శ్రీమద్భగవద్గీతా మూలమ్ - దశమోఽధ్యాయః

శ్రీమద్భగవద్గీతా మూలమ్ - దశమోఽధ్యాయః

శ్లోక 1

ఓం శ్రీపరమాత్మనే నమః

అథ దశమోఽధ్యాయః ।

విభూతియోగః

శ్రీభగవానువాచ

భూయ ఏవ మహాబాహో శృణు మే పరమం వచః ।

యత్తేఽహం ప్రీయమాణాయ వక్ష్యామి హితకామ్యయా

శ్లోక 2

న మే విదుః సురగణాః ప్రభవం న మహర్షయః ।

అహమాదిర్హి దేవానాం మహర్షీణాం చ సర్వశః

॥ 1 ॥

శ్లోక 3

యో మామజమనాదిం చ వేత్తి లోకమహేశ్వరమ్ ।

అసమ్మూఢః స మర్త్యేషు సర్వపాపైః ప్రముచ్యతే

॥ 2 ॥

శ్లోక 4

బుద్ధిర్జ్ఞానమసమ్మోహః క్షమా సత్యం దమః శమః ।

సుఖం దుఃఖం భవోఽభావో భయం చాభయమేవ చ

॥ 3 ॥

శ్లోక 5

అహింసా సమతా తుష్టిస్తపో దానం యశోఽయశః ।

భవన్తి భావా భూతానాం మత్త ఏవ పృథగ్విధాః

॥ 4 ॥

శ్లోక 6

మహర్షయః సప్త పూర్వే చత్వారో మనవస్తథా ।

మద్భావా మానసా జాతా యేషాం లోక ఇమాః ప్రజాః

॥ 5 ॥

శ్లోక 7

ఏతాం విభూతిం యోగం చ మమ యో వేత్తి తత్త్వతః ।

సోఽవికమ్పేన యోగేన యుజ్యతే నాత్ర సంశయః

॥ 6 ॥

శ్లోక 8

అహం సర్వస్య ప్రభవో మత్తః సర్వం ప్రవర్తతే ।

ఇతి మత్వా భజన్తే మాం బుధా భావసమన్వితాః

॥ 7 ॥

శ్లోక 9

మచ్చిత్తా మద్గతప్రాణా బోధయన్తః పరస్పరమ్ ।

కథయన్తశ్చ మాం నిత్యం తుష్యన్తి చ రమన్తి చ

॥ 8 ॥

శ్లోక 10

తేషాం సతతయుక్తానాం భజతాం ప్రీతిపూర్వకమ్ ।

దదామి బుద్ధియోగం తం యేన మాముపయాన్తి తే

॥ 9 ॥

శ్లోక 11

తేషామేవానుకమ్పార్థమహమజ్ఞానజం తమః ।

నాశయామ్యాత్మభావస్థో జ్ఞానదీపేన భాస్వతా

॥ 10 ॥

శ్లోక 12

అర్జున ఉవాచ

పరం బ్రహ్మ పరం ధామ పవిత్రం పరమం భవాన్ ।

పురుషం శాశ్వతం దివ్యమాదిదేవమజం విభుమ్

॥ 11 ॥

శ్లోక 13

ఆహుస్త్వామృషయః సర్వే దేవర్షిర్నారదస్తథా ।

అసితో దేవలో వ్యాసః స్వయం చైవ బ్రవీషి మే

॥ 12 ॥

శ్లోక 14

సర్వమేతదృతం మన్యే యన్మాం వదసి కేశవ ।

న హి తే భగవన్వ్యక్తిం విదుర్దేవా న దానవాః

॥ 13 ॥

శ్లోక 15

స్వయమేవాత్మనాత్మానం వేత్థ త్వం పురుషోత్తమ ।

భూతభావన భూతేశ దేవదేవ జగత్పతే

॥ 14 ॥

శ్లోక 16

వక్తుమర్హస్యశేషేణ దివ్యా హ్యాత్మవిభూతయః ।

యాభిర్విభూతిభిర్లోకానిమాంస్త్వం వ్యాప్య తిష్ఠసి

॥ 15 ॥

శ్లోక 17

కథం విద్యామహం యోగింస్త్వాం సదా పరిచిన్తయన్ ।

కేషు కేషు చ భావేషు చిన్త్యోఽసి భగవన్మయా

॥ 16 ॥

శ్లోక 18

విస్తరేణాత్మనో యోగం విభూతిం చ జనార్దన ।

భూయః కథయ తృప్తిర్హి శృణ్వతో నాస్తి మేఽమృతమ్

॥ 17 ॥

శ్లోక 19

శ్రీభగవానువాచ

హన్త తే కథయిష్యామి దివ్యా హ్యాత్మవిభూతయః ।

ప్రాధాన్యతః కురుశ్రేష్ఠ నాస్త్యన్తో విస్తరస్య మే

॥ 18 ॥

శ్లోక 20

అహమాత్మా గుడాకేశ సర్వభూతాశయస్థితః ।

అహమాదిశ్చ మధ్యం చ భూతానామన్త ఏవ చ

॥ 19 ॥

శ్లోక 21

ఆదిత్యానామహం విష్ణుర్జ్యోతిషాం రవిరంశుమాన్ ।

మరీచిర్మరుతామస్మి నక్షత్రాణామహం శశీ

॥ 20 ॥

శ్లోక 22

వేదానాం సామవేదోఽస్మి దేవానామస్మి వాసవః ।

ఇన్ద్రియాణాం మనశ్చాస్మి భూతానామస్మి చేతనా

॥ 21 ॥

శ్లోక 23

రుద్రాణాం శఙ్కరశ్చాస్మి విత్తేశో యక్షరక్షసామ్ ।

వసూనాం పావకశ్చాస్మి మేరుః శిఖరిణామహమ్

॥ 22 ॥

శ్లోక 24

పురోధసాం చ ముఖ్యం మాం విద్ధి పార్థ బృహస్పతిమ్ ।

సేనానీనామహం స్కన్దః సరసామస్మి సాగరః

॥ 23 ॥

శ్లోక 25

మహర్షీణాం భృగురహం గిరామస్మ్యేకమక్షరమ్ ।

యజ్ఞానాం జపయజ్ఞోఽస్మి స్థావరాణాం హిమాలయః

॥ 24 ॥

శ్లోక 26

అశ్వత్థః సర్వవృక్షాణాం దేవర్షీణాం చ నారదః ।

గన్ధర్వాణాం చిత్రరథః సిద్ధానాం కపిలో మునిః

॥ 25 ॥

శ్లోక 27

ఉచ్చైఃశ్రవసమశ్వానాం విద్ధి మామమృతోద్భవమ్ ।

ఐరావతం గజేన్ద్రాణాం నరాణాం చ నరాధిపమ్

॥ 26 ॥

శ్లోక 28

ఆయుధానామహం వజ్రం ధేనూనామస్మి కామధుక్ ।

ప్రజనశ్చాస్మి కన్దర్పః సర్పాణామస్మి వాసుకిః

॥ 27 ॥

శ్లోక 29

అనన్తశ్చాస్మి నాగానాం వరుణో యాదసామహమ్ ।

పితౄణామర్యమా చాస్మి యమః సంయమతామహమ్

॥ 28 ॥

శ్లోక 30

ప్రహ్లాదశ్చాస్మి దైత్యానాం కాలః కలయతామహమ్ ।

మృగాణాం చ మృగేన్ద్రోఽహం వైనతేయశ్చ పక్షిణామ్

॥ 29 ॥

శ్లోక 31

పవనః పవతామస్మి రామః శస్త్రభృతామహమ్ ।

ఝషాణాం మకరశ్చాస్మి స్రోతసామస్మి జాహ్నవీ

॥ 30 ॥

శ్లోక 32

సర్గాణామాదిరన్తశ్చ మధ్యం చైవాహమర్జున ।

అధ్యాత్మవిద్యా విద్యానాం వాదః ప్రవదతామహమ్

॥ 31 ॥

శ్లోక 33

అక్షరాణామకారోఽస్మి ద్వన్ద్వః సామాసికస్య చ ।

అహమేవాక్షయః కాలో ధాతాహం విశ్వతోముఖః

॥ 32 ॥

శ్లోక 34

మృత్యుః సర్వహరశ్చాహముద్భవశ్చ భవిష్యతామ్ ।

కీర్తిః శ్రీర్వాక్చ నారీణాం స్మృతిర్మేధా ధృతిః క్షమా

॥ 33 ॥

శ్లోక 35

బృహత్సామ తథా సామ్నాం గాయత్రీ ఛన్దసామహమ్ ।

మాసానాం మార్గశీర్షోఽహమృతూనాం కుసుమాకరః

॥ 34 ॥

శ్లోక 36

ద్యూతం ఛలయతామస్మి తేజస్తేజస్వినామహమ్ ।

జయోఽస్మి వ్యవసాయోఽస్మి సత్త్వం సత్త్వవతామహమ్

॥ 35 ॥

శ్లోక 37

వృష్ణీనాం వాసుదేవోఽస్మి పాణ్డవానాం ధనఞ్జయః ।

మునీనామప్యహం వ్యాసః కవీనాముశనా కవిః

॥ 36 ॥

శ్లోక 38

దణ్డో దమయతామస్మి నీతిరస్మి జిగీషతామ్ ।

మౌనం చైవాస్మి గుహ్యానాం జ్ఞానం జ్ఞానవతామహమ్

॥ 37 ॥

శ్లోక 39

యచ్చాపి సర్వభూతానాం బీజం తదహమర్జున ।

న తదస్తి వినా యత్స్యాన్మయా భూతం చరాచరమ్

॥ 38 ॥

శ్లోక 40

నాన్తోఽస్తి మమ దివ్యానాం విభూతీనాం పరన్తప ।

ఏష తూద్దేశతః ప్రోక్తో విభూతేర్విస్తరో మయా

॥ 39 ॥

శ్లోక 41

యద్యద్విభూతిమత్సత్త్వం శ్రీమదూర్జితమేవ వా ।

తత్తదేవావగచ్ఛ త్వం మమ తేజోంఽశసమ్భవమ్

॥ 40 ॥

శ్లోక 42

అథవా బహునైతేన కిం జ్ఞాతేన తవార్జున ।

విష్టభ్యాహమిదం కృత్స్నమేకాంశేన స్థితో జగత్

॥ 41 ॥

శ్లోక 43

ఓం తత్సదితి శ్రీమద్భగవద్గీతాసూపనిషత్సు బ్రహ్మవిద్యాయాం యోగశాస్త్రే

శ్రీకృష్ణార్జునసంవాదే విభూతియోగో నామ దశమోఽధ్యాయః

॥ 42 ॥

శ్లోక 44