Srimad Bhagawad Gita Chapter 15

ශ්රීමද්භගවද්ගීතා මූලම් - පඤ්චදශෝ(අ)ධ්යායඃ

ශ්ලොක 1

ඕං ශ්රී පරමාත්මනේ නමඃ

අථ පඤ්චදශෝ(අ)ධ්යායඃ .

පුරුෂෝත්තමප්රාප්තියෝගඃ

ශ්රීභගවානුවාච

ඌර්ධ්වමූලමධඃශාඛමශ්වත්ථං ප්රාහුරව්යයම් .

ඡන්දාංසි යස්ය පර්ණානි යස්තං වේද ස වේදවිත් .. 1 ..

අධශ්චෝර්ධ්වං ප්රසෘතාස්තස්ය ශාඛා ගුණප්රවෘද්ධා විෂයප්රවාලාඃ.

අධශ්ච මූලාන්යනුසන්තතානි කර්මානුබන්ධීනි මනුෂ්යලෝකේ .. 2 ..

න රූපමස්යේහ තථෝපලභ්යතේ නාන්තෝ න චාදිර්න ච සම්ප්රතිෂ්ඨා.

අශ්වත්ථමේනං සුවිරූඪමූලමසඞ්ගශස්ත්රේණ දෘඪේන ඡිත්ත්වා .. 3 ..

තතඃ පදං තත්පරිමාර්ගිතව්යං යස්මින්ගතා න නිවර්තන්ති භූයඃ.

තමේව චාද්යං පුරුෂං ප්රපද්යේ යතඃ ප්රවෘත්තිඃ ප්රසෘතා පුරාණී .. 4 ..

නිර්මානමෝහා ජිතසඞ්ගදෝෂා අධ්යාත්මනිත්යා විනිවෘත්තකාමාඃ.

ද්වන්ද්වෛර්විමුක්තාඃ සුඛදුඃඛසඤ්ජ්ඤෛර්ගච්ඡන්ත්යමූඪාඃ පදමව්යයං තත් .. 5 ..

න තද්භාසයතේ සූර්යෝ න ශශාඞ්කෝ න පාවකඃ .

යද්ගත්වා න නිවර්තන්තේ තද්ධාම පරමං මම .. 6 ..

මමෛවාංශෝ ජීවලෝකේ ජීවභූතඃ සනාතනඃ .

මනඃෂෂ්ඨානීන්ද්රියාණි ප්රකෘතිස්ථානි කර්ෂති .. 7 ..

ශරීරං යදවාප්නෝති යච්චාප්යුත්ක්රාමතීශ්වරඃ .

ගෘහීත්වෛතානි සංයාති වායුර්ගන්ධානිවාශයාත් .. 8 ..

ශ්රෝත්රං චක්ෂුඃ ස්පර්ශනං ච රසනං ඝ්රාණමේව ච .

අධිෂ්ඨාය මනශ්චායං විෂයානුපසේවතේ .. 9 ..

උත්ක්රාමන්තං ස්ථිතං වාපි භුඤ්ජානං වා ගුණාන්විතම් .

විමූඪා නානුපශ්යන්ති පශ්යන්ති ජ්ඤානචක්ෂුෂඃ .. 10 ..

යතන්තෝ යෝගිනශ්චෛනං පශ්යන්ත්යාත්මන්යවස්ථිතම් .

යතන්තෝ(අ)ප්යකෘතාත්මානෝ නෛනං පශ්යන්ත්යචේතසඃ .. 11 ..

යදාදිත්යගතං තේජෝ ජගද්භාසයතේ(අ)ඛිලම් .

යච්චන්ද්රමසි යච්චාග්නෞ තත්තේජෝ විද්ධි මාමකම් .. 12 ..

ගාමාවිශ්ය ච භූතානි ධාරයාම්යහමෝජසා .

පුෂ්ණාමි චෞෂධීඃ සර්වාඃ සෝමෝ භූත්වා රසාත්මකඃ .. 13 ..

අහං වෛශ්වානරෝ භූත්වා ප්රාණිනාං දේහමාශ්රිතඃ .

ප්රාණාපානසමායුක්තඃ පචාම්යන්නං චතුර්විධම් .. 14 ..

සර්වස්ය චාහං හෘදි සන්නිවිෂ්ටෝ මත්තඃ ස්මෘතිර්ජ්ඤානමපෝහනං ච.

වේදෛශ්ච සර්වෛරහමේව වේද්යෝ වේදාන්තකෘද්වේදවිදේව චාහම් .. 15 ..

ද්වාවිමෞ පුරුෂෞ ලෝකේ ක්ෂරශ්චාක්ෂර ඒව ච .

ක්ෂරඃ සර්වාණි භූතානි කූටස්ථෝ(අ)ක්ෂර උච්යතේ .. 16 ..

උත්තමඃ පුරුෂස්ත්වන්යඃ පරමාත්මේත්යුධාහෘතඃ .

යෝ ලෝකත්රයමාවිශ්ය බිභර්ත්යව්යය ඊශ්වරඃ .. 17 ..

යස්මාත්ක්ෂරමතීතෝ(අ)හමක්ෂරාදපි චෝත්තමඃ .

අතෝ(අ)ස්මි ලෝකේ වේදේ ච ප්රථිතඃ පුරුෂෝත්තමඃ .. 18 ..

යෝ මාමේවමසම්මූඪෝ ජානාති පුරුෂෝත්තමම් .

ස සර්වවිද්භජති මාං සර්වභාවේන භාරත .. 19 ..

ඉති ගුහ්යතමං ශාස්ත්රමිදමුක්තං මයානඝ .

ඒතද්බුද්ධ්වා බුද්ධිමාන්ස්යාත්කෘතකෘත්යශ්ච භාරත .. 20 ..

ඕං තත්සදිති ශ්රීමද්භගවද්ගීතාසූපනිෂත්සු බ්රහ්මවිද්යායාං යෝගශාස්ත්රේ

ශ්රීකෘෂ්ණාර්ජුනසංවාදේ පුරුෂෝත්තමයෝගෝ නාම පඤ්චදශෝ(අ)ධ්යායඃ ..15 ..