Sri Venkateswara Suprabhatam
Sri Venkateswara Suprabhatam
Sri Venkateswara Suprabhatam
śrī veṅkaṭeśvara suprabhātam
kausalyā suprajā rāma pūrvāsandhyā pravartate |
uttiṣṭha naraśārdūla kartavyaṃ daivamāhnikam || 1 ||
uttiṣṭhottiṣṭha govinda uttiṣṭha garuḍadhvaja |
uttiṣṭha kamalākānta trailokyaṃ maṅgalaṃ kuru || 2 ||
mātassamasta jagatāṃ madhukaiṭabhāreḥ
vakṣovihāriṇi manohara divyamūrte |
śrīsvāmini śritajanapriya dānaśīle
śrī veṅkaṭeśa dayite tava suprabhātam || 3 ||
tava suprabhātamaravinda locane
bhavatu prasannamukha candramaṇḍale |
vidhi śaṅkarendra vanitābhirarcite
vṛśa śailanātha dayite dayānidhe || 4 ||
atryādi sapta ṛṣayassamupāsya sandhyāṃ
ākāśa sindhu kamalāni manoharāṇi |
ādāya pādayuga marcayituṃ prapannāḥ
śeṣādri śekhara vibho tava suprabhātam || 5 ||
pañcānanābja bhava ṣaṇmukha vāsavādyāḥ
traivikramādi caritaṃ vibudhāḥ stuvanti |
bhāṣāpatiḥ paṭhati vāsara śuddhi mārāt
śeṣādri śekhara vibho tava suprabhātam || 6 ||
īśat-praphulla sarasīruha nārikela
pūgadrumādi sumanohara pālikānām |
āvāti mandamanilaḥ sahadivya gandhaiḥ
śeṣādri śekhara vibho tava suprabhātam || 7 ||
unmīlyanetra yugamuttama pañjarasthāḥ
pātrāvasiṣṭa kadalī phala pāyasāni |
bhuktvāḥ salīla mathakeli śukāḥ paṭhanti
śeṣādri śekhara vibho tava suprabhātam || 8 ||
tantrī prakarṣa madhura svanayā vipañcyā
gāyatyananta caritaṃ tava nārado'pi |
bhāṣā samagra masat-kṛtacāru ramyaṃ
śeṣādri śekhara vibho tava suprabhātam || 9 ||
bhṛṅgāvalī ca makaranda rasānu viddha
jhuṅkāragīta ninadaiḥ sahasevanāya |
niryātyupānta sarasī kamalodarebhyaḥ
śeṣādri śekhara vibho tava suprabhātam || 10 ||
yoṣāgaṇena varadadhni vimathyamāne
ghoṣālayeṣu dadhimanthana tīvraghoṣāḥ |
roṣātkaliṃ vidadhate kakubhaśca kumbhāḥ
śeṣādri śekhara vibho tava suprabhātam || 11 ||
padmeśamitra śatapatra gatālivargāḥ
hartuṃ śriyaṃ kuvalayasya nijāṅgalakṣmyāḥ |
bherī ninādamiva bhibhrati tīvranādam
śeṣādri śekhara vibho tava suprabhātam || 12 ||
śrīmannabhīṣṭa varadākhila loka bandho
śrī śrīnivāsa jagadeka dayaika sindho |
śrī devatā gṛha bhujāntara divyamūrte
śrī veṅkaṭācalapate tava suprabhātam || 13 ||
śrī svāmi puṣkariṇikāplava nirmalāṅgāḥ
śreyārthino haraviriñci sanandanādyāḥ |
dvāre vasanti varanetra hatotta māṅgāḥ
śrī veṅkaṭācalapate tava suprabhātam || 14 ||
śrī śeṣaśaila garuḍācala veṅkaṭādri
nārāyaṇādri vṛṣabhādri vṛṣādri mukhyām |
ākhyāṃ tvadīya vasate raniśaṃ vadanti
śrī veṅkaṭācalapate tava suprabhātam || 15 ||
sevāparāḥ śiva sureśa kṛśānudharma
rakṣombunātha pavamāna dhanādhi nāthāḥ |
baddhāñjali pravilasannija śīrṣadeśāḥ
śrī veṅkaṭācalapate tava suprabhātam || 16 ||
dhāṭīṣu te vihagarāja mṛgādhirāja
nāgādhirāja gajarāja hayādhirājāḥ |
svasvādhikāra mahimādhika marthayante
śrī veṅkaṭācalapate tava suprabhātam || 17 ||
sūryendu bhauma budhavākpati kāvyaśauri
svarbhānuketu diviśat-pariśat-pradhānāḥ |
tvaddāsadāsa caramāvadhi dāsadāsāḥ
śrī veṅkaṭācalapate tava suprabhātam || 18 ||
tat-pādadhūli bharita sphuritottamāṅgāḥ
svargāpavarga nirapekṣa nijāntaraṅgāḥ |
kalpāgamā kalanayā''kulatāṃ labhante
śrī veṅkaṭācalapate tava suprabhātam || 19 ||
tvadgopurāgra śikharāṇi nirīkṣamāṇāḥ
svargāpavarga padavīṃ paramāṃ śrayantaḥ |
martyā manuṣya bhuvane matimāśrayante
śrī veṅkaṭācalapate tava suprabhātam || 20 ||
śrī bhūmināyaka dayādi guṇāmṛtābde
devādideva jagadeka śaraṇyamūrte |
śrīmannananta garuḍādibhi rarcitāṅghre
śrī veṅkaṭācalapate tava suprabhātam || 21 ||
śrī padmanābha puruṣottama vāsudeva
vaikuṇṭha mādhava janārdana cakrapāṇe |
śrī vatsa cihna śaraṇāgata pārijāta
śrī veṅkaṭācalapate tava suprabhātam || 22 ||
kandarpa darpa hara sundara divya mūrte
kāntā kucāmburuha kuṭmala loladṛṣṭe |
kalyāṇa nirmala guṇākara divyakīrte
śrī veṅkaṭācalapate tava suprabhātam || 23 ||
mīnākṛte kamaṭhakola nṛsiṃha varṇin
svāmin paraśvatha tapodhana rāmacandra |
śeṣāṃśarāma yadunandana kalkirūpa
śrī veṅkaṭācalapate tava suprabhātam || 24 ||
elālavaṅga ghanasāra sugandhi tīrthaṃ
divyaṃ viyatsariti hemaghaṭeṣu pūrṇam |
dhṛtvādya vaidika śikhāmaṇayaḥ prahṛṣṭāḥ
tiṣṭhanti veṅkaṭapate tava suprabhātam || 25 ||
bhāsvānudeti vikacāni saroruhāṇi
sampūrayanti ninadaiḥ kakubho vihaṅgāḥ |
śrīvaiṣṇavāḥ satata marthita maṅgalāste
dhāmāśrayanti tava veṅkaṭa suprabhātam || 26 ||
brahmādaya-ssuravarā-ssamaharṣayaste
santassanandana-mukhāstvatha yogivaryāḥ |
dhāmāntike tava hi maṅgalavastuhastāḥ
śrī veṅkaṭācalapate tava suprabhātam || 27 ||
lakśmīnivāsa niravadya guṇaika sindho
saṃsārasāgara samuttaraṇaika seto |
vedānta vedya nijavaibhava bhakta bhogya
śrī veṅkaṭācalapate tava suprabhātam || 28 ||
itthaṃ vṛṣācalapateriha suprabhātaṃ
ye mānavāḥ pratidinaṃ paṭhituṃ pravṛttāḥ |
teṣāṃ prabhāta samaye smṛtiraṅgabhājāṃ
prajñāṃ parārtha sulabhāṃ paramāṃ prasūte || 29 ||
About This Stotram
Sri Venkateswara Suprabhatam
Sanskrit Title: श्री वेङ्कटेश्वर सुप्रभातम्
IAST Transliteration:
Overview
The Sri Venkateswara Suprabhatam holds immense spiritual significance for devotees of Lord Venkateswara. It is not merely a hymn but a ritualistic act of waking the Lord, signifying the beginning of a new day and the commencement of divine activities. The verses are imbued with deep devotion, describing the beauty of the Lord and the urgency of His awakening for the welfare of the universe. Reciting the Suprabhatam is believed to invoke the Lord's immediate attention and blessings, purifying the mind and soul of the devotee. It is considered a powerful means of establishing a personal connection with the divine and experiencing His benevolent presence. The act of reciting it also fosters discipline and a sense of devotion in the practitioner.
Details
| Attribute | Information |
|---|---|
| Deity | Venkateswara |
| Author | Sri Prativadi Bhayankara Annangaracharya |
| Type | Suprabhatam |
| Category | Stotram |
| Number of Verses | 29 |
| Origin | The Sri Venkateswara Suprabhatam is a devotional hymn composed to awaken Lord Venkateswara, the presiding deity of Tirumala. It is traditionally believed to have been composed by the sage Annamacharya, a renowned devotee of Lord Venkateswara. However, scholarly consensus points to Sri Prativadi Bhayankara Annangaracharya as the composer. The Suprabhatam is an integral part of the daily ritualistic awakening of the deity at the Tirumala temple, marking the beginning of the temple's operations. It is recited before the deity is formally awakened and offered the first puja of the day. The composition is deeply rooted in the tradition of Prapatti (surrender) and the concept of the Lord as the supreme ruler, deserving of a grand awakening. It draws inspiration from the Vedic tradition of invoking deities at dawn. |
Benefits of Recitation
- Awakens spiritual consciousness
- Removes obstacles and negative energies
- Brings peace and prosperity
- Fulfills desires and aspirations
- Grants divine grace and blessings
Best Time to Recite
Early morning, before sunrise (Brahma Muhurta)
Historical Context
The Sri Venkateswara Suprabhatam is attributed to Sri Prativadi Bhayankara Annangaracharya, a prominent Vaishnava scholar and devotee of the 15th century. He was a descendant of the lineage of Sri Ramanujacharya. The stotram was composed to be recited at the Tirumala temple, a major pilgrimage site dedicated to Lord Venkateswara. The practice of reciting the Suprabhatam is a long-standing tradition, deeply integrated into the daily schedule of the temple. It reflects the devotional practices and theological understanding prevalent in the Sri Vaishnava tradition. The composition adheres to classical Sanskrit meter and devotional sentiment, making it a revered text for centuries.
Alternate Names
- Sri Venkatesa Suprabhatam
Related Stotrams
- Sri Venkateswara Ashtakam
- Sri Venkateswara Sahasranamam
- Sri Venkateswara Stotram
Last Updated: 2025-12-01