Srimad Bhagawad Gita Chapter 11

শ্রীমদ্ভগবদ্গীতা মূলম্ - একাদশোঽধ্যাযঃ

শ্লোক 1

ওঁ শ্রী পরমাত্মনে নমঃ

অথ একাদশোঽধ্যাযঃ ।

বিশ্বরূপসন্দর্শনযোগঃ

অর্জুন উবাচ

মদনুগ্রহায পরমং গুহ্যমধ্যাত্মসঞ্জ্ঞিতম্ ।

যত্ত্বযোক্তং বচস্তেন মোহোঽযং বিগতো মম

শ্লোক 2

ভবাপ্যযৌ হি ভূতানাং শ্রুতৌ বিস্তরশো মযা ।

ত্বত্তঃ কমলপত্রাক্ষ মাহাত্ম্যমপি চাব্যযম্

॥ 1 ॥

শ্লোক 3

এবমেতদ্যথাত্থ ত্বমাত্মানং পরমেশ্বর ।

দ্রষ্টুমিচ্ছামি তে রূপমৈশ্বরং পুরুষোত্তম

॥ 2 ॥

শ্লোক 4

মন্যসে যদি তচ্ছক্যং মযা দ্রষ্টুমিতি প্রভো ।

যোগেশ্বর ততো মে ত্বং দর্শযাত্মানমব্যযম্

॥ 3 ॥

শ্লোক 5

শ্রীভগবানুবাচ

পশ্য মে পার্থ রূপাণি শতশোঽথ সহস্রশঃ ।

নানাবিধানি দিব্যানি নানাবর্ণাকৃতীনি চ

॥ 4 ॥

শ্লোক 6

পশ্যাদিত্যান্বসূন্রুদ্রানশ্বিনৌ মরুতস্তথা ।

বহূন্যদৃষ্টপূর্বাণি পশ্যাশ্চর্যাণি ভারত

॥ 5 ॥

শ্লোক 7

ইহৈকস্থং জগত্কৃত্স্নং পশ্যাদ্য সচরাচরম্ ।

মম দেহে গুডাকেশ যচ্চান্যদ্দ্রষ্টুমিচ্ছসি

॥ 6 ॥

শ্লোক 8

ন তু মাং শক্যসে দ্রষ্টুমনেনৈব স্বচক্ষুষা ।

দিব্যং দদামি তে চক্ষুঃ পশ্য মে যোগমৈশ্বরম্

॥ 7 ॥

শ্লোক 9

সঞ্জয উবাচ

এবমুক্ত্বা ততো রাজন্মহাযোগেশ্বরো হরিঃ ।

দর্শযামাস পার্থায পরমং রূপমৈশ্বরম্

॥ 8 ॥

শ্লোক 10

অনেকবক্ত্রনযন-মনেকাদ্ভুতদর্শনম্ ।

অনেকদিব্যাভরণং দিব্যানেকোদ্যতাযুধম্

॥ 9 ॥

শ্লোক 11

দিব্যমাল্যাম্বরধরং দিব্যগন্ধানুলেপনম্ ।

সর্বাশ্চর্যমযং দেবমনন্তং বিশ্বতোমুখম্

॥ 10 ॥

শ্লোক 12

দিবি সূর্যসহস্রস্য ভবেদ্যুগপদুত্থিতা ।

যদি ভাঃ সদৃশী সা স্যাদ্ভাসস্তস্য মহাত্মনঃ

॥ 11 ॥

শ্লোক 13

তত্রৈকস্থং জগত্কৃত্স্নং প্রবিভক্তমনেকধা ।

অপশ্যদ্দেবদেবস্য শরীরে পাণ্ডবস্তদা

॥ 12 ॥

শ্লোক 14

ততঃ স বিস্মযাবিষ্টো হৃষ্টরোমা ধনঞ্জযঃ ।

প্রণম্য শিরসা দেবং কৃতাঞ্জলিরভাষত

॥ 13 ॥

শ্লোক 15

অর্জুন উবাচ

পশ্যামি দেবাংস্তব দেব দেহে সর্বাংস্তথা ভূতবিশেষসঙ্ঘান্।

ব্রহ্মাণমীশং কমলাসনস্থ-মৃষীংশ্চ সর্বানুরগাংশ্চ দিব্যান্

॥ 14 ॥

শ্লোক 16

অনেকবাহূদরবক্ত্রনেত্রং পশ্যামি ত্বাং সর্বতোঽনন্তরূপম্।

নান্তং ন মধ্যং ন পুনস্তবাদিং পশ্যামি বিশ্বেশ্বর বিশ্বরূপ

॥ 15 ॥

শ্লোক 17

কিরীটিনং গদিনং চক্রিণং চ তেজোরাশিং সর্বতো দীপ্তিমন্তম্।

পশ্যামি ত্বাং দুর্নিরীক্ষ্যং সমন্তাদ্দীপ্তানলার্কদ্যুতিমপ্রমেযম্

॥ 16 ॥

শ্লোক 18

ত্বমক্ষরং পরমং বেদিতব্যং ত্বমস্য বিশ্বস্য পরং নিধানম্।

ত্বমব্যযঃ শাশ্বতধর্মগোপ্তা সনাতনস্ত্বং পুরুষো মতো মে

॥ 17 ॥

শ্লোক 19

অনাদিমধ্যান্তমনন্তবীর্য-মনন্তবাহুং শশিসূর্যনেত্রম্।

পশ্যামি ত্বাং দীপ্তহুতাশবক্ত্রং স্বতেজসা বিশ্বমিদং তপন্তম্

॥ 18 ॥

শ্লোক 20

দ্যাবাপৃথিব্যোরিদমন্তরং হি ব্যাপ্তং ত্বযৈকেন দিশশ্চ সর্বাঃ।

দৃষ্ট্বাদ্ভুতং রূপমুগ্রং তবেদং লোকত্রযং প্রব্যথিতং মহাত্মন্

॥ 19 ॥

শ্লোক 21

অমী হি ত্বাং সুরসঙ্ঘা বিশন্তি কেচিদ্ভীতাঃ প্রাঞ্জলযো গৃণন্তি।

স্বস্তীত্যুক্ত্বা মহর্ষিসিদ্ধসঙ্ঘাঃ স্তুবন্তি ত্বাং স্তুতিভিঃ পুষ্কলাভিঃ

॥ 20 ॥

শ্লোক 22

রুদ্রাদিত্যা বসবো যে চ সাধ্যা বিশ্বেঽশ্বিনৌ মরুতশ্চোষ্মপাশ্চ।

গন্ধর্বযক্ষাসুরসিদ্ধসঙ্ঘা বীক্ষন্তে ত্বাং বিস্মিতাশ্চৈব সর্বে

॥ 21 ॥

শ্লোক 23

রূপং মহত্তে বহুবক্ত্রনেত্রং মহাবাহো বহুবাহূরুপাদম্।

বহূদরং বহুদংষ্ট্রাকরালং দৃষ্ট্বা লোকাঃ প্রব্যথিতাস্তথাহম্

॥ 22 ॥

শ্লোক 24

নভঃস্পৃশং দীপ্তমনেকবর্ণং ব্যাত্তাননং দীপ্তবিশালনেত্রম্।

দৃষ্ট্বা হি ত্বাং প্রব্যথিতান্তরাত্মা ধৃতিং ন বিন্দামি শমং চ বিষ্ণো

॥ 23 ॥

শ্লোক 25

দংষ্ট্রাকরালানি চ তে মুখানি দৃষ্ট্বৈব কালানলসন্নিভানি।

দিশো ন জানে ন লভে চ শর্ম প্রসীদ দেবেশ জগন্নিবাস

॥ 24 ॥

শ্লোক 26

অমী চ ত্বাং ধৃতরাষ্ট্রস্য পুত্রাঃ সর্বে সহৈবাবনিপালসঙ্ঘৈঃ।

ভীষ্মো দ্রোণঃ সূতপুত্রস্তথাসৌ সহাস্মদীযৈরপি যোধমুখ্যৈঃ

॥ 25 ॥

শ্লোক 27

বক্ত্রাণি তে ত্বরমাণা বিশন্তি দংষ্ট্রাকরালানি ভযানকানি।

কেচিদ্বিলগ্না দশনান্তরেষু সন্দৃশ্যন্তে চূর্ণিতৈরুত্তমাঙ্গৈঃ

॥ 26 ॥

শ্লোক 28

যথা নদীনাং বহবোঽম্বুবেগাঃ সমুদ্রমেবাভিমুখা দ্রবন্তি।

তথা তবামী নরলোকবীরা বিশন্তি বক্ত্রাণ্যভিবিজ্বলন্তি

॥ 27 ॥

শ্লোক 29

যথা প্রদীপ্তং জ্বলনং পতঙ্গা বিশন্তি নাশায সমৃদ্ধবেগাঃ।

তথৈব নাশায বিশন্তি লোকাস্তবাপি বক্ত্রাণি সমৃদ্ধবেগাঃ

॥ 28 ॥

শ্লোক 30

লেলিহ্যসে গ্রসমানঃ সমন্তাল্লোকান্সমগ্রা-ন্বদনৈর্জ্বলদ্ভিঃ।

তেজোভিরাপূর্য জগত্সমগ্রং ভাসস্তবোগ্রাঃ প্রতপন্তি বিষ্ণো

॥ 29 ॥

শ্লোক 31

আখ্যাহি মে কো ভবানুগ্ররূপো নমোঽস্তু তে দেববর প্রসীদ।

বিজ্ঞাতুমিচ্ছামি ভবন্তমাদ্যং ন হি প্রজানামি তব প্রবৃত্তিম্

॥ 30 ॥

শ্লোক 32

শ্রীভগবানুবাচ

কালোঽস্মি লোকক্ষযকৃত্প্রবৃদ্ধো লোকান্সমাহর্তুমিহ প্রবৃত্তঃ।

ঋতেঽপি ত্বাং ন ভবিষ্যন্তি সর্বে যেঽবস্থিতাঃ প্রত্যনীকেষু যোধাঃ

॥ 31 ॥

শ্লোক 33

তস্মাত্ত্বমুত্তিষ্ঠ যশো লভস্ব জিত্বা শত্রূন্ভুঙ্ক্ষ্ব রাজ্যং সমৃদ্ধম্।

মযৈবৈতে নিহতাঃ পূর্বমেব নিমিত্তমাত্রং ভব সব্যসাচিন্

॥ 32 ॥

শ্লোক 34

দ্রোণং চ ভীষ্মং চ জযদ্রথং চ কর্ণং তথান্যানপি যোধবীরান্।

মযা হতাংস্ত্বং জহি মা ব্যথিষ্ঠা যুধ্যস্ব জেতাসি রণে সপত্নান্

॥ 33 ॥

শ্লোক 35

সঞ্জয উবাচ

এতচ্ছ্রুত্বা বচনং কেশবস্য কৃতাঞ্জলির্বেপমানঃ কিরীটী।

নমস্কৃত্বা ভূয এবাহ কৃষ্ণং সগদ্গদং ভীতভীতঃ প্রণম্য

॥ 34 ॥

শ্লোক 36

অর্জুন উবাচ

স্থানে হৃষীকেশ তব প্রকীর্ত্যা জগত্প্রহৃষ্যত্যনুরজ্যতে চ।

রক্ষাংসি ভীতানি দিশো দ্রবন্তি সর্বে নমস্যন্তি চ সিদ্ধসঙ্ঘাঃ

॥ 35 ॥

শ্লোক 37

কস্মাচ্চ তে ন নমেরন্মহাত্মন্গরীযসে ব্রহ্মণোঽপ্যাদিকর্ত্রে।

অনন্ত দেবেশ জগন্নিবাস ত্বমক্ষরং সদসত্তত্পরং যত্

॥ 36 ॥

শ্লোক 38

ত্বমাদিদেবঃ পুরুষঃ পুরাণস্ত্বমস্য বিশ্বস্য পরং নিধানম্।

বেত্তাসি বেদ্যং চ পরং চ ধাম ত্বযা ততং বিশ্বমনন্তরূপ

॥ 37 ॥

শ্লোক 39

বাযুর্যমোঽগ্নির্বরুণঃ শশাঙ্কঃ প্রজাপতিস্ত্বং প্রপিতামহশ্চ।

নমো নমস্তেঽস্তু সহস্রকৃত্বঃ পুনশ্চ ভূযোঽপি নমো নমস্তে

॥ 38 ॥

শ্লোক 40

নমঃ পুরস্তাদথ পৃষ্ঠতস্তে নমোঽস্তু তে সর্বত এব সর্ব।

অনন্তবীর্যামিতবিক্রমস্ত্বং সর্বং সমাপ্নোষি ততোঽসি সর্বঃ

॥ 39 ॥

শ্লোক 41

সখেতি মত্বা প্রসভং যদুক্তং হে কৃষ্ণ হে যাদব হে সখেতি।

অজানতা মহিমানং তবেদং মযা প্রমাদাত্প্রণযেন বাপি

॥ 40 ॥

শ্লোক 42

যচ্চাবহাসার্থমসত্কৃতোঽসি বিহারশয্যাসনভোজনেষু।

একোঽথবাপ্যচ্যুত তত্সমক্ষং তত্ক্ষামযে ত্বামহমপ্রমেযম্

॥ 41 ॥

শ্লোক 43

পিতাসি লোকস্য চরাচরস্য ত্বমস্য পূজ্যশ্চ গুরুর্গরীযান্।

ন ত্বত্সমোঽস্ত্যভ্যধিকঃ কুতোঽন্যো লোকত্রযেঽপ্যপ্রতিমপ্রভাব

॥ 42 ॥

শ্লোক 44

তস্মাত্প্রণম্য প্রণিধায কাযং প্রসাদযে ত্বামহমীশমীড্যম্।

পিতেব পুত্রস্য সখেব সখ্যুঃ প্রিযঃ প্রিযাযার্হসি দেব সোঢুম্

॥ 43 ॥

শ্লোক 45

অদৃষ্টপূর্বং হৃষিতোঽস্মি দৃষ্ট্বা ভযেন চ প্রব্যথিতং মনো মে।

তদেব মে দর্শয দেবরূপং প্রসীদ দেবেশ জগন্নিবাস

॥ 44 ॥

শ্লোক 46

কিরীটিনং গদিনং চক্রহস্তমিচ্ছামি ত্বাং দ্রষ্টুমহং তথৈব।

তেনৈব রূপেণ চতুর্ভুজেন সহস্রবাহো ভব বিশ্বমূর্তে

॥ 45 ॥

শ্লোক 47

শ্রীভগবানুবাচ

মযা প্রসন্নেন তবার্জুনেদং রূপং পরং দর্শিতমাত্মযোগাত্।

তেজোমযং বিশ্বমনন্তমাদ্যং যন্মে ত্বদন্যেন ন দৃষ্টপূর্বম্

॥ 46 ॥

শ্লোক 48

ন বেদযজ্ঞাধ্যযনৈর্ন দানৈর্ন চ ক্রিযাভির্ন তপোভিরুগ্রৈঃ।

এবংরূপঃ শক্য অহং নৃলোকে দ্রষ্টুং ত্বদন্যেন কুরুপ্রবীর

॥ 47 ॥

শ্লোক 49

মা তে ব্যথা মা চ বিমূঢভাবো দৃষ্ট্বা রূপং ঘোরমীদৃঙ্মমেদম্।

ব্যপেতভীঃ প্রীতমনাঃ পুনস্ত্বং তদেব মে রূপমিদং প্রপশ্য

॥ 48 ॥

শ্লোক 50

সঞ্জয উবাচ

ইত্যর্জুনং বাসুদেবস্তথোক্ত্বা স্বকং রূপং দর্শযামাস ভূযঃ।

আশ্বাসযামাস চ ভীতমেনং ভূত্বা পুনঃ সৌম্যবপুর্মহাত্মা

॥ 49 ॥

শ্লোক 51

অর্জুন উবাচ

দৃষ্ট্বেদং মানুষং রূপং তব সৌম্যং জনার্দন ।

ইদানীমস্মি সংবৃত্তঃ সচেতাঃ প্রকৃতিং গতঃ

॥ 50 ॥

শ্লোক 52

শ্রীভগবানুবাচ

সুদুর্দর্শমিদং রূপং দৃষ্টবানসি যন্মম ।

দেবা অপ্যস্য রূপস্য নিত্যং দর্শনকাঙ্ক্ষিণঃ

॥ 51 ॥

শ্লোক 53

নাহং বেদৈর্ন তপসা ন দানেন ন চেজ্যযা ।

শক্য এবংবিধো দ্রষ্টুং দৃষ্টবানসি মাং যথা

॥ 52 ॥

শ্লোক 54

ভক্ত্যা ত্বনন্যযা শক্য অহমেবংবিধোঽর্জুন ।

জ্ঞাতুং দ্রষ্টুং চ তত্ত্বেন প্রবেষ্টুং চ পরন্তপ

॥ 53 ॥

শ্লোক 55

মত্কর্মকৃন্মত্পরমো মদ্ভক্তঃ সঙ্গবর্জিতঃ ।

নির্বৈরঃ সর্বভূতেষু যঃ স মামেতি পাণ্ডব

॥ 54 ॥

শ্লোক 56

ওঁ তত্সদিতি শ্রীমদ্ভগবদ্গীতাসূপনিষত্সু ব্রহ্মবিদ্যাযাং যোগশাস্ত্রে

শ্রীকৃষ্ণার্জুনসংবাদে বিশ্বরূপদর্শনযোগো নামৈকাদশোঽধ্যাযঃ

॥ 55 ॥

শ্লোক 57