Sri Venkateswara Prapatti

zrI veGkaTezvara prapatti

zloka 1

IzAnAM jagato'sya veGkaTapate rviSNoH parAM preyasIM

tadvakSaHsthala nityavAsarasikAM tat-kSAnti saMvardhinIm |

padmAlaGkRta pANipallavayugAM padmAsanasthAM zriyaM

vAtsalyAdi guNojjvalAM bhagavatIM vande jaganmAtaram ||

zrIman kRpAjalanidhe kRtasarvaloka

sarvajJa zakta natavatsala sarvazeSin |

svAmin suzIla sula bhAzrita pArijAta

zrIveGkaTezacaraNau zaraNaM prapadye || 2 ||

AnUpurArcita sujAta sugandhi puSpa

saurabhya saurabhakarau samasannivezau |

saumyau sadAnubhane'pi navAnubhAvyau

zrIveGkaTeza caraNau zaraNaM prapadye || 3 ||

sadyovikAsi samudittvara sAndrarAga

saurabhyanirbhara saroruha sAmyavArtAm |

samyakSu sAhasapadeSu vilekhayantau

zrIveGkaTeza caraNau zaraNaM prapadye || 4 ||

rekhAmaya dhvaja sudhAkalazAtapatra

vajrAGkuzAmburuha kalpaka zaGkhacakraiH |

bhavyairalaGkRtatalau paratattva cihnaiH

zrIveGkaTeza caraNau zaraNaM prapadye || 5 ||

tAmrodaradyuti parAjita padmarAgau

bAhyair-mahobhi rabhibhUta mahendranIlau |

udya nnakhAMzubhi rudasta zazAGka bhAsau

zrIveGkaTeza caraNau zaraNaM prapadye || 6 ||

sa premabhIti kamalAkara pallavAbhyAM

saMvAhane'pi sapadi klama mAdhadhAnau |

kAntA navAGmAnasa gocara saukumAryau

zrIveGkaTeza caraNau zaraNaM prapadye || 7 ||

lakSmI mahI tadanurUpa nijAnubhAva

nIlAdi divya mahiSI karapallavAnAm |

AruNya saGkramaNataH kila sAndrarAgau

zrIveGkaTeza caraNau zaraNaM prapadye || 8 ||

nityAnamadvidhi zivAdi kirITakoTi

pratyupta dIpta navaratnamahaH prarohaiH |

nIrAjanAvidhi mudAra mupAdadhAnau

zrIveGkaTeza caraNau zaraNaM prapadye || 9 ||

"viSNoH pade parama" ityudita prazaMsau

yau "madhva utsa" iti bhogya tayA'pyupAttau |

bhUyastatheti tava pANitala pradiSTau

zrIveGkaTeza caraNau zaraNaM prapadye || 10 ||

pArthAya tat-sadRza sAradhinA tvayaiva

yau darzitau svacaraNau zaraNaM vrajeti |

bhUyo'pi mahya miha tau karadarzitau te

zrIveGkaTeza caraNau zaraNaM prapadye || 11 ||

manmUrthni kAliyaphane vikaTATavISu

zrIveGkaTAdri zikhare zirasi zrutInAm |

citte'pyananya manasAM samamAhitau te

zrIveGkaTeza caraNau zaraNaM prapadye || 12 ||

amlAna hRSya davanItala kIrNapuSpau

zrIveGkaTAdri zikharAbharaNAya-mAnau |

AnanditAkhila mano nayanau tavai tau

zrIveGkaTeza caraNau zaraNaM prapadye || 13 ||

prAyaH prapanna janatA prathamAvagAhyau

mAtuH stanAviva zizo ramRtAyamANau |

prAptau paraspara tulA matulAntarau te

zrIveGkaTeza caraNau zaraNaM prapadye || 14 ||

sattvottaraiH satata sevyapadAmbujena

saMsAra tAraka dayArdra dRgaJcalena |

saumyopayantR muninA mama darzitau te

zrIveGkaTeza caraNau zaraNaM prapadye || 15 ||

zrIza zriyA ghaTikayA tvadupAya bhAve

prApyetvayi svayamupeya tayA sphurantyA |

nityAzritAya niravadya guNAya tubhyaM

syAM kiGkaro vRSagirIza na jAtu mahyam || 16 ||

iti zrIveGkaTeza prapattiH