Sri Venkateswara Suprabhatam

শ্রী বেঙ্কটেশ্বর সুপ্রভাতম্

শ্লোক 1

কৌসল্যা সুপ্রজা রাম পূর্বাসন্ধ্যা প্রবর্ততে ।

উত্তিষ্ঠ নরশার্দূল কর্তব্যং দৈবমাহ্নিকম্

শ্লোক 2

উত্তিষ্ঠোত্তিষ্ঠ গোবিন্দ উত্তিষ্ঠ গরুডধ্বজ ।

উত্তিষ্ঠ কমলাকান্ত ত্রৈলোক্যং মঙ্গলং কুরু

॥ 1 ॥

শ্লোক 3

মাতস্সমস্ত জগতাং মধুকৈটভারেঃ

বক্ষোবিহারিণি মনোহর দিব্যমূর্তে ।

শ্রীস্বামিনি শ্রিতজনপ্রিয দানশীলে

শ্রী বেঙ্কটেশ দযিতে তব সুপ্রভাতম্

॥ 2 ॥

শ্লোক 4

তব সুপ্রভাতমরবিন্দ লোচনে

ভবতু প্রসন্নমুখ চন্দ্রমণ্ডলে ।

বিধি শঙ্করেন্দ্র বনিতাভিরর্চিতে

বৃশ শৈলনাথ দযিতে দযানিধে

॥ 3 ॥

শ্লোক 5

অত্র্যাদি সপ্ত ঋষযস্সমুপাস্য সন্ধ্যাং

আকাশ সিন্ধু কমলানি মনোহরাণি ।

আদায পাদযুগ মর্চযিতুং প্রপন্নাঃ

শেষাদ্রি শেখর বিভো তব সুপ্রভাতম্

॥ 4 ॥

শ্লোক 6

পঞ্চাননাব্জ ভব ষণ্মুখ বাসবাদ্যাঃ

ত্রৈবিক্রমাদি চরিতং বিবুধাঃ স্তুবন্তি ।

ভাষাপতিঃ পঠতি বাসর শুদ্ধি মারাত্

শেষাদ্রি শেখর বিভো তব সুপ্রভাতম্

॥ 5 ॥

শ্লোক 7

ঈশত্-প্রফুল্ল সরসীরুহ নারিকেল

পূগদ্রুমাদি সুমনোহর পালিকানাম্ ।

আবাতি মন্দমনিলঃ সহদিব্য গন্ধৈঃ

শেষাদ্রি শেখর বিভো তব সুপ্রভাতম্

॥ 6 ॥

শ্লোক 8

উন্মীল্যনেত্র যুগমুত্তম পঞ্জরস্থাঃ

পাত্রাবসিষ্ট কদলী ফল পাযসানি ।

ভুক্ত্বাঃ সলীল মথকেলি শুকাঃ পঠন্তি

শেষাদ্রি শেখর বিভো তব সুপ্রভাতম্

॥ 7 ॥

শ্লোক 9

তন্ত্রী প্রকর্ষ মধুর স্বনযা বিপঞ্চ্যা

গাযত্যনন্ত চরিতং তব নারদোঽপি ।

ভাষা সমগ্র মসত্-কৃতচারু রম্যং

শেষাদ্রি শেখর বিভো তব সুপ্রভাতম্

॥ 8 ॥

শ্লোক 10

ভৃঙ্গাবলী চ মকরন্দ রসানু বিদ্ধ

ঝুঙ্কারগীত নিনদৈঃ সহসেবনায ।

নির্যাত্যুপান্ত সরসী কমলোদরেভ্যঃ

শেষাদ্রি শেখর বিভো তব সুপ্রভাতম্

॥ 9 ॥

শ্লোক 11

যোষাগণেন বরদধ্নি বিমথ্যমানে

ঘোষালযেষু দধিমন্থন তীব্রঘোষাঃ ।

রোষাত্কলিং বিদধতে ককুভশ্চ কুম্ভাঃ

শেষাদ্রি শেখর বিভো তব সুপ্রভাতম্

॥ 10 ॥

শ্লোক 12

পদ্মেশমিত্র শতপত্র গতালিবর্গাঃ

হর্তুং শ্রিযং কুবলযস্য নিজাঙ্গলক্ষ্ম্যাঃ ।

ভেরী নিনাদমিব ভিভ্রতি তীব্রনাদম্

শেষাদ্রি শেখর বিভো তব সুপ্রভাতম্

॥ 11 ॥

শ্লোক 13

শ্রীমন্নভীষ্ট বরদাখিল লোক বন্ধো

শ্রী শ্রীনিবাস জগদেক দযৈক সিন্ধো ।

শ্রী দেবতা গৃহ ভুজান্তর দিব্যমূর্তে

শ্রী বেঙ্কটাচলপতে তব সুপ্রভাতম্

॥ 12 ॥

শ্লোক 14

শ্রী স্বামি পুষ্করিণিকাপ্লব নির্মলাঙ্গাঃ

শ্রেযার্থিনো হরবিরিঞ্চি সনন্দনাদ্যাঃ ।

দ্বারে বসন্তি বরনেত্র হতোত্ত মাঙ্গাঃ

শ্রী বেঙ্কটাচলপতে তব সুপ্রভাতম্

॥ 13 ॥

শ্লোক 15

শ্রী শেষশৈল গরুডাচল বেঙ্কটাদ্রি

নারাযণাদ্রি বৃষভাদ্রি বৃষাদ্রি মুখ্যাম্ ।

আখ্যাং ত্বদীয বসতে রনিশং বদন্তি

শ্রী বেঙ্কটাচলপতে তব সুপ্রভাতম্

॥ 14 ॥

শ্লোক 16

সেবাপরাঃ শিব সুরেশ কৃশানুধর্ম

রক্ষোম্বুনাথ পবমান ধনাধি নাথাঃ ।

বদ্ধাঞ্জলি প্রবিলসন্নিজ শীর্ষদেশাঃ

শ্রী বেঙ্কটাচলপতে তব সুপ্রভাতম্

॥ 15 ॥

শ্লোক 17

ধাটীষু তে বিহগরাজ মৃগাধিরাজ

নাগাধিরাজ গজরাজ হযাধিরাজাঃ ।

স্বস্বাধিকার মহিমাধিক মর্থযন্তে

শ্রী বেঙ্কটাচলপতে তব সুপ্রভাতম্

॥ 16 ॥

শ্লোক 18

সূর্যেন্দু ভৌম বুধবাক্পতি কাব্যশৌরি

স্বর্ভানুকেতু দিবিশত্-পরিশত্-প্রধানাঃ ।

ত্বদ্দাসদাস চরমাবধি দাসদাসাঃ

শ্রী বেঙ্কটাচলপতে তব সুপ্রভাতম্

॥ 17 ॥

শ্লোক 19

তত্-পাদধূলি ভরিত স্ফুরিতোত্তমাঙ্গাঃ

স্বর্গাপবর্গ নিরপেক্ষ নিজান্তরঙ্গাঃ ।

কল্পাগমা কলনযাঽঽকুলতাং লভন্তে

শ্রী বেঙ্কটাচলপতে তব সুপ্রভাতম্

॥ 18 ॥

শ্লোক 20

ত্বদ্গোপুরাগ্র শিখরাণি নিরীক্ষমাণাঃ

স্বর্গাপবর্গ পদবীং পরমাং শ্রযন্তঃ ।

মর্ত্যা মনুষ্য ভুবনে মতিমাশ্রযন্তে

শ্রী বেঙ্কটাচলপতে তব সুপ্রভাতম্

॥ 19 ॥

শ্লোক 21

শ্রী ভূমিনাযক দযাদি গুণামৃতাব্দে

দেবাদিদেব জগদেক শরণ্যমূর্তে ।

শ্রীমন্ননন্ত গরুডাদিভি রর্চিতাঙ্ঘ্রে

শ্রী বেঙ্কটাচলপতে তব সুপ্রভাতম্

॥ 20 ॥

শ্লোক 22

শ্রী পদ্মনাভ পুরুষোত্তম বাসুদেব

বৈকুণ্ঠ মাধব জনার্দন চক্রপাণে ।

শ্রী বত্স চিহ্ন শরণাগত পারিজাত

শ্রী বেঙ্কটাচলপতে তব সুপ্রভাতম্

॥ 21 ॥

শ্লোক 23

কন্দর্প দর্প হর সুন্দর দিব্য মূর্তে

কান্তা কুচাম্বুরুহ কুট্মল লোলদৃষ্টে ।

কল্যাণ নির্মল গুণাকর দিব্যকীর্তে

শ্রী বেঙ্কটাচলপতে তব সুপ্রভাতম্

॥ 22 ॥

শ্লোক 24

মীনাকৃতে কমঠকোল নৃসিংহ বর্ণিন্

স্বামিন্ পরশ্বথ তপোধন রামচন্দ্র ।

শেষাংশরাম যদুনন্দন কল্কিরূপ

শ্রী বেঙ্কটাচলপতে তব সুপ্রভাতম্

॥ 23 ॥

শ্লোক 25

এলালবঙ্গ ঘনসার সুগন্ধি তীর্থং

দিব্যং বিযত্সরিতি হেমঘটেষু পূর্ণম্ ।

ধৃত্বাদ্য বৈদিক শিখামণযঃ প্রহৃষ্টাঃ

তিষ্ঠন্তি বেঙ্কটপতে তব সুপ্রভাতম্

॥ 24 ॥

শ্লোক 26

ভাস্বানুদেতি বিকচানি সরোরুহাণি

সম্পূরযন্তি নিনদৈঃ ককুভো বিহঙ্গাঃ ।

শ্রীবৈষ্ণবাঃ সতত মর্থিত মঙ্গলাস্তে

ধামাশ্রযন্তি তব বেঙ্কট সুপ্রভাতম্

॥ 25 ॥

শ্লোক 27

ব্রহ্মাদয-স্সুরবরা-স্সমহর্ষযস্তে

সন্তস্সনন্দন-মুখাস্ত্বথ যোগিবর্যাঃ ।

ধামান্তিকে তব হি মঙ্গলবস্তুহস্তাঃ

শ্রী বেঙ্কটাচলপতে তব সুপ্রভাতম্

॥ 26 ॥

শ্লোক 28

লক্শ্মীনিবাস নিরবদ্য গুণৈক সিন্ধো

সংসারসাগর সমুত্তরণৈক সেতো ।

বেদান্ত বেদ্য নিজবৈভব ভক্ত ভোগ্য

শ্রী বেঙ্কটাচলপতে তব সুপ্রভাতম্

॥ 27 ॥

শ্লোক 29

ইত্থং বৃষাচলপতেরিহ সুপ্রভাতং

যে মানবাঃ প্রতিদিনং পঠিতুং প্রবৃত্তাঃ ।

তেষাং প্রভাত সমযে স্মৃতিরঙ্গভাজাং

প্রজ্ঞাং পরার্থ সুলভাং পরমাং প্রসূতে

॥ 28 ॥

শ্লোক 30