ්රාමයන්සර්වභූතානි යන්ත්රාරූඪානි මායයා .. 61 ..

තමේව ශරණං ගච්ඡ සර්වභාවේන භාරත .

තත්ප්රසාදාත්පරාං ශාන්තිං ස්ථානං ප්රාප්ස්යසි ශාශ්වතම් .. 62 ..

ඉති තේ ජ්ඤානමාඛ්යාතං ගුහ්යාද්ගුහ්යතරං මයා .

විමෘශ්යෛතදශේෂේණ යථේච්ඡසි තථා කුරු .. 63 ..

සර්වගුහ්යතමං භූයඃ ශෘණු මේ පරමං වචඃ .

ඉෂ්ටෝ(අ)සි මේ දෘඪමිති තතෝ වක්ෂ්යාමි තේ හිතම් .. 64 ..

මන්මනා භව මද්භක්තෝ මද්යාජී මාං නමස්කුරු .

මාමේවෛෂ්යසි සත්යං තේ ප්රතිජානේ ප්රියෝ(අ)සි මේ .. 65 ..

සර්වධර්මාන්පරිත්යජ්ය මාමේකං ශරණං ව්රජ .

අහං ත්වා සර්වපාපේභ්යෝ මෝක්ෂයිෂ්යාමි මා ශුචඃ .. 66 ..

ඉදං තේ නාතපස්කාය නාභක්තාය කදාචන .

න චාශුශ්රූෂවේ වාච්යං න ච මාං යෝ(අ)භ්යසූයති .. 67 ..

ය ඉමං පරමං ගුහ්යං මද්භක්තේෂ්වභිධාස්යති .

භක්තිං මයි පරාං කෘත්වා මාමේවෛෂ්යත්යසංශයඃ .. 68 ..

න ච තස්මාන්මනුෂ්යේෂු කශ්චින්මේ ප්රියකෘත්තමඃ .

භවිතා න ච මේ තස්මාදන්යඃ ප්රියතරෝ භුවි .. 69 ..

අධ්යේෂ්යතේ ච ය ඉමං ධර්ම්යං සංවාදමාවයෝඃ .

ජ්ඤානයජ්ඤේන තේනාහමිෂ්ටඃ ස්යාමිති මේ මතිඃ .. 70 ..

ශ්රද්ධාවානනසූයශ්ච ශෘණුයාදපි යෝ නරඃ .

සෝ(අ)පි මුක්තඃ ශුභාఁල්ලෝකාන්ප්රාප්නුයාත්පුණ්යකර්මණාම් .. 71 ..

කච්චිදේතච්ඡ්රුතං පාර්ථ ත්වයෛකාග්රේණ චේතසා .

කච්චිදජ්ඤානසම්මෝහඃ ප්රනෂ්ටස්තේ ධනඤ්ජය .. 72 ..

අර්ජුන උවාච

නෂ්ටෝ මෝහඃ ස්මෘතිර්ලබ්ධා ත්වත්ප්රසාදාන්මයාච්යුත .

ස්ථිතෝ(අ)ස්මි ගතසන්දේහඃ කරිෂ්යේ වචනං තව .. 73 ..

සඤ්ජය උවාච

ඉත්යහං වාසුදේවස්ය පාර්ථස්ය ච මහාත්මනඃ .

සංවාදමිමමශ්රෞෂමද්භුතං රෝමහර්ෂණම් .. 74 ..

ව්යාසප්රසාදාච්ඡ්රුතවානේතද්ගුහ්යමහං පරම් .

යෝගං යෝගේශ්වරාත්කෘෂ්ණාත්සාක්ෂාත්කථයතඃ ස්වයම් .. 75 ..

රාජන්සංස්මෘත්ය සංස්මෘත්ය සංවාදමිමමද්භුතම් .

කේශවාර්ජුනයෝඃ පුණ්යං හෘෂ්යාමි ච මුහුර්මුහුඃ .. 76 ..

තච්ච සංස්මෘත්ය සංස්මෘත්ය රූපමත්යද්භුතං හරේඃ .

විස්මයෝ මේ මහාන්රාජන්හෘෂ්යාමි ච පුනඃ පුනඃ .. 77 ..

යත්ර යෝගේශ්වරඃ කෘෂ්ණෝ යත්ර පාර්ථෝ ධනුර්ධරඃ .

තත්ර ශ්රීර්විජයෝ භූතිර්ධ්රුවා නීතිර්මතිර්මම .. 78 ..

ඕං තත්සදිති ශ්රීමද්භගවද්ගීතාසූපනිෂත්සු බ්රහ්මවිද්යායාං යෝගශාස්ත්රේ

ශ්රීකෘෂ්ණාර්ජුනසංවාදේ මෝක්ෂසන්න්යාසයෝගෝ නාමාෂ්ටාදශෝ(අ)ධ්යායඃ .. 18 ..