শ্রীমদ্ভগবদ্গীতা মূলম্ - দশমোঽধ্যাযঃ

শ্রীমদ্ভগবদ্গীতা মূলম্ - দশমোঽধ্যাযঃ

শ্লোক 1

ওঁ শ্রীপরমাত্মনে নমঃ

অথ দশমোঽধ্যাযঃ ।

বিভূতিযোগঃ

শ্রীভগবানুবাচ

ভূয এব মহাবাহো শৃণু মে পরমং বচঃ ।

যত্তেঽহং প্রীযমাণায বক্ষ্যামি হিতকাম্যযা

শ্লোক 2

ন মে বিদুঃ সুরগণাঃ প্রভবং ন মহর্ষযঃ ।

অহমাদির্হি দেবানাং মহর্ষীণাং চ সর্বশঃ

॥ 1 ॥

শ্লোক 3

যো মামজমনাদিং চ বেত্তি লোকমহেশ্বরম্ ।

অসম্মূঢঃ স মর্ত্যেষু সর্বপাপৈঃ প্রমুচ্যতে

॥ 2 ॥

শ্লোক 4

বুদ্ধির্জ্ঞানমসম্মোহঃ ক্ষমা সত্যং দমঃ শমঃ ।

সুখং দুঃখং ভবোঽভাবো ভযং চাভযমেব চ

॥ 3 ॥

শ্লোক 5

অহিংসা সমতা তুষ্টিস্তপো দানং যশোঽযশঃ ।

ভবন্তি ভাবা ভূতানাং মত্ত এব পৃথগ্বিধাঃ

॥ 4 ॥

শ্লোক 6

মহর্ষযঃ সপ্ত পূর্বে চত্বারো মনবস্তথা ।

মদ্ভাবা মানসা জাতা যেষাং লোক ইমাঃ প্রজাঃ

॥ 5 ॥

শ্লোক 7

এতাং বিভূতিং যোগং চ মম যো বেত্তি তত্ত্বতঃ ।

সোঽবিকম্পেন যোগেন যুজ্যতে নাত্র সংশযঃ

॥ 6 ॥

শ্লোক 8

অহং সর্বস্য প্রভবো মত্তঃ সর্বং প্রবর্ততে ।

ইতি মত্বা ভজন্তে মাং বুধা ভাবসমন্বিতাঃ

॥ 7 ॥

শ্লোক 9

মচ্চিত্তা মদ্গতপ্রাণা বোধযন্তঃ পরস্পরম্ ।

কথযন্তশ্চ মাং নিত্যং তুষ্যন্তি চ রমন্তি চ

॥ 8 ॥

শ্লোক 10

তেষাং সততযুক্তানাং ভজতাং প্রীতিপূর্বকম্ ।

দদামি বুদ্ধিযোগং তং যেন মামুপযান্তি তে

॥ 9 ॥

শ্লোক 11

তেষামেবানুকম্পার্থমহমজ্ঞানজং তমঃ ।

নাশযাম্যাত্মভাবস্থো জ্ঞানদীপেন ভাস্বতা

॥ 10 ॥

শ্লোক 12

অর্জুন উবাচ

পরং ব্রহ্ম পরং ধাম পবিত্রং পরমং ভবান্ ।

পুরুষং শাশ্বতং দিব্যমাদিদেবমজং বিভুম্

॥ 11 ॥

শ্লোক 13

আহুস্ত্বামৃষযঃ সর্বে দেবর্ষির্নারদস্তথা ।

অসিতো দেবলো ব্যাসঃ স্বযং চৈব ব্রবীষি মে

॥ 12 ॥

শ্লোক 14

সর্বমেতদৃতং মন্যে যন্মাং বদসি কেশব ।

ন হি তে ভগবন্ব্যক্তিং বিদুর্দেবা ন দানবাঃ

॥ 13 ॥

শ্লোক 15

স্বযমেবাত্মনাত্মানং বেত্থ ত্বং পুরুষোত্তম ।

ভূতভাবন ভূতেশ দেবদেব জগত্পতে

॥ 14 ॥

শ্লোক 16

বক্তুমর্হস্যশেষেণ দিব্যা হ্যাত্মবিভূতযঃ ।

যাভির্বিভূতিভির্লোকানিমাংস্ত্বং ব্যাপ্য তিষ্ঠসি

॥ 15 ॥

শ্লোক 17

কথং বিদ্যামহং যোগিংস্ত্বাং সদা পরিচিন্তযন্ ।

কেষু কেষু চ ভাবেষু চিন্ত্যোঽসি ভগবন্মযা

॥ 16 ॥

শ্লোক 18

বিস্তরেণাত্মনো যোগং বিভূতিং চ জনার্দন ।

ভূযঃ কথয তৃপ্তির্হি শৃণ্বতো নাস্তি মেঽমৃতম্

॥ 17 ॥

শ্লোক 19

শ্রীভগবানুবাচ

হন্ত তে কথযিষ্যামি দিব্যা হ্যাত্মবিভূতযঃ ।

প্রাধান্যতঃ কুরুশ্রেষ্ঠ নাস্ত্যন্তো বিস্তরস্য মে

॥ 18 ॥

শ্লোক 20

অহমাত্মা গুডাকেশ সর্বভূতাশযস্থিতঃ ।

অহমাদিশ্চ মধ্যং চ ভূতানামন্ত এব চ

॥ 19 ॥

শ্লোক 21

আদিত্যানামহং বিষ্ণুর্জ্যোতিষাং রবিরংশুমান্ ।

মরীচির্মরুতামস্মি নক্ষত্রাণামহং শশী

॥ 20 ॥

শ্লোক 22

বেদানাং সামবেদোঽস্মি দেবানামস্মি বাসবঃ ।

ইন্দ্রিযাণাং মনশ্চাস্মি ভূতানামস্মি চেতনা

॥ 21 ॥

শ্লোক 23

রুদ্রাণাং শঙ্করশ্চাস্মি বিত্তেশো যক্ষরক্ষসাম্ ।

বসূনাং পাবকশ্চাস্মি মেরুঃ শিখরিণামহম্

॥ 22 ॥

শ্লোক 24

পুরোধসাং চ মুখ্যং মাং বিদ্ধি পার্থ বৃহস্পতিম্ ।

সেনানীনামহং স্কন্দঃ সরসামস্মি সাগরঃ

॥ 23 ॥

শ্লোক 25

মহর্ষীণাং ভৃগুরহং গিরামস্ম্যেকমক্ষরম্ ।

যজ্ঞানাং জপযজ্ঞোঽস্মি স্থাবরাণাং হিমালযঃ

॥ 24 ॥

শ্লোক 26

অশ্বত্থঃ সর্ববৃক্ষাণাং দেবর্ষীণাং চ নারদঃ ।

গন্ধর্বাণাং চিত্ররথঃ সিদ্ধানাং কপিলো মুনিঃ

॥ 25 ॥

শ্লোক 27

উচ্চৈঃশ্রবসমশ্বানাং বিদ্ধি মামমৃতোদ্ভবম্ ।

ঐরাবতং গজেন্দ্রাণাং নরাণাং চ নরাধিপম্

॥ 26 ॥

শ্লোক 28

আযুধানামহং বজ্রং ধেনূনামস্মি কামধুক্ ।

প্রজনশ্চাস্মি কন্দর্পঃ সর্পাণামস্মি বাসুকিঃ

॥ 27 ॥

শ্লোক 29

অনন্তশ্চাস্মি নাগানাং বরুণো যাদসামহম্ ।

পিতৄণামর্যমা চাস্মি যমঃ সংযমতামহম্

॥ 28 ॥

শ্লোক 30

প্রহ্লাদশ্চাস্মি দৈত্যানাং কালঃ কলযতামহম্ ।

মৃগাণাং চ মৃগেন্দ্রোঽহং বৈনতেযশ্চ পক্ষিণাম্

॥ 29 ॥

শ্লোক 31

পবনঃ পবতামস্মি রামঃ শস্ত্রভৃতামহম্ ।

ঝষাণাং মকরশ্চাস্মি স্রোতসামস্মি জাহ্নবী

॥ 30 ॥

শ্লোক 32

সর্গাণামাদিরন্তশ্চ মধ্যং চৈবাহমর্জুন ।

অধ্যাত্মবিদ্যা বিদ্যানাং বাদঃ প্রবদতামহম্

॥ 31 ॥

শ্লোক 33

অক্ষরাণামকারোঽস্মি দ্বন্দ্বঃ সামাসিকস্য চ ।

অহমেবাক্ষযঃ কালো ধাতাহং বিশ্বতোমুখঃ

॥ 32 ॥

শ্লোক 34

মৃত্যুঃ সর্বহরশ্চাহমুদ্ভবশ্চ ভবিষ্যতাম্ ।

কীর্তিঃ শ্রীর্বাক্চ নারীণাং স্মৃতির্মেধা ধৃতিঃ ক্ষমা

॥ 33 ॥

শ্লোক 35

বৃহত্সাম তথা সাম্নাং গাযত্রী ছন্দসামহম্ ।

মাসানাং মার্গশীর্ষোঽহমৃতূনাং কুসুমাকরঃ

॥ 34 ॥

শ্লোক 36

দ্যূতং ছলযতামস্মি তেজস্তেজস্বিনামহম্ ।

জযোঽস্মি ব্যবসাযোঽস্মি সত্ত্বং সত্ত্ববতামহম্

॥ 35 ॥

শ্লোক 37

বৃষ্ণীনাং বাসুদেবোঽস্মি পাণ্ডবানাং ধনঞ্জযঃ ।

মুনীনামপ্যহং ব্যাসঃ কবীনামুশনা কবিঃ

॥ 36 ॥

শ্লোক 38

দণ্ডো দমযতামস্মি নীতিরস্মি জিগীষতাম্ ।

মৌনং চৈবাস্মি গুহ্যানাং জ্ঞানং জ্ঞানবতামহম্

॥ 37 ॥

শ্লোক 39

যচ্চাপি সর্বভূতানাং বীজং তদহমর্জুন ।

ন তদস্তি বিনা যত্স্যান্মযা ভূতং চরাচরম্

॥ 38 ॥

শ্লোক 40

নান্তোঽস্তি মম দিব্যানাং বিভূতীনাং পরন্তপ ।

এষ তূদ্দেশতঃ প্রোক্তো বিভূতের্বিস্তরো মযা

॥ 39 ॥

শ্লোক 41

যদ্যদ্বিভূতিমত্সত্ত্বং শ্রীমদূর্জিতমেব বা ।

তত্তদেবাবগচ্ছ ত্বং মম তেজোংঽশসম্ভবম্

॥ 40 ॥

শ্লোক 42

অথবা বহুনৈতেন কিং জ্ঞাতেন তবার্জুন ।

বিষ্টভ্যাহমিদং কৃত্স্নমেকাংশেন স্থিতো জগত্

॥ 41 ॥

শ্লোক 43

ওঁ তত্সদিতি শ্রীমদ্ভগবদ্গীতাসূপনিষত্সু ব্রহ্মবিদ্যাযাং যোগশাস্ত্রে

শ্রীকৃষ্ণার্জুনসংবাদে বিভূতিযোগো নাম দশমোঽধ্যাযঃ

॥ 42 ॥

শ্লোক 44