Srimad Bhagawad Gita Chapter 15
Srimad Bhagawad Gita Chapter 15
শ্রীমদ্ভগবদ্গীতা মূলম্ - পঞ্চদশোঽধ্যাযঃ
শ্লোক 1
ওঁ শ্রী পরমাত্মনে নমঃ
অথ পঞ্চদশোঽধ্যাযঃ ।
পুরুষোত্তমপ্রাপ্তিযোগঃ
শ্রীভগবানুবাচ
ঊর্ধ্বমূলমধঃশাখমশ্বত্থং প্রাহুরব্যযম্ ।
ছন্দাংসি যস্য পর্ণানি যস্তং বেদ স বেদবিত্
শ্লোক 2
অধশ্চোর্ধ্বং প্রসৃতাস্তস্য শাখা গুণপ্রবৃদ্ধা বিষযপ্রবালাঃ।
অধশ্চ মূলান্যনুসন্ততানি কর্মানুবন্ধীনি মনুষ্যলোকে
॥ 1 ॥
শ্লোক 3
ন রূপমস্যেহ তথোপলভ্যতে নান্তো ন চাদির্ন চ সম্প্রতিষ্ঠা।
অশ্বত্থমেনং সুবিরূঢমূলমসঙ্গশস্ত্রেণ দৃঢেন ছিত্ত্বা
॥ 2 ॥
শ্লোক 4
ততঃ পদং তত্পরিমার্গিতব্যং যস্মিন্গতা ন নিবর্তন্তি ভূযঃ।
তমেব চাদ্যং পুরুষং প্রপদ্যে যতঃ প্রবৃত্তিঃ প্রসৃতা পুরাণী
॥ 3 ॥
শ্লোক 5
নির্মানমোহা জিতসঙ্গদোষা অধ্যাত্মনিত্যা বিনিবৃত্তকামাঃ।
দ্বন্দ্বৈর্বিমুক্তাঃ সুখদুঃখসঞ্জ্ঞৈর্গচ্ছন্ত্যমূঢাঃ পদমব্যযং তত্
॥ 4 ॥
শ্লোক 6
ন তদ্ভাসযতে সূর্যো ন শশাঙ্কো ন পাবকঃ ।
যদ্গত্বা ন নিবর্তন্তে তদ্ধাম পরমং মম
॥ 5 ॥
শ্লোক 7
মমৈবাংশো জীবলোকে জীবভূতঃ সনাতনঃ ।
মনঃষষ্ঠানীন্দ্রিযাণি প্রকৃতিস্থানি কর্ষতি
॥ 6 ॥
শ্লোক 8
শরীরং যদবাপ্নোতি যচ্চাপ্যুত্ক্রামতীশ্বরঃ ।
গৃহীত্বৈতানি সংযাতি বাযুর্গন্ধানিবাশযাত্
॥ 7 ॥
শ্লোক 9
শ্রোত্রং চক্ষুঃ স্পর্শনং চ রসনং ঘ্রাণমেব চ ।
অধিষ্ঠায মনশ্চাযং বিষযানুপসেবতে
॥ 8 ॥
শ্লোক 10
উত্ক্রামন্তং স্থিতং বাপি ভুঞ্জানং বা গুণান্বিতম্ ।
বিমূঢা নানুপশ্যন্তি পশ্যন্তি জ্ঞানচক্ষুষঃ
॥ 9 ॥
শ্লোক 11
যতন্তো যোগিনশ্চৈনং পশ্যন্ত্যাত্মন্যবস্থিতম্ ।
যতন্তোঽপ্যকৃতাত্মানো নৈনং পশ্যন্ত্যচেতসঃ
॥ 10 ॥
শ্লোক 12
যদাদিত্যগতং তেজো জগদ্ভাসযতেঽখিলম্ ।
যচ্চন্দ্রমসি যচ্চাগ্নৌ তত্তেজো বিদ্ধি মামকম্
॥ 11 ॥
শ্লোক 13
গামাবিশ্য চ ভূতানি ধারযাম্যহমোজসা ।
পুষ্ণামি চৌষধীঃ সর্বাঃ সোমো ভূত্বা রসাত্মকঃ
॥ 12 ॥
শ্লোক 14
অহং বৈশ্বানরো ভূত্বা প্রাণিনাং দেহমাশ্রিতঃ ।
প্রাণাপানসমাযুক্তঃ পচাম্যন্নং চতুর্বিধম্
॥ 13 ॥
শ্লোক 15
সর্বস্য চাহং হৃদি সন্নিবিষ্টো মত্তঃ স্মৃতির্জ্ঞানমপোহনং চ।
বেদৈশ্চ সর্বৈরহমেব বেদ্যো বেদান্তকৃদ্বেদবিদেব চাহম্
॥ 14 ॥
শ্লোক 16
দ্বাবিমৌ পুরুষৌ লোকে ক্ষরশ্চাক্ষর এব চ ।
ক্ষরঃ সর্বাণি ভূতানি কূটস্থোঽক্ষর উচ্যতে
॥ 15 ॥
শ্লোক 17
উত্তমঃ পুরুষস্ত্বন্যঃ পরমাত্মেত্যুধাহৃতঃ ।
যো লোকত্রযমাবিশ্য বিভর্ত্যব্যয ঈশ্বরঃ
॥ 16 ॥
শ্লোক 18
যস্মাত্ক্ষরমতীতোঽহমক্ষরাদপি চোত্তমঃ ।
অতোঽস্মি লোকে বেদে চ প্রথিতঃ পুরুষোত্তমঃ
॥ 17 ॥
শ্লোক 19
যো মামেবমসম্মূঢো জানাতি পুরুষোত্তমম্ ।
স সর্ববিদ্ভজতি মাং সর্বভাবেন ভারত
॥ 18 ॥
শ্লোক 20
ইতি গুহ্যতমং শাস্ত্রমিদমুক্তং মযানঘ ।
এতদ্বুদ্ধ্বা বুদ্ধিমান্স্যাত্কৃতকৃত্যশ্চ ভারত
॥ 19 ॥
শ্লোক 21
ওঁ তত্সদিতি শ্রীমদ্ভগবদ্গীতাসূপনিষত্সু ব্রহ্মবিদ্যাযাং যোগশাস্ত্রে
শ্রীকৃষ্ণার্জুনসংবাদে পুরুষোত্তমযোগো নাম পঞ্চদশোঽধ্যাযঃ
॥ 20 ॥