Srimad Bhagawad Gita Chapter 16
Srimad Bhagawad Gita Chapter 16
শ্রীমদ্ভগবদ্গীতা মূলম্ - ষোডশোঽধ্যাযঃ
শ্লোক 1
ওঁ শ্রী পরমাত্মনে নমঃ
অথ ষোডশোঽধ্যাযঃ ।
দৈবাসুরসম্পদ্বিভাগযোগঃ
শ্রীভগবানুবাচ
অভযং সত্ত্বসংশুদ্ধির্জ্ঞানযোগব্যবস্থিতিঃ ।
দানং দমশ্চ যজ্ঞশ্চ স্বাধ্যাযস্তপ আর্জবম্
শ্লোক 2
অহিংসা সত্যমক্রোধস্ত্যাগঃ শান্তিরপৈশুনম্ ।
দযা ভূতেষ্বলোলুপ্ত্বং মার্দবং হ্রীরচাপলম্
॥ 1 ॥
শ্লোক 3
তেজঃ ক্ষমা ধৃতিঃ শৌচমদ্রোহো নাতিমানিতা ।
ভবন্তি সম্পদং দৈবীমভিজাতস্য ভারত
॥ 2 ॥
শ্লোক 4
দম্ভো দর্পোঽভিমানশ্চ ক্রোধঃ পারুষ্যমেব চ ।
অজ্ঞানং চাভিজাতস্য পার্থ সম্পদমাসুরীম্
॥ 3 ॥
শ্লোক 5
দৈবী সম্পদ্বিমোক্ষায নিবন্ধাযাসুরী মতা ।
মা শুচঃ সম্পদং দৈবীমভিজাতোঽসি পাণ্ডব
॥ 4 ॥
শ্লোক 6
দ্বৌ ভূতসর্গৌ লোকেঽস্মিন্দৈব আসুর এব চ ।
দৈবো বিস্তরশঃ প্রোক্ত আসুরং পার্থ মে শৃণু
॥ 5 ॥
শ্লোক 7
প্রবৃত্তিং চ নিবৃত্তিং চ জনা ন বিদুরাসুরাঃ ।
ন শৌচং নাপি চাচারো ন সত্যং তেষু বিদ্যতে
॥ 6 ॥
শ্লোক 8
অসত্যমপ্রতিষ্ঠং তে জগদাহুরনীশ্বরম্ ।
অপরস্পরসম্ভূতং কিমন্যত্কামহৈতুকম্
॥ 7 ॥
শ্লোক 9
এতাং দৃষ্টিমবষ্টভ্য নষ্টাত্মানোঽল্পবুদ্ধযঃ ।
প্রভবন্ত্যুগ্রকর্মাণঃ ক্ষযায জগতোঽহিতাঃ
॥ 8 ॥
শ্লোক 10
কামমাশ্রিত্য দুষ্পূরং দম্ভমানমদান্বিতাঃ ।
মোহাদ্গৃহীত্বাসদ্গ্রাহান্প্রবর্তন্তেঽশুচিব্রতাঃ
॥ 9 ॥
শ্লোক 11
চিন্তামপরিমেযাং চ প্রলযান্তামুপাশ্রিতাঃ ।
কামোপভোগপরমা এতাবদিতি নিশ্চিতাঃ
॥ 10 ॥
শ্লোক 12
আশাপাশশতৈর্বদ্ধাঃ কামক্রোধপরাযণাঃ ।
ঈহন্তে কামভোগার্থমন্যাযেনার্থসঞ্চযান্
॥ 11 ॥
শ্লোক 13
ইদমদ্য মযা লব্ধমিমং প্রাপ্স্যে মনোরথম্ ।
ইদমস্তীদমপি মে ভবিষ্যতি পুনর্ধনম্
॥ 12 ॥
শ্লোক 14
অসৌ মযা হতঃ শত্রুর্হনিষ্যে চাপরানপি ।
ঈশ্বরোঽহমহং ভোগী সিদ্ধোঽহং বলবান্সুখী
॥ 13 ॥
শ্লোক 15
আঢ্যোঽভিজনবানস্মি কোঽন্যোস্তি সদৃশো মযা ।
যক্ষ্যে দাস্যামি মোদিষ্য ইত্যজ্ঞানবিমোহিতাঃ
॥ 14 ॥
শ্লোক 16
অনেকচিত্তবিভ্রান্তা মোহজালসমাবৃতাঃ ।
প্রসক্তাঃ কামভোগেষু পতন্তি নরকেঽশুচৌ
॥ 15 ॥
শ্লোক 17
আত্মসম্ভাবিতাঃ স্তব্ধা ধনমানমদান্বিতাঃ ।
যজন্তে নামযজ্ঞৈস্তে দম্ভেনাবিধিপূর্বকম্
॥ 16 ॥
শ্লোক 18
অহঙ্কারং বলং দর্পং কামং ক্রোধং চ সংশ্রিতাঃ ।
মামাত্মপরদেহেষু প্রদ্বিষন্তোঽভ্যসূযকাঃ
॥ 17 ॥
শ্লোক 19
তানহং দ্বিষতঃ ক্রূরান্সংসারেষু নরাধমান্ ।
ক্ষিপাম্যজস্রমশুভানাসুরীষ্বেব যোনিষু
॥ 18 ॥
শ্লোক 20
আসুরীং যোনিমাপন্না মূঢা জন্মনি জন্মনি ।
মামপ্রাপ্যৈব কৌন্তেয ততো যান্ত্যধমাং গতিম্
॥ 19 ॥
শ্লোক 21
ত্রিবিধং নরকস্যেদং দ্বারং নাশনমাত্মনঃ ।
কামঃ ক্রোধস্তথা লোভস্তস্মাদেতত্ত্রযং ত্যজেত্
॥ 20 ॥
শ্লোক 22
এতৈর্বিমুক্তঃ কৌন্তেয তমোদ্বারৈস্ত্রিভির্নরঃ ।
আচরত্যাত্মনঃ শ্রেযস্ততো যাতি পরাং গতিম্
॥ 21 ॥
শ্লোক 23
যঃ শাস্ত্রবিধিমুত্সৃজ্য বর্ততে কামকারতঃ ।
ন স সিদ্ধিমবাপ্নোতি ন সুখং ন পরাং গতিম্
॥ 22 ॥
শ্লোক 24
তস্মাচ্ছাস্ত্রং প্রমাণং তে কার্যাকার্যব্যবস্থিতৌ ।
জ্ঞাত্বা শাস্ত্রবিধানোক্তং কর্ম কর্তুমিহার্হসি
॥ 23 ॥
শ্লোক 25
ওঁ তত্সদিতি শ্রীমদ্ভগবদ্গীতাসূপনিষত্সু ব্রহ্মবিদ্যাযাং যোগশাস্ত্রে
শ্রীকৃষ্ণার্জুনসংবাদে দৈবাসুরসম্পদ্বিভাগযোগো নাম ষোডশোঽধ্যাযঃ
॥ 24 ॥