Sri Venkateswara Suprabhatam

shrI ve~NkaTeshvara suprabhAtam

shloka 1

kausalyA suprajA rAma pUrvAsandhyA pravartate |

uttiShTha narashArdUla kartavyaM daivamAhnikam || 1 ||

uttiShThottiShTha govinda uttiShTha garuDadhvaja |

uttiShTha kamalAkAnta trailokyaM ma~NgalaM kuru || 2 ||

mAtassamasta jagatAM madhukaiTabhAreH

vakShovihAriNi manohara divyamUrte |

shrIsvAmini shritajanapriya dAnashIle

shrI ve~NkaTesha dayite tava suprabhAtam || 3 ||

tava suprabhAtamaravinda lochane

bhavatu prasannamukha chandramaNDale |

vidhi sha~Nkarendra vanitAbhirarchite

vRRisha shailanAtha dayite dayAnidhe || 4 ||

atryAdi sapta RRiShayassamupAsya sandhyAM

AkAsha sindhu kamalAni manoharANi |

AdAya pAdayuga marchayituM prapannAH

sheShAdri shekhara vibho tava suprabhAtam || 5 ||

pa~nchAnanAbja bhava ShaNmukha vAsavAdyAH

traivikramAdi charitaM vibudhAH stuvanti |

bhAShApatiH paThati vAsara shuddhi mArAt

sheShAdri shekhara vibho tava suprabhAtam || 6 ||

Ishat-praphulla sarasIruha nArikela

pUgadrumAdi sumanohara pAlikAnAm |

AvAti mandamanilaH sahadivya gandhaiH

sheShAdri shekhara vibho tava suprabhAtam || 7 ||

unmIlyanetra yugamuttama pa~njarasthAH

pAtrAvasiShTa kadalI phala pAyasAni |

bhuktvAH salIla mathakeli shukAH paThanti

sheShAdri shekhara vibho tava suprabhAtam || 8 ||

tantrI prakarSha madhura svanayA vipa~nchyA

gAyatyananta charitaM tava nArado.api |

bhAShA samagra masat-kRRitachAru ramyaM

sheShAdri shekhara vibho tava suprabhAtam || 9 ||

bhRRi~NgAvalI cha makaranda rasAnu viddha

jhu~NkAragIta ninadaiH sahasevanAya |

niryAtyupAnta sarasI kamalodarebhyaH

sheShAdri shekhara vibho tava suprabhAtam || 10 ||

yoShAgaNena varadadhni vimathyamAne

ghoShAlayeShu dadhimanthana tIvraghoShAH |

roShAtkaliM vidadhate kakubhashcha kumbhAH

sheShAdri shekhara vibho tava suprabhAtam || 11 ||

padmeshamitra shatapatra gatAlivargAH

hartuM shriyaM kuvalayasya nijA~NgalakShmyAH |

bherI ninAdamiva bhibhrati tIvranAdam

sheShAdri shekhara vibho tava suprabhAtam || 12 ||

shrImannabhIShTa varadAkhila loka bandho

shrI shrInivAsa jagadeka dayaika sindho |

shrI devatA gRRiha bhujAntara divyamUrte

shrI ve~NkaTAchalapate tava suprabhAtam || 13 ||

shrI svAmi puShkariNikAplava nirmalA~NgAH

shreyArthino haraviri~nchi sanandanAdyAH |

dvAre vasanti varanetra hatotta mA~NgAH

shrI ve~NkaTAchalapate tava suprabhAtam || 14 ||

shrI sheShashaila garuDAchala ve~NkaTAdri

nArAyaNAdri vRRiShabhAdri vRRiShAdri mukhyAm |

AkhyAM tvadIya vasate ranishaM vadanti

shrI ve~NkaTAchalapate tava suprabhAtam || 15 ||

sevAparAH shiva suresha kRRishAnudharma

rakShombunAtha pavamAna dhanAdhi nAthAH |

baddhA~njali pravilasannija shIrShadeshAH

shrI ve~NkaTAchalapate tava suprabhAtam || 16 ||

dhATIShu te vihagarAja mRRigAdhirAja

nAgAdhirAja gajarAja hayAdhirAjAH |

svasvAdhikAra mahimAdhika marthayante

shrI ve~NkaTAchalapate tava suprabhAtam || 17 ||

sUryendu bhauma budhavAkpati kAvyashauri

svarbhAnuketu divishat-parishat-pradhAnAH |

tvaddAsadAsa charamAvadhi dAsadAsAH

shrI ve~NkaTAchalapate tava suprabhAtam || 18 ||

tat-pAdadhUli bharita sphuritottamA~NgAH

svargApavarga nirapekSha nijAntara~NgAH |

kalpAgamA kalanayA.a.akulatAM labhante

shrI ve~NkaTAchalapate tava suprabhAtam || 19 ||

tvadgopurAgra shikharANi nirIkShamANAH

svargApavarga padavIM paramAM shrayantaH |

martyA manuShya bhuvane matimAshrayante

shrI ve~NkaTAchalapate tava suprabhAtam || 20 ||

shrI bhUminAyaka dayAdi guNAmRRitAbde

devAdideva jagadeka sharaNyamUrte |

shrImannananta garuDAdibhi rarchitA~Nghre

shrI ve~NkaTAchalapate tava suprabhAtam || 21 ||

shrI padmanAbha puruShottama vAsudeva

vaikuNTha mAdhava janArdana chakrapANe |

shrI vatsa chihna sharaNAgata pArijAta

shrI ve~NkaTAchalapate tava suprabhAtam || 22 ||

kandarpa darpa hara sundara divya mUrte

kAntA kuchAmburuha kuTmala loladRRiShTe |

kalyANa nirmala guNAkara divyakIrte

shrI ve~NkaTAchalapate tava suprabhAtam || 23 ||

mInAkRRite kamaThakola nRRisiMha varNin

svAmin parashvatha tapodhana rAmachandra |

sheShAMsharAma yadunandana kalkirUpa

shrI ve~NkaTAchalapate tava suprabhAtam || 24 ||

elAlava~Nga ghanasAra sugandhi tIrthaM

divyaM viyatsariti hemaghaTeShu pUrNam |

dhRRitvAdya vaidika shikhAmaNayaH prahRRiShTAH

tiShThanti ve~NkaTapate tava suprabhAtam || 25 ||

bhAsvAnudeti vikachAni saroruhANi

sampUrayanti ninadaiH kakubho viha~NgAH |

shrIvaiShNavAH satata marthita ma~NgalAste

dhAmAshrayanti tava ve~NkaTa suprabhAtam || 26 ||

brahmAdaya-ssuravarA-ssamaharShayaste

santassanandana-mukhAstvatha yogivaryAH |

dhAmAntike tava hi ma~NgalavastuhastAH

shrI ve~NkaTAchalapate tava suprabhAtam || 27 ||

lakshmInivAsa niravadya guNaika sindho

saMsArasAgara samuttaraNaika seto |

vedAnta vedya nijavaibhava bhakta bhogya

shrI ve~NkaTAchalapate tava suprabhAtam || 28 ||

itthaM vRRiShAchalapateriha suprabhAtaM

ye mAnavAH pratidinaM paThituM pravRRittAH |

teShAM prabhAta samaye smRRitira~NgabhAjAM

praj~nAM parArtha sulabhAM paramAM prasUte || 29 ||