Srimad Bhagawad Gita Chapter 18

শ্রীমদ্ভগবদ্গীতা মূলম্ - অষ্টাদশোঽধ্যাযঃ

শ্লোক 1

ওঁ শ্রী পরমাত্মনে নমঃ

অথ অষ্টাদশোঽধ্যাযঃ ।

মোক্ষসন্ন্যাসযোগঃ

অর্জুন উবাচ

সন্ন্যাসস্য মহাবাহো তত্ত্বমিচ্ছামি বেদিতুম্ ।

ত্যাগস্য চ হৃষীকেশ পৃথক্কেশিনিষূদন

শ্লোক 2

শ্রীভগবানুবাচ

কাম্যানাং কর্মণাং ন্যাসং সন্ন্যাসং কবযো বিদুঃ ।

সর্বকর্মফলত্যাগং প্রাহুস্ত্যাগং বিচক্ষণাঃ

॥ 1 ॥

শ্লোক 3

ত্যাজ্যং দোষবদিত্যেকে কর্ম প্রাহুর্মনীষিণঃ ।

যজ্ঞদানতপঃকর্ম ন ত্যাজ্যমিতি চাপরে

॥ 2 ॥

শ্লোক 4

নিশ্চযং শৃণু মে তত্র ত্যাগে ভরতসত্তম ।

ত্যাগো হি পুরুষব্যাঘ্র ত্রিবিধঃ সম্প্রকীর্তিতঃ

॥ 3 ॥

শ্লোক 5

যজ্ঞদানতপঃকর্ম ন ত্যাজ্যং কার্যমেব তত্ ।

যজ্ঞো দানং তপশ্চৈব পাবনানি মনীষিণাম্

॥ 4 ॥

শ্লোক 6

এতান্যপি তু কর্মাণি সঙ্গং ত্যক্ত্বা ফলানি চ ।

কর্তব্যানীতি মে পার্থ নিশ্চিতং মতমুত্তমম্

॥ 5 ॥

শ্লোক 7

নিযতস্য তু সন্ন্যাসঃ কর্মণো নোপপদ্যতে ।

মোহাত্তস্য পরিত্যাগস্তামসঃ পরিকীর্তিতঃ

॥ 6 ॥

শ্লোক 8

দুঃখমিত্যেব যত্কর্ম কাযক্লেশভযাত্ত্যজেত্ ।

স কৃত্বা রাজসং ত্যাগং নৈব ত্যাগফলং লভেত্

॥ 7 ॥

শ্লোক 9

কার্যমিত্যেব যত্কর্ম নিযতং ক্রিযতেঽর্জুন ।

সঙ্গং ত্যক্ত্বা ফলং চৈব স ত্যাগঃ সাত্ত্বিকো মতঃ

॥ 8 ॥

শ্লোক 10

ন দ্বেষ্ট্যকুশলং কর্ম কুশলে নানুষজ্জতে ।

ত্যাগী সত্ত্বসমাবিষ্টো মেধাবী ছিন্নসংশযঃ

॥ 9 ॥

শ্লোক 11

ন হি দেহভৃতা শক্যং ত্যক্তুং কর্মাণ্যশেষতঃ ।

যস্তু কর্মফলত্যাগী স ত্যাগীত্যভিধীযতে

॥ 10 ॥

শ্লোক 12

অনিষ্টমিষ্টং মিশ্রং চ ত্রিবিধং কর্মণঃ ফলম্ ।

ভবত্যত্যাগিনাং প্রেত্য ন তু সন্ন্যাসিনাং ক্বচিত্

॥ 11 ॥

শ্লোক 13

পঞ্চৈতানি মহাবাহো কারণানি নিবোধ মে ।

সাঙ্খ্যে কৃতান্তে প্রোক্তানি সিদ্ধযে সর্বকর্মণাম্

॥ 12 ॥

শ্লোক 14

অধিষ্ঠানং তথা কর্তা করণং চ পৃথগ্বিধম্ ।

বিবিধাশ্চ পৃথক্চেষ্টা দৈবং চৈবাত্র পঞ্চমম্

॥ 13 ॥

শ্লোক 15

শরীরবাঙ্মনোভির্যত্কর্ম প্রারভতে নরঃ ।

ন্যায্যং বা বিপরীতং বা পঞ্চৈতে তস্য হেতবঃ

॥ 14 ॥

শ্লোক 16

তত্রৈবং সতি কর্তারমাত্মানং কেবলং তু যঃ ।

পশ্যত্যকৃতবুদ্ধিত্বান্ন স পশ্যতি দুর্মতিঃ

॥ 15 ॥

শ্লোক 17

যস্য নাহঙ্কৃতো ভাবো বুদ্ধির্যস্য ন লিপ্যতে ।

হত্বাঽপি স ইমাঁল্লোকান্ন হন্তি ন নিবধ্যতে

॥ 16 ॥

শ্লোক 18

জ্ঞানং জ্ঞেযং পরিজ্ঞাতা ত্রিবিধা কর্মচোদনা ।

করণং কর্ম কর্তেতি ত্রিবিধঃ কর্মসঙ্গ্রহঃ

॥ 17 ॥

শ্লোক 19

জ্ঞানং কর্ম চ কর্তা চ ত্রিধৈব গুণভেদতঃ ।

প্রোচ্যতে গুণসঙ্খ্যানে যথাবচ্ছৃণু তান্যপি

॥ 18 ॥

শ্লোক 20

সর্বভূতেষু যেনৈকং ভাবমব্যযমীক্ষতে ।

অবিভক্তং বিভক্তেষু তজ্জ্ঞানং বিদ্ধি সাত্ত্বিকম্

॥ 19 ॥

শ্লোক 21

পৃথক্ত্বেন তু যজ্জ্ঞানং নানাভাবান্পৃথগ্বিধান্ ।

বেত্তি সর্বেষু ভূতেষু তজ্জ্ঞানং বিদ্ধি রাজসম্

॥ 20 ॥

শ্লোক 22

যত্তু কৃত্স্নবদেকস্মিন্কার্যে সক্তমহৈতুকম্ ।

অতত্ত্বার্থবদল্পং চ তত্তামসমুদাহৃতম্

॥ 21 ॥

শ্লোক 23

নিযতং সঙ্গরহিতমরাগদ্বেষতঃ কৃতম্ ।

অফলপ্রেপ্সুনা কর্ম যত্তত্সাত্ত্বিকমুচ্যতে

॥ 22 ॥

শ্লোক 24

যত্তু কামেপ্সুনা কর্ম সাহঙ্কারেণ বা পুনঃ ।

ক্রিযতে বহুলাযাসং তদ্রাজসমুদাহৃতম্

॥ 23 ॥

শ্লোক 25

অনুবন্ধং ক্ষযং হিংসামনপেক্ষ্য চ পৌরুষম্ ।

মোহাদারভ্যতে কর্ম যত্তত্তামসমুচ্যতে

॥ 24 ॥

শ্লোক 26

মুক্তসঙ্গোঽনহংবাদী ধৃত্যুত্সাহসমন্বিতঃ ।

সিদ্ধ্যসিদ্ধ্যোর্নির্বিকারঃ কর্তা সাত্ত্বিক উচ্যতে

॥ 25 ॥

শ্লোক 27

রাগী কর্মফলপ্রেপ্সুর্লুব্ধো হিংসাত্মকোঽশুচিঃ ।

হর্ষশোকান্বিতঃ কর্তা রাজসঃ পরিকীর্তিতঃ

॥ 26 ॥

শ্লোক 28

অযুক্তঃ প্রাকৃতঃ স্তব্ধঃ শঠো নৈষ্কৃতিকোঽলসঃ ।

বিষাদী দীর্ঘসূত্রী চ কর্তা তামস উচ্যতে

॥ 27 ॥

শ্লোক 29

বুদ্ধের্ভেদং ধৃতেশ্চৈব গুণতস্ত্রিবিধং শৃণু ।

প্রোচ্যমানমশেষেণ পৃথক্ত্বেন ধনঞ্জয

॥ 28 ॥

শ্লোক 30

প্রবৃত্তিং চ নিবৃত্তিং চ কার্যাকার্যে ভযাভযে ।

বন্ধং মোক্ষং চ যা বেত্তি বুদ্ধিঃ সা পার্থ সাত্ত্বিকী

॥ 29 ॥

শ্লোক 31

যযা ধর্মমধর্মং চ কার্যং চাকার্যমেব চ ।

অযথাবত্প্রজানাতি বুদ্ধিঃ সা পার্থ রাজসী

॥ 30 ॥

শ্লোক 32

অধর্মং ধর্মমিতি যা মন্যতে তমসাবৃতা ।

সর্বার্থান্বিপরীতাংশ্চ বুদ্ধিঃ সা পার্থ তামসী

॥ 31 ॥

শ্লোক 33

ধৃত্যা যযা ধারযতে মনঃপ্রাণেন্দ্রিযক্রিযাঃ ।

যোগেনাব্যভিচারিণ্যা ধৃতিঃ সা পার্থ সাত্ত্বিকী

॥ 32 ॥

শ্লোক 34

যযা তু ধর্মকামার্থান্ধৃত্যা ধারযতেঽর্জুন ।

প্রসঙ্গেন ফলাকাঙ্ক্ষী ধৃতিঃ সা পার্থ রাজসী

॥ 33 ॥

শ্লোক 35

যযা স্বপ্নং ভযং শোকং বিষাদং মদমেব চ ।

ন বিমুঞ্চতি দুর্মেধা ধৃতিঃ সা পার্থ তামসী

॥ 34 ॥

শ্লোক 36

সুখং ত্বিদানীং ত্রিবিধং শৃণু মে ভরতর্ষভ ।

অভ্যাসাদ্রমতে যত্র দুঃখান্তং চ নিগচ্ছতি

॥ 35 ॥

শ্লোক 37

যত্তদগ্রে বিষমিব পরিণামেঽমৃতোপমম্ ।

তত্সুখং সাত্ত্বিকং প্রোক্তমাত্মবুদ্ধিপ্রসাদজম্

॥ 36 ॥

শ্লোক 38

বিষযেন্দ্রিযসংযোগাদ্যত্তদগ্রেঽমৃতোপমম্ ।

পরিণামে বিষমিব তত্সুখং রাজসং স্মৃতম্

॥ 37 ॥

শ্লোক 39

যদগ্রে চানুবন্ধে চ সুখং মোহনমাত্মনঃ ।

নিদ্রালস্যপ্রমাদোত্থং তত্তামসমুদাহৃতম্

॥ 38 ॥

শ্লোক 40

ন তদস্তি পৃথিব্যাং বা দিবি দেবেষু বা পুনঃ ।

সত্ত্বং প্রকৃতিজৈর্মুক্তং যদেভিঃ স্যাত্ত্রিভির্গুণৈঃ

॥ 39 ॥

শ্লোক 41

ব্রাহ্মণক্ষত্রিযবিশাং শূদ্রাণাং চ পরন্তপ ।

কর্মাণি প্রবিভক্তানি স্বভাবপ্রভবৈর্গুণৈঃ

॥ 40 ॥

শ্লোক 42

শমো দমস্তপঃ শৌচং ক্ষান্তিরার্জবমেব চ ।

জ্ঞানং বিজ্ঞানমাস্তিক্যং ব্রহ্মকর্ম স্বভাবজম্

॥ 41 ॥

শ্লোক 43

শৌর্যং তেজো ধৃতির্দাক্ষ্যং যুদ্ধে চাপ্যপলাযনম্ ।

দানমীশ্বরভাবশ্চ ক্ষাত্রং কর্ম স্বভাবজম্

॥ 42 ॥

শ্লোক 44

কৃষিগৌরক্ষ্যবাণিজ্যং বৈশ্যকর্ম স্বভাবজম্ ।

পরিচর্যাত্মকং কর্ম শূদ্রস্যাপি স্বভাবজম্

॥ 43 ॥

শ্লোক 45

স্বে স্বে কর্মণ্যভিরতঃ সংসিদ্ধিং লভতে নরঃ ।

স্বকর্মনিরতঃ সিদ্ধিং যথা বিন্দতি তচ্ছৃণু

॥ 44 ॥

শ্লোক 46

যতঃ প্রবৃত্তির্ভূতানাং যেন সর্বমিদং ততম্ ।

স্বকর্মণা তমভ্যর্চ্য সিদ্ধিং বিন্দতি মানবঃ

॥ 45 ॥

শ্লোক 47

শ্রেযান্স্বধর্মো বিগুণঃ পরধর্মোত্স্বনুষ্ঠিতাত্ ।

স্বভাবনিযতং কর্ম কুর্বন্নাপ্নোতি কিল্বিষম্

॥ 46 ॥

শ্লোক 48

সহজং কর্ম কৌন্তেয সদোষমপি ন ত্যজেত্ ।

সর্বারম্ভা হি দোষেণ ধূমেনাগ্নিরিবাবৃতাঃ

॥ 47 ॥

শ্লোক 49

অসক্তবুদ্ধিঃ সর্বত্র জিতাত্মা বিগতস্পৃহঃ ।

নৈষ্কর্ম্যসিদ্ধিং পরমাং সন্ন্যাসেনাধিগচ্ছতি

॥ 48 ॥

শ্লোক 50

সিদ্ধিং প্রাপ্তো যথা ব্রহ্ম তথাপ্নোতি নিবোধ মে ।

সমাসেনৈব কৌন্তেয নিষ্ঠা জ্ঞানস্য যা পরা

॥ 49 ॥

শ্লোক 51

বুদ্ধ্যা বিশুদ্ধযা যুক্তো ধৃত্যাত্মানং নিযম্য চ ।

শব্দাদীন্বিষযাংস্ত্যক্ত্বা রাগদ্বেষৌ ব্যুদস্য চ

॥ 50 ॥

শ্লোক 52

বিবিক্তসেবী লঘ্বাশী যতবাক্কাযমানসঃ ।

ধ্যানযোগপরো নিত্যং বৈরাগ্যং সমুপাশ্রিতঃ

॥ 51 ॥

শ্লোক 53

অহঙ্কারং বলং দর্পং কামং ক্রোধং পরিগ্রহম্ ।

বিমুচ্য নির্মমঃ শান্তো ব্রহ্মভূযায কল্পতে

॥ 52 ॥

শ্লোক 54

ব্রহ্মভূতঃ প্রসন্নাত্মা ন শোচতি ন কাঙ্ক্ষতি ।

সমঃ সর্বেষু ভূতেষু মদ্ভক্তিং লভতে পরাম্

॥ 53 ॥

শ্লোক 55

ভক্ত্যা মামভিজানাতি যাবান্যশ্চাস্মি তত্ত্বতঃ ।

ততো মাং তত্ত্বতো জ্ঞাত্বা বিশতে তদনন্তরম্

॥ 54 ॥

শ্লোক 56

সর্বকর্মাণ্যপি সদা কুর্বাণো মদ্ব্যপাশ্রযঃ ।

মত্প্রসাদাদবাপ্নোতি শাশ্বতং পদমব্যযম্

॥ 55 ॥

শ্লোক 57

চেতসা সর্বকর্মাণি মযি সন্ন্যস্য মত্পরঃ ।

বুদ্ধিযোগমুপাশ্রিত্য মচ্চিত্তঃ সততং ভব

॥ 56 ॥

শ্লোক 58

মচ্চিত্তঃ সর্বদুর্গাণি মত্প্রসাদাত্তরিষ্যসি ।

অথ চেত্ত্বমহঙ্কারান্ন শ্রোষ্যসি বিনঙ্ক্ষ্যসি

॥ 57 ॥

শ্লোক 59

যদহঙ্কারমাশ্রিত্য ন যোত্স্য ইতি মন্যসে ।

মিথ্যৈষ ব্যবসাযস্তে প্রকৃতিস্ত্বাং নিযোক্ষ্যতি

॥ 58 ॥

শ্লোক 60

স্বভাবজেন কৌন্তেয নিবদ্ধঃ স্বেন কর্মণা ।

কর্তুং নেচ্ছসি যন্মোহাত্করিষ্যস্যবশোঽপি তত্

॥ 59 ॥

শ্লোক 61

ঈশ্বরঃ সর্বভূতানাং হৃদ্দেশেঽর্জুন তিষ্ঠতি ।

ভ্রামযন্সর্বভূতানি যন্ত্রারূঢানি মাযযা

॥ 60 ॥

শ্লোক 62

তমেব শরণং গচ্ছ সর্বভাবেন ভারত ।

তত্প্রসাদাত্পরাং শান্তিং স্থানং প্রাপ্স্যসি শাশ্বতম্

॥ 61 ॥

শ্লোক 63

ইতি তে জ্ঞানমাখ্যাতং গুহ্যাদ্গুহ্যতরং মযা ।

বিমৃশ্যৈতদশেষেণ যথেচ্ছসি তথা কুরু

॥ 62 ॥

শ্লোক 64

সর্বগুহ্যতমং ভূযঃ শৃণু মে পরমং বচঃ ।

ইষ্টোঽসি মে দৃঢমিতি ততো বক্ষ্যামি তে হিতম্

॥ 63 ॥

শ্লোক 65

মন্মনা ভব মদ্ভক্তো মদ্যাজী মাং নমস্কুরু ।

মামেবৈষ্যসি সত্যং তে প্রতিজানে প্রিযোঽসি মে

॥ 64 ॥

শ্লোক 66

সর্বধর্মান্পরিত্যজ্য মামেকং শরণং ব্রজ ।

অহং ত্বা সর্বপাপেভ্যো মোক্ষযিষ্যামি মা শুচঃ

॥ 65 ॥

শ্লোক 67

ইদং তে নাতপস্কায নাভক্তায কদাচন ।

ন চাশুশ্রূষবে বাচ্যং ন চ মাং যোঽভ্যসূযতি

॥ 66 ॥

শ্লোক 68

য ইমং পরমং গুহ্যং মদ্ভক্তেষ্বভিধাস্যতি ।

ভক্তিং মযি পরাং কৃত্বা মামেবৈষ্যত্যসংশযঃ

॥ 67 ॥

শ্লোক 69

ন চ তস্মান্মনুষ্যেষু কশ্চিন্মে প্রিযকৃত্তমঃ ।

ভবিতা ন চ মে তস্মাদন্যঃ প্রিযতরো ভুবি

॥ 68 ॥

শ্লোক 70

অধ্যেষ্যতে চ য ইমং ধর্ম্যং সংবাদমাবযোঃ ।

জ্ঞানযজ্ঞেন তেনাহমিষ্টঃ স্যামিতি মে মতিঃ

॥ 69 ॥

শ্লোক 71

শ্রদ্ধাবাননসূযশ্চ শৃণুযাদপি যো নরঃ ।

সোঽপি মুক্তঃ শুভাఁল্লোকান্প্রাপ্নুযাত্পুণ্যকর্মণাম্

॥ 70 ॥

শ্লোক 72

কচ্চিদেতচ্ছ্রুতং পার্থ ত্বযৈকাগ্রেণ চেতসা ।

কচ্চিদজ্ঞানসম্মোহঃ প্রনষ্টস্তে ধনঞ্জয

॥ 71 ॥

শ্লোক 73

অর্জুন উবাচ

নষ্টো মোহঃ স্মৃতির্লব্ধা ত্বত্প্রসাদান্মযাচ্যুত ।

স্থিতোঽস্মি গতসন্দেহঃ করিষ্যে বচনং তব

॥ 72 ॥

শ্লোক 74

সঞ্জয উবাচ

ইত্যহং বাসুদেবস্য পার্থস্য চ মহাত্মনঃ ।

সংবাদমিমমশ্রৌষমদ্ভুতং রোমহর্ষণম্

॥ 73 ॥

শ্লোক 75

ব্যাসপ্রসাদাচ্ছ্রুতবানেতদ্গুহ্যমহং পরম্ ।

যোগং যোগেশ্বরাত্কৃষ্ণাত্সাক্ষাত্কথযতঃ স্বযম্

॥ 74 ॥

শ্লোক 76

রাজন্সংস্মৃত্য সংস্মৃত্য সংবাদমিমমদ্ভুতম্ ।

কেশবার্জুনযোঃ পুণ্যং হৃষ্যামি চ মুহুর্মুহুঃ

॥ 75 ॥

শ্লোক 77

তচ্চ সংস্মৃত্য সংস্মৃত্য রূপমত্যদ্ভুতং হরেঃ ।

বিস্মযো মে মহান্রাজন্হৃষ্যামি চ পুনঃ পুনঃ

॥ 76 ॥

শ্লোক 78

যত্র যোগেশ্বরঃ কৃষ্ণো যত্র পার্থো ধনুর্ধরঃ ।

তত্র শ্রীর্বিজযো ভূতির্ধ্রুবা নীতির্মতির্মম

॥ 77 ॥

শ্লোক 79

ওঁ তত্সদিতি শ্রীমদ্ভগবদ্গীতাসূপনিষত্সু ব্রহ্মবিদ্যাযাং যোগশাস্ত্রে

শ্রীকৃষ্ণার্জুনসংবাদে মোক্ষসন্ন্যাসযোগো নামাষ্টাদশোঽধ্যাযঃ

॥ 78 ॥

শ্লোক 80