ശ്രീമദ്ഭഗവദ്ഗീതാ മൂലമ് - ദശമോഽധ്യായഃ

ശ്രീമദ്ഭഗവദ്ഗീതാ മൂലമ് - ദശമോഽധ്യായഃ

ശ്ലോക 1

ഓം ശ്രീപരമാത്മനേ നമഃ

അഥ ദശമോഽധ്യായഃ ।

വിഭൂതിയോഗഃ

ശ്രീഭഗവാനുവാച

ഭൂയ ഏവ മഹാബാഹോ ശൃണു മേ പരമം വചഃ ।

യത്തേഽഹം പ്രീയമാണായ വക്ഷ്യാമി ഹിതകാമ്യയാ

ശ്ലോക 2

ന മേ വിദുഃ സുരഗണാഃ പ്രഭവം ന മഹര്ഷയഃ ।

അഹമാദിര്ഹി ദേവാനാം മഹര്ഷീണാം ച സര്വശഃ

॥ 1 ॥

ശ്ലോക 3

യോ മാമജമനാദിം ച വേത്തി ലോകമഹേശ്വരമ് ।

അസമ്മൂഢഃ സ മര്ത്യേഷു സര്വപാപൈഃ പ്രമുച്യതേ

॥ 2 ॥

ശ്ലോക 4

ബുദ്ധിര്ജ്ഞാനമസമ്മോഹഃ ക്ഷമാ സത്യം ദമഃ ശമഃ ।

സുഖം ദുഃഖം ഭവോഽഭാവോ ഭയം ചാഭയമേവ ച

॥ 3 ॥

ശ്ലോക 5

അഹിംസാ സമതാ തുഷ്ടിസ്തപോ ദാനം യശോഽയശഃ ।

ഭവന്തി ഭാവാ ഭൂതാനാം മത്ത ഏവ പൃഥഗ്വിധാഃ

॥ 4 ॥

ശ്ലോക 6

മഹര്ഷയഃ സപ്ത പൂര്വേ ചത്വാരോ മനവസ്തഥാ ।

മദ്ഭാവാ മാനസാ ജാതാ യേഷാം ലോക ഇമാഃ പ്രജാഃ

॥ 5 ॥

ശ്ലോക 7

ഏതാം വിഭൂതിം യോഗം ച മമ യോ വേത്തി തത്ത്വതഃ ।

സോഽവികമ്പേന യോഗേന യുജ്യതേ നാത്ര സംശയഃ

॥ 6 ॥

ശ്ലോക 8

അഹം സര്വസ്യ പ്രഭവോ മത്തഃ സര്വം പ്രവര്തതേ ।

ഇതി മത്വാ ഭജന്തേ മാം ബുധാ ഭാവസമന്വിതാഃ

॥ 7 ॥

ശ്ലോക 9

മച്ചിത്താ മദ്ഗതപ്രാണാ ബോധയന്തഃ പരസ്പരമ് ।

കഥയന്തശ്ച മാം നിത്യം തുഷ്യന്തി ച രമന്തി ച

॥ 8 ॥

ശ്ലോക 10

തേഷാം സതതയുക്താനാം ഭജതാം പ്രീതിപൂര്വകമ് ।

ദദാമി ബുദ്ധിയോഗം തം യേന മാമുപയാന്തി തേ

॥ 9 ॥

ശ്ലോക 11

തേഷാമേവാനുകമ്പാര്ഥമഹമജ്ഞാനജം തമഃ ।

നാശയാമ്യാത്മഭാവസ്ഥോ ജ്ഞാനദീപേന ഭാസ്വതാ

॥ 10 ॥

ശ്ലോക 12

അര്ജുന ഉവാച

പരം ബ്രഹ്മ പരം ധാമ പവിത്രം പരമം ഭവാന് ।

പുരുഷം ശാശ്വതം ദിവ്യമാദിദേവമജം വിഭുമ്

॥ 11 ॥

ശ്ലോക 13

ആഹുസ്ത്വാമൃഷയഃ സര്വേ ദേവര്ഷിര്നാരദസ്തഥാ ।

അസിതോ ദേവലോ വ്യാസഃ സ്വയം ചൈവ ബ്രവീഷി മേ

॥ 12 ॥

ശ്ലോക 14

സര്വമേതദൃതം മന്യേ യന്മാം വദസി കേശവ ।

ന ഹി തേ ഭഗവന്വ്യക്തിം വിദുര്ദേവാ ന ദാനവാഃ

॥ 13 ॥

ശ്ലോക 15

സ്വയമേവാത്മനാത്മാനം വേത്ഥ ത്വം പുരുഷോത്തമ ।

ഭൂതഭാവന ഭൂതേശ ദേവദേവ ജഗത്പതേ

॥ 14 ॥

ശ്ലോക 16

വക്തുമര്ഹസ്യശേഷേണ ദിവ്യാ ഹ്യാത്മവിഭൂതയഃ ।

യാഭിര്വിഭൂതിഭിര്ലോകാനിമാംസ്ത്വം വ്യാപ്യ തിഷ്ഠസി

॥ 15 ॥

ശ്ലോക 17

കഥം വിദ്യാമഹം യോഗിംസ്ത്വാം സദാ പരിചിന്തയന് ।

കേഷു കേഷു ച ഭാവേഷു ചിന്ത്യോഽസി ഭഗവന്മയാ

॥ 16 ॥

ശ്ലോക 18

വിസ്തരേണാത്മനോ യോഗം വിഭൂതിം ച ജനാര്ദന ।

ഭൂയഃ കഥയ തൃപ്തിര്ഹി ശൃണ്വതോ നാസ്തി മേഽമൃതമ്

॥ 17 ॥

ശ്ലോക 19

ശ്രീഭഗവാനുവാച

ഹന്ത തേ കഥയിഷ്യാമി ദിവ്യാ ഹ്യാത്മവിഭൂതയഃ ।

പ്രാധാന്യതഃ കുരുശ്രേഷ്ഠ നാസ്ത്യന്തോ വിസ്തരസ്യ മേ

॥ 18 ॥

ശ്ലോക 20

അഹമാത്മാ ഗുഡാകേശ സര്വഭൂതാശയസ്ഥിതഃ ।

അഹമാദിശ്ച മധ്യം ച ഭൂതാനാമന്ത ഏവ ച

॥ 19 ॥

ശ്ലോക 21

ആദിത്യാനാമഹം വിഷ്ണുര്ജ്യോതിഷാം രവിരംശുമാന് ।

മരീചിര്മരുതാമസ്മി നക്ഷത്രാണാമഹം ശശീ

॥ 20 ॥

ശ്ലോക 22

വേദാനാം സാമവേദോഽസ്മി ദേവാനാമസ്മി വാസവഃ ।

ഇന്ദ്രിയാണാം മനശ്ചാസ്മി ഭൂതാനാമസ്മി ചേതനാ

॥ 21 ॥

ശ്ലോക 23

രുദ്രാണാം ശങ്കരശ്ചാസ്മി വിത്തേശോ യക്ഷരക്ഷസാമ് ।

വസൂനാം പാവകശ്ചാസ്മി മേരുഃ ശിഖരിണാമഹമ്

॥ 22 ॥

ശ്ലോക 24

പുരോധസാം ച മുഖ്യം മാം വിദ്ധി പാര്ഥ ബൃഹസ്പതിമ് ।

സേനാനീനാമഹം സ്കന്ദഃ സരസാമസ്മി സാഗരഃ

॥ 23 ॥

ശ്ലോക 25

മഹര്ഷീണാം ഭൃഗുരഹം ഗിരാമസ്മ്യേകമക്ഷരമ് ।

യജ്ഞാനാം ജപയജ്ഞോഽസ്മി സ്ഥാവരാണാം ഹിമാലയഃ

॥ 24 ॥

ശ്ലോക 26

അശ്വത്ഥഃ സര്വവൃക്ഷാണാം ദേവര്ഷീണാം ച നാരദഃ ।

ഗന്ധര്വാണാം ചിത്രരഥഃ സിദ്ധാനാം കപിലോ മുനിഃ

॥ 25 ॥

ശ്ലോക 27

ഉച്ചൈഃശ്രവസമശ്വാനാം വിദ്ധി മാമമൃതോദ്ഭവമ് ।

ഐരാവതം ഗജേന്ദ്രാണാം നരാണാം ച നരാധിപമ്

॥ 26 ॥

ശ്ലോക 28

ആയുധാനാമഹം വജ്രം ധേനൂനാമസ്മി കാമധുക് ।

പ്രജനശ്ചാസ്മി കന്ദര്പഃ സര്പാണാമസ്മി വാസുകിഃ

॥ 27 ॥

ശ്ലോക 29

അനന്തശ്ചാസ്മി നാഗാനാം വരുണോ യാദസാമഹമ് ।

പിതൄണാമര്യമാ ചാസ്മി യമഃ സംയമതാമഹമ്

॥ 28 ॥

ശ്ലോക 30

പ്രഹ്ലാദശ്ചാസ്മി ദൈത്യാനാം കാലഃ കലയതാമഹമ് ।

മൃഗാണാം ച മൃഗേന്ദ്രോഽഹം വൈനതേയശ്ച പക്ഷിണാമ്

॥ 29 ॥

ശ്ലോക 31

പവനഃ പവതാമസ്മി രാമഃ ശസ്ത്രഭൃതാമഹമ് ।

ഝഷാണാം മകരശ്ചാസ്മി സ്രോതസാമസ്മി ജാഹ്നവീ

॥ 30 ॥

ശ്ലോക 32

സര്ഗാണാമാദിരന്തശ്ച മധ്യം ചൈവാഹമര്ജുന ।

അധ്യാത്മവിദ്യാ വിദ്യാനാം വാദഃ പ്രവദതാമഹമ്

॥ 31 ॥

ശ്ലോക 33

അക്ഷരാണാമകാരോഽസ്മി ദ്വന്ദ്വഃ സാമാസികസ്യ ച ।

അഹമേവാക്ഷയഃ കാലോ ധാതാഹം വിശ്വതോമുഖഃ

॥ 32 ॥

ശ്ലോക 34

മൃത്യുഃ സര്വഹരശ്ചാഹമുദ്ഭവശ്ച ഭവിഷ്യതാമ് ।

കീര്തിഃ ശ്രീര്വാക്ച നാരീണാം സ്മൃതിര്മേധാ ധൃതിഃ ക്ഷമാ

॥ 33 ॥

ശ്ലോക 35

ബൃഹത്സാമ തഥാ സാമ്നാം ഗായത്രീ ഛന്ദസാമഹമ് ।

മാസാനാം മാര്ഗശീര്ഷോഽഹമൃതൂനാം കുസുമാകരഃ

॥ 34 ॥

ശ്ലോക 36

ദ്യൂതം ഛലയതാമസ്മി തേജസ്തേജസ്വിനാമഹമ് ।

ജയോഽസ്മി വ്യവസായോഽസ്മി സത്ത്വം സത്ത്വവതാമഹമ്

॥ 35 ॥

ശ്ലോക 37

വൃഷ്ണീനാം വാസുദേവോഽസ്മി പാണ്ഡവാനാം ധനഞ്ജയഃ ।

മുനീനാമപ്യഹം വ്യാസഃ കവീനാമുശനാ കവിഃ

॥ 36 ॥

ശ്ലോക 38

ദണ്ഡോ ദമയതാമസ്മി നീതിരസ്മി ജിഗീഷതാമ് ।

മൌനം ചൈവാസ്മി ഗുഹ്യാനാം ജ്ഞാനം ജ്ഞാനവതാമഹമ്

॥ 37 ॥

ശ്ലോക 39

യച്ചാപി സര്വഭൂതാനാം ബീജം തദഹമര്ജുന ।

ന തദസ്തി വിനാ യത്സ്യാന്മയാ ഭൂതം ചരാചരമ്

॥ 38 ॥

ശ്ലോക 40

നാന്തോഽസ്തി മമ ദിവ്യാനാം വിഭൂതീനാം പരന്തപ ।

ഏഷ തൂദ്ദേശതഃ പ്രോക്തോ വിഭൂതേര്വിസ്തരോ മയാ

॥ 39 ॥

ശ്ലോക 41

യദ്യദ്വിഭൂതിമത്സത്ത്വം ശ്രീമദൂര്ജിതമേവ വാ ।

തത്തദേവാവഗച്ഛ ത്വം മമ തേജോംഽശസമ്ഭവമ്

॥ 40 ॥

ശ്ലോക 42

അഥവാ ബഹുനൈതേന കിം ജ്ഞാതേന തവാര്ജുന ।

വിഷ്ടഭ്യാഹമിദം കൃത്സ്നമേകാംശേന സ്ഥിതോ ജഗത്

॥ 41 ॥

ശ്ലോക 43

ഓം തത്സദിതി ശ്രീമദ്ഭഗവദ്ഗീതാസൂപനിഷത്സു ബ്രഹ്മവിദ്യായാം യോഗശാസ്ത്രേ

ശ്രീകൃഷ്ണാര്ജുനസംവാദേ വിഭൂതിയോഗോ നാമ ദശമോഽധ്യായഃ

॥ 42 ॥

ശ്ലോക 44