Sri Venkateswara Prapatti

ଶ୍ରୀ ଵେଙ୍କଟେଶ୍ଵର ପ୍ରପତ୍ତି

ଶ୍ଲୋକ 1

ଈଶାନାଂ ଜଗତୋଽସ୍ଯ ଵେଙ୍କଟପତେ ର୍ଵିଷ୍ଣୋଃ ପରାଂ ପ୍ରେଯସୀଂ

ତଦ୍ଵକ୍ଷଃସ୍ଥଲ ନିତ୍ଯଵାସରସିକାଂ ତତ୍-କ୍ଷାନ୍ତି ସଂଵର୍ଧିନୀମ୍ ।

ପଦ୍ମାଲଙ୍କୃତ ପାଣିପଲ୍ଲଵଯୁଗାଂ ପଦ୍ମାସନସ୍ଥାଂ ଶ୍ରିଯଂ

ଵାତ୍ସଲ୍ଯାଦି ଗୁଣୋଜ୍ଜ୍ଵଲାଂ ଭଗଵତୀଂ ଵନ୍ଦେ ଜଗନ୍ମାତରମ୍ ॥

ଶ୍ରୀମନ୍ କୃପାଜଲନିଧେ କୃତସର୍ଵଲୋକ

ସର୍ଵଜ୍ଞ ଶକ୍ତ ନତଵତ୍ସଲ ସର୍ଵଶେଷିନ୍ ।

ସ୍ଵାମିନ୍ ସୁଶୀଲ ସୁଲ ଭାଶ୍ରିତ ପାରିଜାତ

ଶ୍ରୀଵେଙ୍କଟେଶଚରଣୌ ଶରଣଂ ପ୍ରପଦ୍ଯେ

ଶ୍ଲୋକ 2

ଆନୂପୁରାର୍ଚିତ ସୁଜାତ ସୁଗନ୍ଧି ପୁଷ୍ପ

ସୌରଭ୍ଯ ସୌରଭକରୌ ସମସନ୍ନିଵେଶୌ ।

ସୌମ୍ଯୌ ସଦାନୁଭନେଽପି ନଵାନୁଭାଵ୍ଯୌ

ଶ୍ରୀଵେଙ୍କଟେଶ ଚରଣୌ ଶରଣଂ ପ୍ରପଦ୍ଯେ

॥ 2 ॥

ଶ୍ଲୋକ 3

ସଦ୍ଯୋଵିକାସି ସମୁଦିତ୍ତ୍ଵର ସାନ୍ଦ୍ରରାଗ

ସୌରଭ୍ଯନିର୍ଭର ସରୋରୁହ ସାମ୍ଯଵାର୍ତାମ୍ ।

ସମ୍ଯକ୍ଷୁ ସାହସପଦେଷୁ ଵିଲେଖଯନ୍ତୌ

ଶ୍ରୀଵେଙ୍କଟେଶ ଚରଣୌ ଶରଣଂ ପ୍ରପଦ୍ଯେ

॥ 3 ॥

ଶ୍ଲୋକ 4

ରେଖାମଯ ଧ୍ଵଜ ସୁଧାକଲଶାତପତ୍ର

ଵଜ୍ରାଙ୍କୁଶାମ୍ବୁରୁହ କଲ୍ପକ ଶଙ୍ଖଚକ୍ରୈଃ ।

ଭଵ୍ଯୈରଲଙ୍କୃତତଲୌ ପରତତ୍ତ୍ଵ ଚିହ୍ନୈଃ

ଶ୍ରୀଵେଙ୍କଟେଶ ଚରଣୌ ଶରଣଂ ପ୍ରପଦ୍ଯେ

॥ 4 ॥

ଶ୍ଲୋକ 5

ତାମ୍ରୋଦରଦ୍ଯୁତି ପରାଜିତ ପଦ୍ମରାଗୌ

ବାହ୍ଯୈର୍-ମହୋଭି ରଭିଭୂତ ମହେନ୍ଦ୍ରନୀଲୌ ।

ଉଦ୍ଯ ନ୍ନଖାଂଶୁଭି ରୁଦସ୍ତ ଶଶାଙ୍କ ଭାସୌ

ଶ୍ରୀଵେଙ୍କଟେଶ ଚରଣୌ ଶରଣଂ ପ୍ରପଦ୍ଯେ

॥ 5 ॥

ଶ୍ଲୋକ 6

ସ ପ୍ରେମଭୀତି କମଲାକର ପଲ୍ଲଵାଭ୍ଯାଂ

ସଂଵାହନେଽପି ସପଦି କ୍ଲମ ମାଧଧାନୌ ।

କାନ୍ତା ନଵାଙ୍ମାନସ ଗୋଚର ସୌକୁମାର୍ଯୌ

ଶ୍ରୀଵେଙ୍କଟେଶ ଚରଣୌ ଶରଣଂ ପ୍ରପଦ୍ଯେ

॥ 6 ॥

ଶ୍ଲୋକ 7

ଲକ୍ଷ୍ମୀ ମହୀ ତଦନୁରୂପ ନିଜାନୁଭାଵ

ନୀଲାଦି ଦିଵ୍ଯ ମହିଷୀ କରପଲ୍ଲଵାନାମ୍ ।

ଆରୁଣ୍ଯ ସଙ୍କ୍ରମଣତଃ କିଲ ସାନ୍ଦ୍ରରାଗୌ

ଶ୍ରୀଵେଙ୍କଟେଶ ଚରଣୌ ଶରଣଂ ପ୍ରପଦ୍ଯେ

॥ 7 ॥

ଶ୍ଲୋକ 8

ନିତ୍ଯାନମଦ୍ଵିଧି ଶିଵାଦି କିରୀଟକୋଟି

ପ୍ରତ୍ଯୁପ୍ତ ଦୀପ୍ତ ନଵରତ୍ନମହଃ ପ୍ରରୋହୈଃ ।

ନୀରାଜନାଵିଧି ମୁଦାର ମୁପାଦଧାନୌ

ଶ୍ରୀଵେଙ୍କଟେଶ ଚରଣୌ ଶରଣଂ ପ୍ରପଦ୍ଯେ

॥ 8 ॥

ଶ୍ଲୋକ 9

"ଵିଷ୍ଣୋଃ ପଦେ ପରମ" ଇତ୍ଯୁଦିତ ପ୍ରଶଂସୌ

ଯୌ "ମଧ୍ଵ ଉତ୍ସ" ଇତି ଭୋଗ୍ଯ ତଯାଽପ୍ଯୁପାତ୍ତୌ ।

ଭୂଯସ୍ତଥେତି ତଵ ପାଣିତଲ ପ୍ରଦିଷ୍ଟୌ

ଶ୍ରୀଵେଙ୍କଟେଶ ଚରଣୌ ଶରଣଂ ପ୍ରପଦ୍ଯେ

॥ 9 ॥

ଶ୍ଲୋକ 10

ପାର୍ଥାଯ ତତ୍-ସଦୃଶ ସାରଧିନା ତ୍ଵଯୈଵ

ଯୌ ଦର୍ଶିତୌ ସ୍ଵଚରଣୌ ଶରଣଂ ଵ୍ରଜେତି ।

ଭୂଯୋଽପି ମହ୍ଯ ମିହ ତୌ କରଦର୍ଶିତୌ ତେ

ଶ୍ରୀଵେଙ୍କଟେଶ ଚରଣୌ ଶରଣଂ ପ୍ରପଦ୍ଯେ

॥ 10 ॥

ଶ୍ଲୋକ 11

ମନ୍ମୂର୍ଥ୍ନି କାଲିଯଫନେ ଵିକଟାଟଵୀଷୁ

ଶ୍ରୀଵେଙ୍କଟାଦ୍ରି ଶିଖରେ ଶିରସି ଶ୍ରୁତୀନାମ୍ ।

ଚିତ୍ତେଽପ୍ଯନନ୍ଯ ମନସାଂ ସମମାହିତୌ ତେ

ଶ୍ରୀଵେଙ୍କଟେଶ ଚରଣୌ ଶରଣଂ ପ୍ରପଦ୍ଯେ

॥ 11 ॥

ଶ୍ଲୋକ 12

ଅମ୍ଲାନ ହୃଷ୍ଯ ଦଵନୀତଲ କୀର୍ଣପୁଷ୍ପୌ

ଶ୍ରୀଵେଙ୍କଟାଦ୍ରି ଶିଖରାଭରଣାଯ-ମାନୌ ।

ଆନନ୍ଦିତାଖିଲ ମନୋ ନଯନୌ ତଵୈ ତୌ

ଶ୍ରୀଵେଙ୍କଟେଶ ଚରଣୌ ଶରଣଂ ପ୍ରପଦ୍ଯେ

॥ 12 ॥

ଶ୍ଲୋକ 13

ପ୍ରାଯଃ ପ୍ରପନ୍ନ ଜନତା ପ୍ରଥମାଵଗାହ୍ଯୌ

ମାତୁଃ ସ୍ତନାଵିଵ ଶିଶୋ ରମୃତାଯମାଣୌ ।

ପ୍ରାପ୍ତୌ ପରସ୍ପର ତୁଲା ମତୁଲାନ୍ତରୌ ତେ

ଶ୍ରୀଵେଙ୍କଟେଶ ଚରଣୌ ଶରଣଂ ପ୍ରପଦ୍ଯେ

॥ 13 ॥

ଶ୍ଲୋକ 14

ସତ୍ତ୍ଵୋତ୍ତରୈଃ ସତତ ସେଵ୍ଯପଦାମ୍ବୁଜେନ

ସଂସାର ତାରକ ଦଯାର୍ଦ୍ର ଦୃଗଞ୍ଚଲେନ ।

ସୌମ୍ଯୋପଯନ୍ତୃ ମୁନିନା ମମ ଦର୍ଶିତୌ ତେ

ଶ୍ରୀଵେଙ୍କଟେଶ ଚରଣୌ ଶରଣଂ ପ୍ରପଦ୍ଯେ

॥ 14 ॥

ଶ୍ଲୋକ 15

ଶ୍ରୀଶ ଶ୍ରିଯା ଘଟିକଯା ତ୍ଵଦୁପାଯ ଭାଵେ

ପ୍ରାପ୍ଯେତ୍ଵଯି ସ୍ଵଯମୁପେଯ ତଯା ସ୍ଫୁରନ୍ତ୍ଯା ।

ନିତ୍ଯାଶ୍ରିତାଯ ନିରଵଦ୍ଯ ଗୁଣାଯ ତୁଭ୍ଯଂ

ସ୍ଯାଂ କିଙ୍କରୋ ଵୃଷଗିରୀଶ ନ ଜାତୁ ମହ୍ଯମ୍

॥ 15 ॥

ଶ୍ଲୋକ 16

ଇତି ଶ୍ରୀଵେଙ୍କଟେଶ ପ୍ରପତ୍ତିଃ