Srimad Bhagawad Gita Chapter 12

শ্রীমদ্ভগবদ্গীতা মূলম্ - দ্বাদশোঽধ্যাযঃ

শ্লোক 1

ওঁ শ্রী পরমাত্মনে নমঃ

অথ দ্বাদশোঽধ্যাযঃ ।

ভক্তিযোগঃ

অর্জুন উবাচ

এবং সততযুক্তা যে ভক্তাস্ত্বাং পর্যুপাসতে ।

যে চাপ্যক্ষরমব্যক্তং তেষাং কে যোগবিত্তমাঃ

শ্লোক 2

শ্রীভগবানুবাচ

ময্যাবেশ্য মনো যে মাং নিত্যযুক্তা উপাসতে ।

শ্রদ্ধযা পরযোপেতাস্তে মে যুক্ততমা মতাঃ

॥ 1 ॥

শ্লোক 3

যে ত্বক্ষরমনির্দেশ্যমব্যক্তং পর্যুপাসতে ।

সর্বত্রগমচিন্ত্যং চ কূটস্থমচলং ধ্রুবম্

॥ 2 ॥

শ্লোক 4

সন্নিযম্যেন্দ্রিযগ্রামং সর্বত্র সমবুদ্ধযঃ ।

তে প্রাপ্নুবন্তি মামেব সর্বভূতহিতে রতাঃ

॥ 3 ॥

শ্লোক 5

ক্লেশোঽধিকতরস্তেষামব্যক্তাসক্তচেতসাম্ ।

অব্যক্তা হি গতির্দুঃখং দেহবদ্ভিরবাপ্যতে

॥ 4 ॥

শ্লোক 6

যে তু সর্বাণি কর্মাণি মযি সন্ন্যস্য মত্পরাঃ ।

অনন্যেনৈব যোগেন মাং ধ্যাযন্ত উপাসতে

॥ 5 ॥

শ্লোক 7

তেষামহং সমুদ্ধর্তা মৃত্যুসংসারসাগরাত্ ।

ভবামি ন চিরাত্পার্থ ময্যাবেশিতচেতসাম্

॥ 6 ॥

শ্লোক 8

ময্যেব মন আধত্স্ব মযি বুদ্ধিং নিবেশয ।

নিবসিষ্যসি ময্যেব অত ঊর্ধ্বং ন সংশযঃ

॥ 7 ॥

শ্লোক 9

অথ চিত্তং সমাধাতুং ন শক্নোষি মযি স্থিরম্ ।

অভ্যাসযোগেন ততো মামিচ্ছাপ্তুং ধনঞ্জয

॥ 8 ॥

শ্লোক 10

অভ্যাসেঽপ্যসমর্থোঽসি মত্কর্মপরমো ভব ।

মদর্থমপি কর্মাণি কুর্বন্সিদ্ধিমবাপ্স্যসি

॥ 9 ॥

শ্লোক 11

অথৈতদপ্যশক্তোঽসি কর্তুং মদ্যোগমাশ্রিতঃ ।

সর্বকর্মফলত্যাগং ততঃ কুরু যতাত্মবান্

॥ 10 ॥

শ্লোক 12

শ্রেযো হি জ্ঞানমভ্যাসাজ্জ্ঞানাদ্ধ্যানং বিশিষ্যতে ।

ধ্যানাত্কর্মফলত্যাগস্ত্যাগাচ্ছান্তিরনন্তরম্

॥ 11 ॥

শ্লোক 13

অদ্বেষ্টা সর্বভূতানাং মৈত্রঃ করুণ এব চ ।

নির্মমো নিরহঙ্কারঃ সমদুঃখসুখঃ ক্ষমী

॥ 12 ॥

শ্লোক 14

সন্তুষ্টঃ সততং যোগী যতাত্মা দৃঢনিশ্চযঃ ।

ময্যর্পিতমনোবুদ্ধির্যো মদ্ভক্তঃ স মে প্রিযঃ

॥ 13 ॥

শ্লোক 15

যস্মান্নোদ্বিজতে লোকো লোকান্নোদ্বিজতে চ যঃ ।

হর্ষামর্ষভযোদ্বেগৈর্মুক্তো যঃ স চ মে প্রিযঃ

॥ 14 ॥

শ্লোক 16

অনপেক্ষঃ শুচির্দক্ষ উদাসীনো গতব্যথঃ ।

সর্বারম্ভপরিত্যাগী যো মদ্ভক্তঃ স মে প্রিযঃ

॥ 15 ॥

শ্লোক 17

যো ন হৃষ্যতি ন দ্বেষ্টি ন শোচতি ন কাঙ্ক্ষতি ।

শুভাশুভপরিত্যাগী ভক্তিমান্যঃ স মে প্রিযঃ

॥ 16 ॥

শ্লোক 18

সমঃ শত্রৌ চ মিত্রে চ তথা মানাপমানযোঃ ।

শীতোষ্ণসুখদুঃখেষু সমঃ সঙ্গবিবর্জিতঃ

॥ 17 ॥

শ্লোক 19

তুল্যনিন্দাস্তুতির্মৌনী সন্তুষ্টো যেন কেনচিত্ ।

অনিকেতঃ স্থিরমতির্ভক্তিমান্মে প্রিযো নরঃ

॥ 18 ॥

শ্লোক 20

যে তু ধর্ম্যামৃতমিদং যথোক্তং পর্যুপাসতে ।

শ্রদ্দধানা মত্পরমা ভক্তাস্তেঽতীব মে প্রিযাঃ

॥ 19 ॥

শ্লোক 21

ওঁ তত্সদিতি শ্রীমদ্ভগবদ্গীতাসূপনিষত্সু ব্রহ্মবিদ্যাযাং যোগশাস্ত্রে

শ্রীকৃষ্ণার্জুনসংবাদে ভক্তিযোগো নাম দ্বাদশোঽধ্যাযঃ

॥ 20 ॥

শ্লোক 22