ශ්රීමද්භගවද්ගීතා මූලම් - ඒකාදශෝ(අ)ධ්යායඃ

ඕං ශ්රී පරමාත්මනේ නමඃ

අථ ඒකාදශෝ(අ)ධ්යායඃ .

විශ්වරූපසන්දර්ශනයෝගඃ

අර්ජුන උවාච

මදනුග්රහාය පරමං ගුහ්යමධ්යාත්මසඤ්ජ්ඤිතම් .

යත්ත්වයෝක්තං වචස්තේන මෝහෝ(අ)යං විගතෝ මම .. 1 ..

භවාප්යයෞ හි භූතානාං ශ්රුතෞ විස්තරශෝ මයා .

ත්වත්තඃ කමලපත්රාක්ෂ මාහාත්ම්යමපි චාව්යයම් .. 2 ..

ඒවමේතද්යථාත්ථ ත්වමාත්මානං පරමේශ්වර .

ද්රෂ්ටුමිච්ඡාමි තේ රූපමෛශ්වරං පුරුෂෝත්තම .. 3 ..

මන්යසේ යදි තච්ඡක්යං මයා ද්රෂ්ටුමිති ප්රභෝ .

යෝගේශ්වර තතෝ මේ ත්වං දර්ශයාත්මානමව්යයම් .. 4 ..

ශ්රීභගවානුවාච

පශ්ය මේ පාර්ථ රූපාණි ශතශෝ(අ)ථ සහස්රශඃ .

නානාවිධානි දිව්යානි නානාවර්ණාකෘතීනි ච .. 5 ..

පශ්යාදිත්යාන්වසූන්රුද්රානශ්විනෞ මරුතස්තථා .

බහූන්යදෘෂ්ටපූර්වාණි පශ්යාශ්චර්යාණි භාරත .. 6 ..

ඉහෛකස්ථං ජගත්කෘත්ස්නං පශ්යාද්ය සචරාචරම් .

මම දේහේ ගුඩාකේශ යච්චාන්යද්ද්රෂ්ටුමිච්ඡසි .. 7 ..

න තු මාං ශක්යසේ ද්රෂ්ටුමනේනෛව ස්වචක්ෂුෂා .

දිව්යං දදාමි තේ චක්ෂුඃ පශ්ය මේ යෝගමෛශ්වරම් .. 8 ..

සඤ්ජය උවාච

ඒවමුක්ත්වා තතෝ රාජන්මහායෝගේශ්වරෝ හරිඃ .

දර්ශයාමාස පාර්ථාය පරමං රූපමෛශ්වරම් .. 9 ..

අනේකවක්ත්රනයන-මනේකාද්භුතදර්ශනම් .

අනේකදිව්යාභරණං දිව්යානේකෝද්යතායුධම් .. 10 ..

දිව්යමාල්යාම්බරධරං දිව්යගන්ධානුලේපනම් .

සර්වාශ්චර්යමයං දේවමනන්තං විශ්වතෝමුඛම් .. 11 ..

දිවි සූර්යසහස්රස්ය භවේද්යුගපදුත්ථිතා .

යදි භාඃ සදෘශී සා ස්යාද්භාසස්තස්ය මහාත්මනඃ .. 12 ..

තත්රෛකස්ථං ජගත්කෘත්ස්නං ප්රවිභක්තමනේකධා .

අපශ්යද්දේවදේවස්ය ශරීරේ පාණ්ඩවස්තදා .. 13 ..

තතඃ ස විස්මයාවිෂ්ටෝ හෘෂ්ටරෝමා ධනඤ්ජයඃ .

ප්රණම්ය ශිරසා දේවං කෘතාඤ්ජලිරභාෂත .. 14 ..

අර්ජුන උවාච

පශ්යාමි දේවාංස්තව දේව දේහේ සර්වාංස්තථා භූතවිශේෂසඞ්ඝාන්.

බ්රහ්මාණමීශං කමලාසනස්ථ-මෘෂීංශ්ච සර්වානුරගාංශ්ච දිව්යාන් .. 15 ..

අනේකබාහූදරවක්ත්රනේත්රං පශ්යාමි ත්වාං සර්වතෝ(අ)නන්තරූපම්.

නාන්තං න මධ්යං න පුනස්තවාදිං පශ්යාමි විශ්වේශ්වර විශ්වරූප .. 16 ..

කිරීටිනං ගදිනං චක්රිණං ච තේජෝරාශිං සර්වතෝ දීප්තිමන්තම්.

පශ්යාමි ත්වාං දුර්නිරීක්ෂ්යං සමන්තාද්දීප්තානලාර්කද්යුතිමප්රමේයම් .. 17 ..

ත්වමක්ෂරං පරමං වේදිතව්යං ත්වමස්ය විශ්වස්ය පරං නිධානම්.

ත්වමව්යයඃ ශාශ්වතධර්මගෝප්තා සනාතනස්ත්වං පුරුෂෝ මතෝ මේ .. 18 ..

අනාදිමධ්යාන්තමනන්තවීර්ය-මනන්තබාහුං ශශිසූර්යනේත්රම්.

පශ්යාමි ත්වාං දීප්තහුතාශවක්ත්රං ස්වතේජසා විශ්වමිදං තපන්තම් .. 19 ..

ද්යාවාපෘථිව්යෝරිදමන්තරං හි ව්යාප්තං ත්වයෛකේන දිශශ්ච සර්වාඃ.

දෘෂ්ට්වාද්භුතං රූපමුග්රං තවේදං ලෝකත්රයං ප්රව්යථිතං මහාත්මන් .. 20 ..

අමී හි ත්වාං සුරසඞ්ඝා විශන්ති කේචිද්භීතාඃ ප්රාඤ්ජලයෝ ගෘණන්ති.

ස්වස්තීත්යුක්ත්වා මහර්ෂිසිද්ධසඞ්ඝාඃ ස්තුවන්ති ත්වාං ස්තුතිභිඃ පුෂ්කලාභිඃ .. 21 ..

රුද්රාදිත්යා වසවෝ යේ ච සාධ්යා විශ්වේ(අ)ශ්විනෞ මරුතශ්චෝෂ්මපාශ්ච.

ගන්ධර්වයක්ෂාසුරසිද්ධසඞ්ඝා වීක්ෂන්තේ ත්වාං විස්මිතාශ්චෛව සර්වේ .. 22 ..

රූපං මහත්තේ බහුවක්ත්රනේත්රං මහාබාහෝ බහුබාහූරුපාදම්.

බහූදරං බහුදංෂ්ට්රාකරාලං දෘෂ්ට්වා ලෝකාඃ ප්රව්යථිතාස්තථාහම් .. 23 ..

නභඃස්පෘශං දීප්තමනේකවර්ණං ව්යාත්තානනං දීප්තවිශාලනේත්රම්.

දෘෂ්ට්වා හි ත්වාං ප්රව්යථිතාන්තරාත්මා ධෘතිං න වින්දාමි ශමං ච විෂ්ණෝ .. 24 ..

දංෂ්ට්රාකරාලානි ච තේ මුඛානි දෘෂ්ට්වෛව කාලානලසන්නිභානි.

දිශෝ න ජානේ න ලභේ ච ශර්ම ප්රසීද දේවේශ ජගන්නිවාස .. 25 ..

අමී ච ත්වාං ධෘතරාෂ්ට්රස්ය පුත්රාඃ සර්වේ සහෛවාවනිපාලසඞ්ඝෛඃ.

භීෂ්මෝ ද්රෝණඃ සූතපුත්රස්තථාසෞ සහාස්මදීයෛරපි යෝධමුඛ්යෛඃ .. 26 ..

වක්ත්රාණි තේ ත්වරමාණා විශන්ති දංෂ්ට්රාකරාලානි භයානකානි.

කේචිද්විලග්නා දශනාන්තරේෂු සන්දෘශ්යන්තේ චූර්ණිතෛරුත්තමාඞ්ගෛඃ .. 27 ..

යථා නදීනාං බහවෝ(අ)ම්බුවේගාඃ සමුද්රමේවාභිමුඛා ද්රවන්ති.

තථා තවාමී නරලෝකවීරා විශන්ති වක්ත්රාණ්යභිවිජ්වලන්ති .. 28 ..

යථා ප්රදීප්තං ජ්වලනං පතඞ්ගා විශන්ති නාශාය සමෘද්ධවේගාඃ.

තථෛව නාශාය විශන්ති ලෝකාස්තවාපි වක්ත්රාණි සමෘද්ධවේගාඃ .. 29 ..

ලේලිහ්යසේ ග්රසමානඃ සමන්තාල්ලෝකාන්සමග්රා-න්වදනෛර්ජ්වලද්භිඃ.

තේජෝභිරාපූර්ය ජගත්සමග්රං භාසස්තවෝග්රාඃ ප්රතපන්ති විෂ්ණෝ .. 30 ..

ආඛ්යාහි මේ කෝ භවානුග්රරූපෝ නමෝ(අ)ස්තු තේ දේවවර ප්රසීද.

විජ්ඤාතුමිච්ඡාමි භවන්තමාද්යං න හි ප්රජානාමි තව ප්රවෘත්තිම් .. 31 ..

ශ්රීභගවානුවාච

කාලෝ(අ)ස්මි ලෝකක්ෂයකෘත්ප්රවෘද්ධෝ ලෝකාන්සමාහර්තුමිහ ප්රවෘත්තඃ.

ඍතේ(අ)පි ත්වාං න භවිෂ්යන්ති සර්වේ යේ(අ)වස්ථිතාඃ ප්රත්යනීකේෂු යෝධාඃ .. 32 ..

තස්මාත්ත්වමුත්තිෂ්ඨ යශෝ ලභස්ව ජිත්වා ශත්රූන්භුඞ්ක්ෂ්ව රාජ්යං සමෘද්ධම්.

මයෛවෛතේ නිහතාඃ පූර්වමේව නිමිත්තමාත්රං භව සව්යසාචින් .. 33 ..

ද්රෝණං ච භීෂ්මං ච ජයද්රථං ච කර්ණං තථාන්යානපි යෝධවීරාන්.

මයා හතාංස්ත්වං ජහි මා ව්යථිෂ්ඨා යුධ්යස්ව ජේතාසි රණේ සපත්නාන් .. 34 ..

සඤ්ජය උවාච

ඒතච්ඡ්රුත්වා වචනං කේශවස්ය කෘතාඤ්ජලිර්වේපමානඃ කිරීටී.

නමස්කෘත්වා භූය ඒවාහ කෘෂ්ණං සගද්ගදං භීතභීතඃ ප්රණම්ය .. 35 ..

අර්ජුන උවාච

ස්ථානේ හෘෂීකේශ තව ප්රකීර්ත්යා ජගත්ප්රහෘෂ්යත්යනුරජ්යතේ ච.

රක්ෂාංසි භීතානි දිශෝ ද්රවන්ති සර්වේ නමස්යන්ති ච සිද්ධසඞ්ඝාඃ .. 36 ..

කස්මාච්ච තේ න නමේරන්මහාත්මන්ගරීයසේ බ්රහ්මණෝ(අ)ප්යාදිකර්ත්රේ.

අනන්ත දේවේශ ජගන්නිවාස ත්වමක්ෂරං සදසත්තත්පරං යත් .. 37 ..

ත්වමාදිදේවඃ පුරුෂඃ පුරාණස්ත්වමස්ය විශ්වස්ය පරං නිධානම්.

වේත්තාසි වේද්යං ච පරං ච ධාම ත්වයා තතං විශ්වමනන්තරූප .. 38 ..

වායුර්යමෝ(අ)ග්නිර්වරුණඃ ශශාඞ්කඃ ප්රජාපතිස්ත්වං ප්රපිතාමහශ්ච.

නමෝ නමස්තේ(අ)ස්තු සහස්රකෘත්වඃ පුනශ්ච භූයෝ(අ)පි නමෝ නමස්තේ .. 39 ..

නමඃ පුරස්තාදථ පෘෂ්ඨතස්තේ නමෝ(අ)ස්තු තේ සර්වත ඒව සර්ව.

අනන්තවීර්යාමිතවික්රමස්ත්වං සර්වං සමාප්නෝෂි තතෝ(අ)සි සර්වඃ .. 40 ..

සඛේති මත්වා ප්රසභං යදුක්තං හේ කෘෂ්ණ හේ යාදව හේ සඛේති.

අජානතා මහිමානං තවේදං මයා ප්රමාදාත්ප්රණයේන වාපි .. 41 ..

යච්චාවහාසාර්ථමසත්කෘතෝ(අ)සි විහාරශය්යාසනභෝජනේෂු.

ඒකෝ(අ)ථවාප්යච්යුත තත්සමක්ෂං තත්ක්ෂාමයේ ත්වාමහමප්රමේයම් .. 42 ..

පිතාසි ලෝකස්ය චරාචරස්ය ත්වමස්ය පූජ්යශ්ච ගුරුර්ගරීයාන්.

න ත්වත්සමෝ(අ)ස්ත්යභ්යධිකඃ කුතෝ(අ)න්යෝ ලෝකත්රයේ(අ)ප්යප්රතිමප්රභාව .. 43 ..

තස්මාත්ප්රණම්ය ප්රණිධාය කායං ප්රසාදයේ ත්වාමහමීශමීඩ්යම්.

පිතේව පුත්රස්ය සඛේව සඛ්යුඃ ප්රියඃ ප්රියායාර්හසි දේව සෝඪුම් .. 44 ..

අදෘෂ්ටපූර්වං හෘෂිතෝ(අ)ස්මි දෘෂ්ට්වා භයේන ච ප්රව්යථිතං මනෝ මේ.

තදේව මේ දර්ශය දේවරූපං ප්රසීද දේවේශ ජගන්නිවාස .. 45 ..

කිරීටිනං ගදිනං චක්රහස්තමිච්ඡාමි ත්වාං ද්රෂ්ටුමහං තථෛව.

තේනෛව රූපේණ චතුර්භුජේන සහස්රබාහෝ භව විශ්වමූර්තේ .. 46 ..

ශ්රීභගවානුවාච

මයා ප්රසන්නේන තවාර්ජුනේදං රූපං පරං දර්ශිතමාත්මයෝගාත්.

තේජෝමයං විශ්වමනන්තමාද්යං යන්මේ ත්වදන්යේන න දෘෂ්ටපූර්වම් .. 47 ..

න වේදයජ්ඤාධ්යයනෛර්න දානෛර්න ච ක්රියාභිර්න තපෝභිරුග්රෛඃ.

ඒවංරූපඃ ශක්ය අහං නෘලෝකේ ද්රෂ්ටුං ත්වදන්යේන කුරුප්රවීර .. 48 ..

මා තේ ව්යථා මා ච විමූඪභාවෝ දෘෂ්ට්වා රූපං ඝෝරමීදෘඞ්මමේදම්.

ව්යපේතභීඃ ප්රීතමනාඃ පුනස්ත්වං තදේව මේ රූපමිදං ප්රපශ්ය .. 49 ..

සඤ්ජය උවාච

ඉත්යර්ජුනං වාසුදේවස්තථෝක්ත්වා ස්වකං රූපං දර්ශයාමාස භූයඃ.

ආශ්වාසයාමාස ච භීතමේනං භූත්වා පුනඃ සෞම්යවපුර්මහාත්මා .. 50 ..

අර්ජුන උවාච

දෘෂ්ට්වේදං මානුෂං රූපං තව සෞම්යං ජනාර්දන .

ඉදානීමස්මි සංවෘත්තඃ සචේතාඃ ප්රකෘතිං ගතඃ .. 51 ..

ශ්රීභගවානුවාච

සුදුර්දර්ශමිදං රූපං දෘෂ්ටවානසි යන්මම .

දේවා අප්යස්ය රූපස්ය නිත්යං දර්ශනකාඞ්ක්ෂිණඃ .. 52 ..

නාහං වේදෛර්න තපසා න දානේන න චේජ්යයා .

ශක්ය ඒවංවිධෝ ද්රෂ්ටුං දෘෂ්ටවානසි මාං යථා .. 53 ..

භක්ත්යා ත්වනන්යයා ශක්ය අහමේවංවිධෝ(අ)ර්ජුන .

ජ්ඤාතුං ද්රෂ්ටුං ච තත්ත්වේන ප්රවේෂ්ටුං ච පරන්තප .. 54 ..

මත්කර්මකෘන්මත්පරමෝ මද්භක්තඃ සඞ්ගවර්ජිතඃ .

නිර්වෛරඃ සර්වභූතේෂු යඃ ස මාමේති පාණ්ඩව .. 55 ..

ඕං තත්සදිති ශ්රීමද්භගවද්ගීතාසූපනිෂත්සු බ්රහ්මවිද්යායාං යෝගශාස්ත්රේ

ශ්රීකෘෂ්ණාර්ජුනසංවාදේ විශ්වරූපදර්ශනයෝගෝ නාමෛකාදශෝ(අ)ධ්යායඃ ..11 ..