ശ്രീമദ്ഭഗവദ്ഗീതാ മൂലമ് - ഷോഡശോഽധ്യായഃ

ശ്രീമദ്ഭഗവദ്ഗീതാ മൂലമ് - ഷോഡശോഽധ്യായഃ

ശ്ലോക 1

ഓം ശ്രീ പരമാത്മനേ നമഃ

അഥ ഷോഡശോഽധ്യായഃ ।

ദൈവാസുരസമ്പദ്വിഭാഗയോഗഃ

ശ്രീഭഗവാനുവാച

അഭയം സത്ത്വസംശുദ്ധിര്ജ്ഞാനയോഗവ്യവസ്ഥിതിഃ ।

ദാനം ദമശ്ച യജ്ഞശ്ച സ്വാധ്യായസ്തപ ആര്ജവമ്

ശ്ലോക 2

അഹിംസാ സത്യമക്രോധസ്ത്യാഗഃ ശാന്തിരപൈശുനമ് ।

ദയാ ഭൂതേഷ്വലോലുപ്ത്വം മാര്ദവം ഹ്രീരചാപലമ്

॥ 1 ॥

ശ്ലോക 3

തേജഃ ക്ഷമാ ധൃതിഃ ശൌചമദ്രോഹോ നാതിമാനിതാ ।

ഭവന്തി സമ്പദം ദൈവീമഭിജാതസ്യ ഭാരത

॥ 2 ॥

ശ്ലോക 4

ദമ്ഭോ ദര്പോഽഭിമാനശ്ച ക്രോധഃ പാരുഷ്യമേവ ച ।

അജ്ഞാനം ചാഭിജാതസ്യ പാര്ഥ സമ്പദമാസുരീമ്

॥ 3 ॥

ശ്ലോക 5

ദൈവീ സമ്പദ്വിമോക്ഷായ നിബന്ധായാസുരീ മതാ ।

മാ ശുചഃ സമ്പദം ദൈവീമഭിജാതോഽസി പാണ്ഡവ

॥ 4 ॥

ശ്ലോക 6

ദ്വൌ ഭൂതസര്ഗൌ ലോകേഽസ്മിന്ദൈവ ആസുര ഏവ ച ।

ദൈവോ വിസ്തരശഃ പ്രോക്ത ആസുരം പാര്ഥ മേ ശൃണു

॥ 5 ॥

ശ്ലോക 7

പ്രവൃത്തിം ച നിവൃത്തിം ച ജനാ ന വിദുരാസുരാഃ ।

ന ശൌചം നാപി ചാചാരോ ന സത്യം തേഷു വിദ്യതേ

॥ 6 ॥

ശ്ലോക 8

അസത്യമപ്രതിഷ്ഠം തേ ജഗദാഹുരനീശ്വരമ് ।

അപരസ്പരസമ്ഭൂതം കിമന്യത്കാമഹൈതുകമ്

॥ 7 ॥

ശ്ലോക 9

ഏതാം ദൃഷ്ടിമവഷ്ടഭ്യ നഷ്ടാത്മാനോഽല്പബുദ്ധയഃ ।

പ്രഭവന്ത്യുഗ്രകര്മാണഃ ക്ഷയായ ജഗതോഽഹിതാഃ

॥ 8 ॥

ശ്ലോക 10

കാമമാശ്രിത്യ ദുഷ്പൂരം ദമ്ഭമാനമദാന്വിതാഃ ।

മോഹാദ്ഗൃഹീത്വാസദ്ഗ്രാഹാന്പ്രവര്തന്തേഽശുചിവ്രതാഃ

॥ 9 ॥

ശ്ലോക 11

ചിന്താമപരിമേയാം ച പ്രലയാന്താമുപാശ്രിതാഃ ।

കാമോപഭോഗപരമാ ഏതാവദിതി നിശ്ചിതാഃ

॥ 10 ॥

ശ്ലോക 12

ആശാപാശശതൈര്ബദ്ധാഃ കാമക്രോധപരായണാഃ ।

ഈഹന്തേ കാമഭോഗാര്ഥമന്യായേനാര്ഥസഞ്ചയാന്

॥ 11 ॥

ശ്ലോക 13

ഇദമദ്യ മയാ ലബ്ധമിമം പ്രാപ്സ്യേ മനോരഥമ് ।

ഇദമസ്തീദമപി മേ ഭവിഷ്യതി പുനര്ധനമ്

॥ 12 ॥

ശ്ലോക 14

അസൌ മയാ ഹതഃ ശത്രുര്ഹനിഷ്യേ ചാപരാനപി ।

ഈശ്വരോഽഹമഹം ഭോഗീ സിദ്ധോഽഹം ബലവാന്സുഖീ

॥ 13 ॥

ശ്ലോക 15

ആഢ്യോഽഭിജനവാനസ്മി കോഽന്യോസ്തി സദൃശോ മയാ ।

യക്ഷ്യേ ദാസ്യാമി മോദിഷ്യ ഇത്യജ്ഞാനവിമോഹിതാഃ

॥ 14 ॥

ശ്ലോക 16

അനേകചിത്തവിഭ്രാന്താ മോഹജാലസമാവൃതാഃ ।

പ്രസക്താഃ കാമഭോഗേഷു പതന്തി നരകേഽശുചൌ

॥ 15 ॥

ശ്ലോക 17

ആത്മസമ്ഭാവിതാഃ സ്തബ്ധാ ധനമാനമദാന്വിതാഃ ।

യജന്തേ നാമയജ്ഞൈസ്തേ ദമ്ഭേനാവിധിപൂര്വകമ്

॥ 16 ॥

ശ്ലോക 18

അഹങ്കാരം ബലം ദര്പം കാമം ക്രോധം ച സംശ്രിതാഃ ।

മാമാത്മപരദേഹേഷു പ്രദ്വിഷന്തോഽഭ്യസൂയകാഃ

॥ 17 ॥

ശ്ലോക 19

താനഹം ദ്വിഷതഃ ക്രൂരാന്സംസാരേഷു നരാധമാന് ।

ക്ഷിപാമ്യജസ്രമശുഭാനാസുരീഷ്വേവ യോനിഷു

॥ 18 ॥

ശ്ലോക 20

ആസുരീം യോനിമാപന്നാ മൂഢാ ജന്മനി ജന്മനി ।

മാമപ്രാപ്യൈവ കൌന്തേയ തതോ യാന്ത്യധമാം ഗതിമ്

॥ 19 ॥

ശ്ലോക 21

ത്രിവിധം നരകസ്യേദം ദ്വാരം നാശനമാത്മനഃ ।

കാമഃ ക്രോധസ്തഥാ ലോഭസ്തസ്മാദേതത്ത്രയം ത്യജേത്

॥ 20 ॥

ശ്ലോക 22

ഏതൈര്വിമുക്തഃ കൌന്തേയ തമോദ്വാരൈസ്ത്രിഭിര്നരഃ ।

ആചരത്യാത്മനഃ ശ്രേയസ്തതോ യാതി പരാം ഗതിമ്

॥ 21 ॥

ശ്ലോക 23

യഃ ശാസ്ത്രവിധിമുത്സൃജ്യ വര്തതേ കാമകാരതഃ ।

ന സ സിദ്ധിമവാപ്നോതി ന സുഖം ന പരാം ഗതിമ്

॥ 22 ॥

ശ്ലോക 24

തസ്മാച്ഛാസ്ത്രം പ്രമാണം തേ കാര്യാകാര്യവ്യവസ്ഥിതൌ ।

ജ്ഞാത്വാ ശാസ്ത്രവിധാനോക്തം കര്മ കര്തുമിഹാര്ഹസി

॥ 23 ॥

ശ്ലോക 25

ഓം തത്സദിതി ശ്രീമദ്ഭഗവദ്ഗീതാസൂപനിഷത്സു ബ്രഹ്മവിദ്യായാം യോഗശാസ്ത്രേ

ശ്രീകൃഷ്ണാര്ജുനസംവാദേ ദൈവാസുരസമ്പദ്വിഭാഗയോഗോ നാമ ഷോഡശോഽധ്യായഃ

॥ 24 ॥

ശ്ലോക 26