Srimad Bhagawad Gita Chapter 13

শ্রীমদ্ভগবদ্গীতা মূলম্ - ত্রযোদশোঽধ্যাযঃ

শ্লোক 1

ওঁ শ্রী পরমাত্মনে নমঃ

অথ ত্রযোদশোঽধ্যাযঃ ।

ক্ষেত্রক্ষেত্রজ্ঞবিভাগযোগঃ

শ্রীভগবানুবাচ

ইদং শরীরং কৌন্তেয ক্ষেত্রমিত্যভিধীযতে ।

এতদ্যো বেত্তি তং প্রাহুঃ ক্ষেত্রজ্ঞ ইতি তদ্বিদঃ

শ্লোক 2

ক্ষেত্রজ্ঞং চাপি মাং বিদ্ধি সর্বক্ষেত্রেষু ভারত ।

ক্ষেত্রক্ষেত্রজ্ঞযোর্জ্ঞানং যত্তজ্জ্ঞানং মতং মম

॥ 1 ॥

শ্লোক 3

তত্ক্ষেত্রং যচ্চ যাদৃক্চ যদ্বিকারি যতশ্চ যত্ ।

স চ যো যত্প্রভাবশ্চ তত্সমাসেন মে শৃণু

॥ 2 ॥

শ্লোক 4

ঋষিভির্বহুধা গীতং ছন্দোভির্বিবিধৈঃ পৃথক্ ।

ব্রহ্মসূত্রপদৈশ্চৈব হেতুমদ্ভির্বিনিশ্চিতৈঃ

॥ 3 ॥

শ্লোক 5

মহাভূতান্যহঙ্কারো বুদ্ধিরব্যক্তমেব চ ।

ইন্দ্রিযাণি দশৈকং চ পঞ্চ চেন্দ্রিযগোচরাঃ

॥ 4 ॥

শ্লোক 6

ইচ্ছা দ্বেষঃ সুখং দুঃখং সঙ্ঘাতশ্চেতনা ধৃতিঃ ।

এতত্ক্ষেত্রং সমাসেন সবিকারমুদাহৃতম্

॥ 5 ॥

শ্লোক 7

অমানিত্বমদম্ভিত্বমহিংসা ক্ষান্তিরার্জবম্ ।

আচার্যোপাসনং শৌচং স্থৈর্যমাত্মবিনিগ্রহঃ

॥ 6 ॥

শ্লোক 8

ইন্দ্রিযার্থেষু বৈরাগ্যমনহঙ্কার এব চ ।

জন্ম-মৃত্যু-জরা-ব্যাধি-দুঃখদোষানুদর্শনম্

॥ 7 ॥

শ্লোক 9

অসক্তিরনভিষ্বঙ্গঃ পুত্রদারগৃহাদিষু ।

নিত্যং চ সমচিত্তত্ব-মিষ্টানিষ্টোপপত্তিষু

॥ 8 ॥

শ্লোক 10

মযি চানন্যযোগেন ভক্তিরব্যভিচারিণী ।

বিবিক্তদেশসেবিত্ব-মরতির্জনসংসদি

॥ 9 ॥

শ্লোক 11

অধ্যাত্মজ্ঞাননিত্যত্বং তত্ত্বজ্ঞানার্থদর্শনম্ ।

এতজ্জ্ঞানমিতি প্রোক্তমজ্ঞানং যদতোঽন্যথা

॥ 10 ॥

শ্লোক 12

জ্ঞেযং যত্তত্প্রবক্ষ্যামি যজ্জ্ঞাত্বামৃতমশ্নুতে ।

অনাদিমত্পরং ব্রহ্ম ন সত্তন্নাসদুচ্যতে

॥ 11 ॥

শ্লোক 13

সর্বতঃপাণিপাদং তত্সর্বতোঽক্ষিশিরোমুখম্ ।

সর্বতঃশ্রুতিমল্লোকে সর্বমাবৃত্য তিষ্ঠতি

॥ 12 ॥

শ্লোক 14

সর্বেন্দ্রিযগুণাভাসং সর্বেন্দ্রিযবিবর্জিতম্ ।

অসক্তং সর্বভৃচ্চৈব নির্গুণং গুণভোক্তৃ চ

॥ 13 ॥

শ্লোক 15

বহিরন্তশ্চ ভূতানামচরং চরমেব চ ।

সূক্ষ্মত্বাত্তদবিজ্ঞেযং দূরস্থং চান্তিকে চ তত্

॥ 14 ॥

শ্লোক 16

অবিভক্তং চ ভূতেষু বিভক্তমিব চ স্থিতম্ ।

ভূতভর্তৃ চ তজ্জ্ঞেযং গ্রসিষ্ণু প্রভবিষ্ণু চ

॥ 15 ॥

শ্লোক 17

জ্যোতিষামপি তজ্জ্যোতিস্তমসঃ পরমুচ্যতে ।

জ্ঞানং জ্ঞেযং জ্ঞানগম্যং হৃদি সর্বস্য বিষ্ঠিতম্

॥ 16 ॥

শ্লোক 18

ইতি ক্ষেত্রং তথা জ্ঞানং জ্ঞেযং চোক্তং সমাসতঃ ।

মদ্ভক্ত এতদ্বিজ্ঞায মদ্ভাবাযোপপদ্যতে

॥ 17 ॥

শ্লোক 19

প্রকৃতিং পুরুষং চৈব বিদ্ধ্যনাদি উভাবপি ।

বিকারাংশ্চ গুণাংশ্চৈব বিদ্ধি প্রকৃতিসম্ভবান্

॥ 18 ॥

শ্লোক 20

কার্যকারণকর্তৃত্বে হেতুঃ প্রকৃতিরুচ্যতে ।

পুরুষঃ সুখদুঃখানাং ভোক্তৃত্বে হেতুরুচ্যতে

॥ 19 ॥

শ্লোক 21

পুরুষঃ প্রকৃতিস্থো হি ভুঙ্ক্তে প্রকৃতিজান্গুণান্ ।

কারণং গুণসঙ্গোঽস্য সদসদ্যোনিজন্মসু

॥ 20 ॥

শ্লোক 22

উপদ্রষ্টানুমন্তা চ ভর্তা ভোক্তা মহেশ্বরঃ ।

পরমাত্মেতি চাপ্যুক্তো দেহেঽস্মিন্পুরুষঃ পরঃ

॥ 21 ॥

শ্লোক 23

য এবং বেত্তি পুরুষং প্রকৃতিং চ গুণৈঃ সহ ।

সর্বথা বর্তমানোঽপি ন স ভূযোঽভিজাযতে

॥ 22 ॥

শ্লোক 24

ধ্যানেনাত্মনি পশ্যন্তি কেচিদাত্মানমাত্মনা ।

অন্যে সাঙ্খ্যেন যোগেন কর্মযোগেন চাপরে

॥ 23 ॥

শ্লোক 25

অন্যে ত্বেবমজানন্তঃ শ্রুত্বান্যেভ্য উপাসতে ।

তেঽপি চাতিতরন্ত্যেব মৃত্যুং শ্রুতিপরাযণাঃ

॥ 24 ॥

শ্লোক 26

যাবত্সঞ্জাযতে কিঞ্চিত্সত্ত্বং স্থাবরজঙ্গমম্ ।

ক্ষেত্রক্ষেত্রজ্ঞসংযোগাত্তদ্বিদ্ধি ভরতর্ষভ

॥ 25 ॥

শ্লোক 27

সমং সর্বেষু ভূতেষু তিষ্ঠন্তং পরমেশ্বরম্ ।

বিনশ্যত্স্ববিনশ্যন্তং যঃ পশ্যতি স পশ্যতি

॥ 26 ॥

শ্লোক 28

সমং পশ্যন্হি সর্বত্র সমবস্থিতমীশ্বরম্ ।

ন হিনস্ত্যাত্মনাত্মানং ততো যাতি পরাং গতিম্

॥ 27 ॥

শ্লোক 29

প্রকৃত্যৈব চ কর্মাণি ক্রিযমাণানি সর্বশঃ ।

যঃ পশ্যতি তথাত্মানমকর্তারং স পশ্যতি

॥ 28 ॥

শ্লোক 30

যদা ভূতপৃথগ্ভাব-মেকস্থমনুপশ্যতি ।

তত এব চ বিস্তারং ব্রহ্ম সম্পদ্যতে তদা

॥ 29 ॥

শ্লোক 31

অনাদিত্বান্নির্গুণত্বা-ত্পরমাত্মাযমব্যযঃ ।

শরীরস্থোঽপি কৌন্তেয ন করোতি ন লিপ্যতে

॥ 30 ॥

শ্লোক 32

যথা সর্বগতং সৌক্ষ্ম্যাদাকাশং নোপলিপ্যতে ।

সর্বত্রাবস্থিতো দেহে তথাত্মা নোপলিপ্যতে

॥ 31 ॥

শ্লোক 33

যথা প্রকাশযত্যেকঃ কৃত্স্নং লোকমিমং রবিঃ ।

ক্ষেত্রং ক্ষেত্রী তথা কৃত্স্নং প্রকাশযতি ভারত

॥ 32 ॥

শ্লোক 34

ক্ষেত্রক্ষেত্রজ্ঞযো-রেবমন্তরং জ্ঞানচক্ষুষা ।

ভূতপ্রকৃতিমোক্ষং চ যে বিদুর্যান্তি তে পরম্

॥ 33 ॥

শ্লোক 35

ওঁ তত্সদিতি শ্রীমদ্ভগবদ্গীতাসূপনিষত্সু ব্রহ্মবিদ্যাযাং যোগশাস্ত্রে

শ্রীকৃষ্ণার্জুনসংবাদে ক্ষেত্রক্ষেত্রজ্ঞবিভাগযোগো নাম ত্রযোদশোঽধ্যাযঃ

॥ 34 ॥

শ্লোক 36