Srimad Bhagawad Gita Chapter 12

ශ්රීමද්භගවද්ගීතා මූලම් - ද්වාදශෝ(අ)ධ්යායඃ

ශ්ලොක 1

ඕං ශ්රී පරමාත්මනේ නමඃ

අථ ද්වාදශෝ(අ)ධ්යායඃ .

භක්තියෝගඃ

අර්ජුන උවාච

ඒවං සතතයුක්තා යේ භක්තාස්ත්වාං පර්යුපාසතේ .

යේ චාප්යක්ෂරමව්යක්තං තේෂාං කේ යෝගවිත්තමාඃ .. 1 ..

ශ්රීභගවානුවාච

මය්යාවේශ්ය මනෝ යේ මාං නිත්යයුක්තා උපාසතේ .

ශ්රද්ධයා පරයෝපේතාස්තේ මේ යුක්තතමා මතාඃ .. 2 ..

යේ ත්වක්ෂරමනිර්දේශ්යමව්යක්තං පර්යුපාසතේ .

සර්වත්රගමචින්ත්යං ච කූටස්ථමචලං ධ්රුවම් .. 3 ..

සන්නියම්යේන්ද්රියග්රාමං සර්වත්ර සමබුද්ධයඃ .

තේ ප්රාප්නුවන්ති මාමේව සර්වභූතහිතේ රතාඃ .. 4 ..

ක්ලේශෝ(අ)ධිකතරස්තේෂාමව්යක්තාසක්තචේතසාම් .

අව්යක්තා හි ගතිර්දුඃඛං දේහවද්භිරවාප්යතේ .. 5 ..

යේ තු සර්වාණි කර්මාණි මයි සන්න්යස්ය මත්පරාඃ .

අනන්යේනෛව යෝගේන මාං ධ්යායන්ත උපාසතේ .. 6 ..

තේෂාමහං සමුද්ධර්තා මෘත්යුසංසාරසාගරාත් .

භවාමි න චිරාත්පාර්ථ මය්යාවේශිතචේතසාම් .. 7 ..

මය්යේව මන ආධත්ස්ව මයි බුද්ධිං නිවේශය .

නිවසිෂ්යසි මය්යේව අත ඌර්ධ්වං න සංශයඃ .. 8 ..

අථ චිත්තං සමාධාතුං න ශක්නෝෂි මයි ස්ථිරම් .

අභ්යාසයෝගේන තතෝ මාමිච්ඡාප්තුං ධනඤ්ජය .. 9 ..

අභ්යාසේ(අ)ප්යසමර්ථෝ(අ)සි මත්කර්මපරමෝ භව .

මදර්ථමපි කර්මාණි කුර්වන්සිද්ධිමවාප්ස්යසි .. 10 ..

අථෛතදප්යශක්තෝ(අ)සි කර්තුං මද්යෝගමාශ්රිතඃ .

සර්වකර්මඵලත්යාගං තතඃ කුරු යතාත්මවාන් .. 11 ..

ශ්රේයෝ හි ජ්ඤානමභ්යාසාජ්ජ්ඤානාද්ධ්යානං විශිෂ්යතේ .

ධ්යානාත්කර්මඵලත්යාගස්ත්යාගාච්ඡාන්තිරනන්තරම් .. 12 ..

අද්වේෂ්ටා සර්වභූතානාං මෛත්රඃ කරුණ ඒව ච .

නිර්මමෝ නිරහඞ්කාරඃ සමදුඃඛසුඛඃ ක්ෂමී .. 13 ..

සන්තුෂ්ටඃ සතතං යෝගී යතාත්මා දෘඪනිශ්චයඃ .

මය්යර්පිතමනෝබුද්ධිර්යෝ මද්භක්තඃ ස මේ ප්රියඃ .. 14 ..

යස්මාන්නෝද්විජතේ ලෝකෝ ලෝකාන්නෝද්විජතේ ච යඃ .

හර්ෂාමර්ෂභයෝද්වේගෛර්මුක්තෝ යඃ ස ච මේ ප්රියඃ .. 15 ..

අනපේක්ෂඃ ශුචිර්දක්ෂ උදාසීනෝ ගතව්යථඃ .

සර්වාරම්භපරිත්යාගී යෝ මද්භක්තඃ ස මේ ප්රියඃ .. 16 ..

යෝ න හෘෂ්යති න ද්වේෂ්ටි න ශෝචති න කාඞ්ක්ෂති .

ශුභාශුභපරිත්යාගී භක්තිමාන්යඃ ස මේ ප්රියඃ .. 17 ..

සමඃ ශත්රෞ ච මිත්රේ ච තථා මානාපමානයෝඃ .

ශීතෝෂ්ණසුඛදුඃඛේෂු සමඃ සඞ්ගවිවර්ජිතඃ .. 18 ..

තුල්යනින්දාස්තුතිර්මෞනී සන්තුෂ්ටෝ යේන කේනචිත් .

අනිකේතඃ ස්ථිරමතිර්භක්තිමාන්මේ ප්රියෝ නරඃ .. 19 ..

යේ තු ධර්ම්යාමෘතමිදං යථෝක්තං පර්යුපාසතේ .

ශ්රද්දධානා මත්පරමා භක්තාස්තේ(අ)තීව මේ ප්රියාඃ .. 20 ..

ඕං තත්සදිති ශ්රීමද්භගවද්ගීතාසූපනිෂත්සු බ්රහ්මවිද්යායාං යෝගශාස්ත්රේ

ශ්රීකෘෂ්ණාර්ජුනසංවාදේ භක්තියෝගෝ නාම ද්වාදශෝ(අ)ධ්යායඃ ..12 ..