Sri Venkateswara Suprabhatam

ଶ୍ରୀ ଵେଙ୍କଟେଶ୍ଵର ସୁପ୍ରଭାତମ୍

ଶ୍ଲୋକ 1

କୌସଲ୍ଯା ସୁପ୍ରଜା ରାମ ପୂର୍ଵାସନ୍ଧ୍ଯା ପ୍ରଵର୍ତତେ ।

ଉତ୍ତିଷ୍ଠ ନରଶାର୍ଦୂଲ କର୍ତଵ୍ଯଂ ଦୈଵମାହ୍ନିକମ୍

ଶ୍ଲୋକ 2

ଉତ୍ତିଷ୍ଠୋତ୍ତିଷ୍ଠ ଗୋଵିନ୍ଦ ଉତ୍ତିଷ୍ଠ ଗରୁଡଧ୍ଵଜ ।

ଉତ୍ତିଷ୍ଠ କମଲାକାନ୍ତ ତ୍ରୈଲୋକ୍ଯଂ ମଙ୍ଗଲଂ କୁରୁ

॥ 1 ॥

ଶ୍ଲୋକ 3

ମାତସ୍ସମସ୍ତ ଜଗତାଂ ମଧୁକୈଟଭାରେଃ

ଵକ୍ଷୋଵିହାରିଣି ମନୋହର ଦିଵ୍ଯମୂର୍ତେ ।

ଶ୍ରୀସ୍ଵାମିନି ଶ୍ରିତଜନପ୍ରିଯ ଦାନଶୀଲେ

ଶ୍ରୀ ଵେଙ୍କଟେଶ ଦଯିତେ ତଵ ସୁପ୍ରଭାତମ୍

॥ 2 ॥

ଶ୍ଲୋକ 4

ତଵ ସୁପ୍ରଭାତମରଵିନ୍ଦ ଲୋଚନେ

ଭଵତୁ ପ୍ରସନ୍ନମୁଖ ଚନ୍ଦ୍ରମଣ୍ଡଲେ ।

ଵିଧି ଶଙ୍କରେନ୍ଦ୍ର ଵନିତାଭିରର୍ଚିତେ

ଵୃଶ ଶୈଲନାଥ ଦଯିତେ ଦଯାନିଧେ

॥ 3 ॥

ଶ୍ଲୋକ 5

ଅତ୍ର୍ଯାଦି ସପ୍ତ ଋଷଯସ୍ସମୁପାସ୍ଯ ସନ୍ଧ୍ଯାଂ

ଆକାଶ ସିନ୍ଧୁ କମଲାନି ମନୋହରାଣି ।

ଆଦାଯ ପାଦଯୁଗ ମର୍ଚଯିତୁଂ ପ୍ରପନ୍ନାଃ

ଶେଷାଦ୍ରି ଶେଖର ଵିଭୋ ତଵ ସୁପ୍ରଭାତମ୍

॥ 4 ॥

ଶ୍ଲୋକ 6

ପଞ୍ଚାନନାବ୍ଜ ଭଵ ଷଣ୍ମୁଖ ଵାସଵାଦ୍ଯାଃ

ତ୍ରୈଵିକ୍ରମାଦି ଚରିତଂ ଵିବୁଧାଃ ସ୍ତୁଵନ୍ତି ।

ଭାଷାପତିଃ ପଠତି ଵାସର ଶୁଦ୍ଧି ମାରାତ୍

ଶେଷାଦ୍ରି ଶେଖର ଵିଭୋ ତଵ ସୁପ୍ରଭାତମ୍

॥ 5 ॥

ଶ୍ଲୋକ 7

ଈଶତ୍-ପ୍ରଫୁଲ୍ଲ ସରସୀରୁହ ନାରିକେଲ

ପୂଗଦ୍ରୁମାଦି ସୁମନୋହର ପାଲିକାନାମ୍ ।

ଆଵାତି ମନ୍ଦମନିଲଃ ସହଦିଵ୍ଯ ଗନ୍ଧୈଃ

ଶେଷାଦ୍ରି ଶେଖର ଵିଭୋ ତଵ ସୁପ୍ରଭାତମ୍

॥ 6 ॥

ଶ୍ଲୋକ 8

ଉନ୍ମୀଲ୍ଯନେତ୍ର ଯୁଗମୁତ୍ତମ ପଞ୍ଜରସ୍ଥାଃ

ପାତ୍ରାଵସିଷ୍ଟ କଦଲୀ ଫଲ ପାଯସାନି ।

ଭୁକ୍ତ୍ଵାଃ ସଲୀଲ ମଥକେଲି ଶୁକାଃ ପଠନ୍ତି

ଶେଷାଦ୍ରି ଶେଖର ଵିଭୋ ତଵ ସୁପ୍ରଭାତମ୍

॥ 7 ॥

ଶ୍ଲୋକ 9

ତନ୍ତ୍ରୀ ପ୍ରକର୍ଷ ମଧୁର ସ୍ଵନଯା ଵିପଞ୍ଚ୍ଯା

ଗାଯତ୍ଯନନ୍ତ ଚରିତଂ ତଵ ନାରଦୋଽପି ।

ଭାଷା ସମଗ୍ର ମସତ୍-କୃତଚାରୁ ରମ୍ଯଂ

ଶେଷାଦ୍ରି ଶେଖର ଵିଭୋ ତଵ ସୁପ୍ରଭାତମ୍

॥ 8 ॥

ଶ୍ଲୋକ 10

ଭୃଙ୍ଗାଵଲୀ ଚ ମକରନ୍ଦ ରସାନୁ ଵିଦ୍ଧ

ଝୁଙ୍କାରଗୀତ ନିନଦୈଃ ସହସେଵନାଯ ।

ନିର୍ଯାତ୍ଯୁପାନ୍ତ ସରସୀ କମଲୋଦରେଭ୍ଯଃ

ଶେଷାଦ୍ରି ଶେଖର ଵିଭୋ ତଵ ସୁପ୍ରଭାତମ୍

॥ 9 ॥

ଶ୍ଲୋକ 11

ଯୋଷାଗଣେନ ଵରଦଧ୍ନି ଵିମଥ୍ଯମାନେ

ଘୋଷାଲଯେଷୁ ଦଧିମନ୍ଥନ ତୀଵ୍ରଘୋଷାଃ ।

ରୋଷାତ୍କଲିଂ ଵିଦଧତେ କକୁଭଶ୍ଚ କୁମ୍ଭାଃ

ଶେଷାଦ୍ରି ଶେଖର ଵିଭୋ ତଵ ସୁପ୍ରଭାତମ୍

॥ 10 ॥

ଶ୍ଲୋକ 12

ପଦ୍ମେଶମିତ୍ର ଶତପତ୍ର ଗତାଲିଵର୍ଗାଃ

ହର୍ତୁଂ ଶ୍ରିଯଂ କୁଵଲଯସ୍ଯ ନିଜାଙ୍ଗଲକ୍ଷ୍ମ୍ଯାଃ ।

ଭେରୀ ନିନାଦମିଵ ଭିଭ୍ରତି ତୀଵ୍ରନାଦମ୍

ଶେଷାଦ୍ରି ଶେଖର ଵିଭୋ ତଵ ସୁପ୍ରଭାତମ୍

॥ 11 ॥

ଶ୍ଲୋକ 13

ଶ୍ରୀମନ୍ନଭୀଷ୍ଟ ଵରଦାଖିଲ ଲୋକ ବନ୍ଧୋ

ଶ୍ରୀ ଶ୍ରୀନିଵାସ ଜଗଦେକ ଦଯୈକ ସିନ୍ଧୋ ।

ଶ୍ରୀ ଦେଵତା ଗୃହ ଭୁଜାନ୍ତର ଦିଵ୍ଯମୂର୍ତେ

ଶ୍ରୀ ଵେଙ୍କଟାଚଲପତେ ତଵ ସୁପ୍ରଭାତମ୍

॥ 12 ॥

ଶ୍ଲୋକ 14

ଶ୍ରୀ ସ୍ଵାମି ପୁଷ୍କରିଣିକାପ୍ଲଵ ନିର୍ମଲାଙ୍ଗାଃ

ଶ୍ରେଯାର୍ଥିନୋ ହରଵିରିଞ୍ଚି ସନନ୍ଦନାଦ୍ଯାଃ ।

ଦ୍ଵାରେ ଵସନ୍ତି ଵରନେତ୍ର ହତୋତ୍ତ ମାଙ୍ଗାଃ

ଶ୍ରୀ ଵେଙ୍କଟାଚଲପତେ ତଵ ସୁପ୍ରଭାତମ୍

॥ 13 ॥

ଶ୍ଲୋକ 15

ଶ୍ରୀ ଶେଷଶୈଲ ଗରୁଡାଚଲ ଵେଙ୍କଟାଦ୍ରି

ନାରାଯଣାଦ୍ରି ଵୃଷଭାଦ୍ରି ଵୃଷାଦ୍ରି ମୁଖ୍ଯାମ୍ ।

ଆଖ୍ଯାଂ ତ୍ଵଦୀଯ ଵସତେ ରନିଶଂ ଵଦନ୍ତି

ଶ୍ରୀ ଵେଙ୍କଟାଚଲପତେ ତଵ ସୁପ୍ରଭାତମ୍

॥ 14 ॥

ଶ୍ଲୋକ 16

ସେଵାପରାଃ ଶିଵ ସୁରେଶ କୃଶାନୁଧର୍ମ

ରକ୍ଷୋମ୍ବୁନାଥ ପଵମାନ ଧନାଧି ନାଥାଃ ।

ବଦ୍ଧାଞ୍ଜଲି ପ୍ରଵିଲସନ୍ନିଜ ଶୀର୍ଷଦେଶାଃ

ଶ୍ରୀ ଵେଙ୍କଟାଚଲପତେ ତଵ ସୁପ୍ରଭାତମ୍

॥ 15 ॥

ଶ୍ଲୋକ 17

ଧାଟୀଷୁ ତେ ଵିହଗରାଜ ମୃଗାଧିରାଜ

ନାଗାଧିରାଜ ଗଜରାଜ ହଯାଧିରାଜାଃ ।

ସ୍ଵସ୍ଵାଧିକାର ମହିମାଧିକ ମର୍ଥଯନ୍ତେ

ଶ୍ରୀ ଵେଙ୍କଟାଚଲପତେ ତଵ ସୁପ୍ରଭାତମ୍

॥ 16 ॥

ଶ୍ଲୋକ 18

ସୂର୍ଯେନ୍ଦୁ ଭୌମ ବୁଧଵାକ୍ପତି କାଵ୍ଯଶୌରି

ସ୍ଵର୍ଭାନୁକେତୁ ଦିଵିଶତ୍-ପରିଶତ୍-ପ୍ରଧାନାଃ ।

ତ୍ଵଦ୍ଦାସଦାସ ଚରମାଵଧି ଦାସଦାସାଃ

ଶ୍ରୀ ଵେଙ୍କଟାଚଲପତେ ତଵ ସୁପ୍ରଭାତମ୍

॥ 17 ॥

ଶ୍ଲୋକ 19

ତତ୍-ପାଦଧୂଲି ଭରିତ ସ୍ଫୁରିତୋତ୍ତମାଙ୍ଗାଃ

ସ୍ଵର୍ଗାପଵର୍ଗ ନିରପେକ୍ଷ ନିଜାନ୍ତରଙ୍ଗାଃ ।

କଲ୍ପାଗମା କଲନଯାଽଽକୁଲତାଂ ଲଭନ୍ତେ

ଶ୍ରୀ ଵେଙ୍କଟାଚଲପତେ ତଵ ସୁପ୍ରଭାତମ୍

॥ 18 ॥

ଶ୍ଲୋକ 20

ତ୍ଵଦ୍ଗୋପୁରାଗ୍ର ଶିଖରାଣି ନିରୀକ୍ଷମାଣାଃ

ସ୍ଵର୍ଗାପଵର୍ଗ ପଦଵୀଂ ପରମାଂ ଶ୍ରଯନ୍ତଃ ।

ମର୍ତ୍ଯା ମନୁଷ୍ଯ ଭୁଵନେ ମତିମାଶ୍ରଯନ୍ତେ

ଶ୍ରୀ ଵେଙ୍କଟାଚଲପତେ ତଵ ସୁପ୍ରଭାତମ୍

॥ 19 ॥

ଶ୍ଲୋକ 21

ଶ୍ରୀ ଭୂମିନାଯକ ଦଯାଦି ଗୁଣାମୃତାବ୍ଦେ

ଦେଵାଦିଦେଵ ଜଗଦେକ ଶରଣ୍ଯମୂର୍ତେ ।

ଶ୍ରୀମନ୍ନନନ୍ତ ଗରୁଡାଦିଭି ରର୍ଚିତାଙ୍ଘ୍ରେ

ଶ୍ରୀ ଵେଙ୍କଟାଚଲପତେ ତଵ ସୁପ୍ରଭାତମ୍

॥ 20 ॥

ଶ୍ଲୋକ 22

ଶ୍ରୀ ପଦ୍ମନାଭ ପୁରୁଷୋତ୍ତମ ଵାସୁଦେଵ

ଵୈକୁଣ୍ଠ ମାଧଵ ଜନାର୍ଦନ ଚକ୍ରପାଣେ ।

ଶ୍ରୀ ଵତ୍ସ ଚିହ୍ନ ଶରଣାଗତ ପାରିଜାତ

ଶ୍ରୀ ଵେଙ୍କଟାଚଲପତେ ତଵ ସୁପ୍ରଭାତମ୍

॥ 21 ॥

ଶ୍ଲୋକ 23

କନ୍ଦର୍ପ ଦର୍ପ ହର ସୁନ୍ଦର ଦିଵ୍ଯ ମୂର୍ତେ

କାନ୍ତା କୁଚାମ୍ବୁରୁହ କୁଟ୍ମଲ ଲୋଲଦୃଷ୍ଟେ ।

କଲ୍ଯାଣ ନିର୍ମଲ ଗୁଣାକର ଦିଵ୍ଯକୀର୍ତେ

ଶ୍ରୀ ଵେଙ୍କଟାଚଲପତେ ତଵ ସୁପ୍ରଭାତମ୍

॥ 22 ॥

ଶ୍ଲୋକ 24

ମୀନାକୃତେ କମଠକୋଲ ନୃସିଂହ ଵର୍ଣିନ୍

ସ୍ଵାମିନ୍ ପରଶ୍ଵଥ ତପୋଧନ ରାମଚନ୍ଦ୍ର ।

ଶେଷାଂଶରାମ ଯଦୁନନ୍ଦନ କଲ୍କିରୂପ

ଶ୍ରୀ ଵେଙ୍କଟାଚଲପତେ ତଵ ସୁପ୍ରଭାତମ୍

॥ 23 ॥

ଶ୍ଲୋକ 25

ଏଲାଲଵଙ୍ଗ ଘନସାର ସୁଗନ୍ଧି ତୀର୍ଥଂ

ଦିଵ୍ଯଂ ଵିଯତ୍ସରିତି ହେମଘଟେଷୁ ପୂର୍ଣମ୍ ।

ଧୃତ୍ଵାଦ୍ଯ ଵୈଦିକ ଶିଖାମଣଯଃ ପ୍ରହୃଷ୍ଟାଃ

ତିଷ୍ଠନ୍ତି ଵେଙ୍କଟପତେ ତଵ ସୁପ୍ରଭାତମ୍

॥ 24 ॥

ଶ୍ଲୋକ 26

ଭାସ୍ଵାନୁଦେତି ଵିକଚାନି ସରୋରୁହାଣି

ସମ୍ପୂରଯନ୍ତି ନିନଦୈଃ କକୁଭୋ ଵିହଙ୍ଗାଃ ।

ଶ୍ରୀଵୈଷ୍ଣଵାଃ ସତତ ମର୍ଥିତ ମଙ୍ଗଲାସ୍ତେ

ଧାମାଶ୍ରଯନ୍ତି ତଵ ଵେଙ୍କଟ ସୁପ୍ରଭାତମ୍

॥ 25 ॥

ଶ୍ଲୋକ 27

ବ୍ରହ୍ମାଦଯ-ସ୍ସୁରଵରା-ସ୍ସମହର୍ଷଯସ୍ତେ

ସନ୍ତସ୍ସନନ୍ଦନ-ମୁଖାସ୍ତ୍ଵଥ ଯୋଗିଵର୍ଯାଃ ।

ଧାମାନ୍ତିକେ ତଵ ହି ମଙ୍ଗଲଵସ୍ତୁହସ୍ତାଃ

ଶ୍ରୀ ଵେଙ୍କଟାଚଲପତେ ତଵ ସୁପ୍ରଭାତମ୍

॥ 26 ॥

ଶ୍ଲୋକ 28

ଲକ୍ଶ୍ମୀନିଵାସ ନିରଵଦ୍ଯ ଗୁଣୈକ ସିନ୍ଧୋ

ସଂସାରସାଗର ସମୁତ୍ତରଣୈକ ସେତୋ ।

ଵେଦାନ୍ତ ଵେଦ୍ଯ ନିଜଵୈଭଵ ଭକ୍ତ ଭୋଗ୍ଯ

ଶ୍ରୀ ଵେଙ୍କଟାଚଲପତେ ତଵ ସୁପ୍ରଭାତମ୍

॥ 27 ॥

ଶ୍ଲୋକ 29

ଇତ୍ଥଂ ଵୃଷାଚଲପତେରିହ ସୁପ୍ରଭାତଂ

ଯେ ମାନଵାଃ ପ୍ରତିଦିନଂ ପଠିତୁଂ ପ୍ରଵୃତ୍ତାଃ ।

ତେଷାଂ ପ୍ରଭାତ ସମଯେ ସ୍ମୃତିରଙ୍ଗଭାଜାଂ

ପ୍ରଜ୍ଞାଂ ପରାର୍ଥ ସୁଲଭାଂ ପରମାଂ ପ୍ରସୂତେ

॥ 28 ॥

ଶ୍ଲୋକ 30