Srimad Bhagawad Gita Chapter 17
Srimad Bhagawad Gita Chapter 17
শ্রীমদ্ভগবদ্গীতা মূলম্ - সপ্তদশোঽধ্যাযঃ
শ্লোক 1
ওঁ শ্রী পরমাত্মনে নমঃ
অথ সপ্তদশোঽধ্যাযঃ ।
শ্রদ্ধাত্রযবিভাগযোগঃ
অর্জুন উবাচ
যে শাস্ত্রবিধিমুত্সৃজ্য যজন্তে শ্রদ্ধযান্বিতাঃ ।
তেষাং নিষ্ঠা তু কা কৃষ্ণ সত্ত্বমাহো রজস্তমঃ
শ্লোক 2
শ্রীভগবানুবাচ
ত্রিবিধা ভবতি শ্রদ্ধা দেহিনাং সা স্বভাবজা ।
সাত্ত্বিকী রাজসী চৈব তামসী চেতি তাং শৃণু
॥ 1 ॥
শ্লোক 3
সত্ত্বানুরূপা সর্বস্য শ্রদ্ধা ভবতি ভারত ।
শ্রদ্ধামযোঽযং পুরুষো যো যচ্ছ্রদ্ধঃ স এব সঃ
॥ 2 ॥
শ্লোক 4
যজন্তে সাত্ত্বিকা দেবান্যক্ষরক্ষাংসি রাজসাঃ ।
প্রেতান্ভূতগণাংশ্চান্যে যজন্তে তামসা জনাঃ
॥ 3 ॥
শ্লোক 5
অশাস্ত্রবিহিতং ঘোরং তপ্যন্তে যে তপো জনাঃ ।
দম্ভাহঙ্কারসংযুক্তাঃ কামরাগবলান্বিতাঃ
॥ 4 ॥
শ্লোক 6
কর্ষযন্তঃ শরীরস্থং ভূতগ্রামমচেতসঃ ।
মাং চৈবান্তঃশরীরস্থং তান্বিদ্ধ্যাসুরনিশ্চযান্
॥ 5 ॥
শ্লোক 7
আহারস্ত্বপি সর্বস্য ত্রিবিধো ভবতি প্রিযঃ ।
যজ্ঞস্তপস্তথা দানং তেষাং ভেদমিমং শৃণু
॥ 6 ॥
শ্লোক 8
আযুঃসত্ত্ববলারোগ্যসুখপ্রীতিবিবর্ধনাঃ ।
রস্যাঃ স্নিগ্ধাঃ স্থিরা হৃদ্যা আহারাঃ সাত্ত্বিকপ্রিযাঃ
॥ 7 ॥
শ্লোক 9
কট্বম্ললবণাত্যুষ্ণতীক্ষ্ণরূক্ষবিদাহিনঃ ।
আহারা রাজসস্যেষ্টা দুঃখশোকামযপ্রদাঃ
॥ 8 ॥
শ্লোক 10
যাতযামং গতরসং পূতি পর্যুষিতং চ যত্ ।
উচ্ছিষ্টমপি চামেধ্যং ভোজনং তামসপ্রিযম্
॥ 9 ॥
শ্লোক 11
অফলাকাঙ্ক্ষিভির্যজ্ঞো বিধিদৃষ্টো য ইজ্যতে ।
যষ্টব্যমেবেতি মনঃ সমাধায স সাত্ত্বিকঃ
॥ 10 ॥
শ্লোক 12
অভিসন্ধায তু ফলং দম্ভার্থমপি চৈব যত্ ।
ইজ্যতে ভরতশ্রেষ্ঠ তং যজ্ঞং বিদ্ধি রাজসম্
॥ 11 ॥
শ্লোক 13
বিধিহীনমসৃষ্টান্নং মন্ত্রহীনমদক্ষিণম্ ।
শ্রদ্ধাবিরহিতং যজ্ঞং তামসং পরিচক্ষতে
॥ 12 ॥
শ্লোক 14
দেবদ্বিজগুরুপ্রাজ্ঞপূজনং শৌচমার্জবম্ ।
ব্রহ্মচর্যমহিংসা চ শারীরং তপ উচ্যতে
॥ 13 ॥
শ্লোক 15
অনুদ্বেগকরং বাক্যং সত্যং প্রিযহিতং চ যত্ ।
স্বাধ্যাযাভ্যসনং চৈব বাঙ্মযং তপ উচ্যতে
॥ 14 ॥
শ্লোক 16
মনঃ প্রসাদঃ সৌম্যত্বং মৌনমাত্মবিনিগ্রহঃ ।
ভাবসংশুদ্ধিরিত্যেতত্তপো মানসমুচ্যতে
॥ 15 ॥
শ্লোক 17
শ্রদ্ধযা পরযা তপ্তং তপস্তত্ত্রিবিধং নরৈঃ ।
অফলাকাঙ্ক্ষিভির্যুক্তৈঃ সাত্ত্বিকং পরিচক্ষতে
॥ 16 ॥
শ্লোক 18
সত্কারমানপূজার্থং তপো দম্ভেন চৈব যত্ ।
ক্রিযতে তদিহ প্রোক্তং রাজসং চলমধ্রুবম্
॥ 17 ॥
শ্লোক 19
মূঢগ্রাহেণাত্মনো যত্পীডযা ক্রিযতে তপঃ ।
পরস্যোত্সাদনার্থং বা তত্তামসমুদাহৃতম্
॥ 18 ॥
শ্লোক 20
দাতব্যমিতি যদ্দানং দীযতেঽনুপকারিণে ।
দেশে কালে চ পাত্রে চ তদ্দানং সাত্ত্বিকং স্মৃতম্
॥ 19 ॥
শ্লোক 21
যত্তু প্রত্ত্যুপকারার্থং ফলমুদ্দিশ্য বা পুনঃ ।
দীযতে চ পরিক্লিষ্টং তদ্দানং রাজসং স্মৃতম্
॥ 20 ॥
শ্লোক 22
অদেশকালে যদ্দানমপাত্রেভ্যশ্চ দীযতে ।
অসত্কৃতমবজ্ঞাতং তত্তামসমুদাহৃতম্
॥ 21 ॥
শ্লোক 23
ওঁ তত্সদিতি নির্দেশো ব্রহ্মণস্ত্রিবিধঃ স্মৃতঃ ।
ব্রাহ্মণাস্তেন বেদাশ্চ যজ্ঞাশ্চ বিহিতাঃ পুরা
॥ 22 ॥
শ্লোক 24
তস্মাদোমিত্যুদাহৃত্য যজ্ঞদানতপঃক্রিযাঃ ।
প্রবর্তন্তে বিধানোক্তাঃ সততং ব্রহ্মবাদিনাম্
॥ 23 ॥
শ্লোক 25
তদিত্যনভিসন্ধায ফলং যজ্ঞতপঃক্রিযাঃ ।
দানক্রিযাশ্চ বিবিধাঃ ক্রিযন্তে মোক্ষকাঙ্ক্ষিভিঃ
॥ 24 ॥
শ্লোক 26
সদ্ভাবে সাধুভাবে চ সদিত্যেতত্প্রযুজ্যতে ।
প্রশস্তে কর্মণি তথা সচ্ছব্দঃ পার্থ যুজ্যতে
॥ 25 ॥
শ্লোক 27
যজ্ঞে তপসি দানে চ স্থিতিঃ সদিতি চোচ্যতে ।
কর্ম চৈব তদর্থীযং সদিত্যেবাভিধীযতে
॥ 26 ॥
শ্লোক 28
অশ্রদ্ধযা হুতং দত্তং তপস্তপ্তং কৃতং চ যত্ ।
অসদিত্যুচ্যতে পার্থ ন চ তত্প্রেপ্য নো ইহ
॥ 27 ॥
শ্লোক 29
ওঁ তত্সদিতি শ্রীমদ্ভগবদ্গীতাসূপনিষত্সু ব্রহ্মবিদ্যাযাং যোগশাস্ত্রে
শ্রীকৃষ্ণার্জুনসংবাদে শ্রদ্ধাত্রযবিভাগযোগো নাম সপ্তদশোঽধ্যাযঃ
॥ 28 ॥